 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
09-17-2011
|
||||||||||||||||||||||||||||||||
|
||||||||||||||||||||||||||||||||
|
شرعك اللهم ولا إعتراض / جريئة وبس /كاملة لملح الحياة
****اجر قلمي على كتفي...
واحفر على راحتي كفني... تمرد علي اليوم قلبي.بعد ماكنت اظن موته بالامس.... كنت اظن ومااكثر ظنوني!!! اني دفنته في ثنايا اضلعي؟؟ ماذا انا فاعلة به لااعلم!!! سوى اني رغبت بدفنه حيا!!! بموته؟؟باعدامه؟؟ان اسمعني نبضاته!!! كنت اظن انه خاف من ارهابي واجرامي... لكنه اليوم تمرد علي دون ان يعلمني... اعلن اليوم عصيانه وتمرد اعلن لي صموده وتجرد.. من كل كتل الرمال عليه..من كل الطعنات التي به... اعلنها اليوم ..اعلنها لي... تعبت..نعم تعبت.. هكذا هو قالها لي..لن اقدر ان يحسب لي نبض وانا روح تموت!!! تعبت ان استمر في جسد لايبراْ؟؟؟ لن اظل لك ابدا مجرد اخرس.......؟؟؟؟؟؟ *******************************عائلات الشرقية... عائلة بو علي السبيعي... (ابو علي/ام علي/ام ناصر/ناصر/علي /نجود/سعد/هيا/نورة/رحاب) عائلة فواز السبيعي... (ابو بندر/ام بندر/بندر /عبير /هنوف/مضاوي/لبنى) //////////////////////////////// عائلات الرياض... عائلة بو مشاري الفارس.. (بو مشاري/ام مشاري/مشاري/محمد/مروة/منال/مي /مازن) عائلة فهد الفارس (فهد/نجلاء/سارة/لمى/فيصل) عائلة عبدالرحمان العطا الله... (ام مصعب/مصعب/فوزية/الجازي/) ////////////////////////////////////////////////////////////// شخصيات جانبية لها اهميتها... سالم الشبيلي عبد العزيز حمود.. لمياء العبدالله... جواهر الهاجري... هاجر اليامي.. ملاك الفايز... وسيتم التعريف بكل الشخصيات حسب ظهورها واهميتها..... ///////////////////////////////////////////////// وقبل البدء بالبارت الاول الشكر الجزيل لمن سيتابع جديدي وبنتظار اراه وانتقاداته واقتراحاته.... **********لكم نبضي الجديد....تمنياتي لكم بقراْة ممتعة...والرواية ستكون هدية مني لااعضاء منتدى غرام الكرام وستكون حصرية واتمنى ان ماحد ينقلها الا بعد ماتنتهي ولكم الف الف شكر... /////////////////////////////////////////////// البارت الاول,,,,,,, في كافي هادىء جدا بضاحية من ضواحي الخبر ويبين عليه الفخامة والغلاء... كانت الانوار هادئة جدا وماتقدر تبين الشخص اللي قدامك من كثر ماهي هادية ونورها خافت.... وفي كبينة من الكباين كان الورد الاحمر مالي الطاولة اللي عليها كوبين كافي وصحن فيه قطعتين ترايميسو..... وبجنبهم كانت يدين مشبوكتين مع بعضهم البعض ومافي أي بادرة انهم ناويين يبعدون عن بعض لو ثواني.... وفي ظل ها الصمت المطبق كانت دموع غزيرة وحارة تطيح من عيون اللي جالسة على كرسيها بهدوء...... وقطع الصمت صوت جهوري شوي بس بهدوء وحنان/جواهر...يابعد قلبي..ليش توسين كذا في نفسك!!!لاتقطعين قلبي انا مقدر على بكيك؟؟؟ جواهر بهدوء رغم الدموع اللي كانت تنزل منها مثل الشلال/تبي تروح وتتركني وماتبيني احرك ساكن بمشاعري!!! قرب بندر يدينها اللي كانوا شابكين بيدينه وباسهم وقال لها بحنان/ياعمري انا كل اللي بتركك فيه سبعة شهور بس!!!وحطي في بالك ان عقلي وتفكيري معك علطول ياجواهر...واني ماسك نفسي على فراقك ولا الود ودي مااتركك لحظة وحدة!! بس صدقيني بتمشي بسرعة واول ماتخلص بتلاقينه سكنا في بيت واحد وتركنا كل شي ورانا..... جواهر/بندر حلفتك الله تتصل فيني بكل وقت!!!ترى ماعندي غير صوتك يطمني عليك؟ بندر/وعد...بس اخاف تتمللين من كثر اتصالاتي؟ جواهر/لاطبعا ماراح امل,,,مابيكون عندي سلوة غير اني اسمع صوتك؟ بندر/انا مدري كيف بتكون الظروف هناك علشان اكون صريح معك بس وعد اول ماتترتب اموري بكون معك طول الوقت بصوتي طيب....ولايزعل حبيب قلبي...خلاص عاد فكي ها المناحة شوي مابغينا نشوف بعض الا بتقلبينها لي بكي ونوح!!!تعالي قربي مني انا ابي شي ثاني منك؟؟؟ .................................................. .................................................. .......................... في ضاحية من ضواحي الشرقية وتحديدا بالدمام وفي ذاك البيت الكبير بالحي الراقي بالدمام كانت نجود واقفة قدام مرايتها بغرفتها وهي تناظر شعرها اللي وصل لنص ضهرها...الود ودها قصته من زمان بس ابوعلي الله يسامحه ماهو براضي!!!! وقفت تناظر بشكلها ..على كثر ماكانت تنتظر ها الوظيفة تطلع لها وتجيها على قد ماكانت مرتبكة وخايفة ومترددة!!! اول تجربة لها بعيدا عن اهلها وهي اللي طول وقتها ملازمتهم وملازمينها ومتعودين يكونون مع بعض علطول,,,,, ياترى هل بتقدر تخوض التجربة وتقاوم ولابتفشل فيها!!!! دخلت هيا ../خذي العدسات اللي بغيتيهم!!! وحطتهم قبالها على المرايا وطلعت مثل ماادخلت... شالتهم نجود ولبستهم على مهلها وهي تتاْمل بشكلها كيف صار بها اللون الرمادي اللي تموت فيه,,, وبدون مقدمات نادت بصوت عالي...هيا...هيا...ياهيا!!! بعد ثواني دخلت هيا بدون ماتدق الباب وقالت بملل.. هيا/نعم!!! نجود بدون ماتلف عليها وهي بعدها تناظر بشكلها بالمرايا/ناصر هنا؟ هيا/مدري ليش تسالين؟ نجود/لاني قايلة له بروح السوق باخذ لي كم غرض قبل لاامشي؟ هيا بدون اهتمام/باقي وقت بعد عندك اسبوع قبل لاتروحين؟؟؟يمديك لاتخافين؟؟؟ نجود لفت عليها وقالت بعصبية/وليش تتكلمين معي بها الطريقة؟؟؟ هيا تغيرت ملامحها وحبست بقلبها غصة ومشت لعند الباب وسوت روحها مو مهتمة/ولاشي.... وطلعت من الغرفة وتركت نجود بضيقها من اسلوب هيا الجديد معها!!!!!! ////////////////////////////////////////////////////// في بيت المحامي فهد الفارس بالرياض.... كان قاعد بمكتبه الللي مفتوح على الصالة ويقرا الجريدة لان اليوم الخميس ومايفتح المكتب..... لمى/بابا.. رفع راسه لها/نعم بابا بغيتي شي؟ لمى بخجل/بابا بنطلع اليوم مثل ماوعدتنا ولا بتغير رايك باخر لحظات؟؟؟؟ فهد توه بيرد عليها الا ونجلاء داخلة... نجلاء/ماما لمى روحي شوفي اخوك فيصل وينه؟ لمى/طيب بس بشوف بابا وش يقول؟ نجلاء وهي تحط كوب الشاي قدامه/شعنه؟ لمى/عن الطلعة؟؟؟؟؟ نجلاء/فهد وهم صادقين صار لك فوق الاسبوعين ماتطلعهم ويطلعون مع بيت عمهم!!!هم مايبون الطلعة يبون وجودك معهم؟ ناظرها فهد بنظرة وقفت قلبها لانها عارفة وش تعني ها النظرة...اكيد انها غلطت بشي!!!! نجلاء بارتباك/روحي ماما وبعدين تعالي شوفي البابا وش يقولك؟ طلعت لمى وهي متضايقة حييل....