ديوان الشاعر الكبير/ غازي بن حمدي الميموني

ابسئـلـك بالله مـاهـزك الـشـوق
ولاجاك مثل اللي مـن الهـم جانـي

قلبي غدى كنـه للأحـزان صنـدق
من الحـزن ياخـذ جميـع المعانـي

والهم يلعبـي علـى كـل طـاروق
ومشيدن لـه فـوق صـدري مبانـي

نـوب علـي يغيـب ونـوب افـوق
والذكـريـات تمـرنـي بالثـوانـي

عـزالله ان القلـب مافيـه معـلـوق
مايشتكـي فرقـا رهيـف الثمـانـي

كتمت سـري مـادرا عنـه مخلـوق
لو كنت احس الموت بيـن المحانـي

حاولت اكابر واطـرد الهـم واروق
وفي كل ماسويـت قلبـي عصانـي

النوم من عيني لـه ليـال مسـروق
كـن السهـر دور علـي ولقـانـي

وانا لو ان الجفن يشكي على المـوق
اسري على صوت الغـلا لا دعانـي

قلبي على صوتك ولقيـاك محـروق
مدخلـك بالله لا تحـطـم كيـانـي

منته على قلبي من النـاس مسبـوق
اجلس بـامان وقـول هـذا مكانـي

القلب مالـه غيـر مغليـه معشـوق
واعاهـدك مايدخلـه شخـص ثانـي

لكن انا ماني علـى الجنـب مفهـوق
من خلقتي ما اركض ورى اللي جفاني

صحيح انا مخطي ولك عندي حقـوق
بـس الظـروف اردهـا وتعصانـي

دامك تعرف السـر ياكامـل الـذوق
وش فيك صاير ضدي انت وزمانـي

علمتـك وعلمتنـي علـم مـوثـوق
يـوم البواخـر راسيـه بالمـوانـي

لكن قـدرك عالـي ومرتفـع فـوق
لك منزلـة نجمـة سهيـل اليمانـي

وانا على الميثاق والعهـد مـا ابـوق
وانت من سلالـه عريـب المجانـي

كل المشاعر يمـك تسوقنـي سـوق
ليت الزعـل ماقـام عنـك يحدانـي

وان كان قلبك يالغـلا هـزه الشـوق
اعرف ترى ماجاك بالوقـت جانـي

ياوقت ياللي منحنـي كنـك القـوس
من سبتك شـوف المعاليـق يبـاس

في كل ليل يـدق بالقلـب هاجـوس
والهم ياخذبي مـع الوقـت مـرواس

ماضاق بك صدري من مصادم الروس
ولابيـدوا حيلـي بعيديـن الارمـاس

بك عالمن تمشي على كـل قامـوس
وعلومهم ماتنحصـر بيـن الاقـواس

شبوا لهم من منور الكـذب فانـوس
وحطوا لهم من جاحد الحـق نبـراس

والطيب ثوبـن للمشاكيـل ملبـوس
والاالردي ماهو على العيـن والـراس

مرافـق الرديـان مافيـه نـامـوس
ماينفعونك لاصبح الوضـع حسـاس

والضرس لامنه دخل وسطه السـوس
كل الضروس تلـج ويصـدع الـراس

ولاني مفتش في خفى كـل مدسـوس
ولاني براعي صحبتن مالهـا سـاس

اخذت مـن وقتـي تجاريـب ودروس
وعرفت وشلون التعامل مـع التـاس

محدن يعزك كـان ماعنـدك فلـوس
واسمك مع اهل المصلحه بنك الافلاس

لو انك مفـرق جمـع كـل كـردوس
