|
|
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
#1
10-23-2011
|
||||||||||||||||||||||||||||||||
|
||||||||||||||||||||||||||||||||
|
راح اظل احبك لاخر ثانيه بحياتي .,
روايتي الخامسه (حياتي راح اظل احبك لــ اخر ثانيه بحياتي )
لكل رواية بطل وبطله هم اساس الرواية احداثهم وحياتهم هي الي تعطي لـ الرواية الحماس وبموت واحد فيهم تخرب الرواية ونا بعد برواياتي الاربع الي قبل كانت من بطل وبطله تكلمت فيها عن احداثهم وحياتهم ومشاكلهم لكن انا هني بروايتي الخامسه حبيت اغير شوي وصار من بطله وحده بس لـ ثلاث بطلات اشلون حياتهم شنو مشاكلهم وشنو افراحهم شنو وشنو وشنو ثلاث بطلات لكل وحده حياتها وافراحها ومشاكلها واحزانها واتمنى اني قدرت انسجها زين قرأهـ ممتعه بقلمي : شقأإأوهـ البارت الاول ( 1 ) : جالسه بالصاله الكبيره لــ tv ... وشوي شافت اعلان عن عطر .. وقامت بسرعه تدور ع جوالها لجل تاخذ الرقم وتطلب منه رنيم وهي تدور ع الجوال : ياويلي ياويلي الحين يخلص الاعلان ونا ولا خذيت الرقم وينه ذا ياربي سمممممر - شافت فوق الطاولة الصغيره - كااه بس يارب مايخلص الحين واااي - وبدت تسجل الرقم سمر : انسه رنيم كاه الرقم سجلته رنيم : يمه متى جيتي سمر : من ناديتي لي رنيم : ماشاء الله عليك وع طول سجلتي الرقم ترا انتبهي لا اظنك سوبر مان سمر : ههههههههههه بتطلبين عطر رنيم وهي تنقل الرقم لــ جوالها : اي وخصوص بعد اني ابي عطر بس ماني عارفه شنو اخذ بالظبط سمر : اها زين رنيم : يلا اوش بتصل ... الووو .... شركه *** للعطور .... انا توني شايفه اعلان لـ عطر ووايد عجبني شكله جديد توه طالع بس ماني متذكره اسمه بس هو من شركتكم ......... ايه بالظبط شذي اسمه ..... حلوو انزين بكم .... زين الواحد بـ الف ... لالا انا ابيه نفسه عادي .... ابي منه خمس .... اوكي ... عنواني انا بـ دبي حي **** قصر الــ *** ..... اي بالظبط هو .... اي لو سمحت اذا ممكن اليوم ..... يسسسلموو .... اوكي شكرا .... بااي رنيم تكلم سمر : كاه طلبت ويقولون عقب ساعه وهو عندي سمر : زين والله رنيم : تعتقدين ان ريحة حلووه سمر : هههههههههه انتي طالبه خمس وماتعرفين اشلون ريحته رنيم : بس مااتوقع انه موب حلوو لن الي بالاعلان ملكت جمال فرنسا ..... يلاه ان شاء الله ريحته حلووه سمر : ان شاء الله رنيم : يلا برووح لجدوو اكيد الحين جالسه بالاسطبل سمر : اي اعتقد رنيم وهي تقوم : لا تعتقدين انا متأكده يلا باااي ( رنيم قمة في النعوومه و مررررره طيبه متواضع جدا امها وابوها توفو وهي الحين عايشه عند جدها هي واخوها عمرها 19 سنه ) ( سمر مرافقتة رنيم ) ------------------------------- بالمطبخ ومستاانسه لنها انتهت من الطبخه الي اطبختها نهال وهي تفسخ المريله : اوه انتهيت يلا بطلع وابشر امي - وطلعت ام نهال : ها بنتي ان شاء الله خلصتي نهال : اي الحمد لله خلصت بس بااقي تاكلوون وتعطوني رااايكم زين جااايه من غرفتها وكتابها بيدها قاعده تستنشق ريحة الطبخ : يالله شنو هالريحة ياناس خلاص انا ماني قادره اذاكر ابي اكل شنو هالريحة يانهال ناويه تذبحيني شي نهال : ههههههههههههه هونك هونك بغيتي تاخذين كل الريحة تركي شوي لبوي يوم يرجع لجل يعرف ان طباخي لذيذ زين : انتي صجك ترا والله جعت خلاص حطي لنا ام نهال : هههههههههه الله يهديك يابنتي نهال : اقول اصبري شوي الحين بابا جاي زين : يلا شسوي بصبر ام نهال : اي شوي قرب وقت وصوله ( نهال بنت حلووه كتييير عمرها 20 سنه تحب اهلها وايد وماتحب تشوفهم تعيسين يعني تتمنى سعادتهم ) ( زين اخت نهال عمرها 18 سنه ) --------------------------------- جالس ع مكتبه الفخم الي خشبه من افضل الخشب ونادر المزخرف بقليل من الذهب قاعد ويطقطق بالقلم وينتظر تليفونه يرن وشوي بدا التليفون يرن سيف : اي صقر صقر : طويل العمر توني سامع من الرجال خبر جد مو زين سيف : تكلم وبلا من المقدمات لا اراويك شغلك اصل مايجي منكم الزين صقر : سمعت ان العصابه الثاني صدرو اول شاحنة مخدرات وللاسف هذا كان البارحه باليل سيف بعصبيه : ونتو شنو كنتو تسوون ها انا ماقلت ماابي ولا عصابة تصدر لــ برا غيرنا الحين الي بنتعامل معهم بيقلون حنا مقصرين وان حصل اي خدش بعلاقتنا فتأكد وصلت نهايتك صقر : اسف ياطويل العمر ان شاء الله الشاحنة الثانيه حنا بنصدرها سيف : يكون زين لن لو ها الشي ماصار بتشفون شي عمركم ماشفتووه .... - وصك الجوال بوجه صقر وقام متوجه ع قصر جده ( سيف شاب وسيم بالحيييل اخوو رنيم عمره 23 سنه بعد موت ابوها صار هو الي يدير كل شركاته وصار