انشغال ابوهم عنهم ها الاسبوعين موترهم ومخليهم عايشين بضيق..يحبونه ويتفدونه بالعالم وهو بعد يحبهم بس وقته دايم مشغول ومايفضى لهم الا بالنادر وها الشي اللي دايم يزعلهم منه..ومعظم الوقت يعيشونه ويقضونه مع بيت عمهم اللي ملاصق لبيتهم مباشرة.. فهد بصرامة/مايحتاج كل يوم اقولك انا بين عيالي لي هيبتي!!!!قدامهم انا ابو فيصل واذا رحنا غرفتنا سميني فهد ولا أي اسم تبين براحتك؟؟؟؟ نجلاء جلست على الارض قباله.../سامحني ياالغالي مااخذت بالي...ادري انك تتضايق منها وماتحبها بس معليش طلعت بالغلط وماراح تنعاد.... فهد غير الموضوع/وين فيصل؟ نجلاء/اذا ماهو عند سارة بغرفتها اكيد عند بيت اخوك؟ فهد/وسارة للحين زعلانة وبغرفتها؟ نجلاء/ماعليك منها مو بزر مثلها تخليك تغير رايك؟؟؟بعدها صغيرة يافهد.... فهد ترك الجريدة/ماشفتيها البارحة ماتعشت؟ نجلاء/خليها...هي بس تشوف بنات عمها وتتدلع!!!هاذي باول متوسط كذا!!!وشلون لاراحت الثانوي بالله ؟؟؟بتشيبنا!!!! فهد مسك كوب الشاي وقام يشرب فيه بهدوء وعلى اقل من مهله وطلع باكيت السجاير اللي مرافقه وشغل له وحدة يتسلى فيها مع الشاي,,,,,,, //////////////////////////////////////////////////// في بيت بو مشاري الفارس..... مروة/فصيل هنا؟؟؟ فيصل/لاتقولين فصيل لابعلم ابوي عنك!!!اسمي فيصل..ولد فهد الفارس؟؟عرفتي ولاشلون؟؟؟ محمد/ههههههه طول لسانك يبى؟؟؟وش دعوة عاد؟؟؟ فيصل/ماتسمعها وش تقول؟؟فصيل كني بزر عندها!!!انا السنة هاذي روضة واللي يسلم عمرك والجاية مدرسة؟ مروة ومحمد طالعوا في بعض وضحكوا.... فيصل صفق يدينه بيدين بعض/لاحول الله جنوا عيال عمي وقعدوا!!!اروح بيتنا ابرك لي... دخلت منال بها اللحظة/مرحبا....ها فيصل حبيبي شلونك؟ فيصل/هاذي الناس الحلوة مو انتي ياحسرة؟اقول منال يصير اروح ادرس بالمدرسة اللي انتي تدرسين فيها؟ منال ضحكت وخلته جنبها/مايصير لانك ولد وانا ادرس بنات..وبعدين انا ادرس باالثانوي مو بالابتدائي؟ فيصل/اوووووووف..انا ماابي اروح الروضة اللي امي مسجلتني فيها مو عاجبتني ولو اقول للبابا عنها ماراح يخليني اروح بس اخاف امي تزعل؟ منال/طيب انت جربها اسبوع لو ماعجبتك بعدين لاتروح صح ولالا؟ مروة/الا صدق منال عرفتيها الا قلتي جايتنا بالمدرسة جديدة بدل وئام؟ منال/هو انا عرفت عنها كذا كم معلومة بس يقولون من الشرقية الظاهر من الدمام اسمها نجود السبيعي بس مو رسمية على ماسمعت يعني درست بالخبر والضهران بعقود واللحين جايبينها الرياض بس اللحين الضاهر بيثبتونها؟ مروة/صغيرة ولاكبيرة؟ منال/ماادري..كلها اسبوع ونشوفها؟ محمد/ليش عيال عمتي ماجونا ها الاسبوع؟ مروة/على مااعتقد ان عمهم مسوي لهم عزيمة بس مدري ليش ماعرفت السالفة صح؟ منال/فيصل ...عمي في البيت لو طلع؟ فيصل/بالبيت؟ منال/انا بروح اشوفه.. فيصل/اخذيني معك؟ //////////////////////////////////////////////////////// في غرفة نجود كانت ماسكة كتاب وتقرا فيه..(الشعر العباسي للدكتور شوقي ضيف)وهي مندمجة فيه الاوجوالها يدق...شافت المتصل وقالت بجدية/كان لا رديتي اسم الله عليك!!!وينك انتي؟؟؟ جواهر بهدوء/كنت طالعة مع بنت خالتي...المهم انتي شلونك؟ نجود/مالي لون..للحين خايفة ومرتبكة؟ جواهر/حشى لله..ترى كلها بكلها روحة الرياض شلون لو رحتي امريكا؟؟ نجود/تدرين فيني مااقوى على فراق اهلي؟ جواهر/المهم خلصتي كل شغلك رحتي اخذتي كم تنورة وكم بلوزة للمدرسة؟ نجود/لا...انتظر تشريف الاخ ناصر مابعد شرف؟ جواهر/معناته ماراح تروحين لو اعتمدتي على ناصر!!!اقول قومي ندبر حالنا بناس غير ناصر ونطلع؟ نجود/أي بس اللحين الساعة تسع ونص على مانوصل جت عشر وشوي...مابيكون عندنا الاساعة؟ جواهر/وخير ان شاءالله...ماراح نلاقي يعني بها الساعة شي؟ولو افترضنا مالاقينا اسمنا فينا رحنا قومي يالله,,,, نجود/طيب بروح اشوف احد ثاني وبرد عليك..... جواهر/انا كني لمحت سيارة علي برة واقفة؟ نجود/أي لاتحلمين كثير علي لاراح يوصلني ولاهم يحزنون خلني اشوف سعد؟ جواهر باعتراض/مو بايعة عمري اركب معه!!!!تدرين شلون مافي غير ابوي الله يخليه بطيح على راسه تبويس لين يقوم يوصلنا نجود/هههههه يالله على يدك بقوم اعطي امي خبر وبلبس عبايتي وبنتظرك ياويلك وياويل ابوك ان تاخرتوا؟؟؟ **تعالوا نتكلم شوي عن نجود السبيعي بطلة الرواية الرئيسية نجود بنت عمرها خمس وعشرين سنة,, جامعية,,مثقفة واول شي بيجذبك لها صوتها المبحوح المحبب للاذن واللي حوالينها دايم يحبون يسمعونها تصدح وتغني لهم...طولها معتدل لاطويل ولاقصير,,بشرتها مايلة على البرونزي,,شعرها يوصل لظهرها رغم انه مو ذيك النعومة النعومة بس ابوها كان عاجبه ومو راضي انها تقصه,ولونه بني فاتح..,ترتيبها بين الاهل الكبيرة بين خواتها من امها وقبلها ولد واحد بس ..اما بالنسبة لااخوانها من ابوها فهي ترتيبها الرابعة قبلها ولدين وبنت... علاقتها كويسة مع الكل رغم اسلوبها الشديد بالتعامل والقسوة اللي تغلب عليها اكثر من الطيبة باوقات كثيرة...اغلى صديقة بالعالم جواهر واللي كل وحدة فيهم كانت تعتبر الثاني مكملة لها بكل شي..... ***جواهر....بنفس عمر نجود ومعها من الابتدائي لين تخرجوا...قبل لايكونون اصحاب وبينهم عشرة عمر هم جيران الباب بالباب,, شخصيتها مماثلة لنجود بس مو بكل الاوقات لان جواهر اكثر حساسية ودلع من نجود الجدية.... ورغم تشابههم بالصفات الا انهم يختلفون بالشكل لان جواهر اطول شوي من نجود وانحف وشعرها اقصر بكثير .. كل شي بحياتهم مشترك الا علاقة جواهر ببندر ولد عم نجود ماكان احد يدري عنها حتى نجود اعز صديقة لها) /////////////////////////////////////////////////////////في الرياض.... منال/قوة خالتي.... نجلاء/هلا وغلا منال كيفك حبيبتي... منال/بخير الله يسلمك انتي شلونك.... نجلاء/الحمد الله... منال/وعمي شلونه؟ فيصل اللي كان ماسك يدها/لاتقولين عمي قولي بوفيصل؟ نجلاء/ياسلام عليك...اصلا هو عمها قبل لايصير ابو فيصل ياروح امك انت!!!يللي كله مطيح ببيت عمك؟ منال/هههه مرة عمي شكلك تغارين من فيصل ليش انه كله عندنا!!! نجلاء/هههه والله اريح منه ومن حنته يامنال...قعدي ليش واقفة؟ منال/لابروح اسلم على عمي وبجهز تعرفين اليوم الخميس وقعدتنا بالبيت شبه عملية انتحارية لازم نطلع.... فيصل/بروح معك منال مثل ماوعدتيني؟ نجلاء/اول روح قول لاابوك ... طلعوا منال وفيصل من غرفة المخزن اللي كانت ورى البيت وقريبة من الباب اللي يدخلون منه بيت بومشاري وراحوا لمكتب بوفيصل وكان قاعد مكانه وريحة السجاير مالية المكان كله.... منال/مرحبا عمي شلونك.... فهد رفع راسه لها وابتسم/هلا منال شلونك انتي.... منال/زعلانة منك لانك ماتغذيت معنا اليوم مثل عادتك كل اسبوع ولاتحاول تراضيني لاني ماراح ارضى ابدا!!!! فهد بجدية/ومن قال اني براضيك اصلا!!!! ابتسمت منال له وهي عارفة عمها واسلوبه الجدي وانه مايمزح ابدا ولا يعرف يجامل حتى,,,, وقالت بضحكة وهمس/انت شتسوي مع خالتي نجلاء ياعمي فهد؟؟؟؟يتراواللي انها لاقية منك الويل على ها الجدية اللي انت فيها ولو انا مكانها ماصبرت عليك؟ فهد بصرامة/مايتكلمون بها السوالف ومعهم صغار يامنال؟ سكتوا اثنينهم وقام فيصل يناظرهم.... فيصل/بابا....بروح مع منال.. فهد/وين بتروح بابا؟ فيصل/معها ..وين ماراحت بروح؟ فهد/بخلي السايق يوصلك انت وخواتك الملاهي مع امك.... فيصل مسك يد منال بقوة/انا مااحب السايق؟؟هو مو البابا؟؟؟ فهد تنهد/يعني شنو؟ فيصل/.......... فهد كل شي ولازعل الولد /تبيني انا اوديك؟قالها بدون حنان .. فيصل بفرح/أي بابا... فهد/طيب روح البس وقول لاخواتك يجهزون.... فيصل/ماحد منهم بيجهز بابا لانهم يعرفونك اذا قلت اللحين بنمشي معناته بعد ساعتين!!!!!بس ولايهمك بقولهم علشان ماتقول اني مااطاوعك,,,,, طلع فيصل وظلت منال واقفة تسولف مع عمها بالشغل والمكتب وامور عامة...... ***نجي نتكلم عن فهد الفارس.... محامي كبير له اسمه وسمعته بين الناس بالرياض وعنده مكتب محاماة....داخل على الخمسة والاربعين من عمره.....ومتزوج من نجلاء بنت عمته واللي اخوها متزوج اخته ام مصعب... شخصيته جدية بشكل كبير نادرا مايضحك مع اهله وعياله وهم تعودوا على شخصيته عنده سارة الكبيرة باولى متوسط..ولمى بخامس ابتدائي....وفيصل خمس سنين.....له هيبته وشخصيته عن الكل سواء من الاهل ولا المعارف,, الشيب اللي طالع له بشعره عاطيه هيبة ووسامة ووقار اكثر واكثر,,,,,, ******منال بنتكلم عنها اذا تكلمنا عن عيلة بو مشاري كلهم...... //////////////////////////////////////////////////////// الهنوف/طق طق طق... ناصر فتح الباب..../هلا ..هلا بنت عمي شلونك الهنوف/هلا فيك ياعمي...اخبارك ياولد ماتبين اصلا؟ ناصر/ههههه شسوي تعرفين مدير اعمال وانشغالاتي مالية دفتر اعمالي مقدر اطلع لكم بدون موعد مسبق؟ الهنوف/امممم قلت لي ....اقول نجود هنا ولاطلعت؟ ناصر/لاطلعت بس الظاهر الباقيين هنا؟ الهنوف/اللحين بالذات مالي خلق الباقيين ابيها بس هي؟ ناصر/وانا ماانفع؟ هنوف/هههه انت راعيها والله....يالله اشوفك بخير؟ ناصر/وين هنوفوا تعالي..... هنوف/هلا... ناصر/وش مسوين عشى؟ هنوف/مدري مادخلت المطبخ وكشفت بس تعال بيتنا من زمان تعشوا ؟ ناصر/دجاج تعشوا من زمان؟؟؟؟توها عشر ونص!!!!! هنوف/ومتى الناس تتعشى يافالح؟ ناصر/مدري بس يمكن على الوحدة وحدة ونص...كذا... هنوف/جوعان؟؟؟ ناصر/بتسوين لي عشى؟ هنوف/علي امتحان ادب بكرة ولا ليش ابي نجود ان شاءالله؟؟؟؟؟ ناصر بطفش/وليش تساليني اذا كنت جوعان ولالا؟ هنوف/ههههههه علشان اقولك ضربك الجوع بللي مايردك هههههههه قالتها ومشت على قسمهم وناصر طلع وراها بيلحقها بس كانت اسرع منها... ناصر/الله ياخذها من بنية ملعونة بجد؟ هيا من وراه/مني هاذي؟؟؟ لف لها ناصر/هاذي الخبلة بنت عمك هنوفوا؟ هيا/اووف مااطيقها؟ ناصر/هههههه وانتي تطيقين منو ياهيا؟؟؟انتي كل الناس تكرهينهم وماتحبينهم؟ هيا/مالي خلقك نصور الله يخليك!!! ناصر/وش الللي مالي خلقك وشنو نصور هاذي بعد!!!!يبى تدرين كم عمري انا؟؟؟عمري واللي يسلمك ثلاثين سنة بالضبط؟ هيا باحتقار/وش اسوي لك انا يعني؟ ناصر فتح عيونه على وسعه/شوف اللي ماتستحي؟؟؟؟انا اخوك الكبير تقولين لي كذا؟؟؟؟صدق انك ماتستحين؟ هيا نزلت راسها وبان عليها الضيق.... تقرب منها ناصر وهو عارف نقطة الضعف اللي عندها وقال بشماتة/اكيد زعلانة من حبيبة القلب؟؟؟؟؟؟ ////////////////////////////////////////////////////////////في قسم علي ومرته.... كانوا نايمين وكل واحد عاطي الثاني ضهره وهو شارد بافكاره بعيد.... بعالم ماحد يعرفه ولاسمع عنه...... صار لهم سنتين من تزوجوا بعد اصرار الاهل ورفضهم ثنينهم لبعض؟؟؟؟؟ علي ماعمره فكر فيها ولاحتى مرت على باله!!! وسارة بعد ماطرا لها علي حتى بالحلم!!!!بس اصرار الاهل انهم ياخذون بعض خصوصا ان الاخوان ساكنين في شبه بيت واحد....(كان بيت ابو علي ملاصق لبيت اخوه بو بندر ومن ورى البيت في باب بين الاثنين يدخلون منه على بعض) تفكيرها شغله واحد ثاني ومشاعرها تعلقت بغيره!!!لاالزواج ولاغيره قدروا يغيروا منها شي...بالعكس صد علي لها كان اكبر حظ لها بالعالم علشان تهرب منه ومن زواجهم اللي انكتب له الفشل قبل لايبدي!!!!!! ***علي...الولد الكبير بين اخوانه كلهم عمره ثلاثة وثلاين سنة...وسيم..اوسم واحد بين اخوانه..بس دايم تلاقيه ساكت وحزين....العلاقة بينه وبين ابوه صفر رغم انه اكبر العيال واولهم!!!! زوجوه سارة بنت عمه وهو رافضها نهائيا وعارف انها ماتبيه بس كلام الاهل قبلهم ومايقبل النقاش؟؟؟ تزوجوا وكملوا همهم وحياتهم اللي اشبه بحياة ثنين عايشين بنفس الفندق المشترك؟؟؟لابينهم لاسلام ولاكلام,,,, *****عبير عمرها سبعة وعشرين سنة...اكبر خواتها البنات وقبلها اخوها بندر اللي كان صديق لزوجها علي وبحر اسراره وعارف انهم مايطيقون بعض بس ماكان في يده شي يسويه!!!!! ملامحها هادئة ومافيها أي شي يعيبها..غير حزنها اللي اكثر من فرحها...حبت شخص قبل لاتحب علي وبعدها تحبه ومتواصلة معه بالتلفون وعلاقتها الجافة مع علي هي اللي خلتها تكمل معه علاقتها بعد الزواج وماتنقطع عنه!!!! كانوا علي وعبيرعايشين بشقة منفصلة عن بنيان بيت بوعلي بس بينهم الحديقة...وشقة علي كانت فوق وشقة ناصر اللي الكل ينتظر زواجه تحتهم.... ماْجلة مسئلة الانجاب وشايلتها اصلا من بالها !!! /////////////////////////////////////////////// في مجمع مارينا مول بالدمام وتحديدا في محل كمايو... جواهر/هاذي ممتازة....هي ياعالم وينك انتي!!!! جواهر بصوت عالي شوي/يابنت وش فيه سرحانة!!!!! نجود/ها...وش له تصارخين اسمعك؟ جواهر/وش له ماتردين علي يوم انك تسمعيني لو بس تبين ترفعين ضغطي ابلة نجود؟ نجود بتطنيش/باخذها..كم قياسها هاذي؟ جواهر/ادري فيك زعلانة لفراقي بس اللي انتي ماتعرفينه اني مو قادرة اتحمل غيابكم ثنينكم بوقت واحد!!!قالتها وتندمت انها مامسكت لسانها.. نجود بسرعة/انا ومنو ياجواهر!!!!! 
