طال السكوت

طال السكوت.. وظاق صدر السواليف
والبال.. من كثر الهواجيس عايف.!

والليل طااال.. وطارق الصبح ماشيف.!!
وانا..وصمت الحزن..صرنا ولايف.

اسج..مع هجس الطواريق..واعيف
هجسي..وطاروق الضلوع النحايف.!

تجوع.. سلمى.! واترك..الكم.. والكيف!
واقسم..رغيفي بيننا بالنصـايف.؟

اقرأ..وتكتبني..قضيه, وتعريف
وتظما. وتشربني ..نحيب, وذرايف!!

صمت الشعور.. احساس.. ماله تواصيف
أكبر من حروف الحكي, والوصايف..؟؟

ياسيف كيف اشرح لك الوضع ياسيف؟؟
اقلامنا جفت ورفعت صحايف.!!

كيف ابتدي يامسندي..وانتهي كيف؟؟
من دون كيف؟ انا مثل مانت شايف.،!

شفني بقايا انسان والوقت كالسيف.!
وحظي كفيف..! وفرحتي.؟ حلم زايف!

همي بحر..وضلوع صدري..مجاديف
والعمر مركب..بين الأمواج طايف.!

وقلبي وطن..وعروق قلبي تجاووويف
للحزن.. وهمومي.! شعووب وطوائف..!

صوعات بقعا ..والقدر ..والصواديف
ورتني اهوال السنين العجايف. ‏

أتبع.."خريف العمر" في رحلة الصيف..!
وازحف ..على حد السيوف الرهايف..

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!

والفقر..يفتح للوجيه المصاليف.
باب الصلافه و الضعايف ضعايف

لاصار لك حاجه ولالك معاريف
بشت القناعه‏........,.......,....!

ان قلت لك خايف! ترى ماني ضعيف
ولاني شجاع !!ان قلت ماني بخايف؟

ياسيف وش عذر المعازيب للضيف؟
لامنها ضاقت صدور المضايف.!

قل للسوافي لوتهب العواصيف
عنها رقينا عاليات النوايف..

تسفي وحنا فوق روس المشاريف
في راس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا الكلايف.

لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل لـلسواليف
بوح السهر من ظيقه الصدر عايف.!

مما راق لي للشاعر/عادل الرشيدي

إرتواء نبض ,مجنون قصايد ,ضامية الشوق معجبون بهذا

سلمت يمناك
طرح جميل جدا

عبدالله معينان معجب بهذا

نورتومتصفحي بوجودكم يالغالين
كل الشكر لمروركم الجميل

بيض الله وجهك على اختيارك
للطرح الراقي
لاحرمك الله رضاه

‏لك كل
تقديري واحترامي


مجنون قصآيد

‏

عبدالله معينان معجب بهذا

أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

عبدالله معينان معجب بهذا

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

عبدالله معينان معجب بهذا

قلائد أمتنان لهذة
الذائقة العذبة في الانتقاء
لروحك الجوري

عبدالله معينان معجب بهذا

طرح جميل

عبدالله معينان معجب بهذا

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

عبدالله معينان معجب بهذا

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

عبدالله معينان معجب بهذا