~|[ خَلّوه .. يَجْرَحْنِي و يِرتـاح

{.. خَلّوه .. يَجْرَحْنِي ويِرتـاح .. خَلّـوه
يِبُوح .. باشْيَاء ٍ .. قديمَـهْ .. كتمْهـا



{.. لامَاعَلى .. طَعْنات يَدّيـه .. مَشْـروه
أسْتاهل الطّعْنَهْ .. واجِي .. واغْتنمْها



{.. قُولوا لهْ انّي قلْت يانـاس ..عانُـوه
ذا .. قَلْبَهْ الغالي.. وروحِـي حَكمْهـا



{.. هُو منْ كسَبْني يـوم غيـرَهْ تَحَـدّوه
لو كنْت ( ديرَهْ ) كان قلْبَهْ.. ( عَلمْها )




{.. مَاغرّني غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا



{.. في حفْرَة الضّيقَهْ .. اذا طاح.. شلّـوه
هُو منْ حَيَاتِي .. بالسّعـادَهْ رسَمْهـا



{.. طلْتَهْ ولا غيري من النّاس .. طَالـوه
لَهْ هيبة ٍ .. عنّ جدْ.. انـا أحْترمْهـا



{.. بَقول يَاقلْـب ٍ نفَـعْ نَـاس .. بَاعـوه
زمنْ نفَعْ نَاس ٍ .. و نَاس ٍ .. ظَلمْهـا



{.. بَرْحَل عنْ ديَارَهْ .. وفالقَلب .. انْسـوه
متْدَفّـي بنَـار ٍ..فُراقَـهْ فَحمْـهـا



{.. مَجْبُور أجَافِي .. بَسّ وصّوه .. وصّوه
يَذكرْ لِيالـي .. حبّنـا .. ويْحشمْهـا



{.. مَاجَاه مِنّي.. أيْ غَلْطَـهْ .. ومَكْـرُوه
راح بشموخَهْ.. والمَحَبّه ..حَسمْهـا



{.. خَلّوه يَنْسانـي .. ويِرْتـاح .. خَلّـوه
مَادامَها .. فَرْقا .. ورَبّـي.. قسَمْهـا


.
.

مَاغرّني غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا

صح لسانك
مشكووووووووووووورة عالنقل الحلو

صح لسانك ولسان شاعرها

ومطلعها نار وشي جميل

تسلمين مفاهيم الخجل

صح لسانك ولسان شاعرها
مزيدك منتظر

عواااااااافي اخواني على المرور..!!

صح لسانك ولسان شاعرها
ألف شكر لك على الانتقاء المميز
تحياتي و تقديري

نادر الوجود..!!لاعدمنا هالنور