  ربي يحفظك لي ياأمي ولايحرمني اياك 
|
|
09-17-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
البارت الثاني....////////////////////////////////////////////
جواهر بسرعة/أي انا ابيك تلتفتين علي مو حاقرتني وسرحانة؟قالتها بارتبك وهي تتمنى ان نجود تصدقها....نجود وهي تناظرها من فوقها لتحتها وقالت لها بتشكيك/متاْكدة؟جواهر تنهدت/بتفارقيني يالنذلة ماراح اشوفك الا نهاية كل اسبوع!!!مو ظلم هذا بالله عليك؟نجود/ياليت لو طلع لي تدريس هنا مثل المرتين اللي راحوا بس يالله.....الحمد الله بالرياض ولا بها القرى النائية؟جواهر/اول مرة نفترق يانجود...حتى سفرة كل سنة كنا نسافر مع بعض احنا وانتوا علشاني وعلشانك!!!!مو قادرة اصدق انك بتقضين بالرياض ها السنة بعيدة عني وماراح نلتقي انا وانتي الا بليلتين بس بالاسبوع!!!نجود/ياعمري جواهر لاتصيرين حساسة بنشوف بعض كل اسبوع وبعدين طول الوقت بنظل مكلمين بعض ياباالتلفون يابالمسنجر..خلاص لاتخليني اغير راي ومااروح؟جواهر/صدقتك ماراح تروحين وانتي تنتظرين تتثبتين....حسبي الله على اللي وداك الرياض مو الضهران ولاالخبر ولا الدمام؟؟؟؟نجود/لاتتحسبين وروحي دفعي قيمتها وانا بسبقك على المطاعم ميتة جوع....جواهر/طلبي لي من البردوني ورق عنب وتبولة...نجود/بروح اصف سرى اول عند سبايسي ميل وبعدها يصير خير...(على فكرة سارة بنتي تموت على سبايسي ميل هههههه)/////////////////////////////////////////////اليوم الثاني.....ام ناصر./اقول يابو علي....ليش ماتروح مع نجود انت وتشوف معها الوضع كيف بيكون....ابو علي/وانا اخلي اشغالي واروح اقابل بنتك هناك؟؟بيروح معها اخوها..وبعدين هي ماهي بصغيرة ولاهي رايحة مكان ماتعرفه رايحة الرياض ياام ناصر؟ام علي/شوي وتقولين له اروح معك انا بعد والحجة نجود؟ام ناصر/انتي سكتي وماحد كلمك....ابو علي/ها بتشغلونها حرب من جديد؟؟؟لاتخلوني احلف اتزوج عليكم وحدة صغيرة واجيبها على قلبكم!!!!!سكتوا حريمه وهم يطالعون في بعض....الزوجة الاولى ام علي(وعندها علي اللي تكلمنا عنه..ورحاب وهيا...رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم....هيا....البنت اللي بعد رحاب وعمرها واحد وعشرين سنة...بكلية الدمام...طويلة وبيضة مثل امها واخوانها من امها..شعرها اسود ناعم يوصل لااكتافها..الشي الوحيد اللي تحبه بها العالم نجود اختها من ابوها..تلاقيها طول يومها واقفة عند باب غرفتها علشان تلبي طلباتها لو بغت شي...نجود قدوتها بكل شي....وماتطيع غيرها..وتغار من كل اللي تحبهم نجود وخصوصا جواهر....**ام ناصر(ناصر ولدها الكبير...عمره ثلاثين سنة..اسمراني ومملوح وحبوب مع الكل مشكلته متخوف من الزواج وكل ماشاف حال اخوه علي يتراجع عن الفكرة اللي امه تحن عليها طول الوقت...بس شهم ووقت الشدايد تلاقينه بالصف واقف.....نجود ...تجي بعد ناصر وبعدهم نورة....اللي بثاني ثانوي...وفيها شبه كبير من نجود اختها بس الاجسام هي اللي تفرق يعني هاذي اطول من نجود واملى شوي.....واطيب قلب منها....)ابو علي/ها اشوفكم سكتوا ثنتينكم؟ام علي/وش تبينا نقول بعد يبو علي؟ام ناصر/الا صدق بندر مرك البارحة سالني عنك وقلت له بالقهوة مر سلم عليك؟ابو علي/أي مرني وسلم علي..بس نسيت اساله كم بيقعد هناك؟ام ناصر/على مااعتقد سبعة شهور...ام علي/اللحين الشغل باعثينا سبعة شهور؟ام ناصر/لا..هو يقول شكلها مودورة شكلهم بينقلونه جدة علطول بس مايبي يقول لاامه لين يتاْكد؟كملوا سوالفهم مع بعض وكاْن شي ماصار بينهم وهاذي عادتهم كل يوم مع بعض من تزوجوا لين كبروا عيالهم....!!!//////////////////////////////////////////////في الرياض....سارة/مروة بسالك كيف يسوون الايميل؟مروة/ليش تسالين؟سارة/بسويلي واحد طبعا ليش اسال يعني؟؟؟كل اللي معي عندهم ايميلات الا انا!!تصوري؟مروة/يمه منكم يابنات متوسط توكم اول متوسط وجوالات وايميلات وحركات!!!بس تروحون ثانوي وش بتسوون؟سارة/كل اللي يخطر في بالك واللي مايخطر بعد!!!!مي/انتي هنا وانا رحت لك قسمكم ادورك؟لفت لها سارة/أي جيت قبل شوي.....خلصتي واجباتك؟مي/نص ونص ....اليوم في وحدة سالتني عنك يامروة تقول مستحيل هاذي اختك وان انتوا خوات ابلة منال ؟؟؟مروة/انتوا متى جيتوا قسمنا بالله؟سارة/انا عن نفسي ماجيت لاني مااحب اجي بقسم ثانوي ولابعلله ها المعلمات اللي رايحين فيها؟؟مروة/هههه انتي شفيك كله شابة لنا بالناس ومو عاجبك احد؟؟؟سارة/كيفي مو بنت ابوي مايعجبني غير ابوي واللي له عندي شي يجي ياخذه؟؟؟مروة/ههههههههه ضحكي مي ليش ماتضحكين ولا علشانك نفس ها المراهقة مايدة اسلوبها العسل ههههههمي/مالت عليك بس!!! وبعدين لاتقولين مراهقين لو سمحتي؟؟؟مروة فطست ضحك عليها وعلى تفكيرها....عيلة بو مشاري مكونة من ام مشاري طبعا انسانة شديدة وكلمتها وحدة ..مشاري/الولد الكبير بالعيلة متزوج من لمياء العبد الله من الشرقية وعندهم بنت صغيرة اسمها مريم..رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم......منال/عمرها خمسة وعشرين سنة مدرسة تاريخ انخطبت مرة وفكت بنت هادئة وحبوبة وشخصيتها رزة مثل امها..محمد الولد اللي يجي بعدها واللي ماخلى بنت بالرياض ماشبك معها وكل العيلة عارفته وعارفة سوالفه وسواد وجهه..بس قلبه طيب وعسل..مروة/بثاني ثانوي....مي/باول متوسط مع سارة بنت عمها واللي مايقعدون الا مع بعض دايم...سارة/البنت الكبيرة لفهد الفارس مدلعة حييل وشايفة نفسها على اللي حوالينها بشكل مو طبيعي رغم انها نعومة حييل بس طبايعها تنرفز اللي حوالينها منها...وامها مدلعتها وكل طلباتها اوامر...لمى/البنت الثانية لفهد الفارس واصغر من اختها بسنتين ونسخة عنها في الشكل والطول حتى دايم يفكرونهم تؤام....فيصل/حبيب البابا والماما طبعا علشانه ولد..عمره خمس سنين ولسانه اطول من بعشرين سنة؟؟؟