ومن روس قومن تلبس الدرع والطاس

هـذا زمانـن كـل مافيـه معكـوس
حتى الرجاء ياقف على بابـه اليـاس

ياللي تقولون الهوى ضحك ومـزوح
ترى الهـوى مايعرفـه كـل مـزاح

اصل الهوى معناه روحيـن فـي روح
به تندمـج كـل المشاعـر والارواح

حتى يصيـر البـاب للقلـب مفتـوح
بابن لـه شعـور المحبيـن مفتـاح

والقلب يمشي له على غير مصلـوح
يتبع هوى مغليه مـن ويـن مـاراح

وانا هوى بالي معـي ويـن مـاروح
طيفه معي باحزان عمـري والافـراح

ياكثر مايخطي وانـا اقـول مسمـوح
كـل الزعـل لاقـال لبيـه يـنـزاح

انا اشهد ان الحب لوعـات وجـروح
وانا اشهد انّي منـه مانـي بمرتـاح

لكـن ياللـي كـل مافيـك ممـلـوح
ارفق على حالي تـرى الحـب ذبـاح

يابو جديلن فـوق الامتـان مطـروح
ياللي جبينـك كنـه النـور وضـاح

خدك بليـلٍ مظلـم ولامعـه ضـوح
اليـا لمحتـه كنـه الـبـرق لا لاح

اشوف خدك في دجى الليل بوضـوح
نـوره ليـا بايـن ولانـور مصبـاح

وعينك دواء قلبي ليا صـار مجـروح
ورموشها تجرحني بشلـف ورمـاح

شفت التناقض كيف ياغايـة الـروح
تجرح وتذبح وانـت دكتـور جـراح

عزالله اني عن شقى الحب منصـوح
لكـن قلبـي ماسمـع كـل نـصّـاح

اثر الهوى يودعك في سـدك اتبـوح
وفيه الخساير فوق ضعفيـن الأربـاح

لاتحسب الخاطر من البعـد مشـروح
تراي اجـاوب نايـح الـورق لانـاح

حبك بنى في قلبي ابـراج وصـروح
وسيطر على قلبـن للأسـرار مابـاح

واسرني وخط احرف اسمي على اللوح
اسير حـربٍ مابهـا جيـش وسـلاح

حربٍ ضـروس ولابهـا دم مسفـوح
لو ان فيها سيـف ساطـي وسفـاح

اول ضحاياهـا بـلاحـق مـذبـوح
قلبن يجازي صـادق الـود بانصـاح

قلبي عليه ظلوعـي تصيـح وتنـوح
واقصى الظلوع يزلزل الأرض لاصاح

لكـن ياللـي كـل مافيـك ممـلـوح
ارفق على حالي تـرى الحـب ذبـاح

طلبت انا الخـلاق والعالـم رقـود
انـه يلبـي بالليـالـي مــرادي

ياواحدن كل الخلايـق لـه سجـود
ياجاعلن بالوقـت حـر وبـرادي

يامرسل ابراهيـم ومحمـد وهـود
يدعـون لتوحيـد كـل العـبـادي

ياسايقن غيث الحيا قدمـه رعـود
وبروق تكشف كنها النـور بـادي

تلطف بقلبن كـن يصـلاه بـارود
او كن تحـداه السيـوف الحـدادي

وقلب العنا دوم العنا فيـه موجـود
مافارقـه ساعـه وفيـه متمـادي

وانا اللذي قلبي من الهـم مظهـود
همن سقط فالقلب واحـرق فـوادي

جاه العنا في تالـي ليالـه السـود
ليل السبات اصبح عناي وهجـادي