من رجال الاعمال المعروفين بــ دبي ) ( صقر فينا نقول ايده الايمن لــ سيف معه بكل شي بس سيف يوم يعصب ينسى منو قدامه وصقر بعد واحد من عصابة سيف الي يهربوون المخدرات ) ------------------------------- بغرفتها وتدور بالكبت راما : يالله شنو البس .. باخذ هذول وبروح عند مامي تختار لي - وخذت الملابس ونزلت لي امها راما : ها مامي شنو البس هذي . ولا هذي ولاهذي ام فيصل : هههه الله يهديك يابنتي شنو هذا كله راما : ابي اختار فستان البس بكره عند صديقتي عبير ام فيصل : الله اكبر عند عبير وجايبه كل هالملابس راما : ماستغربت انك استغربتي بس عبير عندها صديقاتها لجل شذي ام فيصل : اهاا اوكي شوفي هذي الاسود حلو عليج راما نقزت وباست امها : تسسلمين يالغاليه تصدقين عاد انا بعد كنت ناويه عليه ام فيصل : اي هين راما : ههههههههه يلا بلبسه وبعد احلى شي انه - عملت حركه برموشها - ضيق علي يعني بطلع شيك ام فيصل : هههههههههه اي بتطلعين شيك راما : ههههههههه الا وين فيصل ام فيصل : والله ماعــ.... فيصل قاطعها بوصوله : السلام عليكم راما وامها : وعليكم السلام فيصل : شنو هذي بتنتقمين من ملابسك ولا شنو راما : هاهاهاها دمك خفيف فيصل : ههههههه اعرف لا داعي راما : واااي ياشين الثقه وبعدين مابنتقم منهم ولا شي بس بختار شنو البس بكره يلا نشووف ذووقك قول لي شنو البس من هذوول فيصل وهو يحووس بعينه ع الملابس : امممممم الوردي حلو لكن عادي والاخضر الغامق مايصلح معك لكنك ضعفتي الاسود احلى شي اكيد حلو عليك راما : غريبه طلع ذووقك حلوو فيصل : هههههه اقول طسي من ناك انا اصل كلي ذوق راما : كثر منها .... يلا مامي برووح وبجهز لــ بكره فيصل : الا وين رايحه انتي راما وهي تصعد الدرج : عند حبيبي فيصل : شنوو راما وهي عند باب جناحها : ههههههههه صدق دمك خفيف فيصل : يمه شنو تقول هذي ام فيصل : ههههههه لا تمزح وياك رايحه عند صديقتها عبير فيصل : هالعبير انا واايد مارتحت لها ابد ماعجبتني بس لو اقول لي راما ماتسمع ام فيصل : والله شنســ..... قاطعها صوت راما من فووق : اخوي العزيز بخصوص ان صديقتي موب عاجبتنك اسولف معك مثلا فيصل : سولفي معي ولا ان تمشين مع هالبنت راما : اقول لا تفكر اوكي وثاني لا تتكلم عن صديقتي - ودخلت جناحها وصكت الباب فيصل : والله هالبنت مشكله ام فيصل : ههههههههههههه الله يهديها ( راما بنووته حلللوه وااايد عمرها 19 سنه ونص يعني بعد ست شهور تدخل 20 حساسه وايد وغيوره ) ( ام فيصل الام الحنونه ع عيالها ماتحب ابد انها تحسسهم ان اكو نقص ان ابوهم مات تحاول دايم انها تسعدهم ) ( فيصل شاب حلووه بالحييل يحب اخته ومايبي غير يرضيها وفيه شويت غرور عمره 22 سنه ) -------------------------------- رنيم داخله الاسطبل : جدووو عواد جد رنيم : هلا يابنتي رنيم : تصدق عاد كنت متأكده انك بالاسطبل ماعرف ليه تحب الخيول عواد : ههههه اي والله اني احبهم رنيم : ههههه ماقلت لك طلبت عطوور من شركة ****** توني شايفه العطر بالاعلان عواد : اي اعرف هالشركه عطورهم حلووه رنيم : يلا ان شاء الله ريحته حلووه عواد : هههههه ان شاء الله ..... : انسه رنيم انتي طالبه عطور من شركة **** رنيم : اي شادي وصلوو شادي : اي هم الحين بالحديقه .... خمس صح رنيم : اي يلا جدوو ابي اروح اشوفهم وطلعت هي وشادي للحديقه وفتحت العطر وبدت تشمه رنيم : الحمد لله ان ريحته تهبل شادي : تستاهلينه رنيم : هههه يسسلموو بس اشلون خذيتهم انا مادفعت حقهم شادي : ماعليك اهم شي انه اعجبكـ رنيم : لا جد اشلون شادي : انا دفعت حقهم رنيم : 5000 شادي : اي لن البارحه خذيت راتبي رنيم : بس شذي يعني نص راتبك راح راتبك كله 10,000 شادي ببتسامه : ماعليك رنيم : لا شادي تعال بعطيك حقهم شادي : انسه رنيم اذا ممكن ان تقبلينهم هديه مني ااذا ماعندك مانع رنيم : هههههه والله ماعرف شنو اقول شادي : ممكن توافقين رنيم : اكيد اوكي هديتك مقبووله وبصراحه واايد حلووه بدال الهديه خمس هههههه شادي : مايغلون عليك رنيم : تسسلم شادي : اطلعهم لك جناحك رنيم : لا والله تسلم كلك ذووق بس ممكن اطلب منك طلب شادي من كل قلبه : ايه انتي تامرين رنيم : اتمنى ان ماتقول لي انسه رنيم قول رنيم حاف لن حنا مثل ماقلت لك اصدقاء اووكيه ونت قبلت صداقتي يعني بين الاصدقاء ماكو رسميات ولا انسه ولا طويل عمر شادي : هههههههه ان شاء الله انسه رنيم رنيم : ثاني شادي : ههههه سوري رنيم رنيم : اي شذي الزين ... توني اعرف ان اسمي حلوو شادي وهو يناظر بعيونها : ولايق عليك رنيم : هههههه - وشافت اخوها - اي كااه سيف وصل