///////////////////////////////////////////////////////// محمد/ها ..ها اسمع في ضحك هنا خير ان شاءالله؟؟مروة/تعال تشمت معي في بنات متوسط بس ياخوي هههههههمحمد/هههههه قولي شفيهم خلنا نضحك؟سارة بقهر وعصبية/صدق انك تافهة؟؟؟وعازمة اخوك بعد يضحك معك!!!!الشره مو بعليك على اللي جايتك من الاساس؟؟؟؟واخذت بعضها وراحت قسمهم....مي/زين كذا؟؟؟كاهي زعلت؟محمد/بالناقص ان شاءاللله..هاذي متى بتعقل عن سوالفها...انا لو من عمي كفين على وجهها علشان تعتدل وتمشي سيده...مروة/عمي مو فاضي يدلعها ولا له خلق اصلا!!!قصدك مرة عمي هي اللي مدلعتها بزيادة عشانها الكبيرة!!!مي/خل اروح لها ابرك منكم يللي ماتفتهمون شي....////////////////////////////////////////////////////////////في بيت السبيعي...عبير/السلام عليكم..ابو علي وام علي وام ناصر/وعليكم السلام...كانت عبيرماسكة صحنين كيك وحطت واحد على الطاولة...ابو علي/زوجك وينه ياعبير؟عبيربارتباك لانها عارفة وش بيجيها/..نايم,,,ابو علي/وش منيمه لها الحزة ان شاءالله؟؟؟عبير/كان سهران البارح ومانام الا الصبح...ابو علي/يعني ماراح الدوام حضرته؟؟عبير/........................ابو علي/مااقول الا تف على ذي رجاجيل بس!!!!اللحين يسهر لي الليل وش يسوي بالله!!!وانتي عاجبك حاله كذا؟؟؟كلميه هاذي مي حالة عليه...اذا شفت الرجاجيل شفت حاله؟ام ناصر تغير الموضوع/قعدي يمه ليش واقفة...عبير/بروح اسلم على امي وبعدها بمر نجود...بغرفتها؟ام ناصر/أي يمه بغرفتها حايسة حوسة...الليلة بتروح مع ناصر الرياض تشوف لها شقة وتشوف المدرسة وبتشوف لها سايق..علشان تودي اغراضها....ام علي/انا اقول تاخذ معها الشغالة تساعدها...اذا لقت الشقة اريح لها....ام ناصر/قلت لها عيت تاخذها تقول انا يادوبي اشيل نفسي بعد بشيل معي همها ماقدر اخذها؟ابو علي/وهي الصادقة هي بتدير بالها على نفسها ولا على ها الشغالة؟؟هذولا مشاكلهم مشاكل اللهم ياكافي وهي بتكون معظم الوقت برى الشقة ماتدري عنها..خليها هنا اريح لبالنا ولبالها...عبير/انا طالعة اسلم على امي وبجي اساعدها....طلعت عبيروتنهدت ام علي بقوة...ام ناصر/خير ياوخيتي وش فيك؟ام علي/افكر في ها المسكينة اللي متعذبة وماحد داري بهمها؟ام ناصر لفت على ابو علي وقالت/ماهي بروحها متعذبة..مسكين ياولدي ياعلي...شايل همه وماحدداري عنه المسكين؟؟؟الله يسهلها عليه ان شاءالله...زينة الشباب والله ومايستاهل اللي يجرى له؟ابو علي لف عليهم وماقال شي بس اخذ بعضه وقام..../////////////////////////////////////وهي رايحة لقسمهم وتوها فاتحة الباب جتها صرخة من وراها..ابوفيصل/سارة ووجع ان شاءالله؟؟جمدت يدها على علاقة الباب....ولفت له وهي خايفة من صوته...ابو فيصل تقرب منها وقال لها بكل عصبية/انا مليون مرة قايل لك انك كبرتي واذا رحتي بيت عمك تروحين وشيلتك فوق راسك وعبايتك عليك كم مرة ها؟؟؟؟؟سارة/...........ابو فيصل بعصبية/ماتردين؟؟؟سارة بخوف/بابا...نسيت....بعدين ماكان في احد؟ابو فيصل/شنو يعني ماكان في احد؟؟؟؟اولاد عمك طالعين داخلين وعندك ان مافي احد؟؟؟ان شفتك معتبة الباب مرة ثانية بدون شيلة ولاعباية ذبحتك ودفنتك بمكانك سامعتني ولا اعيدها؟؟انتي كبرتي اللحين وصرتي حرمة كبيرة لازم تتحجبين عن عيال عمك....نجلاء بخوف/وش عندكم صراخكم لااخر البيت؟دخل فهد وقال لها بعصبية/كلمي بنتك وفهميها انها صارت كبيرة اللحين ولازم تتحجب عن عيال عمها؟؟انا ماقلت لها تغطي وجهها بس لازم تتحجب!!!نجلاء/طيب يابو فيصل لاتعصب....مشى عنها وماكانه يسمعها واول ماركب قعدت سارة على الارض تبكي بدلع....نجلاء بهدوء/مو قايلة لك البسي عبايتك قبل تروحين عند بيت عمك ليش ماسمعتي كلامي؟؟؟كاهو شافك وصارخ عليك!!!!سارة بدلع/بعدني صغيرة مو لابسة حجاب عشان بيت عمي وعيال عمي؟؟؟نجلاء/قومي يمه قومي.....خلاص انتي كبرتي وابوك معه حق عيال عمك كبار وانتي صرتي بنت حلوة ولازم تتحجبين عنهم على الاقل...يالله يمه قومي علشان نحط الغذى...سارة/بروح لبابي اول بصالحه وبعدين نتغذى..../////////////////////////////////////////////////////////جواهر/واهم شي انك مرتاح هناك؟بندر بحب/معقولة انتي بعيدة عني وبرتاح!!!!وين تجي الراحة ياجواهري وين؟جواهر بلهفة/تصدق....وحشتني مووت...بندر/لاتقولينها ياجواهر تراني مااتحملها...صدقيني ابيع الدنيا اللي هنا واجيك!!!!جواهر بدلع/بيعها وتعال لي...يالله انا قاعدة على نار انتظرك؟؟مو مصدقة انك الامس كنت معي قاعد واليوم تبعدني عنك مسافات...بندر/الله يسهل ياقلبي الله يسهل...بس صدقيني لو وين رحت قلبي معك ومايبيني يبي يظل جنبك انتي وبس!!!جواهر/فديته انا وفديت صاحبه.....طيب ماراح ترجع بال ويك اند..بندر/طبعا لا...جواهر بزعل/بس انت بجدة منت بماليزيا يابندر؟كلها كم ساعة طيران وانت هنا....بندر/حبيبتي انا توني اليوم واصل وبكرة بكون بالشركة ومدري كيف بيكون وضعي خلني ارتب حالي وارتب اموري كلها وبعدين اشوف انزل خميس وجمعة عندكم؟جواهر بزعل/كاْنك ماتبي تجي عندنا؟بندر/مو حبيبتي جواهر اللي تقول ها الحكي اكيد؟؟لانها عارفة مقدارها عندي شنو......جواهر/قص علي بها الكم كلمة وخلني اصدقك....المهم انا بتركك اللحين وبقوم اصحح اوراق الطالبات...بندر بعناد بزارين/خل الطالبات يولون انا عندك واكلمك تقولين لي بقوم اصحح اوراق الطالبات ؟؟؟والله مااسكر؟؟؟جواهر/ههههههه بندر...بعدين حبيبي بكلمك...بندر/انتي قبل لاتشوفين الطالبات شوفيني ..شوفي قلبي شيبي يقولك...شحاله من بعدك ومن فراقك ...بعدين فكري بالطالبات؟جواهر بحب/شخبار قلبك حبيبي....بندر برومنسية قطعت قلب جواهر/يبي جواهر تجي عنده يبي يكمل اللي بنوه قبل ويعيشون لحظاتهم الحلوة مع بعض علطول....جواهر بهمس/بندر..خلاص..بندر باصرار/بموت على مانلت..