وانا عنا قلبي سبـب ناعـم العـود
اللي زهى الملبوس علمـن سـدادي

والعين عين اللي على الصيد مجرود
اليا طلـع لصيـد طلعـه وكـادي

وصغير سن وعاقل وغضت نهود
واقـول مامثلـه بشـر باعتقـادي

يومن صدفته كان ممشـاه بركـود
مايعتجل بالمشـي ممشـاه هـادي

بغيت اسير الدرب والدرب مسـدود
واخذت لي موقف بعيـد انحيـادي

حاول لطيف الروح لاشك محـدود
ولاحصل لزين وضـع انفـرادي

مع ايسره مقرود ومع ايمنه عـود
وكلن يقول انظره لاكـود غـادي

اليا قصر بخطاه قالوا نبـا نعـود
وانا ادري ان القصد بس ابتعـادي

وان كان زاد اخطاه بخطاهم الزود
وايقنت لن اليوم ضـاع اجتهـادي

واقفوا ولادري حدهم بايـة حـدود
مدري حظر والا من اهل البـوادي

ركبوا على جيبن مشى تقل مطرود
نوعه سفاري وابيض اللون عـادي

واقفوا وانا قلبي مع الجيب مشـدو
دولولا الحيا لصيح لـه ثـم انـادي

وامسيت ليلي من غثا البال منكـود
والعين عافـت نومهـا والرقـادي

باسباب همن داخل القلـب موجـود
من بعد جاني عفت ملحـي وزادي

ولو التمني ياجماعـه منـه فـود
كان اتمنـى مـن ربيـع لجمـادي

لاشك مابه فـود والوقـت معـدود
ولا واحدن دايم بظهـر الشـدادي

والله يجازي من رمى القلب بسكود
ويجنبه درب الخطا اللـي محـادي

والله يكافيهـا بـلا كـل حاسـود
واهل النمايم والحكـي والـدوادي

والله يصبرني على الهـم ولكـود
صبرن سواة ايوب والا المهـادي

الا يالعيون اللي تنـوش الظمايـر نـوش
جروح القلـوب المزمنـه مـن يعالجهـا
جروحن نشت من حب صافي مهو مغشوش
تمـادت ولادري وش عواقـب نتايجهـا
سبايب هنوفن بالضميـر اسمهـا منقـوش
تـدرج هـوى قلبـي وقلبـي يدرجـهـا
غنوج وعيونن ناعسات وسـواد رمـوش
وخذتنـي بسحـر عيونهـا وبتغنجـهـا
جميلن نباهـا والحـلا فوقهـا مرشـوش
يبيـن الخجـل بعيونهـا يـوم اهرجهـا
وفكري بها غنـى وقلبـي لهـا مفـروش
ولكـن دورات الزمـن بــان ناتجـهـا
وانا اللي من الوقت الغبر خاطري مخدوش
ونفس الشقـي بعـد المواليـف يحرجهـا
وقلبي بعدهـا صايـرن كنـه المنعـوش
وعيني تكـن دمـوع ودمـوع تزعجهـا
بعد وقفوا مـن دونهـا محتميـن البـوش
وهـذي قوانـيـن الحـيـاه ونماذجـهـا
حدوني وحطوا دون قلبي حشـود جيـوش
وغاب الأمـل والطايـره فـي مدرجهـا
ولاعاد تنفع فيـه حتـى حكومـة بـوشت
عجـز الحكومـه لـو ترسـم برامجهـا
ولكن يجيب الوقت بعد الطروش طـروش
وابا انساه والكربـه عسـى الله يفرجهـا