سيف : هلا بالحلووه رنيم : اي حلووه ونت مو داري عن هواي سيف : والله يارنيم الشغل رنيم : ماكو شغل يبعدك عن اختك سيف باس رنيم بخدها : والله اسف خلاص توبه اوعدك ان كل يوم بكون قبالك رنيم : لالا تكفى شنو كل يوم خله يوم بعد يوم هههههه سيف: ههههههههه اوكي يوم بعد يوم رنيم : الي يسمعك يقول خلاص بتوفي بوعدك بس يلا سيف : ههههه لا تخافين بوفي بوعدي رنيم : نشووف ... شادي شكرا مره ثانيه ع احلى هديه شادي : العفوو سيف : يلا انا وايد جوعان وين جدي رنيم : بالاسطبل يلا برووح اشووفه سيف : اوكي ونا بطلع ابدل واشوفكم بـ صالة الطاولة رنيم : اوكيه ...... - وراحت لجدها - جدوو يلا سيف وصل عواد : انزين يابنتي وين شادي شادي توه داخل : اي عمي عواد : شادي اكل الخيول ماكلوو من العصر شادي : انزين تامر ع شي ثاني عواد : ربي يحظفك شكرا رنيم : يلا شادي اشوفك بكره شادي : ان شاء الله وطلعت رنيم وجدها عواد وراحوو يتعششوون وشادي جلس ياكل الخيول فريد : شادي شادي : هلا فريد فريد : كنت بدور بالمزرعه قلت خلني امر عليك شادي : زين لني اصل ابيك فريد : اي عسى ماشر شادي وهو يجلس : ماكو بس متضايق .. تصدق كل يوم حبها يزيد بقلبي فريد : والله ياشادي انا موب عارفه شنو اقول لك ان قلت لك اعترف قلت لي اخاف تزعل شادي : اي اخاف تزعل وان مازعلت تخرب صداقتنا مثل ماتقول .. قالت لي حنا اصدقاء .. اااه بس يارنيم والله اني اموت بالتراب الي تمشين عليه فريد : الله يكون بعونك شادي : يلا قووم نعسان ابي انام فريد : يلا ( شادي عمره 23 سنه يشتغل بـقصر جد رنيم عواد شغلته بس يهتم بالخيول ويموت فـ رنيم يحبها مووت الا يعشقها بس طبعا رنيم ماتعرف بهالشي وهو مو راضي يقول لها لن رنيم صاحبة عز وفلوس وهو مجرد شغيل عندهم شادي شاب وسيييييييييييييييم وسييييييييييييم وااااايد عدسات عيونه عسليه تهبل وشعره بني فاتح ) ( فريد السواق الخاص لجد رنيم عواد ) ------------------------------- الساعه 8:00 صباحاً نهال : صباح الخير ام نهال وابوها : صباح النور نهال : اي بابا البارحه تاخرت يوم وصلت نسيت اسئلك ليه وش صار ابو نهال : ماصار شي يابنتي بس كنت عند صاحب هالبيت يقول يبي الأجار ام نهال : مايمديه ينتظر لين يعطونك راتبك ابو نهال بضيق : لا والله مو راضي نهال : يبه لا تشيل هم ان شاء الله كل شي بينحل ... شنو رايكم ان بعد اشتغل ابو نهال : لا يبنتي انا ماقلت لك لجل تزعليني شيلي هالفكره من بالك توك صغيره شنو تشتغلين نهال لا تخليني اندم اني قلت لك نهال : خلاص ع امرك مااحفتحه ثاني --------------------------- الساعه 5:00 عصراً رنيم : شووووووق .....- وراحت احظنتها - وحشتيني موووت شووق : والله ونتي بعد وحشتيني اشلونك رنيم : زينه ونتي اشلونك شوق : يلا انا بعد زينه رنيم : اي يلا براويك مزرعة جدوو شوق : اوكي يلا وبدوو يتمششو بالمزرعه وبعد ماخلصصو من كل الاماكن راحو ع الاسطبل رنيم : مرحبا شادي شادي ببتسامه : اهلين رنيم تكلم شوق : وهني الاسطبل واااي جدوو دوم يسير هني مره يحب الخيول شوق بهمس : يابنت منو هذا رنيم : منو شوق : هذا الي قدامنا رنيم : ههههههه تقصدين شادي شوق : اااه والله يهبل رنيم : ههههههه والله انك حفله شوق : شوفي اشلون يناظر فيك وااااه رنيم : اي ها يشتغل هني بس انا وهو اصدقاء شوق : اهاا يشتغل عندكم رنيم : اي تبين تركبين خيل شوق : اي شنو رايك نتسابق اكيد راح اسبقك رنيم : هههههه نشووف شوق : ابي ها البني رنيم : ونا ابي الابيض شادي طلع لهم الخيوول للمزرعه شوق : اقول رنيم رنيم : اي شوق : تبين تظحكين رنيم : ههههههه اي والله ... عسى بتقولين نكته شوق : لالا بسوي مقلب رنيم : يمه بمين شوق : بــ شادي رنيم : لا حرام شوق : اسكتي مالك خص - وصارت تكلم شادي - ممكن تركب ويااي اخاف اطيح شادي ( انزين ليش تركبين اصلا ) : مسكيه زين ماراح يصير فيك شي وانتبهي لا تضربيه بقوه شوق ( يظن اني ماعرف انا اعلمك اوكي ) : لا مااقدر ابيك تركب وياااي رنيم بهمس لــ شوق : يبنت شنو ناويه شوق بنفس مستوى الصوت : هههههه بطيحه رنيم : والله ازعل منك شوق اركدي ترا مااسمح لك هو بعد صديقي شوق تمشيها : خلاص مابطيحه - صارت تكلم شادي - يلا عاد ابي ابدي شادي : اوكي - وركب وراها ومسك بالحصان من ورا شوق : يلا رنيم نروح لي هذك الشلال رنيم وهي مو عاجبها مقلب شوق : اوكي وبدوو يتسابقوون بالخييييوول وشادي طول مارنيم بتركض بالخيل يناظر فيها ويتامل جمالها وشعرها المتطاير وابتسامه انرسمت ع شفاته بس سرعان ماختفت يوم شاف شوق تزيد السرعه حتى ان شعر شوق صار