جواهر/حبيبي خلاص لاتجيب ها السالفة ماابي اسمعها.....بندر بتعب/ليه ياقلبي ليه...انا لك وانتي لي وماحد بيعارض ها الشي ليه بس ماتبين نتذكر احلى لحظات بينا!!!جواهر/خلاص بندر لين نصير لبعض بعدين تذكر ها الشي اللحين لا...اصلا من البداية احنا ماكان لازم المفروض نسوي ها الشي...../////////////////////////////////////////////////////////في غرفة فهد الفارس...طق طق طق طق...فهد/منو...سارة بدلع/هذا انا بابا...فهد/ادخلي...دخلت سارة وكان فهد جالس على الكرسي الملكي اللي قبال النافذة...باسته على راسه وحطت راسه على ركبته...وقالت بدلع/اسفة بابا...ماراح اعيدها مرة ثانية..بس لاتزعل علي!!!فهد بصرامة/سارة انتي كبرتي اللحين منتي بزر؟؟؟سارة/خلاص بابا قلت لك اسفة...فهد بجدية/كيف الدراسة معك...سارة/تمام....فهد/ممشية بدروسك والا حاسة انك مو فاهمة شي علشان المرحلة جديدة...سارة/ولا هي جديدة ولاشي اصلا كل شي ندرسه تافه!!!وبعدين لابغيت شي اروح للماما علشان تفهمني اياه انت لاتشغل بالك.....فهد/يعني ماتبين اجيب لك مدرسة خصوصية...سارة/لا بابي ماحتاج.....انت موجود لو بغيت شي بقولك وانت بتساعدني صح......فهد /صح....سارة بابا انا احبك...واموت فيك بعد.....فهد مسك يدها ووقفها.../يالله قومي نتغذى..../////////////////////////////////////////////////لبنى/ووين بالضبط؟عبدالعزيز/بمارينا مول....لبنى/...........عبدالعزيز/............لبنى/الله يسهل...عبدالعزيز/انا عارف انك مو ..قاطعته لبنى/عبدالعزيز لاتقول شي..انا احبك ومايهمني اذا كنت فقير ولاغني!!!!صدقني الفلوس اخر شي عندي بالدنيا؟؟؟؟؟عبدالعزيز/وانا مو قادر اتصور شي يالبنى؟؟؟؟وش اللي خلانا نحب بعض وظروفنا مو متشابهة؟لبنى/تراك راسم صورة لعيلتي غير عن الواقع!!!!احنا مو لذيك الدرجة ياعبدالعزيز.......عبدالعزيز/بس بعد ماراح يزوجون بنتهم لواحد راتبه مايجي ثلاثة الاف ريال؟؟؟؟؟؟لبنى/...............عبدالعزيز/واللحين يشتغل بمحل بعد؟؟؟لبنى/وش فيها اذا اشتغلت بمحل ياعبد العزيز؟؟؟انت تحسن من وضعك مافيها شي؟؟الشغل مو عيب لاتستعر من نفسك؟؟؟؟عبد العزيز بقهر وحسرة*/انتي السبب يالبنى...من عرفتك وانا حياتي صايرة جحيم ومو مقتنع بحالي ابدا!!!!وعارف بالنهاية ماراح نكون لبعض وحبنا بيموتونه!!!بس شسوي هذا قلبي اللي تعلق فيك ومو راضي يشيلك ابدا وهو عارف نهايته معك شنو؟؟؟لبنى بحزن/خلاص ياعبد العزيز مايصير كل يوم نكلم بعض نسمع ها الاسطوانة ؟؟؟انا ماابي غيرك ولو شيصير بها العالم ان شاءالله لو تكون تشحت بالشوارع ابيك يعني ابيك ومايهمني احد!!!!!!*****خلونا نتعرف على عيلة فواز السبيعي اخو بو مشاري....زوجته ام بندر...بندر الولد الاكبر/شاب طموح اسمراني بالثلاثين من عمره كبر ناصر و فيه شبه كبير من ناصر ولد عمه لانهم طالعين يشبهون لجدهم رزة وثقل بس حبوب يحب جواهر بنت جيرانهم وعلا علاقة فيها وماحد يدري بها الشي اللي بينهم.واقرب شخص له هو علي ولد عمه وزوج اخته عبير.....عبير/البنت الثانية من عيال ابو بندر وتكلمنا عنها...مضاوي/كبر نجود بنت عمها..خمس وعشرين سنة...وانعم وحدة في خواتها....كانت نعومة بشكل طفولي جدا وماتعطيها غير خمس عشرة سنة بس من كثر نعومتها وهدوئها....لبنى/بعمر هيا ومعها بنفس الكلية والتخصص بنت عصبية جدا وخصوصا بعد ماحبت عبدالعزيز الحمود الشاب الطموح والفقير واللي عارف انه ماراح يقدر يوصل لمستواها ابدا!!!وها الشي متعب نفسيتها كثير...هنوف/اصغر البنوتات عند بو بندر...بثاني ثانوي...مع نورة بنت عمها وصاحبتها بس متعلقة بنجود اكثر من نورة رغم اسلوب نجود القاسي والمتعجرف .. حاطة شخص في بالها وعاشقته بالسر وهو مايدري عنها....بتعرفونه مع الاحداث....********************************على الساعة تسع ونص وصلوا الرياض ناصر ونجود...ناصر/وين قلتيلي المدرسة باي منطقة؟نجود/خلنا اللحين ننزل نحجز لنا بفندق ونسبح وبعدها نطلع ندور المدرسة؟ناصر/لا ندور المدرسة اول..؟؟نجود بعصبية/لا نروح الفندق اول تراني طفشت من قعدة السيارة اربع ساعات على ها الحال؟؟؟ناصر/وش تبيني اسوي لك يعني!!!!نجود/ياه ...لاتصير مغثة يانويصر؟ناصر/شوف اللي مايستحون؟؟؟؟على بالي اني اخوك الكبير وماخذ اجازة بكرة علشان اظل وياك وارتب امورك هنا؟؟اخرتها تسميني نويصر؟؟؟نجود/يالله عاد حرك ودنا أي فندق حرام عليك تعبت؟؟؟ناصر/انا مااقول الا الله يعين طالباتك اللي بتدرسينهم والله...شثقل الدم اللي فيك ياساتر!!!!نجود/اقول واللي يعافيك من خفة دمك عاد!!!!ناصر/شكلي بستخدم اسلوب التطنيش معك ياقمر!!!وفعلا طنشها طول الطريق لين وصلوا شمال الرياض وتحديدا في حي الغدير.....نجود/ياعنادك بس يانويصر؟؟ناصر بشوية حزم ماتناسبه/شكلك ناسية منو الكبير فينا!!!!نجود/الكبير مو بعمره ياعيوني الكبير بافعاله.....ناصر/زين يالله بلاهذرة زايدة والبسي نقابك بسال اللي هنا عن المدرسة....نجود/اوووف زيادة حر بعد!!!!ورمت عليها شيلتها وهي شبه متلثمة ونص اللثام طايح......وقف ناصر السيارة على جنب وفتح النافذة وكلم الشاب اللي كان طالع من بيتهم وواقف عند سيارته.....ناصر/السلام عليكم....مصعب لف عليه/وعليكم السلام والرحمة...ناصرانحرج وهو يشوف مصعب يطالع بنجود..قال بسرعة/اقول اخوي وين الاقي عندكم شقق مفروشة هنا ؟؟؟؟؟نظرات مصعب الاحتقارية اربكت ناصر للنهاية وماعرف شيقول خصوصا ومصعب قاعد يطالع بشكل نجود جنب ناصر اللي كانت شوي وتذبحه..مصعب باشمئزاز/نعم!!!!!ناصر وهو مرتبك/لاتفهمني غلط ياخوك؟؟؟تراني من الشرقية وجاي مع اختي وهي ماتبي تقعد بفندق طول السنة تبي شقق ويكونون ساكنين فيها بنات وقريبين من المدرسة الاولى للبنات....مصعب تصديقه نص ونص.../والله مدري ماعندي خبر عن الشقق؟ناصر وهو بعده متلخبط/طيب وين الاقي المدرسة الاولى؟