رواية / لآ تعتذر لي حبيبي خلني بجروحي أموت ولآ تنحني لي ..~/البارت السادس

البارت السادس ^^

إنشد السهران لا قــفـّى صحيبه
هي نجوم الليل تهنا بالرقادي ؟

أروى:يا ويلي يا ويلي وش سويت وش هببت ؟مصيبه مصيبه ركضت لغرفة خالد ودقت الباب بسرعه ودخلت
خالد :سعود لحظه نعم أروى
أروى:أبي جهازك
خالد:شوفيه هناك
أروى:مو الكمبيوتر جوالك
خالد:نعم ؟أروى روحي من قدامي مصدع و مالي خلق لدلعك بعدين مو اخذتي جهاز امي ع بال ما اجيب لك جهاز
أروى:خالد مافيه الارقام و بعدين أنت عندك رقم ريم ما أحفظه أنا
طنشها ورجع يكلم سعود
سعود:مين أروى؟
خالد:ايه
أروى:اووووووووووووووووووفففففففف جد سخيف ضربت الباب بقوه وطلعت
خالد:وجع يا مال الكسر
أروى:فهد فهد
فهد:خير
أروى:روح جيب لي شحن
فهد:عاد أنتي حضرت السمو أروى بس تطلبي أعطيك و أقوم
أروى :يعني شنو
فهد:يعني مو طالع
أروى:لا بتطلع و بعدين احترمني و انت تتكلم معاي انا اختك الكبيره
فهد:هييييي ترى مو علي البزر تصرخي عليه و لا خالد اللي يتحمل دلعك اتوطى ببطنك اللحين
أروى:لا والله أحلف بس فهيد احترم حالك و فكني من حركات المراهقين و يلا روح جيب لي و الا اقولك مالت عليك ما منك رجاء بعد تطلع اللحين تضيع ونبتلش مالت نعم مالت هم مو اخوان
فهد و هو يسحبها:انا رجال طول بعرض أضيع شايفتني بزر ولا تنفخي و تتأمري على شنو بفهم
أروى:هي نزل يدك و بعد خلاص ما أبي شي و الا عشان أبوي مو فيه تبي تسوي أنك رجال
فهد:رجال غصب عنك
أروى:فهد اقلب وجهك و بعد عني أحسن ما أقول حق أبوي و خالد عن الدخان اللي كل يوم تشرب فيه وعن سهراتك ولا عن فصلك من المدرسه فهيد لا تظن ما اعرف عن خرابك شي لا حبيبي انا اسكت بمزاجي فاهم
فهد بأرتباك:اصلا مافي احد بيصدقك
أروى وهي تهز كتفه:لا يا بابا يصدقون يلا روح من قدامي
فهد بعناد:اصلا ماخفت منك ولا أهتميت واللي تبينه سويه
أروى وهي تمشي:ع أساس رجال
فهد وهو يلحقها :انا بوريك منو الرجال
أروى :خااااااااااااااااالد الحق علي ركضت لعند خالد
خالد:خير وش فيك؟
أروى ببكاء:يبي يضربني عشان أبوي مو موجود يستقوي علي
فهد:كذابه هذي لسانها طولها
خالد:اطلع برا
فهد:بس
خالد:برآآآآآآ
فهد:زين بسيطه بسيطه
خالد:وبعدين يعني؟
أروى:اشفيكم انتم علي طلبت يجيب لي شحن قام يبي يضربني و انت ابي جوالك تصارخ علي و اطلع بالاخير غلطانه اووف منكم
طلعت لغرفتها و قفلت عليها و جلست تبكي تحس انها عاجزه وش أسوي غبيه أنا شلون ارمي الذاكره مع الجوال شلون


***
توه يدخل شقته هذا أول أسبوع له بالشغل يحس انه مو قادر يتأقلم أشتاق لامه و اخته لمدينته و أصحابه دخل غرفته و نزل أغراضه اللي أشتراهم مو متعود على الوحده بس اللحين شكله بيعيشها غصب بس لازم عشان تعيش امه و اخته يشتغل رمى بنفسه ع السرير بتعب أبتسم وهو يتذكر البنت اللي طيحها بالسوق عمره ما حس باحراج هالكثر حتى جوالها أنكسر و ما أهتمت المهم انها تطلع و بسرعه صوتها حلو طولها و جسمها وجهها مو باين بس واضح من يدها انها حلوه ضحك بصوت عالي:يو أشبني أنا شوي و أرسمها للبنت يلا راحت بحالها خل أتسبح و أنام بكره يومي طويل

