 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
04-02-2018
|
||||||||||||||||||||||||||||||||
|
||||||||||||||||||||||||||||||||
بالهداوه يا دوا المشتاق خذني بالهداوه الفصل العشرون
البارت (( 20 )) )) الفصــــل الاول (( عقب يومين... معاريسنا في ايطالـــيا.. يقضون شهر العســــــــــل هنــاك.... طبعا ما خلوا مكان ما راحووووله... صح انه وديمه من صميم قلبها مضيجه وفرحااااااااانه وخااااايفه كله رباعه لكنها اتحاول ترسم الابتسامه والفرحه على ملامحها ما تبا اتبين لمنصور شي.. ما تبا اتبين له انها خايفه او شاكه او مضيجه عشان ما يخترب عليهم شهر العســـــــل.. وفي نفس الوقت هيه اصلا فرحانه لانه منصوووور ابد ما قصر في حقها رغم انها كانت تتوقع اشيا ثانيه وهيه اللي مخوفتنها.. اما منصور من الاساس عادي ويضحك وفرحاااااااان... العصـــــر... منصور ياي من خاري.. مشتط اونه يبا يسوي اكشن شويه لودوووم.. واللي ما زالت لين الحينه مستحيه منه منصور : ودووووووووووووووووووم وديمه لفت ويهها عليها متروعه : شووووووه منصور : يالله بسرعه.. وديمه : شو المستوي.. منصور : بسرعه اتلبسي.. بنسييير ودوم بهدوء : وين ؟ ممنصووور : نلعب وديمه : وين منصور : فالملاهي وين بعد يالله.. وديمه : انزين لحظه.. منصور : لا تبطيين..الجوووو طررر واريد استغل هالجووو...^_^ اما في الامـــــــــــارات >> فديتها يا ربيه.. يدتنا عليا وعبادي ^_* كانوا في العزبة..كان فياهم ميروووه وسلامي... عبادي : اماااااايه بسير عند عبدوه باخذ جاهي وبلعوزه طشونه اليده : وااااايه الخير فاضل والبنات بيسون لك جاهي بعد اشعنه تفزع عبادي : لاااا ما علييه.. بسير وبرد هوووب باطي... )) وضهر ما سوى سالفه لحد (( اليده :اسميك الا ما تنصر عن هالهياته.. محمد كان في عزبتهم اللي عدال عزبة يدهم محمد وعمهم سالم اذا تذكرون... وين ركبت وديمه الخيل ( ظبيه ) وطاحت ..... كان ساير هناك عند خيووووله كالعاده.... وجان يخطف على يدته اللي يعرف انها هناك.... وحدر ونزل.. محمد : السلااااااااااااااام علييييييييييكم.. اليده فارشه حصير ويالسه فيا قهوتها وسحها (( تمرها )) : علييييييكم السلاااااااااام.. مرحباااااااا ملااااااااااااين بالغاااااااااالي... محمد : الله يرحبج عفضله الغاليه.. واشحااااااااااالج.. اليده : يسرك حاليه ومن جداك محمد : حالن مديمه.. وانا بنعمه الحمدلله.. اليده : ولمعوووونه فديت روحك.. محمد : تجفيج لمهووونه... اليده : ايلس الغالي اتقهوي فيايه.. محمد : هااتي الدله ابروحيه بصب.. اليده : هيه والله ايديه ما اتمد واتعورنيه... >> دوووم تشكى لو ما فيها...^_* محمد : افااااااا شمنه اليده : ما ادري .. لا انا امس ما فيه باس .. لكن عبادي ما يمشي براض عالكدش ونحن ياين العزبة وجان يعفد على عرقوب وجان انطر هذيج النطره صقعت ايديه وعورتنيه والحينه ما اتمد.. محمد في خاطره (( هههههههههههههههههه )) : يوم الله سلمج.. سلااااماااات الغاليه.. اليده : الله يسلمك.. لا عبادي لو انرمسه.. يعق رمستيه فالطوي.. ما تيبه الرمسه.. الحينه ها فازع صوب العبد.. ما ادري شو اسمه.. يبا جاهي محمد : ههههههههه عبدوووه يدوه اليده : والعثره... عيل يبا مفزاع لينه.. جان قلنا لسلامه ولا لميرانه.. بيسون له... محمد من انطرت سلامه فز قلبه : جيه حد وياكم ثره... اليده : هيه.. يبتهن فيايه.. ضايجات وقلت لهن يالله محمد : اجديتي..يوم يبتينهن >> قصده شي ثااااااااني ^_* شوي ولانه ميرانه تربع كما الخبله ميرانه ما انتبهت انه محمد موجود والكشه خاري والشيله في صووووب وكل شي في صووووب.. وتربع وبسرعه ركبت الدري وحدرت داخل الكرفانه.. سلامي تربع وياها وقابضه الدييييج >> هوووب من طبعها لكن بابوه كان يرابع ورى الديااااي يبا يدخله الشبج ماله طبعا توصيات اليده عليا.. وكانن الساحرات الثنتين اللي ناقصنهن الثالثه وديمه.. يتمشن وشافنه وسارت سلامي وبالغصب مسكت الدييييج عقب موووت طبعا كانت متغيشه من بابوووه... وما صدقت انها مسكت شي جاااااااااااااان تربع ورى ميراااانه تبا اتفره عليها.. سلامي ما انتبهت بعد على محمد.. وتربع اليده : شو هالدبييييج.. عنبووووج يا ميرانه غدي حرمه.. ما تستحين محمد : هههههههههههههههههههههههههههههه طبعا ميرانه خطفت في نص اليده ومحمد.. ولا حست بهم.. سلامي تربع ورى ومتروعه من الديييييييج اللي ماسكتنه >> شو تبا تتروع وهيه ما سكتنه.. سلامي وهي تربع : امااااااااااااااااااااااااااااااايه.. لحقي مسكت الديييييييييييييج امااااااااااااااااااايه >> مترووووعه اونه تبا اليده اتشله عنها.. محمد سمع بغيم وجان يوقف.. ومن وقف..بعده ما لف ويهه سلامي تربع وعينها على الديج عن لا ينقبها... جان تدعم محمد واطيح وهو لف ويهه وحط ايده على وييهه لانه الديج طار.. سلامي طاحت وبعد حطت ايدها على ويهها... اليده زاغت انه ينقبها الديج.. رغم انه عااادي عندها لاول... بس الحينه عاد لانه كل شي اطور استوت اليده دلوووعه >> دلع العيااااااااااايز بعد ^_* ما بخبركم عنه اليده : وااااااااااااااااعثرتيه نقبنيه الديييييييييييييييييييج >> وين ياها اصلن اتروع من بغيمهن وشرد... محمد مييييييييييت من الضحك..... سلامي اتباغم من صوب ولا انتبهت انه محمد يطالعها وكشتها خاري ويضحك عليهااااااااا.. سلامي رفعت راسها انتبهت انه حد هنيه وانه الكشه طايره.. وجان تتحجب عالسرييييع واتقوووم واتعدل عمرها عقب ما قفطت.. محمد : شردتييه ديييجج.. سلامي :شرد بروووحه >> مستحيه وقافط ويهها ومنزله راسها.. محمد : واشحااااااااالج سلامي.. سلامي : الحمدلله وانته محمد : الله يعااااافيييج.. ومن كثر المستحى دخلت دااااااااااااااخل.. ميرانه شافت وماااااااااااااتت ضحك .. اما سلامي استلمتها ضرب وتكفييييييييييييييخ.. >>> انزين يوم اتروعين من الديج اشعنه تقبضيينه اليده : وااااااعثرتيه نقبنيه لا اتبارك من دييييييييج >> جذب محمد يعرف سوالف يدته : هههههههههههههههههه يدوه ما احيدج اتروعين من شي واحيدج راعية هالشي ومخلف عليكم الا بنات الحينه غاديات بزايات هووووب حامزات شراتج هنيه اليده بطرت شويه وحست بفخر : لاااااا ما اتروع يا غييير دياجت الحينه غييير عن لووول.. الحينه شراتكم قوووم كتاب وكمتور >> كمبيوتر قصدها... محمد : هههههههههههههه شو انسوي بعد حتى الدياي شراتنا هووووب عند حد... اليده : خسه الله من دييييييييج.. مصبحت اقوووولهم مسكووونهن وحطوووهن فالشبج ما يسمعووونها الرمسه.. محمد : جيه شفت بابوه واسلام يرابعون بليا ذهن وراهن.. اليده : عيل وين يابته هالفص هنيه عندنا >> سلامي قصدها.. محمد : ما ادريبها.. اليده : وخلى مطر لتغداه هالديج باجر.. عن النقبه