آخـــــر دروبــــي

يا بشر تكفون حلّـو عـن سمايـه
ما يصيب الهرج لو الهـرج صوبـي

كم سكـت لكـم بمـا فيـه الكفايـة
اشتموني لو زعلتـوا واشمتـوا بـي


عيبونـي واتركونـي فـي عمايـه
واتركوا لي واحـد يرضـى عيوبـي


اتركوا لـي واحـد يمسـح شقايـه
كل ما حـط الزمـن دوبـه ودوبـي


ذاك والله لا ذكـرت انــه ورايــه
أشعر إن الكون كلـه وسـط ثوبـي

يكفـي انـه لـو يسولـف للمرايـه
كن صوته يهمس لصورتـه.. ذوبـي


كيف أنا ما أذوب مـا دامـه معايـه
اسمعه وأسهر معـه لآخـر دروبـي

كل مـا قـال السهـر درب الغوايـة
قلت كله مـن عيونـك هبّلـوا بـي


وكل ما قال الخطـا ماهـو خطايـه
قلت له قل للعيـون السـود توبـي


ضيعتـنـي واســأل الله الهـدايـة
وين أجيب العقل.. أجيبه من جيوبـي


من يعرفك مـا يـدل العقـل رايـة
يا شروق العمر.. مدري يا غروبـي


أذكر انك كنـت لـي مثـل الهوايـة
لو تروح ولو تجـي يبقـى شحوبـي


بس مدري كيف صرت اليـوم غايـة
وصرت أجي وأروح مدري عن دروبي


يـا بعـد عمـر الكتابـة والقرايـة
يا الشمالي يابـو الملـح الجنوبـي


لا قريـت اللـي كتبتـه يـا رجايـه
رح وبلغ ربعـي اللـي جننـوا بـي


قلهـم يمكـن يخلـون الوشـايـة
و إن تمادوا خلهم مهما حكـوا بـي


أنت خلك بـس فـي الدنيـا عزايـه
لا تفكر في العـواذل وأنـت صوبـي

ادري إن كـل درب ولــه نهـايـة
بس أنا باقي معـك لآخـر دروبـي

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

راقني انتقائك الماسي
تسلم يمينك
ودام عطائك العذب
پآقة ورد

طرح رائع قلبي

يسلمو ع المرور

سلمت يمناك
طرح جميل جدا

*،




آنتقاء مميز .. مَ ننحرم من جديدك

تسسلم يمينك على رووعه طرحك~
الله يعطيك الف عاآآآآآآفيه ...
ولاتحرمنا من جديدك وفيض ابداعاااك ..
دمت بخير..~
..:ღ:..

يسلمو ع المرور