((حاتم عمره 27 سنه مهندس معماري من جده انجبر يشتغل بالشرقيه بوحده من الشركات من بعد ما انفصل من شغله وهو المسئول عن امه و اخته شعاع عمرها 13 سنه ))


brb

***

دق خالد الباب أكثر من مره وطنشت كانت تحس بخوف وش ممكن اسوي اصلا مااعرف اتصرف باي حاجه
خالد:يلا أروى النحيسه فتحي الباب
أروى وهي تمسح دموعها وتفتح الباب:هلا
أبتسم على كثر ما تقلب الدنيا بدلعها و عنادها الا انها دلوعه و أي شي يهزها:افا أروى تبكي؟
أروى بمكابره:من قال أبكي اصلا
خالد:أنا ماشفيتي شكلك بالمرايه
أروى: مافيني شي
خالد:زين تفضلي هالجوال و هذي البطاقه حقت الشحن و ش تبين بعد و فهد ربيته لك خلاص ضحكي
أروى بخجل:مشكور انا
خالد:اششششش انتي تروقي اللحين و تبطلي بكاء زين
أروى:طيب
تنفست براحه و فتحت السجل تدور رقمه رقم ريم هذا بعدها رقمي و هذا غريب و بعدين سعود بعدين الاسماء كلها مسجله يعني هذا اخذت الرقم بسرعه و دقت بس طلع مقفل اوووووووووووف يا ربي اووووووووف وش أسوي ما اقدر انام مااقدر معقوله رماه و مااهتم لو رماه انفضحت انفضحت يا حسرتي وش اسوي دقت على ريم مقفل يوووووه وقتك
انتظر لبكره يمكن نايم يمكن خلصت بطاريته الله يستر بس يا ويلي لو طلع نذل و حقير يا ويلي و بعد و قتك يا ريم ما تردي وقتك خل ارجع جواله قبل ما يحس علي

أنا اشهد إني (أحبك) .. كثر أنفاسك ..


..................... و أكثر من أنفاس صدري .. وانت تعرفني !




تضيع الأنفاس .. مني .. لأنرمى رأسك ..


..................... في صدري ! وكل نبره منك .. | ت خ ط ف ن ي



طالع سا عته 3 الفجر مو قادر ينام مو قادر ينسى ان جوري كانت بحضنه اليوم تغيرت ملامحه وهو يذكر نظرات أحتقارها له معقوله ترفضني معقول
بس شجون كانت رافضه سعود و اللحين ما تقدر تعيش دونه و أبوهم ما يرفض لابوي طلب نهائيا هي أصلا ليه تكرهني ما سويت شي عشان هالموقف اللي مأخذته مني بس أحبك يا الجوري ما يهمني تحبيني دق عليها و لقاه مقفل مو مشكله مصيرك بتفتحي خطك وين بتروحي كان لسى لا بس الثوب و لسى ريحة عطرها معاه مشى للبيت و هو يخطط لازم يكلم أبوه و يلزم عليه لازم يأخذها ما يقدر يعيش بدونها و ما يضمن لا شافها وش بيسوي قدامها ينسى نفسه ينسى كل شي وهو قدامها مشى لبيته وهو يدعي ان خالته و سوسن طلعوا ما يبي يشوفهم وصل وهو يدندن و مبسوط لانه بيكلم أمه و اثق انها ماراح تعارض بالعكس على كثر ما تقول له عن سوسن بس تتمنى الجوري له من زمان أحلى و أشيك غير عن مركزهم هذا بنظر أمها بنظره هو حبها فتح الباب و كانت سوسن في وجهه:سوربرايز مو؟
عيسى:قل أعوذ برب الفلق ـأنتي ما عندك بيت؟
سوسن بغباء: و أنا وين؟
عيسى:سوسن وش رايك تقلبي وجهك
سوسن بهيام:عيسى اليوم شكلك جنان بالثوب بعد السكسوكه شي عليك
عيسى:يمه يمه
ام سعود:هلا عيسى جيت
عيسى برجاء:ابي انام تكفين
ام سعود:سوسن تعالي قلب خالتك أبيك بشغله
سوسن بدلع:عن أذنك عيسى
عيسى:مع السلامه ظل يطالعها وهي تمشي مع أمه ساعات يرحمها و ساعات وده يكفخها من البرود والتبلد اللي هي فيه طلع لغرفته وهو يتحطم و قتها تنام هنا غبيه مو وقته