اللي نقبنيه اياها لا اتباااارك من ديييييييج محمد في خاطره (( وين ياها ونقبها .. ههههههههههههههههه اسميها طماااااااشه )) اليده : وااااااااااااايه.. هووووب عند حد مال هالزمن خسهم الله.. وين لوّل محد شراته حتى الدابشه تفهم لك والمطيه وكل شي.. الا الحينه >> ويلست اتقارن وتذكر ايام لولين >> ياااااااا حاااااااااافظ عليهم في ذمتيه.. محمد : يالله الغاليه شي فيخاطرج.. اليده : وييييين محمد : بنهي ورايه شغله.. اليده : لا الغالي سلامتك يا غير ما يلست عنديه برويحاتيه.. محمد : عندج البنات ما بيقصرن اليده : خسهن الله وخلى مطر ما اييبهن فيايه مره ثانيه.. يرابع جنهن يهال .. عنبوووه يابلي الديييج لا اتبااااااارك ونقبنيه.. محمد : ههههههههههههههههه يا حليله من ديييييييييج.. هووووب ديج هذا من كثر ما محتشره عليه ... يدووووه بوديج الدختر يعطووونج ابار تعقيم باجر انزين اتزهبي >> خريييييييط.. الا ديييييج وليته نقبها ^_* اليده : عثره واشعنه.. لاء لاء محمد : هيه.. الحينه يوم يعضج جلب ولا شي.. لازم هالابار تقريبا في حدووود 24 ابره او اكثر اليده : وااااااااااااااااااعثرتيه.. عنبوه بيخبقووون يمبيه.. لا لا.. هووووب سايره محمد : لا يدوووه لازم ولا شي بيستوي الله فال خير .. عيل شو اتحرينه لازم هالشي.. اليده : وخلى مطر ما اسير ... محمد : تراه نقبج يدوه اتقولين اليده : لا تدري ما نقبنيه يا غير صكنيه طشونه.. محمد : هههههههههههههههههههههه الحينه ما نقبج ههههههههههههههههههههههههههههههه اليده : انهي جان بتنهي.. محمد : هههههههههههههه.. يعني ما اوديج باجر الصبح.. طيعي الشوووور اليده : لا بن عروه اطيع الشووووور.. سر سر انته محمد : عراحتج يالله فداعت الله ههههههههههههههههه اليده : باجر اترياك عالغدا محمد : ان شاء الله.. اليده : لا هووب ان شاء الله ترانيه بتغدى فياك هالديج لا اتباكر من ديييج خلااااافه... محمد : عنبووووووه بعدج بتغدينيه مصره يدوووه اليده : هيه محد قاله ينقبنيه محمد : هههههههههههههه عيل نقبج.. يا الله وخلى مطر لوديج باجر الدختر.. اليده : لاااااااااااااااااااااااااء.. والله ما دبرت >> محمد ما عليه من اليده لو يباها اتسوي الشي بتسويه محمد : لا بتسيرين وانا حالف قبلج اليده : واااااااااااااعثرتيه.. غصب.. اقووووولك ما نقبنيه.. عنبوووك ما تسمع محمد : ههههههههههههههههههه انزين.. يالله فمان الله... سلامي وميرانه ميتاااااااااااااااااااااااااات ضحك لانهن سمعن كل اللي قاله محمد ليدتهن... ويوم وصل عند السياره اشر ليدته محمد : اساعه 8 بخطف عليج انسير الدختر اتزهبي اليده اتأشر له.. اونه لاء ضحك وركب سيارته ونهي اما فـــــــــــي ايطاليــــا وديمه ومنصور يتحوطوووون في السووووق مالهم ويطالعووونه... وديمه طبعا ما ترمس على عكس منصور اللي يحاول يرمسها.. طبعا ما تبدا الرمسه.. الا اذا منصور سألها بتجاوبه على قد السؤال وبالمختصر بعد.... منصور : تعالي بناخذ ايسكريم وديمه سارت ولا ردت عليه منصور (( عنبوووووووه ارمس عمريه انا.. قلنا اول يومين ثلاث بس الحينه.. لحووووول.. متى بسمعها اترمسنيه... ))... وتموا يحاوطووووون... وردوا الفندق وفالليل نزلوا وساروا مطعم عشان يتعشون.. وسبحان الله نفس المطعم اللي اضاربوا فيه قبل يوم ساروا... وديمه ومنصور يالسين على الكراسي.. وديمه اطالع الناس اللي اتخطف واطالع البقعه منصور طبعا يطالع وديمه ويفكر..خلاف.. منصور : وديمه.. وديمه طالعته وخلاف لفت عيونها تستحي اتخلي عيونها في عيونه فتره طويله يعني اطالعه وخلاف اتخوز نظرها عنه...... منصور : مضيجه... وديمه : لا منصور : عيل ما تضحكين ولا ترمسيين.. وديمه نزلت راسها.. منصور : ليش نزلتي راسج... مضيجه من شي.. هوووب مرتاحه... وديمه : لا عادي.. منصور : عيل...!!!! وديمه : شو اسوي يعني.. منصور : ما ترمسين.. ما يبين عليج الفرحه او شي وديمه : لا هوب مضيجه... منصور لف ويهه ويطالع النافوره... وديمه (( انا هوب مضيجه يا منصور لكن خااااايفه... من خاطرك اتعاملنيه جيه والا مغصووووووب )) >> في خاطرها... عقب ما اتعشوا... منصور دفع وخلاف وقف.. منصور : يالله بنتشمى عقب العشى.. وديمه نشت وساروا يتمشون وكانوا متماسكين باليدين....... وديمه ما تبا اتبين لمنصور انها مضيجه ولاول مره.. هي بدت الرمسه.... وديمه : منصوووور منصور فرح ولف ويهه وبسرعه : لبييييييييييييه.... وديمه : لبيت حايه... في خاطريه حلاوه منيه.. اتعيبنيه مالتهم.. منصور : فاااااااااااااااااالج طييييييييب.. وساروا يتشروووون.. وبعد ما دفع منصور : اترييني خاري بدفع وبييج عن زحمة الرياااييل.. ما عليهم امره يدعمووون... )) كان في رياااايييل اجانب وعادي عندهم يدعمووون متعودين منصور ما يرضى على حرمته وقالها توقف خاري..(( سارت وقفت خاري.... وكانت سرحانه وما حست بعمرها انها سرحانه في ريااااال تم يطالعها بدووووووره.. وااااحد من الشباااااااب.. واللي زاد الطين بله مواااااااااطن... وديمه انتبهت على عمرها انها سرحانه لكن في رياااااال..استحت ونزلت عيونها.. الرياااال طالعها وابتسم وعرفها.. اكييييد نسيتووووه...... منصور شل الكيسه وسار صوب وديمه.. وشافها مرتبكه... منصور : شو فيج... وديمه : ما شي يالله خلنا انسير.. منصور : لا صدق.. وديمه : خلاااااص قلت لك ما شي )) وسارت (( منصور وقف مستغرب من حركتها... وخاصه انها ردت عليه برد ............... منصور لحقها ومشوا..... وهم يتمشووون وديمه سرحانه واتفكر بالريال اللي شافته.. وتذكر ايام قبل منوه تتوقعون هالريااااال..... ما بقولكم... بتعرفونه بعدين... وخلاف ردوا الفندق اللي هم فيـــــــه اما فالامـــــــــــارات وبالتحديد فالعيــــــــــــــن دار الزيـــــــــــــــــــــــن..... محمد توه حادر البيت........ ام محمد وبو محمد وفلاح وفطامي فالصاله... حمد كان برى يحاوط كالعاده فيا قووم عبادي.... محمد : السلااااااااااااااااااااااااااام عليييييييكم الكل : عليكم السلاااااااام محمد : شمسيتوا الكل : الله يمسيك بالخير والعافيه... بو محمد : علم ولا خبر... محمد : طيبه لعلوم اما الاخبار ما شي.. بو محمد : ها متى الحينه بتسافر... محمد : والله يالسين اندور حجز وان شاء الله على اخر الشهر بنسافر.... بو محمد : ان شاء الله.. ام محمد : عاد منوه بينهي فياك... محمد : سعيد وسيف وحمدان >>> سعيد بن سالم ولد عمه ... وسيف بن راشد ولد عمه بعد... وحمدان بن عمير ولد خاله وبيسافروووون لندن كشته اما عند حمد وعبادي كانوا فالعين مووول كالعاده... حمد : عبادي قم قم.. خلنا نضهر... عبادي : ليييييييييييش.. حمد : لا اتخبر بتضهر ولا لاء.. عبادي : لاااااء حمد : اذلف انا ظاهر عبادي : حوووووووووه حموووووووووووووووود... حمد : حموووووووووووووود فعينك.. اصغر عيالك انا... عبادي : اوووووب اووووووب الرياااال متغييييض... حمد مع اكبــــــــــــــــر طـــــــــــــــــــــــــــــــاف.... عبادي مسك حمد من ازنووده..... عبادي : حوووه بلاااااااااك صدق الحينه متغيض انته ولا شوووووووه حمد : وانته شو رايك يعني عبادي : راي من رايك.. لووووووووول... حمد طالعه بنظره.. عبادي : اووووووووووووووووووووووووووووووووب.. صدق والله.. ليييييييييييش حمد : بس عبادي : افاااااااااااااااااااااا انته عند عبااااااااااااااااااادي ولد عيوووووزه وتتغيض اسميك ما عندك سالفه.. حمد : وخيييير يا طييير شو الفرق عبادي : عثره اتعثرك ان شاء الله.... حمد : وانته فيايه.. عبادي : وخلى مطر عند عيووووووووووزيه ^_* حمد :اذا ما اتعرف رقمها بعطيك اياااااااه عبادي : ييييييييييييييييه >> شهق.... ما علييييييييك يا الجلب.. من اللي يرابعك... حمد طنشه وسار.. عبادي في خاطره (( شو بلااااااااه.. هوووووب من عادته.. لاااااااااااااااااااااااااا ما اتحمل اشوووووووووفه جييييييييييييه.. ورااااااااااااااااااااااااااااااااااااااه هجووووووووووووووووم .. اصلا انا ياي فياه في سيارته واذا سار منو بيودينيه >>> مصلحجي ^_*.... )) عبادي : حموووووووووودي اذا سرت عنيه منو بيودينيه حمد وهو خاطف وطبعا عبادي يمشي وراه : بن عروه عبادي : يشلك ان شاء الله... حمد وركبوا السيااااااره وتموا يحووووطوووووووون........ اما عند المعارييس.... وديمه يالسه على الكرسي اللي عند الدريشه منصور سار ويلس حذاها.. منصور : وديييييمه... شوووو ياااااااااااج وديمه : شووووه منصور : فجاه اتغيرتي.... وديمه : ما شي... منصور : وديمه انتي فرحانه.... وديمه سكتت بعدين : هيه منصور : وااااااااااااضح... وديمه : ليش تتحرانيه جذابه... منصور : لا... وديمه : صدق امايه اتسلم عليييك >> اتغير الموضوع ومنصور طبعا فهم عليها منصور : الله يسلمها متى رمستيها... وديمه : اليووووم الصبح يوم كنت راقد منصور : علووومهم... وديمه : طييييبه.... منصور : ياحيهم.. اتولهوا علينا.. وديمه : لاااااااااازم... منصور : تتولهه عليهم العافيه... سكتوا فتره بعدين رد يقووول منصور : وديييييمه ابا اعرف انا قصرت وياج في شي.. ضايقتج في شي... وديمه : لاااااااااااااا منصور : يااااااا ربييييييه من اسالج اتقولين لا لا لا ما عندج شي اتقووووليييينه.. وديمه : لاااا منصور : وديمه ادري انج مضيجه لو ما اتقولين.. وادري انج زعلانه لو ما ترمسين.. لكن طلبتج طلبه حاولي اتمثلين عليه انج مستانسه وفرحانه وعادي واتحبيني.. لو انه العكس صحيح.. نحن تونا معارييييس.. وديمه : انزين انا ما قلت اني مضيجه.. وبعدين انا عادي بس مستحيه وهوووب قادره اتأقلم بسرعه.. اي وحده عرووووس صعب تتأقلم بسرعه.. منصور : عنبوه كل هذا مستحى من كم الحينه ولين اليوم مستحيه.. وديمه : بعدنا تونا ما كملنا غير اسبووع... وبعدين في وايد توهن معرسات ما يتاقلمن لين عقب شهر.. منصور : خييييييييييييييييييييييييييييييبه.. لا لا اتفكرين اتسوينها.. الحينه ها رمستي عادي ولا جنج مستحيه.. وديمه ما طلبت منج شي حتى لو اتمثلين عادي عنديه وديمه : شو امثل انا ما اعرف امثل وبعدين انا صدق استحي والله منصور انا استحي منك انته ما اتشوووفني شو ايني >> وجان اتحمر وتصفر وتخضر كما اشارة المرووور.. منصور ابتسم : والله منصور استحي منك >> يقلدها..... فديت اللي احمرووووا انا... وديمه قفطت ونزلت راسها .. منصور : ودووووومه.. بسألج شو شعووورج عقب العرس وديمه في خاطرها (( حلووو بس خاااايفه )) :ما اعرف >> ونزلت راسها منصور : ههههههه لا حوووول... متى يا ربييييه بدزيلي ويهه عدل... انزيييين اتبدل الكرهه حب ولا بعده الحال على حاله وديمه قفطت وقامت من محلها وجان يبتسم ويمسك ايدها .. ويشل : متعــــــــني بصـــــــوتكـے وامتعـــــــــــكـے بالحـــــــــــــــبـے... عطني قليل الحــــــبـے واعطــــــــــــــيكـے قلـــــــــــــــــــــــبي... والحـــــب اطهــــــر عاطفـهـے تدخـــــــــــــــل القـــــــــــــلبـے... مجمـــــــــــل كـــــــــــــــلام الحــــــــبـے لي صرتـے جمبـــــي... وديمه ذاااااااااااااابت ما رامت... و في خاطرها (( محلى صوته..عذااااااااااااااااااااااااااااااب ما اتوقعت انه حلوووو جيييييه.. ويييييل حاليه.. ما كد سمعته يشل.. شكلها اول مره وحصري عنديه بس.. ^_^... يااا ربييييييه رومنسي هالريااااااااال... يمكن لانه شهر عسل.. لا ودووم لا تضنين بالسووووء استغفر الله.. اللهم اني ظلمت نفسي فاغفر لي انه لا يغفر الذنوب الا انت )) منصور ضحك ............. فاليوم الثاني .... وديمه راقده منصور قام من الصبح اتسبح واتكشخ طبعا لابس بنطول وقميص وعفكر منصور يتابع الموووضه يعني ما شاء الله اذا بنطلووون وقميص لازم يتكشخ باسلوووبه وما شاء الله اسلوبه وذوووق روووعه واذا فالكنادير بعد عذااااااب ما شاء الله عليه.... ويوم خلص كان لابس الكااااااب وشكله عذااااااااااااااااااااب قسم بالله من حلاته يعذب الوااااااااحد وده يطالعه وبس.. ما شاء الله عليييك يا منصور.. عقب ما خلص سار صوب وديمه الراقده عسب يوعيها.. منصور : ودووووووووومه... وديمه وفيها رقاااد : هاه منصور ابتسم : قووووووووووومييي.. يالله وديمه ما ردت عليه.. منصور : ودوووووووووووووووووووم.. وديمه لحفت راسها.. منصور : ههههههههههههههههه (( في خاطره : هذي حركاتيه فيا امايه الله يذكرها بالخير..اسميني اتولهت عليها .)) .. نشي يالله... >>> وعق اللحاف عن ويهه وكانت القصه على عيونها وجان يرفع قصتها عن عيونها ... منصور تم يطالعها وقلبه يدق وفي خاطره (( يالله.. لو تدرين يا وديمه... لو تدرين اني هوووب من اليوم وال البارحه احبـــــــــــــــــــــــــــــــــــج.. لو تدرين انه من طحتي فهدنـــــــــــيا وانولدتي انولد حبي فياج.. وكبـــــــــــــر معايه لين اليــــــــــــوم لكني كنت اخفيــــــــــــــــه كنت اضهره على شكل كـــــــــــــره كنت احاول ما ابين لج اني احبج ... ما ادري كنت ياهل واخاف اقووول اني احبج.. وكنت اكااااااااابر وكنت اوني اسوي عمري اكرهج وكل ما اضربج قلبي يتقطع هووووب من الخااااااطر وكبرنا ودايم بينا ضرابه بالكلام.. وكان احلى شي عندي هو الوحيد اللي يخليني عتواصل فياج..