يضرب شادي شادي : مو تخافين شنو هذا هدي شوي كذا بنطيح شوق ( اكيد بتطيح هههههه ) : لالا ماراح نطيح - وزادت السرعه رنيم شافت ان شووق زدات السرعه وقربت تسبقها وهي بعد زادت سرعتها ووصلت لنهاايه : هههههههه فزت عليكم شوق زادت السرعه اكثر لن تبي شادي يطيح الحين وضربت الخيل باقوه ماعندها وخيل اسرع لين شوق ماقدرت تتحكم بيه وشادي طاح وشوق طاحت فوقه شادي من جوه بيغلي يبي يكفخها تكفيخ وشوق خلاف عنه مرره صارت دقات قلبها تزيد وعينها كانت تناظر بعين شادي العسليه حست نفسها بحلم جلست تتأمل عيونه شادي يبي ينبها لجل تقوم من فوقه : ظهري انكسر شوق قامت ومرررره خجلانه منه وبصوت شبه مسموع : اسفه شادي قام وينفض الغبار الي ع ملابسه : مو قلتي تخافين وش حقه تضربيه بهالسرعه شوق من الحيه ماتعرف وين تروح : ماكنت عارفه انه بيسرع شذي رنيم جات وشوي تطيح من الخيل من الظحك : هههههههههههههههههههههههههههههههههههه شادي التفت يناظر بــ رنيم والي شكلها يهبل وهي تظحك جلس يناظر فيها وهي فاطسه ظحك وابتسامته شاقه حلجه نسى شوق وانه اصلا طاح وجلس يتأمل رنيم شوق كانت خلافه ميييته من الحيه وتتمنى انهم يطيحون مره ثانيه سرحت بعينه او بالاصح عيونه سحرتها خلتها تغوص ببحر حبه رنيم : ههههههههه لالا ههههه ماني قادره ههههههه شوق ههه تطيح من الخيل شوق الي فايزه بثلاث من اكبر مسابقات الخيول هههههههه ولا سبقتها بعد هههههههه شوق بهدووء : رنيم كان معاي شادي لجل شذي سبقتيني لني مازدت السرعه شادي : اسف انسه شوق بس انتي زدتي السرعه واايد وان مره ثانيه زدتيها شذي بتتأذين يعني بقول شذي لـ سلامتك شوق وهي تناظر بعيونه : ان شاء الله ماراح ازيدها ثاني رنيم : هههههههههههههههههه -------------------------- 
|
|
10-23-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ع التسريحه وتحط اخر لمساتها من الميك اب ويرن جوالها
راما : الوو عبير : راما راما : اي عبوور الحين بجي عبير : تعالي بسرعه ابيك راما : اوكي اوكي شوي وبكون عندك - وصكت الجوال ونزلت بسرعه راما : يلا مامي انا راايحه ام فيصل : مع السلامه يابنتي راما : باااي وطلعت وركبت السياره وتوجه فيها السايق لفلة ابو عبير ومن وصلت نزلت وفتحت لها الخدامه الباب عبير : راما - وحظنتها راما : وش فيك عبير عبير : تعالي ابيك راما : انتظري ماكو حد جاي عبير : اي قلت لهم اني مريضه ماابي حد يجيني اصلا مو ناقصه حد راما : خير حبيبتي وش فيك وطلعوو غرفة عبير .. عبير : تركته راما : منو عبير :الي قلت لك اني احبه مادري هو ليش يسوي شذي ليه يقول مايبيني انا شنو مسويه له والله اني احبه بس هو ليش مايحبني راما : خلاص حبيبتي لا تضايقين نفسك بكيفه الف واحد يتمناك عبير : راما لا تروحين الحين جلسي معاي وايد متضايقه راما : لا تخافين حبيبتي مابروح ( عبير صديقة راما من قريب بس ........... امركيه وجمالها امريكي هي اصل اسمها لوره بس غيرته يوم اسلمت ) ------------------------------------------- راشد : السلام عليكم ام فيصل : هلا والله وغلا بولدي اختي راشد : هلا بيك خالتي اشلونكم ان شاء الله زينين ام فيصل : والله زينين ونت اشلونك راشد : الحمد لله زين وين فيصل وبنت خالتي راما ام فيصل : والله فيصل بشغله وراما عند صديقتها راشد : يلا اشوفهم مره ثانيه بس خالتي انا اليوم جاي ابيك بشغله ام فيصل : اي ياولدي امر شنو تبي راشد : ابي اتزوج ام فيصل بفرح : والله وهذي الساعه المبارك ياولدي والله لو اختي كانت حيه كانت فرحت وايد الله يرحمها بس بدر : الله يرحمها ام فيصل : اي ولدي ومنو هي سعيدة الحظ بدر : ........... ---------------------------------------- بمكتبه ومتضاايق من الاخطاء الي صارت بالحسابات وينتظر المحاسب يوصل لجل يطلع كل حرته شوي وصل المحاسب .. : اي طال عمرك سيف : انت شنو ماتفهم حنا متعاملين مع شركات كبيره وهالمبالغ لزوم انها تندفع ونا شايف اخطاء وايد بالمحاسبه شنو تفسير هالشي ياابو نهال ابو نهال : طال عمرك انا معترف بغلطي واسف بس والله كان عقلي مشغول بالبيت وان شاء الله بقدر اسدد كل الفـ.... قاطعه سيف : انا ابد عشرين مليون ماتهمني ونت لو تقعد طول عمرك تشتغل ماتقدر تجيبهم بس طبعا ماراح اتركك لن مشاكل البيت ابد مالها دخل بالشغل ابو نهال : طال عمرك انا اسف سيف : اسف ماتفيدني بشـ.. قاطعه صوت تلفوونه يرن والمتصل صقر سيف : اطلع شوي وبناديك ابو نهال : ان شاء الله ... - وطلع سيف رد ع التلفون : اي صقر شنو الاخبار صقر : طال عمرك كل شي تمام الشاحنه تصدرت البارحه والثانيه راح