مصعب/تقصد المجمع..ناصر/لالالا مدرسة البنات الثانوية؟مصعب بملل/انت متاْكد اللي تبيها هنا بحي الغدير؟ناصر/أي....مصعب/ماكو غيرها هنا..مجمع متكامل متوسط وثانوي وقريب بينقلون الابتدائي فيه...الا اذا كنت تقصد مكان ثاني ولا شي ثاني؟؟؟؟ناصر خلاص وصلت عنده وحس ان مصعب مو مصدقه شكره ومشى وهو معصب......واول مامشى نجود ثارت عليه/بذمتك انت؟؟الناس تسال بالاول عن المدرسة وين موقعها وبعدين تسال عن الشقة؟؟؟؟؟لكن تستاهل جزاك واكثر من جزاك هذا اللي مايسمع كلام اخته؟؟؟؟؟ناصر بعصبية/انتي بعد سكتي لاتزيدين واللي يرحم والديك!!!!!!وبعدين تعالي وش ها اللبسة ها؟؟؟اقولك لبسي النقاب تقومين تغطين لي شوية من وجهك والباقي تتركينه؟؟؟ماينلام يوم ظن فيني ظنون شينة ؟؟مو اللي طالع من وجهك اكثر من اللي مستور؟؟؟؟؟نجود بعصبية/لاتقعد تسويلي سالفة اللحين وامشي خلنا ندورها بنفسنا !!!!!!//////////////////////////////////////////////////////طلعت من الحمام وصوت جوالها يدق...رفعته وشافت اسم المتصل تلفتت حوالينها تتاْكد من وجود علي بالبيت ولالا...ماشافت له أي اثر راحت عند البابا ومالقت مفاتيحه...دخلت المكتبة وردت على الجوال وفتحت الكمبيوتر.....عبير/هلا........./وينك صار لي ساعة وانا ادق؟عبير/موجودة؟....../مشغولة؟عبير/لا بس كنت توي رادة من عند خواتي............../وشلونك.....عبير/بخير وانت شلونك......../منتظرك ماشفتك دخلتي اليوم المنتدى ولافي أي مشاركة جديدة لك ولا شبكتي قلت مدري شفيك؟عبير/لا بس حسيت بشوية ملل وقلت اروح لخواتي اقعد معهم...هذا انا شبكت اللحين يالله قوم ادخل انتظرك ....../////////////////////////////////////////////////////سالم/طيب وين ابوك؟فيصل/شسوي قلت له مليون مرة عمي سالم بالمجلس ؟؟؟؟سالم/والله ابتلشت فيك انا!!!فيصل/شنو؟؟؟سالم/اقول ومتى بتروح الروضة ان شاءالله؟فيصل/والله ياعمي ماودي اروح ماعجبتني؟؟؟انت ليش ماتقنع ابوي ان مايضغط علي ؟؟سالم/ههه مايضغط عليك بشنو؟فيصل/ماابي اتعلم العلم مو حلو؟سالم/هههههههه تبي يجيبون لك مدرسين هنا بالبيت؟فيصل/لاابي مدرسات؟سالم/بعد!!!ههههه شكلك طالع علي مو على ابوك؟فيصل/شلون يعني عمي سالم؟سالم/هههههههه لاولاشي سلامتك....دخل فهد المجلس ووقف سالم يسلم عليه..فهد/حمد الله على سلامتك..متى جيت؟سالم/توني من المطار ولعندك علطول...حتى عيالي مارحت لهم....فيصل/بابا ليش قلت لعمي سالم حمد الله على السلامة؟فهد جلس وجلس فيصل جنبه وقال له/عشانه توه راد من السفر؟فيصل/عمي سالم انت كنت مسافر؟؟؟سالم/أي..فيصل/وين كنت؟سالم/احم احم...كنت بدبي...ترى قعدت بس اربعة ايام مو تفكرها سفرة طويلة؟فيصل/ياسلام!!!لو يوم واحد يعتبر سفرة؟؟؟وش جبت لي من دبي؟سالم/ياذي البلشة!!!انا عيالي ماجبت لهم شي؟؟؟انت مفكرني رايح لااسواقهم ..الله يهداك بس!!وغمز لفهد وقام يضحك...فيصل/شلون يعني؟سالم/بكرة من الصبح بروح اخذ لعيالي ومابنساك انت قبلهم ولايهمك....فيصل /بنشوف...فهد/بابا فيصل روح العب هناك بسولف مع عمك سالم شوي...فيصل حط رجل على رجل وتسند جنب ابوه/انا رجال ولازم اقعد مع الرجال وبرى مافي غير البنات؟؟عاد انت ماترضاها يبى اقعد معهم واخلي الرجاجيل؟؟فهد وسالم ناظروا في بعض يعني ماراح يتكلمون براحتهم اصلا!!!!//////////////////////////////////في غرفة سارة..مي/طيب وكلمتيها؟سارة/من بعد مكالمة الصبح لاماكلمتها؟مي/طيب دقي عليها مرة ثانية اللحين وشوفيها يمكن انها كانت نايمة واللحين قعدت...انا اشوف مروة اختي طول النهار نايمة وباليل سهرانة.زيمكن هم بنات ثانوي كذا نظامهم؟سارة/والله لو نظامها كذا من بكرة اقلب نظامي؟؟ولا ليش بكرة من الليلة؟مي/يالله دقي....رفعت سارة جوالها ودقت على ملاك.....مي/ها مقفل؟سارة/لا يدق.....الو...هلا....هلا ملكي شلونك.....ملاك/اهلين سارونة...سارة بخوف/وش فيك يالغلا صار لك يومين ماتجين المدرسة ؟وكل ماادق لك جوالك مقفل؟ملاك/ههه ولاشي بس ملانة من جو المدرسة مافيها أي شي حلو...مافي اكشن ولا اشياء جديدة نتسلى فيها؟سارة/وانا اللي طايح قلبي عليك احاتيك؟ملاك/ههههه ياحليلك يالبزر تحاتيني ليش اني غايبة يومين؟طيب وش رايك اذا قلت لك انا مكملة الاسبوع الجاي هذا كله غياب وماراح اجي الا على السبت الجاي؟سارة بقهر/طيب حسي بالناس اللي تحبك وودها تشوفك؟ملاك/خههههههههه حلوة ذي تحبني وودها تشوفني؟////////////////////////////////////////////////يوم ثاني المغرب...بغرفة نجود...دخلت جواهر بدون ماتدق الباب وكانت نجود قاعدة ومعها هيا.....جواهر/هلا وغلا نورت الشرقية والله؟؟نجود/ههههه حلوة....كانت منورة بس زاد نورها ماراح اردك؟جواهر/كيف الوضع....نجود/تمام...جواهر/هيا شلونك؟هيا بدون نفس/كنت بخير بس اللحين ماني بخير؟جواهر ناظرتها من فوقها لتحتها وهي فاهمة قصدها وطنشتها وقعدت على سرير نجود.....نجود عارفة الشرارت اللي تصير بين هيا وجواهر كل مااجتمعوا مع بعض ونجود بوسطهم وكملت كلامها عادي مع هيا....نجود/يعني شفتها من برى بس....هيا/ليش مادخلتي؟نجود/لاحقة عليهم .....هيا/طيب ومن بيكون معك بالشقة؟نجود/في ثنيتن من مكة ووحدة من جدة ووحدة من الشرقية ووحدة من الرياض حاجزين الشقة؟هيا/طيب وهي كم غرفة؟نجود/ثلاث غرف..كل غرفة بحمامها وصالة ومطبخ....يعني مو بطالة العمارة جديدة توها مبنية وهذا الشي اللي انا كنت ادوره يعني ماكنت ابي احد يكون ساكن قبلي....جواهر/وعطوك غرفة بروحك؟نجود لفت لها/طبعا!!تعرفين اني مااحب احد يكون معي مااعرفه؟؟هيا/ودفعتي الفرق طبعا!!!نجود/اهم شي الواحد يشتري سعادته....جواهر/على قولتك.....طيب متى رايحة تودي اغراضك؟نجود/وقت ماتفضون نفسكم لي ها الاسبوع؟ماني ناقلتهم بروحي لازم تجون معي تشوفون الشقة واللي بسكنها؟هيا/اللي معك بالشقة سكنوا؟