آآآآآآآآآآآه بتنصدم لو تدري اني كنت اعشق الترااااااااااب اللي تمشي علييييه فدييييييييييتها يا ربيييييييييييه... والله اني احبك وحيل مولع به... وانه اللي تمكن وسط لفوادي... كم ليله سهرت ومنه السبه... وعفت ذوق الشراب ولذت الزاااادي >>> يييييييه ييييييييييييه عالعووووووق)) منصور نعم يحب وديمه من زماااااااااااااااااااااااااااااااااااااااااااااااا ااااان مب بس يحبها الا يعشق التراب اللي توطاه جدمها... يتنفس هواها.. تحيا عروووقه بروياها والضرابه وياها.. ما يتحمل لحظه بعادها.. ولو انتبهتوا طشووونه جان عرفتوا انه منصور صدق يحب وديمه.. اللي من انولدت ما كانت اتعرف غير انه منصور ما يدانيها ولا يحبها لييييش ما تدري دايم اتحاول اتفسر شو سبب الضرابه والكلام والمشاحنات فياه ليش ما يكووون مثل الباقين.. لييييييييش دايما ضرابه من انولدت وماحست في يوم انه منصور يحبها... او انها عادي بنسبه له يعني مب لازم يحبها... منصور من يوم كان ياهل حبها.. خاف يقووووول انا احبها.. وبدت على شكل ضرابت يهال انتوا اتعرفون كيييف وكانوا دايم لكبار وهلهم يقولون يوم بيكبرون بينسووون برايهم يضاربون.. كبرووووا واستوى كبار.. وبعدها الضاربه بينهم.. منصور كان ما شاء الله عليه راعي شخصية وشخصية قويــــــــــــه وله ثقله سواء فالعايله او عند ربعه او حتى في المجتمع اللي عايش فيه والكل يشهد له انه مخااااااوي شما ومحد مثله.. وبالنسبه لوديمه كانت اتشوف منصور راعي سوالف وكشخه وهييييبه وكل الصفات الحلوووووووه واللي اي شخص يتمناها في منصور ياغير الضرابه وياااااااه كان ابغض شي عندها.. رغم انه يوم مثلا يخطف بيتهم ويشوفها ولا يقولها شي تتغيييض ليش ما تضارب فياااااه >> توها تبا الفكه ما تبا تضارب فياااه صدق تناقض ولو لاحظتوا او اذا تذكرون قلت لكم منصور لازم يضارب وديمه حتى لو ما شي سبب او سبب تافه.. ما يتحمل يخطف يوم بدون ما يشوفها او يضارب فياها.... ما يقدر يقولها احبج لانه يعرف انها تكرهه واذا قالها احبج يخاف انها اتذله وطبعا ما يرضى على عمره فكاتم حبه في قلبه وما اتوقع انه ياخذها واتكون حرمته لانه حتى لو بغى يخطبها يعرف انها ما ادانيه فما بتوافق واتعرفون منصور وبرستيجه بيضييييييع خاصه انه مبين لها انه يكرهاا... ما يبا يخبرها انها هيه نقطة ضعفه عشان ما تستغلها.. لكن الحينه كل شي اتغير واستوت حرم منصور بن سالم بن محمد المووووووهييييييييم.. وديمه فجت عيوووونها وشافت واحد حاط ايده على راسها ورافع قصتها عن عيونها وسرحان فيها.. منصور نسى انه يالس يوعيها وغرق في بحر افكااار وذكرياااااااات وحب مكنوووون في الضميــــــر وديمه استحت ونزلت عيونها ولفت راسها.. منصور انتبه عقب ما كان سرحان وابتسم منصـــــــــور : صبـــــــــــاح الحــــــــــــــــب وديمه ابتسمت وهي مزلنه عيونها : صباح النور.. منصور : كسلاااااااااااااااااااااااانه يالله قووووووومي... وديمه نشت بكل هدوووووووء وسارت يونها تبا تسبح وتتلبس وهي ماشيه يعني بعدها بالبجامه (( بنطلوووون احمر وفيه ورود كبار بيض وقميص ابيض في ورده عوده حمرا نص كم )) منصور : تعاااالي تعالي.. وديمه حاطه ايدها على عيونها مثل اليهال لفت ويهها مستغربه شو يبا.. منصور : جنج نسيتي شي.. وديمه مستغربه شو نست وهي توها ناشه من الرقاد وديمه : شوووه منصور : تعالي وبخبرج شوه وديمه سارت صوبه مستغربه شو بلاه......منصور حط ايده على خده يأشر عليه وديمه : شووووووه !!!!! منصور : ما فهمتي وديمه : لا منصور : لا مره ثانيه هههههههه... وديمه : انزين شو نسيت منصور : ما حبيتيني محبة الصبح وديمه احمر ويهه وطنشته وسارت منصور ضحك.. وقالها وهي فالدرب صوب الحمام (( الله يعزكم )) منصور : يعني ما بتحبيني على خدي وديمه وهي قافطه ومحمره : لااااااااااااااء منصور : عشقت كلمت لا من كثر ما اتقووووووولينهاااااااا... المووووهييييييييم اتلبست واتكشخ واتعدلت وخلصت منصور : ويييييين تبيييييين اتسيرين اليووووووم وديمه بكل مستحى وعفكره لين اليوم يوم يوقف عدالها منصور ولا يمسك ايدها ولا ييلس عدالها تنتفض : عراحتك منصور : يااااااا وييييييل حاليه عالمستحى.. بعدكم وديمه (( هذا منصور ولا غيييييييره... !!!!! )) >> في خاطرها... وساروا يحوووطووون خلاف ساروا الملاهي يلعبووووون منصور : شو رايج نركب هذي وديمه : لااااا منصور : لااااااا لااااااااااااا لااااااااااااااا لااااااااااااااااااااااااااا... >> يقلدها وديمه ضحكت ولاول مره... منصور : فدييييييييييييييييييييييييييييييتها من ضحكه.. كم بعيييييييييييييييييييييييييييش.. اناااااا وديمه ذااااااااااااااااااايبه.... منصور : انزين لييييييييييش لااااااااااااااااااااااااااا وديمه : اخااااااف منصور : انا عندج وديمه : لا منصور : لحووووووووووووول... تدرين انهم قرروا يشطبون الالف واللام من اللغه العربيه وديمه : ليش ؟؟!!! منصور : من كثر ما اتقولينها وديمه ضحكت... منصور : انزين انتي الحينه ما ادانين هالالعاب لانج اتخااافين شو بنلعب .. مال يهال مثلا.. وديمه : لا اي شي انا اتروع من القاطرات السريعه وهالالعاب الخطيره منصور : اصلا هذي حلاتهن... وديمه : لا انا ما احبهن منصور : عيل كيف يوم اتسيرين فيا قوم سلامي حديقة هيلي ما تلعبين قطار الموت والشاحوف والشوايه وما ادري شوه بعد >> من سوالف سلامي اللي ما اتوقف وال منصور ما يسير وديمه : لا انا ما اركب فياهن بروحهن يركبن انا اطالع واضحك واصور.. منصور : انزين يالله قوووومي جربي غمضي عيووونج وانا عندج وديمه : منصووووووووووور منصور : عيوووووووووووووونه.. وديمه استحت وسكتت منصور : هوووب حلوات عيونه تبين شي ثاني وديمه : لا منصور : عيل وديمه : استحيت منصور : ههههههههههههههه ادري انزين وهذا اللي يذووبنيه... المهم واتحوطوا ولعبوا وركبت القطار وزين ما ماتت من الروووعه منصور طبعا يلس يضحك عليها... ويلسوا يتمشون فالحديقة.. وخلاف اشتروا ايسكريم.. وشوي وجان يذوب على ايد ودوم عاد منصور تم يطنز عليها وديمه اذكرت يوم كانوا في ايطاليا قبل وجب عليها الماي اذا تذكروووون.. وجان تمسك اسكريمها واتخيس منصور وديمه: احسن.. محد قالك تضحك عليه.. >> تضحك منصور : واللله.. اراوييييييييييج منصور سار يبا يرد عليها الحركه شردت عنه وتم يربع وراها والناس اطالعهم.. طبعا كان زحمة ناس وديمه ضيعت منصور عادي لانه تقدر تتصل به واتقوله تعال انا في المكان لفلاني... المهم اندست صوب الشير والبحيره.. وكانت منسده ورى شيره اتراقب منصور عن بعد اللي كان بدوره يدورها وقميضه خايس اسكريم.. وخلاف اتقرب صوب البحيره.. وديمه ردت على ورى شوي شوي.. عشان ما يحس ابها وفجأه دعمت منوه تتوقعووون واااااااااااحد اسمه هزاااااااااااااااااع >>> تذكرونه )) 
   
|
|
04-02-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