تكون بكره بس حنا لزم انحط البضاعه بمكان جدا امن لدرجه ان عصابة المافيا مايشكون ان البضاعه بنفس هالمكان سيف : انزين حطها بالقصر تبعي صقر : طالع عمرك قصرك فاضيه واكيد ان شافو ماكو فيه حد اكيد بعرفون ان البضاعه موجوده هناك لزم مكان اكثر امان هالبضاعه كلفتنا اربعين مليون سيف : اقول صقر لا تقعد تعد لي بالفلوس شوف اي حد من الرجال يجلسسون فيه وبشذي يكون بالقصر اكو حد صقر : طالع عمرك لا تنسى ان هم اذكياء لـدرجة لا توصف ان شافو بنفس القصر رجال فهذا بيأكد لهم ان البضاعه بالقصر وان رجالك يحرسونها سيف : يوووووه انزين شنو الحل صقر : لزم الي يكون بالقصر حرمه لجل راح يكونون متأكدين انك ماراح تحط بضاعتك مع حرمه بنفس القصر وراح تكون خايف عليها منهم سيف : صقر سكر بفكر وتصل عليك .... - وصك التلفون سيف بنفسه ( انا من وين الحين اجيب هالحرمه انا مالزم اخسر هالبضاعه اخذ رنيم فيها لا هذي اختي الوحيده واخاف عليها وسمر لزم تكون دايم مع رنيم ياربي شنو اسوي ابو نهال مخربط بالحسابات وبقصري لزم يكون فيه حرمه لجل البضاعه شنو اسوي اووووف - شوي تذكر شي - اي والله لقيتها ) سيف اتصل ع السكرتير : دخل ابو نهال - وصك ... وشوي ابو نهال دخل ابو نهال : اي طال عمرك سيف : الفلوس وماراح تقدر تدفعهم اوكي بسامحك بس بشرط ابو نهال : آآآمر طال عمر سيف : دامك ابو نهاااال << شدد ع نهال ابو نهال : اي سيف : يعني اكيد اكبر بناتك اسمها نهال ابو نهال : اي طال عمرك سيف : ابي اتزوج هالنهال وبكذا يكون سامحتك ع الاخطاء الي صارت بالمحاسبه ابو نهال ضاقت فيها الدنيا : بس طال عمرك هـ..... سيف قاطعه : انا قلت الي عندي ياتزوجني بنتك نهال او تنسجن لني ماراح اسامحك ع الاخطاء الي صارت لن الشغل ماله بمشاكل البيت ..... تفضل ابو نهال طلع من مكتب سيف وزاد الهم همين هم الإجار وهم سيف الي يبي يتزوج نهال ---------------------------------------- شوق : اااه يارنيم هالانساان يهبل والله اني ماانكر اني حبيته رنيم : ههههههههه لالا صدق البنت جنت شوق : رنيم انا موب مثلك ماامن بشي اسمه الحب لا انا عندي احلى مابالحياة الحب رنيم : ههههههههه البنت حالتها حاله خاصه هههههههههههه شوق : اقول لا تقعدين تتطنزين اوكي شسوي يعني دخل قلبي من شفته اصلا ماعرفته حبيته مادري اشلون انتي للحين ماحبيتيه رنيم : يابنت شادي صديقي وطبعا ماراح افكر اني احبه لني اصل ماأأمن بالحب ... ونا مثل راشد الماجد . بلا حب بلا وجع قلب وش جانا من ورا هالحب هههههههه شوق : لا صدق انتي المجنونه فكري يوم تحبي وتشوفين بتغوصين ببحر الحب ولا تتمنين انك تطلعين رنيم : لالا عاد شوق اليوم جد راحت فيها شوق ورنيم : ههههههههههههههه ----------------------------------------- راما : يلا حبيبتي انا لزم اروح عبير : اممممم شنو رايك تجلسين شوي راما : هههههه يخرب بيتك الين متى تبيني اجلس وياك ساعه 10 عبير : ااااااااااااه اوكي خلاص اشوفك بيوم ثاني راما : يلا بباااي عبير : ببااااي --------------------------------------------- ام فيصل : والله ياولد اختي فرحتني والله وهذي الساعه المبارك راشد : خالتي اتمنى ان تسئلينها واذا وافقت بكون سعيد لن بجد حبيتها ام فيصل : الله يوفقكم وان شاء الله بتوافق راشد وهو يقول : يلا انا استأذن .... وسلمي لي عليهم ام فيصل : ان شاء الله يوصل ... واذنك معك راشد : ف مان الله ام فيصل : ب حفظ الرحمن ------------------------------------ سيف : خلاص صقر ان شاء الله راح اتزوج وبحط زوجتي بنفس القصر بس ماابي ولا حشره تدخله تحط طاقم الحراسه يحرسونه صقر : زين طال عمرك اعتبر صار سيف : اجل يلا مع السلامه وقام بهيبته وطلع من مكتبه ومشى نازل لجل يرجع لقصر جده والكل ان شافه قام يبعد له طريق وشوي شاف ابو نهال جالس بمكتبه ومنزل راسه ع المكتب سيف : ابو نهال ابي البنت عقب بكره - ومشى ويوم طلع من الشركه ركب سيارته وتوجه لقصر جده ومن دخل شاف رنيم وشوق جاايين يبون يطلعون من القصر وهم يظحكون رنيم : هههههههههه والله ياشوق اليوم ظحكتيني بما فيه الكفايه شوق : والله انتي الي ظحكتيني اكو انساان مايأمن بالحب رنيم : هههه اي انا هههه - وشافت اخوها - شوفي سيف وصل شوق : اهلين سيف سيف : اهلين فيك اشلون شوق شوق : والله زينه ونت اشلونك سيف : الحمد لله شوق : يلا رنووم اشوفك بيوم ثاني رنيم : ههههه والله انا حاسه كل يوم راح تجين لجل - وغمزت لها شوق بهمس : فظحتيني ياهبله رنيم : هههههههههه خلاص يلا بباااي شوق : باي حبو سيف حط ايد ع كتف رنيم : ايون اشلونك رنيم : زينه ونت اشلون شغلك سيف : مافيه شي عادي رنيم : انا بكره بطلع اتمشى سيف : اوكي وليش لا رنيم : انزين مابتطلع ويااي سيف : لا رنووم والله عندي شغل رنيم : انت اصل طول حياتك شغل - ووي تذكرت ان شادي طاح - اي ادخل عند جدوو شوي وبجي سيف : هههه اوكي ورنيم راحت لــ شادي رنيم : شادي شادي قام من سرحانه : اي رنيم رنيم : تتألم شادي : لا ليش اتألم رنيم : لنك اليوم يوم طحت من الخيل قلت - صارت تقلد صوت شادي - ظهري انكسر ششادي ( ياحلو صوتي كان كان شذي ) : ههههههههه لا خلاص مااتألم خف رنيم : اي زين لني كنت احاتيك شادي ( فديت من يحاتيني والله وااه يارنيم امووت فيك ) : تسسسسلمين رنيم جلست ع العشب : اجلس شادي : لا بجيب لك كرسي رنيم : لالا ابي اجلس ع العشب انت اذا تبي كرسي جيب لك كرسي شادي : لا وليش الكرسي اجلس وياك - وجلس رنيم : تصدق العطر الي عطيتني اياه هديه واااايد اعجبني وبصراحه مركز يعني من الصبح حاطته وللحين ريحته فيني اي صح انت ماتعرف اشلون ريحته - ومدت ايدها - شم حطيت بيدي شادي يوم قرب لــ ايد رنيم ضربات قلبه زادت وغمض عينه واستنشق العطر رنيم : ههههههه وش فيك مغمض عينك حسستني انك باعلان هههههه - صارت تقلده ومغمضه عينها - ااااه يهبل صح - وفتحت عينها وششافت شادي مبتسم ويناظر فيها وكنه يتأملها - .. هههههههههه وش فيك شكل الريحة خذت بعيد شادي : اي وايد حلووه رنيم وهي تقوم وتنفض نفسها : يلا بقوم بشوف جدوو ماشفته اليوم وكله من هالشوق شادي : اوكي رنيم : باي شادي : مع الف سلامه ------------------------------------ نهال طلعت من غرفتها وشافت ابوها واصل من الشغل : يبه انت وصلت - وراحت عنده وباست راسه وجلست جمبه وحست ان ابوها متضايق - بابا وش فيك ابو نهال : ماكو شي يابنتي بس راسي يألمني شششوي ام نهال : نهال حبيبتي سوي لبووك شاي يهدي اعصابه نهال : ان شاء الله - وقامت راحت ع المطبخ تسوي لبوها الشاي وهي مو مصدقه ان ابوها بس مريض حاس ان به شي خلصت من الشاي وطلعت متجه لــ صالة الي امها وابوها جالسين فيها بس وقفت يوم سمعت ابوها يتكلم ام نهال : وهو شنو سووا ابو نهال بضيق : قال ياا ازوجه نهال او بدش السجن نهال اكثر كلمة ازعجتها ادش السجن من سمعت ابوها يقولها طاحت قلاصات (كاسات) الشاي ونكسرت وقلبها بدا يدق امها وابوها وزين سمعوو الصوت وتوجهوو لها بسرعه ام نهال : نهال و فيك نهال : ماما ابوي بيدش السجن ابو نهال : لا يابنتي نهال : توني سامعتنك تقول بتدش السجن ابوي قول لي صج ابو نهال : ........................ ام نهال بضيق : اي يابنتي ابوك اليوم طلع من البيت ومتضايق من الاجار وراح ع الشركه وهو متضايق وغلط بالحسابات وخسرت الشركه عشرين مليون وصاحب الشركه يقول ياا نهال : يمه تكلمي يا شنو زين بحزن : يايتزوجك او يسجن ابوي نهال صارت تناظر بأبوها وماتبي يصير فيه ششي باخر عمرهـ والتفتت بسرعه وراحت غرفتها وصكت الباب ---------------------------------------- راما توها راجعه من عبير : سلاااامووو ام فيصل و فيصل : وعليكم السلام راما وهي تجلس : ااااااااااه ابي انام فيصل : اي تسهرين عند صديقتك ومن تجين تبين تنامين راما : دمك خفيف ششنو اسهر رحت لها بالعصر وكاني ساعه 10 ونا بالبيت فيصل : وانزين يادجاجه ليش تنامين الحين راما : شذي بكيفي ام فيصل : خلاص انت وهي كفوو هواش .... ولد خالتكم راشد جا اليوم فيصل : يالله والله له وحشه لي اسبوع موب شايفه راما : انزين ياذكي هو اصل كان مسافر بالاسبوع ام فيصل : اي كان مسافر ووصل قبل البارحه واليوم جا وسلم علي ويسلم عليكم بعد فيصل وراما : الله يسلمه ام فيصل بفرح : و راما : وشنو شايفه الابتسامه انرسمت بوجهك ام فيصل : وطلب ايد راما لــ زواج راما اهجدت وبدت دقات قلبها تزيد وصارت تتذكر راشد هو صح وايد يعجبها بس ابد ماتوقعت انها تكون زوجته بيوم من الايام فيصل : ههههههههه والله وهذي الساعه المبارك ههه يمه تكفين شوفي راما اشلون صارت راما بهدووء : دمك ثقيل فيصل : ههههههههههه يمه انا موافق بس طبعا لزوم توافقه هالجيكره راما قامت بسرعه وطلعت غرفتها وصكت الباب : اووووووووووهـ اكيد بوافق بس بثقل شوي ههههههههههههههههههههـ - وطاحت ع السرير --------------------------------------------- الساعه 8:25 صباحاً قامت نهال وحاسه بثقل مخدتها من كثر الماي الي فيها لنها امس اليل بطوله كانت تبكي قامت ودخلت الحمام ( اكرمكم الله ) وغسلت وجهها وصلت وطلعت برا تبي تسوي الفطور بس شافت زين مسويته نهال : عوافي حبيبتي زين : الله يعافيك يلا روحي افطري عند ماما