نجود/لا الكل بيجي ليلة السبت...هيا/اوووف ماابي تجي ها اللليلة ابدا!!!!نجود بصرامة/هيا!!!هيا تضايقت وسكتت...جواهر/جوعانة جيبي لي شي اكله؟نجود/والله!!!!قومي اخدمي نفسك بنفسك ياحلوة؟؟تكونين مستحية ولا شسالفتك؟جواهر/الله ياخذك لاتليعنتي؟///////////////////بالصالة....ناصر كان قاعد يشاهد مبارة قديمة مسجلها...ودق باب الصالة....ناصر/ادخل..مافي غيري بالصالة وعجزان اقوم واقول اتفضل...دخلت هنوف..../والله لو ادري ان مافي غيرك موجود ماتعبت حالي ودقيت الباب ودخلت الصالة بدون مقدمات!!!ناصر لف لها وهو يضحك/ياشينكم يابنات ثانوي عليكم لسنة شطولها؟هنوف/ليش الغلط عاد؟؟؟ناصر/ههههه وش جايبة معك اشم ريحة قلي؟هنوف حطت الصحن بالطاولة/سلامتك امي مسوية سمبوسة وقالت ودي ها الصحن بيت عمك....ناصر/فديتها انا مرة عمي والله!!ياحبي لها ولطبخها؟هنوف/بس هذا اللي تحبه بامي طبخها؟؟؟؟يانصاب!!!!!ناصر/هههههههههنوف/اضحك اضحك...شفت انك انفضحت؟لكن الا اعلمها وبتشوف.....ناصر/يابنت الناس اكلتيني بقشوري ماتسوى علي!!!!هنوف/نورة نايمة ولاقعدت....ناصر/على مااعتقد بغرفة نجود..مدري مو متاْكد؟هنوف/صحيح انت رحت مع نجود..حمد الله على السلامة؟ناصر/تدرين انك خبلة ههههههههنوف سوت روحها متاْثرة/انا خبلة!!!صدق ماتستحي...الا تقولك الاخبار والعلوم ...ناصر/لالالا كل شي ولازعلك عمتي هنوف اسف والله امسحيها بوجهي!هنوف/من زين وجهك عاد امسحها بوجهك؟ناصر/ها بتبدين الغلط؟؟؟؟شاب وسيم شزيني كل البنات يتمنون مني نظرة وانا احط نظارتي على عيوني علشان لااعطيهم النظرة اللي يبونها وانتي تقولين من زيني!!!!هنوف/هههههههه الحمد الله والشكر بس!!!!انا رايحة بيتنا تبي شي؟ناصر/جيبي لي بيبسي من الثلاجة قبل لاتروحين علشان اشربه مع ها السمبوسة..هنوف/مو شايفني شغالة عندك ياولد السبيعي!!!!ناصر مسوي روحه شخصية وثقل/يالله يابنت بسرعة!!!!وبدون كثرة حكي؟؟؟؟ولف للتلفزيون على اساس انها تحترمه وتجيبه بسرعة وانتظر لين مل من الانتظار لف بيناديها يشوفها ليش تاخرت لقى باب الصالة مفتوح ومن زمان طلعت....ناصر/الله ياخذها ها السودانية!!!!!تعرف تنقل السوالف والاخبار بس احد يقول لها جيبي ماتجيب؟؟؟دواك عندي ياهنيف!!!!(اسم التوعد للهنوف)//////////////////////////////////////////////////////////مر الاسبوع بسرعة ونجود راحت مع جواهر وهيا ونقلت باقي اغراضها في شقتها الجديدة وتمنت تشوف اللي بيسكنون معها بس ماشافتهم ...وبندر وجواهر كل يوم اتصالات ومسجات حب متواصلة ووعود منه انه بينزل علشان يشوفها لانها وحشته مثل ماقال......وجا اليوم الموعود بالنسبة لنجود وهو اول يوم دراسي لها بالمدرسة الجديدة....اتصلت بالليموزين من بدري وطلبت سايق يجيها قبل الوقت بعد...لبست وجهزت على مهلها....وطلعت من غرفتها تشوف البنات اللي معها بس لقت غرفهم مسكرة ومافي أي صوت رغم انها البارحة يوم تجي كانوا ثنيتن داخلين بنفس الوقت بس لان الوقت كان متاْخر وكل واحد يادوب يجهز اغراضه وينام ماتعارفوا بس سلام من بعيد....رجعت غرفتها وسوت لها فطور سريع....ودق عليها السايق وقال لها انه تحت...لبست عبايتها واخذت دفتر التحضير وشنطتها ...ونزلت بعد ماقفلت غرفتها....../////////////////////////////////////////////////////////مروة/انا ابي افهم ليش مانروح مع منال بوقت واحد؟ام مشاري/علشان تاْخروها انتي واختك وبنت عمك؟ولاناسين انكم توصلون لمى مدرستها اول؟مروة/فهمنا......انتي اخلصي يالله...مي/زين عاد.....مروة/اليوم بتجينا ابلة العربي الجديدة.....مي/وش نسوي لك يعني؟مروة/ولا شي بس اقولكم؟مي/مبروك؟؟مروة/ياثقل دمك بس...قومي بس قومي.....///////////////////////////////////////////////////بندر/حبيبي.....جواهر/وينك صار لي اكثر من مرة دقيت عليك ومارديت علي!!!بندر/والله كنت مشغول مووت وماقدرت ارد؟جواهر/طيب على الاقل بس قولي انا بخير مافيني شي.....بندر/حقك علي....ياخوافة؟؟جواهر/طبعا خوافة تعرفني اذا ما سمعت صوتك شيصير فيني؟؟؟بندر/هذا انتي سمعتي صوتي خلاص!!!جواهر/بندر انا احبك.....بندر/يابعد قلبي وانا اموت فيك.......جواهر/متى بتجي ابي اشوفك وحشتني...مايصير كذا بعد ماكانت عيوني تشوفك كل يوم صار لها اسبوعين ماتشوفك؟بندر/طيب حبيبي طيب...وش فيك كذا تكون لذة الحب..زفراق وبعد وبعده لهفة وشوفة وسوالف خربوطية؟؟؟جواهر/المهم حبيبي انا بروح احضر الطابور اللحين بعدين ادق لك اذا خلصت حصصي....بندر/بنتظرك ياقلبي.....///////////////////////////////////////////////////////////ساد الهدوء غرفة المعلمات بعد ماكان الهرج والمرج طاغي عليها بعد مادخلت ابلة ابتسام مديرة المدرسة وبجانبها نجود السبيعي بكامل اناقتها ورزتها وشخصيتها وعنفوانها.....ابلة ابتسام/وهاذي غرفة الابلات ياابلة نجود......هاذي ابلة نجود السبيعي من الشرقية ابلة العربي الجديدة اللي بتكون محل ابلة وئام.....اتمنى تكونون قروب واحد وماتصير في أي خلافات بينكم.....تفضلي هذا مكتبك اللي بتقعدين عليه..ومثل ماقلت لك المراقبة مها عندك لو احتجتي أي شي.....اتركك انا اللحين.....صارت العيون كلها تتفحص نجود وبداْ الهمس يطلع وهي مشت بكبرياء لمكتبها وقعدت بعد ماحطت كتبها وشنطتها البيج فوقه.....وبدون أي مقدمات لقت وحدة من المعلمات واقفة على طولها قبالها...الابلة/انتي متزوجة؟؟؟؟صدمة نجود بالسؤال لقت اجاباتها على وجوه المعلمات واللي كانت تضحك بهمس واللي كانت تطالع المعلمة باحتقار وبنجود باعجاب واللي مالها فيهم اصلا واللي واللي واللي!!!!نجود بقوة /عفوا!!!!الابلة/سالتك متزوجة ولالا؟نجود/لا...الابلة قامت تحلطم وتدعي وطلعت من الغرفة...//////////////////////////////////////////////////// 
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