البارحـه مـن قبـل لايطلـع النـور
قدامـي الافكـار صـفـن طوابـيـر
واخذتهـن بالـدور طابـور طابـور
وسطرتهن بالقـاف مـن بعـد تفكيـر
ولبستهن من شعري احسـاس وشعـور
حتى غـدن مثـل السيـوف البواتيـر
للشعر والشاعـر مواقيـف وحضـور
ولكـل ماقـف مفـردات وتعابـيـر
بعض الليالـي لـو تعـذرت معـذور
وبعـض الليالـي ماتفيـد المعـاذيـر
انحت حجر واسبـح بغبـات وبحـور
وانظم درر واصخر القـاف تصخيـر
ماروح ادور زور من شاهـد الـزور
ولابيـع ميقافـي بحـمـر الدنانـيـر
لي معجبين ولي مـن النـاس جمهـور
لـو الشعـر ماهـو بكثـر الجماهيـر
كم شاعرن من دون الاعـلام مغمـور
ارهى مـن اللـي واردن جمـة البيـر
بس القصيد اللـي بالاعـلام منشـور
خلى يصير اللـي مهـو لازم يصيـر
لاقاضيـن عـادل ولافيـه دسـتـور
ولو احسـب النقـاد كثـر الصقاقيـر
لـكـن لاســوو ولاجـالـهـم دور
والقافلـه يدهـن لهـا السيـر وتسيـر
والخافي اعظم واكثر النـاس مجبـور
يسايـر العالـم علـى الشـر والخيـر
وش وخر اللي يحكم الـراي والشـور
ذخيـرة اللـي يحتمـون المظاهـيـر
ووش قدم اللـي دايـم يلـف ويـدور
اصبح هو اللي يقطـع الـراي ويشيـر
الشيخ مـن عنـده عمـارت وقصـور
ويملك رصيـدن ماتجيـه المخاسيـر
اصبح يشـب النـار وقـدوره تفـور
ويقول انا عنتـر وانـا سالـم الزيـر
وصكوا عليه اهل الرياء واصبحواسور
وقالوا له انت اطلق شنـب بالمناعيـر
وصدق ومنهـم كـل ماجـاه مطيـور
ماباقـي الا ينفـض الريـش ويطيـر
يصرح ويعلـن وفـي زوده قصـور
عشبـن خضـر لكـن مالـه نواويـر
غادي ومـن نهابـة المـال محصـور
دايـم علـى بيتـه ورود ومصاديـر
ويكـرم ويهـدي وفـي ربعـه يبـور
واهل النفـاق تقـول مامنـك تقصيـر
قدم العـرب بالمـد والجـود مشهـور
واليـا عطـى مـده تعـدى المعاييـر
وان جاله المحتاج يشكي مـن الجـور
عطاه عـذرن مثـل روس المساميـر
ومن شوفته فـي مجلسـه دمـه يفـور
ولاوده بشـوف الجماعـه مسايـيـر
لو انه اقرب لـه مـن الحلـق لـزور
واخيـر لـه مـن عابديـن الدنانيـر
هو يحسب انه فاهقـن كـل مسطـور
لكـن مالـه عنـد الاجـواد تقـديـر
لاقول له صاحـي ولاقـول مسحـور
بـس الاكيـد انـه يسـوق الفواتيـر
وحظي بري ماعـم والعلـم مقصـور
على عظامـن جبـرت عقـب تكسيـر
كم تاجرن ماله علـى النـاس منثـور
ريـف الفقـارى فالليـال المعاسـيـر
ماقصده انه يصبـح انسـان مشهـور
يرجـي جزاهـا مـن ولـي المقاديـر
يالله عسى من يفعـل الخيـر ماجـور
والا المنافـق مـالـه الا زمهـريـر

مافي سماء الاحزان منزل للافـراح
ولاينفع اللـي فـات لـو ندعيبـه
وش حال الامه بعد مامجدهـا راح
ماباقيّـن غيـر الجـروح العطيبـه