وبابا براا اخلص الشاي وطلع نهال ببتسامه صفرا : اوكي .... - وطلعت متوجهها لبوها وامها وهي تمشي اسمعتهم ام نهال بنبرت بكى : لا تقول شذي يابو نهال ان شاء الله بنقدر ندبر الفلوس ابو نهال : لا عادي ياحصه ادش السجن كم شهر او سنه وبطلع لكن مستحيل ازوجه بنتي نهال ادخلت عليهم ببتسامه : وليه يبه انا موافقه ام نهال : يابـ.... قاطعتها نهال : لا يمه لا تقولين شي انا اخذت قراري خلاص موافقه اتزوجه ابو نهال : يابنتي انا ماابيك تعيشين تعيسه طول حياتك بسببي ابيك سعيده نهال : انزين ان تبيني سعيده زوجني اياهـ لن جد انتو ماغصبتوني انا الي وافقة بنفسي ام نهال : يابنتي انتي متأكده نهال : اي يمه متأكد واذا يبه ماقال له اني موافقه بزعل ابو نهال قام وحظن بنته : انا اسف يابنتي نهال ووشوي وتبكي : لا يبه لا تتأسف انت ماسويت شي ------------------------------------ ام فيصل دخلت جناح راما تصحيها فتحت الستاير وتسلسلت اشعة الشمس لجناح راما وصارت تزعجها راما وهي تتغطى : يالله شنو هذا ام فيصل : قومي اقول ساعه 8 راما : انزين ماما انا ليش اقوم الي يسمعك يقول وراي شركه صحي فيصل موب انا ام فيصل : فيصل صحى من اول وطلع بعد راما قامت : تصدقين اصلا طار النوم ام فيصل : اي احسن يلا قومي توضي وصلي ونزلي تحت انتظر نفطر سووا راما : ياحبيبتي يامامي ماتفطرين الا وياااي ام فيصل : شايفه اشلون احبك راما : فدييتك والله ونا بعد احبك ام فيصل : اجل يلا بسرعه بنتظرك راما : هههههههههه اوكي وقامت وتسبحت وبدلت وصلت ونزلت تحت تفطر ام فيصل : هذا كله بس تتسبحين وتصلين راما : لا تنسين بدلت ام فيصل : يعني لو بدلتي خذيتي نص الوقت راما : مامي تكفين خلاص كاني جيت ام فيصل : يلا افطري راما جلست : اكيد هههههههههه ام فيصل : ههههههه الله يقطع سوالفك ... الا يابنتي ماقلتي رايك ترا راشد مثل ماتعرفين ماله حد هني غيرنا وهو اصلا ساكن بلندن راما تتغابا : يعني شنو ام فيصل : يعني تقولين رايك بسرعه موافقه راما : بوافقه عليه لنه ولد اختك ام فيصل بفرح : ههه اهم شي انك وافقتي مبرروووك حبيبتي والله راشد ماكو منه ااهـ لو اختي كانت موجوده كانت فرحت وايد راما بخجل : هههههههه الله يباركـ فيكـ ---------------------------------------------- رنيم : صباح الخير سيف & عواد : صباح الورد والياسمين رنيم : عاششو انا اليوم قمت بدري اجل دام سيف ماطلع سيف : ههههههـ لا انا قاصد اتأخر ابي اشوفكـ رنيم بهمس لجدها : جدوو سامع شنو يقول عواد : والله هذا الي سمعته انا بعد سيف : هههههههه يقطع ابليسك وش فيك رنيم : بس غريبه يعني كل يوم بتطلع بدري خص اليوم تشوفني سيف : اي لني جايب لك هديه رنيم : شنوو سيف : كاتيه كاتيه وصلت وبيدها سرير لــ كلبه وقربته من رنيم ورنيم شافت كلبه مرره حلووه لونها بني فاتح وبرقبتها فيونكهـ كبيره ورديه رنيم : ياااااااااي والله تهبل سيف : اعجبتك رنيم قامت وباست اخوها : واااايد مرره تهبل سيف : يلا هذي لك رنيم : طبعا لزم اسميها اممممم بسميها برينا شنو رايك سيف : حلوو .. يلا انا تأخرت ف مان الله رنيم وهي تمسح ع شعر الكلبه : باااي طلع سيف وتوجه لشركته ومن دخل مكتبه طلب ابو نهال ابو نهال : سم طال عمرك سيف : شنو قرارك ابو نهال : انزين طال عمرك بزوجك بنتي سيف فرح وايد ان شغله شذي راح يمشي زين ومن فرحته : ابو نهال انت جد اخدمتني ولنك وافقة ع طلبي راح ارقيك بشغلك وراتبك بزيده ابو نهال استغرب من طيبة سيف الي اول مره يشوفها : تسلم طال عمرك سيف : عمي من تطلع من هني راح تعطي السكرتير عنوان بيتك لني برسل اغراض اليوم ابو نهال في اعلى درجات الاستغراب سيف يقول له عمي : ان شاء الله سيف : فيك تتفضل ابو نهال : عن اذنك سيف : اذنك معك - وتصل ع السكرتير - رشاد ابو نهال الحين بيعطيك عنوانه سجله واشتري الي اقول لك عليه وارسله للعنوان ---------------------------------------- شادي : والله يافريد اني اموت بالتراب الي تمشي عليه فريد : والله انا عارف ياشادي بس انا الي خايف منه انها ماتقبل حبك شادي بضيق : وهذا نفس الشي بعد الي مضايقني هم وين ونا وين اااه فريد : بس معقوله انها ماحست شادي : اشلون تحس اني احبها ونا..... قاطعه وصول رنيم ... رنيم بخبث : تحب منو هاا شادي قام وهو متوتر خاف انها اسمعتهم : هاا رنيم : ههههههه والله اسفه اني قاطعتكم بس جايه اقول لك لا تدور علي لني بطلع شادي : لا عادي خذي راحتك رنيم : هههههه وراح ارجع واعرف منو هذي الي تحبها شادي ناظر بــ فريد وزفر .. وابتسم لــ رنيم رنيم : ههههه يلا ببااااي ... - وطلعت