الشاعرة برديس خليفة / قصائد صوتية وكتابية

عين الغدر

(للتحميل)
أضغط كليك يمين واختار(حفظ الهدف بإسم)



بعين الغدر ينظرني
احسه بايهاجرني
اظنه صادق احساسي
بنظراته يهددني
تغير عني ارساله
ولا اخطر على باله
ويش اللي غيّر احواله
حبيبي ليش يهملني
يلف يدور بأعذاره
يمثل كذب ادواره
عطيته فوق مقداره
ما يستاهل وفا مني
اخاف اني مع الأيام
أذوب بشمعة الأوهام
وافسِّر روعة الأحلام
بوهم ٍ غصب يقنعني
الأفضل اتركه وارحل
وعن حبه ولا أسأل
واجعل مبدئي الأمثل
اقدِّر من يقدرني


برديس خليفة

القوافي

(للتحميل)
أضغط كليك يمين واختار(حفظ الهدف بإسم)




القوافي بحبك اسقيها
والمعاني بقربك احييها
بوجودك تحلى ايامي
والمحبة انت راعيها
انت هاجس هيّض الخاطر
وانت سحر ٍ يخطف الناظر
وانت وصف ٍ جنن الشاعر
بك محاسن صعب ٍ احصيها
انت قلبي وانت نبضاته
ياعذاب الحب وآهاته
من يشوفك طابت اوقاته
ودنيته تحلا لياليها
انت تاج ٍ يعتلي راسي
ياعريب الأصل والساسي
ياحبيبي روف بإحساسي
روح قلبي بس تشقيها
خلنا نبقى ونتبادل
الهوى يازين مانجامل
ودربنا بالود متواصل
والمحبة ما نخليها



برديس خليفة

ما أبيك


(للتحميل)
أضغط كليك يمين واختار(حفظ الهدف بإسم)


ياعيوني من حياتك اتصالي بقطعه
دام انك ماتبيني ياحبيبي ما ابيك
حتى صوتك لي عشقته بتركه وما بسمعه
غصب عني اليوم ببعد مااجبر قليبي عليك
قول خبرني الصراحة بالظروف المقنعة
وليش تتغير عليه يوم اتقرب اليك
شاهد ٍ عالحب ربي والعيون المدمعة
وقلب ٍ اشتاق لحنانك يوم كان يموت فيك
كان حبك تاج عالي فوق راسي أرفعه
وكنت أفخر في غرامك ياحبيبي واهتويك
كل ايامي عطيتك وانت تلبس اقنعه
ويش اسوي بقلب ٍ أعمى يوم حطيته بإيديك
هذي كلمة ياحبيبي والوداد اودعه
جاي يوم ٍ راح تذكر ياحبيبي من نسيك
هذه الدنيا تدور وهاليالي موجعه
والله بيسلط خليل ٍ تشتكيه ويشتكيك
وجاي يوم ٍ سيد سيدك بالدلال ادلعه
شوف واتريا عذابك والمقدر بيجيك
وهذا عهدي ياحبيبي قلبي لك ما ارجعه
لو يدور الوقت والله لاحشا ما ارتجيك


برديس خليفة

يا غناتي
(للتحميل)
أضغط كليك يمين واختار(حفظ الهدف بإسم)


يا غناتي وشمعة وجودي
شمس عمري ومالك ودادي
في خيالي دوم موجودي
مسكنك في لب لفوادي
بين كل الناس مفنودي
لك قدر يانسل الليوادي
انت حبي وانت مقصودي
وانت غاياتي والمرادي
لاتزيد الهم وصدودي
بس يكفي شفت لنكادي
خل ود الوصل ممدودي
روف بي يانور لبلادي
خلنا نوفي بالوعودي
وجونا يهنا بالسعادي
والنهاية بختم منشودي
لك سلامي بختم الامدادي


برديس خليفة

ونين القلب

(للتحميل)
أضغط كليك يمين واختار(حفظ الهدف بإسم)

يا حبيب القلب ياروحي
عن وصالك لاتقاطعنا
ون قلبي وزاد بي نوحي
والجفا نيران تحرقنا
لاتكثر يالضنا جروحي
الهجر والبعد يذبحنا
والليالي وصل ٍ وشوحي
من سنين العمر تاخذنا
وانت عمري وانت مربوحي
ادعي الله لايفرقنا
لك سلام ٍ عد مايبوحي
شاعر ٍ بالحب يتغنى


برديس خليفة

شمس المغيب

(للتحميل)
أضغط كليك يمين واختار(حفظ الهدف بإسم)



يوم ارى شمس المغيب
تبدأ عيونـي النحيـب
وأسرح بدنيا العجايـب
وأسهر الليل الصعيـب
حايرة وسـط الهمـوم
أشكي حالـي للنجـوم
حتى لو خلـف الغيـوم
وينه الحـل الصويـب
ويـن أسافـر أو أروح
وأنا في هـم وجـروح
عند من أبكـي وأبـوح
وين ألاقي لـي طبيـب
خلّي نـوره كالشعـاع
غاب وبـادر بالـوداع
أنا من دونـه بضيـاع
كني إنسـان ٍ غريـب
أبقى لي وقت الشـروق
وأنا في حال ٍ شفـوق
تطلع الشمـس وأروق
وأطلب الله مـا تغيـب
ليته يطلـع كالصبـاح
وينجلي ليـل الجـراح
ينسى وأتناسى اللي راح
ويبقى لي أغلى حبيـب



برديس خليفة