اقفى زمان اهل الفتوحـات وانـزاح
اللي لهـم رهبـه وسطـوه وهيبـه
اليا التقى الجيشين بسيوف ورمـاح
منهـم كتيبـه تهـزم اميـة كتيبـه
بفعولهم شبـوا للاسـلام مصبـاح
نور الهـدى كـل البشـر تقتديبـه
الروم بيرقها مـن فعولهـم طـاح
دكـوا مواقعهـا وراحـت حطيبـه
والفرس يوم منادي المعركه صـاح
هانت ولانت واسلمـت بالغصيبـه
هذي فعول اللـي يبيعـون الارواح
مايسكتـون ويقبـلـون الغليـبـه
امّا يجي نصرن له النفـس ترتـاح
والا الشهاده تنكتـب مـن نصيبـه
وقتن مضى نلبس منه تاج ووشـاح
تـاج البطولـه والفعـول الرهيبـه
لكن يبقـى الحـزن للقلـب ذبّـاح
لان الفـرح مافيـه شيّـن يجيبـه
اليوم اشوف صفوفنـا سدهـا بـاح
وتصبر على جمر الزمـان ولهيبـه
قامت جيوش الكفر تمشي وتجتـاح
والمسلميـن جيوشهـم مستصيـبـه
كم في فلسطين الخسايـر والاربـاح
وكم يركزون بكـل ليلـه نصيبـه
والا العراق اللي بـه الـدم فـواح
في كل ليلـه ثايـرن بـه مصيبـه
من بعـد مابغـداد للمجـد مفتـاح
مهد الحضاره كيف تنزف صويبـه
في كل ليله نسمـع صيـاح ونيـاح
حتـى لذيـذ الـنـوم مانهتنيـبـه
الامه بوضعن محـد منـه مرتـاح
وكل النفـوس بوضعهـا مستريبـه
استسلمت وانهـارت وسترهـا زاح
ودموعها مثـل المـزون السكيبـه
مغير هم وضيم وغبـون وجـراح
واتـدور ايّـا مسلمـن تلتجيـبـه
حتى ظهر صوتن ينادي للاصـلاح
منشاه من قلـب الريـاض الحبيبـه
صوت الشجاع القرم كسّاب الامداح
العاهل اللي يعـرف الكـل طيبـه
عبـدالله اللـي لصعيبـات نطّـاح
لاقـام بامـر الله تهـون الصعيبـه
طاريه برقن فوق روس العرب لاح
وكل العرب وقت الـدرك تنتخيبـه
رايه علـى عدواننـا سـمٍ ذحـاح
بندق شجاعـن رميهـا بالضريبـه
ومبادراتـه كنّهـا النـور وضّـاح
من يوم يرسمهـا هدفهـا تصيبـه
دم العروبه فـي شرايينـه انسـاح
وغير النصر مافيه شيّـن رضيبـه
ولنصرة الاسـلام والعـدل طمـاح
ومنه المواقف ذي ماهـي غريبـه
يدعي لعقد القمه بصـدق وانصـاح
ومن شذ عن جمع العرب وش نبيبه
حكام الامه جابهـم عـزم والحـاح
فالمملكـه دار العـقـول اللبيـبـه
وجنّـد جنـودن للمقابيـس قـداح
تحسبـاً لايّـات حاجـه مريـبـه
واستبشروا فيهم وعطر اللقاء فـاح
واستقبلوهـم بالصـدور الرحيبـه
واتجهت انظـار امـةٍ مجدهـا راح
للمملكه والصـوت واللـي يجيبـه
وكل يرجـون لحظـات الايضـاح
من حاكمن كـل الشعـوب تحكيبـه
ومن كلمته عادت على الناس الافراح
وتباشروا بوعـود نصـرن قريبـه
وتذكروا مجدن مثل نور الاصبـاح
في سيرة امجـاد الجـدود العريبـه
ويالله وعدك اللي ذكرتـه بالالـواح
ومن يخذل الاسلام تـردي نصيبـه
وتحفـظ مليـكٍ لصعيبـات نطـاح
وتعـز الامـه والدعـاء تستجيبـه

