عين الجرح

مدخل





هذا انا لك مثل ما انته تبـي شفنـي
امد كفة وصالـك وارخـي غيابـك


احاول أقطف غلا من كان ينصفنـي
والظاهر إني قطفتك انـت وأحبابـك




عمق



من أكثر من شهر وآنا اسولف والحكي ما بات
.....................من اكثر من شهر وانا تركت الدمــــــع في بيته

من أكثر من شهر وآنا اسولف والحــكي يقتات:
.....................من الاوجاع في صدري وانا والله مـــــا اعطيته

وجيت أركض على صدر المسافه وانثر الاهات
.....................على نفس الطريق (اللي قبـــــل جرحين مريته)

اجي كنى مباسم والفــرح طفلٍ يتمتم: (هات)
.....................من اول مــا لمحتـــه جيت باشــــواقي وضميته

لقاني شخص في صدره ينـــام الشعر و الابيات
.....................كثر ما كـان يضحكـني!! قسيت وقمــت بكيته!!

تركني حرفي المتعب بكا واذكر انا اللي (مات)
.....................بكيته لين ما اخضرت يباس حروف ....(يا ليته )

حبيبي ليه تبغاني اعيش العمـــر فـي حسرات؟!
.....................حبيبي شوف عـين الجرح رمدا ..يوم خليته؟

حبيبي ليمتي ساكت وعشقي مـا يعرف اسكات؟!
.....................تكلم ...كل عطرك في الرســـايل امـــس شميته

تصدق؟!! مرني طيفـــــــك يداعبني وانا اشتات
.....................تجاهلته !!..بزعــــم اني ابا جــــــــافي و لميته

تخيلتك تسولف لـــــــــــــي واثاريني بليا شْفات
.....................احاول اشرح الشـــوق الذي في الجوف كنيته

سألته عنّــك بصمـــــــــتي الين الوقت كله فات
...................يردد هـ المكان اللي جمعنا .... (كم تمنيته)؟!

اسولف للصور قصــــــــة غيابك وانتثر دمعات
...................ادق بـــــاب الصبر كلت متون الشوق /ناديته

وتتثواب على جدران عمــــــــري آخر الساعات
...................وانا أسأل هـالزمن وابكي (امانه وين وديته)؟!

جثيت ابعزة اشواقي ولا عندي سوى كلمات:
..................." حبيبي راح يرجع لي؟! " ..تصدقني ؟! ترجيته!!

صرخ في وجــه لهفة انتظاري قالي لي: هيهات
...................تبـــــــــي يرجع ؟! وليه اصلاً من الاول تناسيته ؟!

يناظر ساعته يضحك تخيــــــلت الاماني جات
...................فتح درج الفراق اللي بصـــــــدري يــوم حاكيته

من أكثر من شهر وانته تسولف والحكي ما بات؟!
...................من اكثـر من شهر وانته تركت الدمـع في بيته ؟!

تركني ..

حشرجة/

غصه /

الــــم /

حرقه/

بكا/

ونات!!
...................تركني شي ما يذكــــــــر ولا ادري ويش سميته؟!

انا /والدمع/ واشواقـــي على صدر الشعر اموات
...................ولاباقــــي من احساسي ســــــوى شاعر/ وانا بيته


مخرج


جيت اتمايل وخوفي منـك تقطفنـي
من وسط قلبك وتزرعني على بابـك


يرضيك لو قلت لك انـك تشرفنـي
ابك انت كل الشرف بس اترك غيابك




لاأرواحكم النقيه

ابيات راقت لي
يسلم لنا ذوقك
الف شكر لك
تقيمي يسبق ردي
مودتي

صح لسانك ولسان شاعرها

ملمة اناقه قليله في هذا الذوق العالي
ابداع اخي

ذائقة متميزه وككلها رقي وجممال هذا م اعتدناه منك اخوي براق لرروحك الورد والسعاده

عافيه عليك وعلى الطرح الراقي
لاحرمك الله رضاه

لك كل
تقديري واحترامي

مجنون قصآيد

مَعقُودَةٌ أزَاهِيرُ الرّبِيعِ عَلَى هذه السُّطُور
كَ عَناقِيدٍ تَدَلّت مِن سَقفِ الْجَمالِ الْبَلِيغْ
طَابَت قِرَاءَتُك

ماقدمت/ي ها هنا
مليء بالجمال
تكاد الروعة تغرق من طوفان الابداع
فـ اقبل/ي مروري وأميناتٌ لك بِ دوام التوفيق

ماخلا ولاعدم منكم جميعا سلمتو ااا

غناءٌ رفيعُ المقام يصلُ بالقلبِ لثنائيّة الطربِ والحُزن
، كَم أنت بهيّ ياكريم.. شهي في الحُزن و مرنٌ في التنقل بينَ وصلاته .
لله ما أبهى بَيانَك .

مرحبا
هدوء البهيه
وممتن لتواجدك بلاحد
سلمتي
أختي