وديمه اتروعت ولفت وييهاا وشافت وااااااااااحد وفجت عيونها على وسعهن وتمت متروعه وتنتفض.. هزاع بعد نفس الشي صابته صدمه منصور طالع اللي استوى لانه سمع صرخه هزاع ابتسم : سبحااااااااان الله.. اشحااالج وديمه طنشته وسارت متروعه هزاع لف عليها ومسكها وقالها : انزين السلام لله.. وضحك.. وديمه حاولت اتمط ايدها من عنده وخلاف سارت هو طالعها ويوم لفف ويهه ولانه يلاقي منصور في حلجه منصور عطاه بوكس على ويهه هزاع : حوووووووووووووووووووه.. منصور : عنبووووووووك مضيييييييع المذهب.... هزاع : منصور !! >> مستغرب... منصور : والعثره ان شاء الله.. يا السباااااااااااال.. منوه سمحلك تمسك ايدها.. هزاع : منصور منصور قاطعه : جااااااااااااااااااااااااااااااااااااااااااااااب.. .. >> ومسكه من زنوده وديمه سمعت الحشره وشافت منصور يضارب فيا هزاع اتروعت على منصور وسارت صوبه.. وديمه مسكت منصور : منصووووووور دخيييييييلك تعال.. طبه منصور : ذلفي عنيه خلني اعرف شغلي ويااااه.. شكله هووووب متربي.. هزاااااااع : اتخسي الا انته وديمه : منصووووووور وغلاااااااتي اتخلييييييييييه عشااااااااااااني ورفجه خله... منصور رد على ورى : قسم بالللله لو هوووووووب غلاااااااااتج جان ما خليييته حي الخااااااااااام... مسكت ريـّلها وساروا منصور : غسلي ايدج....>> ما يبا حد يصك حرمته وديمه : ليش منصور : شو بعد ليييييييش.. يالله غسلي >> متغيييييض... وديمه غسلت ايدها... وساروا صوب الفندق ومنصور متغييييض ولا رمس باي كلمه.. وديمه على اعصابها حست انه ممكن يهزبها.. والعصـــر فالفندق.. وديمه : منصووور... منصور طالعها وبعده متغيض بس هوب شرات قبل وديمه : ليش ما هزبتنيه منصور : ليش !!! وديمه : هاه.. ما ادري بس يعني على الموقف منصور : انتي شو ذنبج وديمه !!!!! : لا بس متعوده منك اتهازبنيه قبل منصور نسى الغيض : ههههههههههههههههههههههههههههههه وديمه : ليش تضحك منصور : يعني تبيني اهزبج وديمه : لا بس اسأل منصور : لا خلاص بهزبج.. وديمه (( وجنت مراقش على نفسها )) منصور وقف وسار صوبها ومسكها من زنودها وغير ملامح ويهه يونه معصب وديمه متروعه ... وجان يقولها : دنيـــــــــــا وفيهــــــــــــا مشى العــــــــاشق على كيفهـ وانا حبيبي على كيـــــــــــــــــــفه يمشيــــــــــــــني اربع جهاتي وضاعت فــــــــــــيه سوالــــــيفهـ رومــــــا غدالي ولهـ دربي يودينـــــــــــي استحت ونزلت راسها وجان يرفعه وقالها : طالعينــــي لا تنزلين راسج حطي عينج في عيني وديمه ما رامت.. بس كانت اتحاول... وجان يشللها : يـــــــــا هنـــــــــــــــاة العــــــــــــــــين لــــــــــــي تنــــــــــــظركـ دوووم تهـــــــــــتنــــــــــي واتـــــــــزيد من نــــــــــــورك ضــــــــــــــــــــــــيــا في عــــــــــــــــــيونكـ عيتدتـ من عقـــــــــــب صــــــــــــــــــــــــــــوووم وازهـــــــــــــــــــــــــــــــرت فيـــــــــــــــها تباشيـــــــــر الحيـــــــــــــــا راااحت فيها وديمه من المستحى..... اما فالعيـــــــــــــن الربشه والحشره والوناااااسه مستويه ومغامرات عبادي ما اتوقف النيره صدق ما باركتوالها.. حاااااااااامل وفي شهرها الثالث... فريج عمير ردوا بوظبي راشد ساير صوب الوحـــــــده مووول ويفكـــــــــــــــر..... كم شكيت من الدهر وافراق خلي وامرضي يزيد عله فوق علـــــه ابعدوبه واتركوني وين اولــــــي حالتي يا ناس عقبه في مذلـــــــه اسال نيوم الدياجي وين خــلــــي والقمر لي سايرن فالليل كـــــلـه فالحشى ما يفيد كثر التــــســلـي كل يوم يزيد شوقي والـــتولـــه يسوق سيارته وجان يحرك ايده على نفس كلمات الاغنيه ويغني فياه راشد : عالعووووووووووووق يا مييييحد... يييييييييه يييييييييييييييييه.. اسميه صدق الشاااااااعر.. ويل حالي من فراق خلي.. راشد يحاول يتناسى... عبادي اتصل بمنصوووووور.... عبادي : منصووووووووووووووووووووووووووووووووووووووووووووووو ووووري منصور شل السماعه من اذنه وسكر عيونه وخلاف ردها : جان ما انطرت ذنيه.. عبادي : صدق.. >> اونه يستهبل منصور : هيه وراس ابليس وبن عمه رشم.. عبادي : واشحاااااااااااااااااااااااااااااااااااااااااااااا ااااااااالك.. منصور : يسرك حاليه ومن صوبك عبادي : يوم سمعت صوتك انا حيي.. يا خي بلياك هوووووووووب شي ما شي اكشن حتى من يومين سرت مركز الجيمي ابا ادق سوالف وجان يتخبروني عنك منصور : ههههههههههههههههههههههههههههه عبادي : حتى قالولي امره هوب عبادي اللي انعرفه جنه شي ناقصنك منصور : لحوووووووووووول عبادي : يالله بسك رد.. منصور : وحمد.. عبادي : فدييييييته محد مثله هوووو اللي مصبرني.. تدري حتى هوووو ضااااااااااايع.. وكله يتشكى منيه يباااااااااااااك بعد هووووووووو منصور : لا خليييييييييت منكم... واشحالكم بعد عبادي : الله يعافيييييييك واشحال ودووووووووم منصور : وديمه يسرك حالها.. عبادي : هاتها برمسها.. منصور : اسف.. حرمتيه ما اترمس شباب عبادي : ههههههههههههههه اونه.. منصور :صدق ما استهبل عبادي : يا الجلب سلم عليها.. وبعدين حمد يالس يمط التليفون ما اسمعك زين رمسه حمد : مرحبااااااااااااااااااااااااااااااااااااااااااا السااااااااااااااااااااااااااااااااااااااااااااااا اااااااع منصور : ههههههههه راحت ذنيه اليوم.. المرحب باااااااااااااااااااااااااجي حمد : واشحاااااااااااااااااااااااااااااااالك منصووووووووووووووووووووووووووووووووووري منصور : يسرك حاليه ومن جداك حمد : يوم سمعت صوتك انا حي منصور : عنبوووه كلكم ميتين كنتوا.. حمد : جااااااااااب خقااااااااااق وااااااااحد.. تعال يا الجلب متى بتوووووووووون طولتووووووووا عنبوووووووووه استحلت لكم اليلسه منصور بخبث : هيه مفتكييييييين من حشرتكم.. الواحد ياخذ راحته فيا حرمته حمد : يا الهرم.. اوصل لبلاااااااااااااد والله لراوييييييك سبال واحد منصور : ههههههههههههههه حمد : واشحال الغااااااااااااااليه منصور : ابخييييييييييييييير ونعمه يسرك حالها حمد : اذلف فكنا من صوتك عطني اياها منصور : عيل ما بترمسها... اذلف هاه حمد : عادي اعرف رقمها وبدق منصور : عندي تليفونها جرب دق حمد : خسك الله.. وخلى مطر منصور قاطعه :ههههههههههههه يا حليل مطر راح فيها اسميها العيوز ما سوت خير فيه.. حمد : هههههههههههههههه.. منصور : دووووووووك ولا تزعل ورمس حمد اخته وسلم عليها.. وسولفوا... يلسوا معاريسنا تقريبا شهر في ايطاليا وقرروا يردووون الامـــــــــــــارات دار زايـد الله يرحمه يا ربيه على الامارات يالغالــــــــــي.. جهز اغراضك ورافقنــــــي.. لي رف مجد العلم عالــــــــي.. دقات قلـــــــبي تســــابقنــــي.. روح معي يا بعد حالـــــــــي.. شوق الامارات طوقنــــــــي.. من وين ما رحت يبرالــــي.. غــــــلى ابلادي ويسبقنــــي.. الحـــال والمـــال واعيـالـي.. فدوت اظلالن مطوقنــــــي.. يا داري يا ارض الابطـالي.. ربي لبرك يوفقنـــــــــــــي.. ويوم وصلوا المطار كان محمد ساير يتلقى لهم... حمد وعبادي بعد عبادي يسوق سيارة منصور وحمد سيارته واحمد سارولهم المطار بعد يتلقووون لهم وانتوا اتعرفون كيف الواحد يوم يتريى محب له مطول في الغيبه ويتريااااه.. طبعا قوم منصور يبون ينزلون في مطار العين... اقرب لهم وفالليل عالساعه 12 وصلت الطياره اللي المفروض توصل الساعه 10:30 او 11 انتوا اتعرفون الطيايير دايم يتاخرووون هذي حالتهم... واتلقوا لهم وسلموا عليهم واتحمدوا لهم بالسلامه............ طبعا عبادي عطى منصور سويج سيارته.. وركب هو فيا حمد.. وديمه ركبت فيا منصور وساروا صوب بيتهم... هي متعوده دايما اتسير صوب بيتها.. لكن هالمره بتسير صوب بيت ريلها ... وديمه : لو خليتنا انرد فيا احمد ولا حمد احسن منصور : ليش وديمه : انته تعبان عقب السفر منصور : لا ابا انكون بروحنا.. وديمه : ما مليت منيه دووم مجابلنيه منصور : واااااااااااااااااايد اتصدقييين وديمه : لااااء منصور : وانتوا شو رايج يعني ^_^.... وديمه : ما اعرف منصور : لا والله اونه ما اتعرفين... لو مليت منج جان ما قلت لج ابا انكون بروحنا... وجان يحط اغنية ميحد مرحبا يا مطول الغيـــــــبه... مرحبــــا اهلا وحيــــابك مرحبــــــا ملـــيون ترحيبه... كثر ما حـنا فرحنابــــــك ردوا البيت سلموا عليهم وارتاحوا شويه خلاف ساروا فوق عسب صدق يريحووووون البـــارت (( 20 )) )) الفــــصل الثــــاني (( وفاليوووم الثاني.. >>> 彡"ミ<<< :: مرحبـــا يا حي فضــل الله حي من تزهي به اوطــاني الغضي لي له قـــــدر والله باحترام وياه(ن) وشــــاني لي ينير الحوش والفلــــــه والحشى منهوب يا فلاني ليت قلبي بانين حــــــــله ما يخلف واحد ثانـــــــي :: >>> 彡"ミ<<< الصـــــــــبح المعاريس رقووود اما كل اللي في بيت قوم بو سعيد واعين ويالسين تحت يتريونهم يقومون... حاطين الريوووق ومرتبين كل شي..... عالســـــاعه 11 المعاريس كانوا متسبحين ومتلبسين وخالصين وديمه يالسه تجحل.. منصور : يالله انا بنزل تحت بسبقج وديمه : لا منصور : ليش.. وديمه : اترياني استحي بسير فياك منصور : ههههههههههههههههههههه بعدج... انزين فديتج يالله سار وانسدح عالشبريه... وديمه خلصت حجال وحطت الشيله على راسها عقب ما اتعطرت واتسبحت به وخلصت سارت وقفت وديمه : يالله خلصت.. منصور : يالله عيل )) ونش (( وساروا تحت ويوم وصلوا الصاله الكل نش واتوايهوا فياهم وسلموا عليهم وباركولهم ام سعيد : فدييييييييييتكم.. الحمدلله عالسلامه.. منصور + وديمه >> طبعا وديمه مستحيه وبصوت واطي : الله يسلمكم ام سعيد : عساكم فرحتوا وما تعبتوا منصور : الحمدلله... وطبعا يوهم عربااااااااان بليا اقياااااااس واولهم فريج بو محمد..كل العايله متيمعه في بيت بو سعيد من حرمه وريال.. سواء من صوب عايله محمد بن منصور >> يدهم من صوب الاب او حمد بن خليفه >> يدهم من صوب الام الريااااييل فالميالس اللي برى .. والحرمات في الميلس اللي داخل سلامي لاويه على ودووووووووم وميرانه بعد واتعشوا كلهم في بيت بو سعيد طبعا......... والحرمات سارن في وقت متأخر.. متولهيين على المعاريييس منصور تعبان عقب السفر ونص الرياااييل ساروا منصور سلم عليهم وسار داخل ويوم دخل لقى انه الحرمات بعدهن خطف جدام الميلس >> يبا حرمته.. وقبل لا يمر.. هوود من بعيد عشان اللي تتغشى واللي اتعرفون وكان منزل راسه... ام محمد : اقرب الغاااالي تعال سلم.. منصور هبط وسلم عليهن وباركن له وديمه يالسه بين الحرمات وبتحديد عند سلامي وميروه ورفيعه... منصور يدور حرمته وين.. وفجأه لقاها... منصور مبتسم : هيه الحمدلله..... اليده : اقرب الغالي ايلس.. منصور : لا بسير فوووق.. اليده : عراحتك الغالي.. اسمع تراه الغدا باجر عندنا... تسمع منصور : ان شاء الله ...)) منصور ضهر خاري وبعده ما سار بس تمت عيونه على حرمته يباها اطالعه عسب يأشر لها (( ويوم حد يتم مبحلق فيك لازم بتطالع جداه.. وديمه لفت ويهها وهي تضحك ولقت منصور يطالعها.. أشر لها تعالي.. وديمه استأذنت منهم وضهرت... منصور : مصبحت ادورج... وديمه : شو في خاطرك >> بكل ادب منصور : في خاطريه انتي خلي الحرمات وتعالي بسير فوق وديمه : فضحه.. استحي منصور : يا هالمستحى اللي ما يوقف... وديمه : ما عليه شويه وبييك.. منصور : لا تبطيييين ولا انا بيي وبمسك من ايدج بقولهن اباها حرمتيه شي في خاطركن من صوبها وديمه : لا دخيييلك.. خلااااص بيي طشوووونه بس منصور : تدرين ما يحتاي اتقوليلهن شي ما دربج من سوالفهن وهذربانهن وديمه : هههههههههههههههههههههه منصور : فديت هالضحكه.. يعلها مديييمه يا ربيه وديمه استحت وسوت له طاف وحدرت الميلس المهم يلست شويه واستأذنت بتسير.. وسارت عند ريلها اللي امره بيمووووووووووووت يتريا حرمته.... كملوا شهر.. وعااااااااادي.. يعني وديمه خف المستحى شويه.. وبدت العاديه.. اتسولف وتضحك وعادي ريلاكس.... عقب 3 شهووور من العرس..... الصبــــــــــح وديمه يالسه فيا ام سعيد تحت والنيره يسولفن وحالتهن حاله... منصور توه نازل من فووووق... منصور : السلااااااااااام علييييييييييييييييييييييكم.. الكل : عليييييييييييييكم السلاااااااااااااااااااااام منصور : صبااااااااااااح الخـــــــــــــــــــير الكل : صبـــــــــــــاح النــــــــــــــــــــــــور ام سعيد : ها الغالي... تعالي.. تبا جاهي منصور : هيه )) سار ويلس (( وديمه نشت وصبت له وشلته صوبه... منصور تم يطالعها وهوووو فرحااااااااااااااااااااااااااان ميت فرح ... وديمه : جااااااااهيييك منصور : مشكووووووووووره وديمه ابتسمت له : العفوووو منصور : وين تعالي.. وديمه : لبييييه منصور : لبيتي حايه وين تعالي يلسي حذايه وديمه استحت من هالكلمه خصووصا عدال خالتها والنيره ام سعيد : يلسي ريلج ما عليج النيره : عاااااااااادي كوووووووول ههههههههههههههههههههههههه وديمه يلست وهي مستحيه..... ام سعيد : شو رايكم انسير شمال انتغدى شرى لوّل منصور : زين غايته ام سعيد : انتوا بتسيرون منصور : انا عادي عندي.. ها ودوووم وديمه : وانا عادي.. اصلا اتولهت على السيرات ام سعيد : خلااااص يوم السبت الصبح بننهي صوب سيح راس الخيمه صوب محافز وهنه... هالنيره شو رايج النيره : زييييين.. ام سعيد : خلااااص.. ان شاء الله... ويوم السبت... الصبـــح الساعه 6 نشت ام سعيد وعالساعه 7 وعت سلطان وزاهره و سلامي عشان السيره... واحمد والنيره...... وساروا (( احمد يسوق –– النيره – سلامي )) >> ساروا في الاستيشن... وشلوا الدريول فياهم فالوانيت محملين عنده لقشار الجدووور والماي والذبيحه والبصل والعيش وكل شي يحتايووونه للطبخ وطبعا (( ام سعيد – سلطان – زاهره )) راكبين فيا الدريول.. وطبعا وانيت من ليداد وحلووو واصلا ام سعيد اتحب الوانيت ودوووم اتقول مزين السيره بعيد في غرفتين وصاله >> اونه الوانيت فريج ام محمد (( محمد يسوق – ام محمد – فطامي – منصوري )) وسايرين في الاستيشن بعد وسرحوا فريجنا شمال.. عالساعه 8 تقريبا >> اتعيبهم السيرات من وقت اما منصور وودوم راقدين... والساعه 9:45 نشوا واتسبوا واتكشخوا منصور : زاهبه وديمه : هيه منصور : يالله عيل.. وديمه : يالله بس بقفل الباب وبلحقك.. منصور : انزين )) ونزل تحت (( فريجنا وصلوا وين يبون اما قوم منصور توهم بيضهرون من البيت... وساروا قوم منصووور فالنسيان الاسود وفالدرب منصور : ودوووووم بتخبرج وديمه : عونك منصور : عانج ربج........ امممممم.. ليش يوم العرس ما بغيتي اتعرسين وقفلتي على عمرج وديمه : كنت خايفه منصور : لهدرجه... وديمه : هيه منصور : والحين وديمه : خلاااص الحين.. منصور : بس الواحد يوم يخاف هووب هالكثر.. وديمه : بعد... منصور : بعدج تكرهينيه وديمه : شويه منصور : في ذمتج وديمه : لا هوووب في ذمتيه هههههه منصور : زغت... وصلوا ونزلوا وسلموا عليهم واتغدوا واستااانسوا بالسيره خلاف ردوا العين.... مرت الايـــام .. وديمه عادي خلاص اتعودت على الحياه اليديده.. منصور دايم يدلع ودوووم ويغازلها يعني حركات واحد فيا حرمته عادي... اما ودوووم عادي منصور فيوم سوى عمره يرمس وحده وهو اصلا ما يرمس حد بس الا جيييه مطلع بطاقه ثانيه حقه ويونه يرمس صاحبة هالرقم اللي طبعا هووو.. عشان يبا ودوووم اتغااار عليه... وديمه عادي عندها كااااان مره وديمه كانت تسبح فالليل... ومنصور يطالع فلم ويالس.. وكان مستعد اونه يوم بتضهر يسوي عمره سكر عن لبنيه اللي كان يرمسها.... وسوى الحركه وديمه توها طالعه من الحمام (( الله يعزكم )) منصور بسرعه رفع التليفون منصور : يالله بعدين بكلمك باي باي )) وسكر (( وديمه انتبهت على حركته وديمه : شو بلاك منصور مسوي عمره مرتبك : هاه.. لا... لا ما شي >> جذب وديمه : هييييييييييه... ومره اتصل من رقمه الثاني على رقمه اللي يستعمله ودوم كانت يالسه فياه فالسياره... سوى عمره يطالع الرقم وما يبا يشله جدامها..وديمه طالعته مستغربه.. حست انه في شي.. >>> حليله الرياااال يباها اتغار عليه وديمه : بلااك ما بتشله منصور : هاه.. امم.. لا.. بعدين برمسه >> يمثل ^_* وديمه : اها.. يعني لاني هنيه ما بترمسه منصور : هيه.. ما ابا حد يزعجنيه يوم اكووون فيا حرمتيه... وديمه : هيييييييه... وفي يوم كانوا يتغدوون كلهم رباعه... وديمه خلصت غدى واتغسلت ويلست وكان تليفون منصور على الطاوله شوي وصاح (( يوم بقول صاح عرفوا انه رن.. ما احب اقول رن جنيه زلمه.. انزيييين .. صااااااااح ^_* )) منصور : منووه وديمه : ما اعرف.. منصور توه بيقوم : هاتيه منصور كان ساير صوب المغسل عسب يتغسل.. وديمه سارت فياه والمغاسل مالها باب شوفي مسوين حجره عوووده وحاطين فيها على الاطراف كراسي بس الكراسي اللي تي رباعه على طول الميلس على حسب انتوا كيف تبون ومسوين مغاسل مالها باب في نفس الحجره لانها مستويه حق الاكل وحق لفواله وجيه بشكل عام حجرة طعام مثل اي فله.. المووهيم.. وديمه شلت التليفون صوب منصور.. قالها ردي وحطيه على ذنيه... لانه كان يتغسل.. منصور كان يتريى اتصال مهم والكل يعرف هالشي وال لو هوب اتصال مهم ما رد عليه لين اتغسل وارتاح ويلس خلاف بيتصل.. وديمه ردت وسارت بتحط التليفون على ذن منصور.. سمعت صوووت.. وشكت فالامر.. حطته على ذن منصور وكان الصوت شويه عالي.. وشكت انه صوت بنيه هوووب ريااااااال... منصور من سمع الحس هالمره صدق ارتبك ايده خايسه مىء مسك تليفونه وضهر خاري بسرعه وديمه اطالعه مستغربه وحاسه فيه شي.... منصور بروووحه مستغرب... منصور : شو تبيييين كم مره اقووووولج لا تتصلين.. ........ : افاااااااااا الحينه ما اتصل... منصور : وانتي شو رايج... سمعي.. قسم بالله ان شفت رقمج على تليفوني بعمرج تفهمين.. ليه تصرف ثاني وانتي اتعرفين اللي اباه بيستوي.. ...... : خيبه خيبه كل هذا عشان اتولهت عليك منصور : يعل جهنم اتولهه عليج ماصخه وحده.. )) وسكر في ويهها (( وديمه واقفه وراه : منوه هاي... منصور لف عليها : هاه.. محد.... وديمه : محد وانته اترمسه... منصور : قصدي واحد مغلط وديمه : واحد ولا.. منصور طالعها بنظره.. : اقووووووول ما يخصج.... وامبووونه انتي ما يهمج.. اذا واحد ولا وحده صح... )) وسار عنها (( وديمه انصدمت من تصرف منصور توه محد مثله ومن خذها ما عاملها الا بكل طيب واحترام وحاطنها في عيونه شو اللي غيره جيييه وديمه سارت الصاله وين الكل سار حتى منصور.. وديمه يلست .. وكانت مجابله منصور ولا رفعت نظرها فيه... ومنزله عيونها اتفكر على عكس الكل يسولف.. منصور انتبه عليها... منصور في خاطره (( اااااه.. والله ما اتوقعت انه التمثيل بينجلب صدق عليه.. خييييييبه... انا هووووب متوقع اتصال هالخايسه عثره من زمان ما رمستها وبعدين انا ما رمستها غير مرتين مره من تليفون سعيد ومره من تليفوني.. خيبه اتخيبها... يا الله الحينه وديمه بتشك...وبتزعل علييييييه.. افففففف.. انا ما بغييت هالشي يستوي انا ما طلبت غير اتغار عليه.. اباه اتقووولي احبك بس.... يا الله )) ام سعيد : بلااااج غناتيه ساكته وزعلانه وديمه : لا امايه ما فيني شي ام سعيد : لا فيج وديمه ابتسمت : لا بس افكر فالدوامات متعايزه اداوم فالجامعه ام سعيد : كله ولا الدراسه يالغاليه... يالله ان شاء الله بتهوووون ولا اتفكرين بعدها الدراسه الحينه وديمه : صدقج.. ما ادري شاله بهر من اليووووم منصور عرف انه هوووب هذا السبب عرف شووووه... وديمه : يالله انا بسير فووووق.. آنس راسيه يعورنيه الكل : ربيه يحفظج.. وسارت وما سوت لمنصور سالفه... ويلست فوووق اتفكر.... شوي ولانه منصور حادر عليها... على طوووول سار صوبها... منصور : زعلاااااااااانه صح وديمه طالعته خلاف لفت ويهها منصور : يعني زعلانه.... وديمه : هيه واااااااااااااااايد بعد منصور : افاااااااااااااا ما يطيع زينج تزعلين على ريلج حبيبج (( وفي خاطره : متى بتقولي حبيبي يا الله )) وديمه : منصور سو اللي تباه عادي عنديه اوكييييه منصور : شو سويت... وليييييش عادي.... ما اباه عااادي عندج وديمه : منصور عراحتك قلت لك.. منصور : وديمه بخبرج )) وخبرها بالسالفه انه قبل كان يمثل عليها عسب اتغااار او شي ما يدري انها مييته من الغيريه عليه بس هووووب مبينه شي عسب ما تستوي بينهم مشاكل وهم توهم