حان الوعد ياللي تقول الوعـد حـان
هذا الزمن يطلع خفـى كـل مكنـون
العـز بيتـن لـه مداخـل وبيـبـان
عسر الطريق ولاحدن جـاه بالهـون
ولشعر ماقف مع طويليـن الايمـان
وانا مع الميقـاف حاضـر وممنـون
من صلب راسي كـل ماثـار بركـان
هز الجبال اللي لهـا حيـود وركـون
لمطيـر حقـن فالقـوافـي والاوزان
يستاهلون القـاف وافـي ومـازون
افعالهم ترجـح علـى كـل ميـزان
غصبن عن الحساد وابليـس ملعـون
من طيبها يفخـر بهـا كـل ديـوان
عوق الخصوم اللي على الموت يردون
مطير فخر وعز فـي كـل الازمـان
حتى الضعـوف بضفهـم يستعـزون
تشهد لهم كـل المواقـع والاوطـان
كم واحدن عقب الطمـع راح مغبـون
عذروبهم يـوم المغـازي والاكـوان
يـردون للمـوت الحمـر مايهابـون
صلفين بالماقف وبالحـرب شجعـان
واليا اعتزوا عـن دربهـم مايـردون
يتلون شيخـن يعرفـه كـل ميـدان
حتى النصارى في فعولـه يشيـدون
شيخن لياطال اللقاء يقضـي الشـان
شيخ الجموع اللي بالامجـاد يحـرون
من اليمن لاطـراف بغـداد وايـران
ومن الخليج اليا وراء اهرام فرعـون
كلن يهابه لانصـى الجمـع حدمـان
وحنـث علاهـم كلهـم مايروحـون
استسلموا له واعلنوا لـه بالاذعـان
وطاعوا وهم اللـي قبـل مايطيعـون
تاريخه يشرف ولـه سيـف وعنـان
وعن زمرة التحريف والزور مصيون
صيت الدويش ابين من سهيل لابـان
ومطيـر دايـم لاومراهـم يشيشـون
تاريخهم يروي ضمـى كـل ضميـان
دوم الفخـر والعـز فيـه يتبـارون
سطوة عذاب وجمعـن يعـد طوفـان
محدن يلـوم مطيـر يـوم يتباهـون
اهـل ثلاثـن للبـطـولات عـنـوان
يـوم القبايـل فالجزيـره يصولـون
المعجزات اللي لهـا الحـق برهـان
يعدهـا التاريـخ والـلـي يـعـدون
مطير يوم الوقـت والنـاس قومـان
يصلـون حـد خصومهـم ويتعـدون
فارسهم بوقت المزاعـم والاضغـان
يوم الحدب لمزاعـم القـوم مسنـون
يعد فالميـدان عـن عشـر فرسـان
وينكـس اللـي للقـاء يستـعـدون
لوهم قليليـن العـدد جالهـم شـان
يقفون مـن دون الركايـب ويثنـون
تاريخهم فـي نجـد مافيـه جحـدان
كنه شعاع الشمـس للـي يشوفـون
مركاضهم يشبع به الذيـب سرحـان
حيث ان فيه العز والنصـر مقـرون
والعفو عنـد المقـدره مالـه اثمـان
ميزه لنـا يـوم العـداء يستقـرون
والبل لنـا ونقولهـا سـر واعـلان
ماهمنا فالوقـت صاحـي ومجنـون
حنا جنبهـا يـوم روغـات الاذهـان
يوم العرب مـن دونهـا يستميتـون
حامينها بالعمـر والسيـف شامـان
من دونها خطـلان الايـدي يموتـون
واليا نوينـا فالغزيـه علـى شـان
نكسب ونكسر شوكة اللـي يمـارون
نصبـح اعدانـا مـع النـور لابـانون
حدهم حتـى مـن المـوت يقفـون
ونبـدا بعدهـا بالحـداوي والالحـان
ونقفي على مقهورها في ضحى الكون
ونصـور الاحـداث باشعـار واوزان
ونثني على اللـي للثنـاء يستحقـون
واليوم كل الناس فـي خيـر وامـان
في دولتن فيهـا العـرب يستجيـرون
فيها الشرع مسنون في صدق وايمان
وحكامها فـي سلـم المجـد يرقـون
واهتموا بشان البـل وحطـوا زيـان
والنـاس قامـوا فالمزاييـن ينقـون
وحنا هل الطالات فـي كـل الاحيـان
ميقافنا كـل العـرب عنـه يـدرون
ندحم بضلعن ساعة الضيـق مـالان
لين الخصوم اللـي دحمنـا يلينـون
واكبر دليل وكلمـة الحـق سلطـان
يوم اعلنوهـا والجماهيـر يوحـون
الفوز بالنخبـه لـذود ابـن عشـوان
غصبن عن اللي حاضريـن يتحـدون
وصفر الحداري شاهد وخيـر برهـان
فازت مع اللـي فالمراكـز يفـوزون
اللي نجبها زيـن الاوصـاف عبـدان
على بعير مطيـر بالوصـف واللـون
اشوش معها وارفع الصـوت طربـان
واقول مركزها مع الصفـر مضمـون
ياطيب ماجد جـاب غاليـة الاثمـان
في ساحتن فيهـا القبايـل يعرضـون
وابن غيام اليا حضـر صـار ماكـان
ماصار فاعوامن مضـت لازم يكـون
نقول لاهل الحمر من غيـر حقـران
المـركـز الاول لـنـا لاتـعـنـون
واليوم هابس جـاب زينـات الالـوان
وضحن كما نون له نصوب ومـزون
وحط المقـر وحـط لمطيـر ديـوان
وقاموا بنـي عمـه بربعـه يهلـون
صكوا عليه وكلهـم ربـع واخـوان
وقاموا على طيب العلـوم يتناخـون
فوزه تحقق من قبـل يـوم الاعـلان
يوم ان ربعـه فـي محلـه يصكـون
هذا هـو الفـوز الحقيقـي للانسـان
اللي بنـي عمـه عنـه مايصـدون
سهلن على اللي فالمواجيـب ماهـان
وصعبن على اللي فالحيـاه يتمنـون
ورجلن بلا ربـع وجماعـه وخـلان
خسران لـو عنـده ثمانيـن مليـون