يا قلب لا تحزن على فقد غاليك

ياقلب لا تحزن على فقد غاليك
***************** دام الكرامه تاجها راس مالك



لازم تبيع وعزّة النفس تشريـــــك
***************** إشرب فناجيل الصبر من دلالك



لاالحب ينزل بك ولا الحسن يغريك
***************** مادام عز النفس عمّك وخالك



ياقلبي إصبر وإن تردّت خطاويك
***************** نفسي على هام الثريا بدالك



والا انت ياللي تايهٍ في مساريــــك
***************** والله مايرجع زمانٍ مضالك



اللي بقى من باقي الحب يكفيــــــك
***************** تعيش به ماعاش راسك لحالك



والا الثقه راحت مع أيام ماضيــك
***************** مالك عهد ياخاين الود مالك



بعد الخطأ ضاعت شوامخ مواريك
***************** وعقلك وثقلك والغرور ودلالك



شانت تفاكيرك وضاعت مباديك
***************** واصبحت أشوفك شي كنه خيالك



الله يخليلك لشبابك ويحميـــــك
***************** اللي ببالي شي ماهو ببالك



مانيب من لاخنت عهده يراضـيـــك
***************** اللي على راسه لو أخطيت شالك



لوكان قلبي ماإنقضت رغبته فيــك
***************** ويفز لإسمك وان حكوا في مجالك



خذيت درسٍ في حياتي وباعطيـــك
***************** درسٍ تحطه طول وقتك قبالك



ضيّعت لك شيٍ من الكل يغنـيــــك
***************** ولا ينفعه ذالحين ساحر جمالك



أصبحت مثل التسليه للصعاليك
***************** اللي تبي فخر الغزل من خلالك



أحذر من اللي ضحكتك له تدنيــك
***************** لو كان ما طالك له لسان طالك



من تصفحى...................

تسلمين غلاي

ألف شكر

مروري شكر وتقدير للمجهود الراقي

مشكوره يالغلا

رآآآآئعه ,, الله يعطيك العآآآفيه ..
كعآدتك مبدعه بالأنتقـــآء ....

صح لساان قايلها

يعطيك العافيه

يسلمووووو عالطرح بروووووووووقه

لاهنتو على المرور جميعا

تسلميييييييين