معرسين... وخبرها انه وحده اتصلت له وخبرها كل الحقيقه كلها.... وديمه اتفاهمت الموضوع والحمدلله ما استوت مشاكل امبينهم (( منصور : يا اخي انا اتعذب وديمه : لييييش منصور : من اشوووف هالابتسامه ولا هالضحكه اذووووووووووب... وديمه استحت ونزلت راسها منصور : ياااااااااااا ويييييييييييل حااااااااااااااااااااااااليه..... رحت فيييييييييييهاااااااااااااااااااااا وديمه سارت وضهرت خاري واتوجهت صوب الحوش عند الشله (( سلامي والنيره ورفيعه )) عقب كمن يوم عمير بن حمد عزم فريج بو سعيد وبو محمد عندهم في بوظبي عالغدا وطبعا ساروا... الكل سار.... وصلوا وسلموا عليهم ويلسوا.. عقب الغدى... وديمه ضهرت خاري فيا سلامي والنيره يتحوطن فالحووووووش خلاف يلسن على الكراسي... وديمه : اقووولكن بسير طشونه داخل وبيي سلامي : هاتيلي ماي النيره : لا تدرين قولي حق ترياتى تيب كمن غرشة ماي خاري.. احسن وديمه : جيه بيتي اتشرط بعد النيره : لا عيل بيت الييراااان.. عنبوه بيت هلج.. بيت خالج هذا... وديمه : انزيييين لو هوووب حامل جان النيره : انزين انزين.. سلامي : هههههه وسارت وديمه داخل خلاف اتوجهت صوب المطبخ وخبرت البشكاره اتودي ماي خاري عند قوم النيره... وضهرت من باب المطبخ عسب اتسير صوب قووووم سلامي... وهي ضاهره سبحان الله واحد كان موقف سيارته مناك... مشتغله والباب مبطل.. ومحد فيها.. وديمه خطفت جدامها لانه ما شي درب غيره وطالعت السياره وهي اطالع السياره سمعت صوت وكانت بتدعم مصدر الصوت ....... : حد هنييييه لا تدعمين.. وديمه لفت ويهه بسرعه ووقفت وبسرعه اتغشت... وديمه : السموووحه... ..... : انزين... وديمه : اشحالك راشد راشد : يوم ما شفتج انا ابخير.. وديمه : راشد لين الحينه حاط في خاطرك.. خلااااص... راشد : ما يخصج.. تسمعين ما لج خص انتي... وديمه : شو هالاسلوووب راشد راشد : عراسج.... هذا اسلوبي هووب عايبنج..خلااااااص شو تبين بعد منصور كان خاطف يتمشى فالحووش يرمس عبادي فالتليفون... وجان يلاقي راشد ووحده واقفه فياه وعرف انها حرمته وقف وسكر عن عبادي وديمه : انزين انا الحينه بنت عمتك والمفروووض على الاقل اتسلم هووب اترمسنيه جيه حتى لو مضيييج من شي.. راشد : والله عاد كيفي انا اسلم ما اسلم عراحتيه... عندج مانع وديمه : ما عنديه مانع.. عراحتك يا ولد عمير.. لكن مهمى كان عمر الدم ما يستوي ماي.. راشد : لو سمحتي وديمه.. انتي ذبحتيني ويايه اطالعين بقايا جريمتج عشان تتشمتين.. انا هوووب مستعد وديمه : لا منووووه قال راشد.. انا هوووب مجرمه وهووب بايدي اللي صار... راشد : الحينه يايه اتقولين هوووب بايدج عقب ما استوى اللي استوى... خلااااااااااص لو سمحتي.. وديمه : راشد... انته ليش اتحملني السبب ليش اتلومنيه... عشي هووووب فيدي راشد : والله محد ضربج على ايدج وقالج خذي منصور ولو ما تبينه جان رمستي ومستحيل حد يغصبج... خلااااااص ما ابا اسمع شي ثاااااااااني... راشد اللي اتعرفينه ماااااااااات وماااااااات من زماااااااااااااااان انذليت بما فيه الكفاااايه بعد شو تبييييين منيه... وتم يشل : لولا الملامه وقول لحسوووود والخوف من يوم القيامــــــــــا بحكم عليك والعالم اشــهووود وبنهي المحبه باحترامــــــــــا مشطوب مالك عندي اوجووود مليون غيرك مالريااامــــــــــــا لو ضاق شوقك نار لحرووود عندي انا برد وسلامــــــــــــا وليت الزمان الاولي ايعووود بجمع حياتي في غرامـــــــــا واليوم بيني وبينك احـــدووود ومنك ترى ما اقبل سلامـــــــا وديمه وعيونها فيهن دموووع شوي وبتصييح : انته لييييييييش اتقوووول جيه.. الحينه انا الغلطااااااانه... شو هالكلااام يا راااشد هذا كلام كبيييير.. لا تظلمنيه... لا اتعيييش حياتك ظااااالم.... انا ماليه ذنب... الحينه انا الشريره انا اللي ما اقدر انا اللي ما عنديه قلب.. ما اتوقعت اسمع هالكلام القوي منك... منصور سمع الرمسه وانصدم وسار ما قدر يتم اكثر.. ما قدر يسمع زوود.. حس انه وديمه تبغضه وحس انه وديمه اتحب راشد او بعدها متأثره فيه سار وهووووووو زعلااااااااااااان وركب سيارته وضهر... ويلس يحوووط في بوظبي وسار صوب البحر ويلس في سياااااااارته وقلبه متخشع وقلبه تعباااااااان من اللي سمعه الحينه هووو سبب فرااااق محبييييييين... هوووو.. شو ذنبه .. ذنبه انه حب وديمه مثل ما راشد حبها او اكثر.. منصور من زماااااااااااان يحب وديمه... هووووب من الحين.. منصور رابي بحبها...عايش حياته في محبتها وعشقها... شو هالكلااااااااام اللي سمعه ............كاااااااان فرحاااااان قبل لا يسمع هالكلام... لييييييييش الواحد ما تكمل فرحته ليييييش لييييييييييييييييش.؟؟؟؟؟؟ و من الضييجه اللي فيه يلس يسمع اغنية بالروغه ومطول عليها لانه الكلام اللي دار بين راشد ووديمه يرن في راسه ويدووور صداه وهو ما يبا يسمع ما يبا ما يبا... تريد الهوى لك على ما تبا ... وقلبك تريده يحصل المـــــنــــــى وخلن توده تريده عطووف... صدوقن يعاهد كعهد الــــوفــــــى فلا شفت مغرم فواده مريح... ولا ريت خودٍ هواهن صحيــــــح وكــــمن متيم جعلنا طريح...جفنا وقالن نحن ما نــــــــــبــــــــى ولاني بهواهم مثل ما تشوف... ولا فـرد واحد وغيري ألــــوف عيوني اتهامل ودموعي هتوف... وقلبي بغيره مشطه عنــــــى سلبني وداده ولا راف بي... وحالي معلل وجرحــــــي غبـــــــي ولو صاب غيري الذي حل بي... فلا ضني يسلى بلذ الحشــــــى سلبني وداد الحبيب المليح... انا به متيم وهو مســــــتريـــــــح ومره نغني ومره نصيح.. وقزرت عمري على مستـــــــــــــوى عن احباب قلبي انا ما سليت... وعن عدلكم يا الحواسب صغيت جزاكم على الله انا ما ريت... على وصف خلي حد اســــــــــتوى اما عند وديمه وراشد في نفس الوقت عقب ما سار منصور مسرع.. وديمه : راشد بقولك شي.. انته ابروحك اوهمت عمرك بحبي.. وانته تدري اني ما اداني هالسوالف وعيب عندنا نحن وين عايشين.. ما اقولك لا اتحب هذا شي لا ارادي.. لكن بحدووود.. وبعدين راشد انته تدري اني ما ابادلك الشعور.. هووب انيه اكرهك لا بس ابغض تصرفااااتك... اللي مستحيل تتغير.... راشد انته على بالك انه اللي اتسويه صح... كيييفك حياتك وانته حر فيها... انا كم مره اعتذرت لك... انا قبل ما احيدك جيه.. وال بس حركات.. شوفوا انا احب... راشد لو صدق اتحبنيه ما سويت اللي الحينه يالس اتسويه.. راشد : خلصتي كلامج... وديمه : يزالك الله خيييييييير على اللي سوووويته واللي قلته واللي لازم اتعرفه واسفه على هالكلمه انا احب ريلي ومرتاحه فياه.. واسفه اذا غلطت عليييييييك..... يالله برايك... راشد ما رد عليها لانها طنشته وسارت عنه..
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