شادي وهو يجلس : اااااااااااااااااااهـ فريد : هههههه تصدق تمنيت انها سمعتنا شادي : انا يوم وصلت تمنيت انها ماسمعت بس عقب ماطلعت تمنيت انها سمعت فريد : هههههههه والله حالتك ياشادي مو هينه ههههههههه شادي : انا بفكر اقول لها ومع اني متأكد انها ماتبادلني نفس الشعور بس ماابي أخبي حبي لها فريد : اوكي شادي سوي الي يريحكـ ------------------------------------------ الساعه 5:55 عصراً رنيم بالسياره ومعها سمر رنيم : الا انا اليوم شفت جريده اتنشرت من قبل اسبوعين وشفت فيها قصر وااايد حلوو كان معروض للبيع بس اكيد الحين انشرى سمر : اي اكيد وخاصه مثل ماتقولين واايد حلوو رنيم : الا تبين تشوفيه سمر : ليه تعرفين الحي رنيم : اكيد ...... جون روح حي ****** جون : اوكي ماما رنيم تكلم سمر : اشوف جون موب راضي يفكني من ماما ......... - صارت تكلم جون - اقول جون قول لي رنيم بس بلاش من ماما سمر : هههههههه اي لن اذا قلتي له يقول لك شذي ينسى ويقول ماما خلاص ممكن شذي يثبت رنيم : ههههههههه شايفه اشلون انا ذكيه سمر : ههههههه الله يحميك ع هالذكا رنيم : هههههههههههههههههههه وشوي وصلوو عند القصر رنيم : كااهـ هذا هو واا شوفي اكو لوحة تظهر منو صاحب هالقصر بروح اشوف منو اكيد حد مهم سمر : لا انسه رنيم مو لزم رنيم : لالا انا ابي اشوف منو صاحب القصر - وفتحت الباب وطلعت ونزلت برينا ومسكتها من الحبل وراحت ع اللوح وبدت تقرا رنيم : سيـ.... - ماكملت لن برينا فلتت منها ودخلت القصر - يووه هذي وين راحت - ودخلت القصر تدور عليها وشاف رجال شايلين كراتين ويدخلونها بنفس القصر بس من الجه الثانيه ومااهتمت رنيم : ياويلي هذي وين راحت - وشوي شافتها - اي برينا تعالي - وشالتها وجات طالعه وشافها واحد من الرجال الرجال : هي انتي تعالي هني رنيم طلعت ركض وركبت السياره : هههههههه يلا جون امشي سمر : ليش انسه رنيم دخلتي والله خفت يصير لك شي رنيم : لا تخافين كاه طلعت .... جون روح ع بمدينة الملاهي --------------------------------- ام فيصل و راما جالسين سسو يسولفون ام فيصل : ها اشلون انبسطتي عند صديقتك لوره راما : اي والله ونااسه بس مامي قوللي لها عبير موب لوره ام فيصل : انزين عبير ... اي هي اصلها امريكيه صح راما : اي ... وتعرفت عليها بالنادي طيبه واايد ام فيصل : بس اخوك موب مرتاح لها راما : والله عاد ماله خص لا يكون زوجي ونا مدري - رن جوال ام فيصل - ام فيصل : هههههه ع طاري الزوج راشد يتصل راما حمرت من الخجل : انزين مامي ردي لا تخلينه ينطر ام فيصل : اي مابخليه ينطر برد - وردت عليه - اي هلا ياولدي راشد : هلا خالتي اشلونك ام فيصل : والله زينه ونت اشلونك راشد : دامك انتي وبنت خالتي زينين انا زين ام فيصل : دوم ان شاء الله راشد : خالتي تعرفين اني لزووم اطلع لندن بعد اسبوعين ونا حاب ان راما تكون معي فأبي اعرف رايها موافقه ام فيصل : اي ياولدي ابشرك راما موافقه ومستاانسه بعد راما : مامي ليش كذا راشد : فديتها انزين خالتي ان شاء الله اليوم بجي وبخطبها وبكره نملك وباخر الاسبوع يكون العرس ان شاء الله ام فيصل : ان ششاء الله ياولدي راشد : يلا خالتي ف مان الله ام فيصل : ب حفظ الرحمن راما تصطنع الزعل : مامي ليش قلتي ومستاانسه بعد ام فيصل : ليش موب مستاانسه راما : اي ام فيصل : موب علي هالحركات باين عليك انك بتطيرين من الفرح راما : هههههههههههههـ ------------------------------------ ساعه 8:00 بتوقيت دبي المكان : قصر سيف المتواجدون : رجال سيف والبودي قارد وسيف سيف داخل عليهم وهو معصب : شنو الي سمعته واحد من الرجال : طال عمرك ششفنا بنت دخلت القصر اليوم وشافتنا وحنا ندخل البضاعه للقصر سيف : ونتم وينكم وين عقولكم لو هالبنت عرفت شنو كنتو تسوون وتكلمت بكلمه رحنا فيها - وبصراخ - تعرفوون هالشي كل الرجال : اي طال عمرك سيف : اسمع صقر هو صح انت ماكنت وياهم بس انت الي جايب هالبهاايم هالبنت تجيبونها هني وتسسوون فيها اللزم واكيد بتهددونها ان تفوهت بكلمه راح - ورفع اصباعه لصقر - تعرف شنو تقول صقر : صار طال عمرك سيف بسخريه : نشووف - وطلع متوجه لــ قصر جدهـ صقر : سمعوني زين الي يبي من بعد هاليوم يعيش ينفذ الي اقول بالحرف ابي هالبنت تكون عندي بكره ونتو عارفين وين بتودونها يعني ماراح تجيبونها هني القصر كل الرجال : حاضر سيدي ياترا شنو يصير لـــ رنيم ..؟؟ وراما وافقت ع راشد ووممكن يتزوجون هل راح تظل حياتهم حلوه ..؟؟ ونهال شنو ينتظرها مع سيف ..؟؟ يتبع ..
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