brb

طرح رائع
يعطيك العافيه

أستغربت أن خالها ممكن يدق عليها لا يكون فيه شي:هلا خالي فيك شي
عبد الرحمن كان يطالع بخالها اللي مو حاس بالدنيا و يسمع الصوت نفس البنت ذاك الوقت يوم يجي لحد بيتهم :هلا منو؟
فجر بأستغراب:أنت مين هذا جوال خالي انت وش تبي خالي فيه شي؟
عبدالرحمن:اوووه و الله نسيت اعذرني اختي لخبطت بين جوالي و جواله كلها نفس النوع نسيت ما انتبهت
فجر:حصل خير مع السلامه قفلت و هي تتنهد و قف قلبي ع أساس لخبط مدري يا خالي تخاف علي مثل ما أخاف عليك والا ما أهتميت ما صدقت سمعت الاذان و راحت تصلي
عبد الرحمن اللي يدخن و جالس يطالع بسعيد اللي منتهي من الشرب و ينها؟البيت مافيه احد انا دورت فيه ابتسم بنجاسه وهو يتذكر الغرفه اللي بالوحوش طلع بسرعه و مشى للغرفه دقها أكثر من مره مافي رد طالع للشباك اللي مقفل و قريب من طوله سحب صندوق ووقف عليه و فتحه ظل يطالع بالغرفه الاناره الورديه التأثيث الملابس واضح أنها غرفة بنت ضحك أجل عندك بنت أخت و راميها هنا مصيري أشوفها أشوفها أذا ذاك الصوت صوتها أجل الوجه شلون وربي من سمعتها تتكلم رجفت مره وحده شلون لو شفتها رجع لداخل وظل يطالعه أنسان جدا غريب لابعد حد طيب و ينها هي
أذا هذا الخال وش بيطلع منها هي أكيد تستغل فرصة سكره و شربه بس بسيطه انا هنا وين بتروح أشوفها يعني أشوفها

^^^

صحت على حركة شذى بالغرفه
ريم بنعس:شذى وش فيك؟
شذى بشعرها المعفوس و بجامتها البينك:ريمي قومي تكفين أبي لبس كشخه حده
ريم وهي تعدل بجامتها :ليه؟
شذى بفرح:سعد وخالتي تحت
ريم:و يعني بتطلعي له مثلا
شذى:اوف ريمو لا ما راح اطلع له بس عشان خالتي بتشوفني و كمان في جمعة حريم يعني حرام أكشخ
ريم برواق:لا والله زين وسعد وش دخله بالسالفه هذي
شذى بخجل:اوووووف ريم خلاص قولي ما تبين ألبس من عندك
ريم ببرود وهي تسحب منشفتها خذي اللي يعجبك بس لا تعيديها و تصحيني من نومي دخلت للحمام و قفلت عليها اووف و بعدين يا سعد انا ما انفع لك ما أنفع لك شذى تحبك تحبك و أنا مو بنت مو بنت ما ينفع أتزوج أنا بس موجوده عشان أنتظر اليوم اللي أموت فيه بس غير كذا ما عندي رجعت ذاكرتها لقبل ثلاث سنين تذكره تذكر اول يوم شافته فيه كانت ضايعه ما تعرف وش تسوي من بعد موت أبوها و سفر سامي مشاكلها ما انتهت مع أمها بالعكس زادت كانت ساعات تحس أبوها موجود ما مات تنتظره تسأل عليه و كان هالشي مجنن أمها و مخليها تدخل بخلافات معها ع طول
:مالكم شغل فيني أنا وين أنا وش جابني هنا سامي سامي بعدوا عني بابا وينك ما متت تعال وينك
الممرضه:مدام هدي سوي انتي في تعبان
ريم بصراخ:بعدوا ماابي طلعوني من هنا ورجعت تبكي
دخل راشد وسلم و ظل يطالع بالغرفه و بالممرضات وشلون حايسه كل شي أبتسم غصب عنه ع منظرهم
ظلت تطالع فيه هو اللي جابها هنا من بعد الحادث اللي صار لها تذكره زين هدأت شوي وهي تطالع فيه صار قريب و بمسافه ماهي بعيده:شلونك؟
ريم برجاء:زينه بس طلعني من هنا
راشد:زين عطيني رقمم أي أحد من أهلك أبوك مثلا
ريم:ماااات مات من زمان
راشد:الله يرحمه أمك طيب أخوك
ريم:ماله داعي طلعني أنت جبتني
راشد:و شلون أطلعك ؟هذا حادث و فيه تحقيق و انا مدخلك تحت مسئوليتي ما يصير أطلعك
ظلت تطالعه أسلوبه رواقته بالكلام تجبرها تسكت صوته بثقله يحسسها بالامان ظلت تطالعه و هي ساكته
راشد:ها ما راح تساعديني عشان أطلعك من هنا
نزلت عيونها وسكتت
راشد وهو يجلس قدامها و يتأملها:طيب شنو أسمك
ريم بصوت مبحوح من البكاء والصراخ:رييم
راشد بعبط وهو منتهي عند ملامحها:ما سمعت
ريم بصوت أعلى:ريم
راشد:عاشت الاسامي ريم اللحين ممكن تهدي و تعطيني أي رقم ممكن اوصل فيه لاهلك
ريم تهز راسها بالايجاب
مد لها الجوال:دقي على أي رقم تبينه كانت حاسه بنظراته ما نزلت عيونه عنها دقت رقم البيت على امل ترد شذى فيصل بس مو امها من سمعت صوت أمها رمت الجوال عليه وضمت نفسها و بكت من جديد
رشت المويه على وجهها تبيه يبعد عنها خلاص تبي تنسى تبي تعيش عمرها من دون ذكراه
:خلاص انا كلمت أمك وهي راح تجي اللحين زين
ريم لفت وجهها و سكتت و بداخلها تجي تروح عادي ما تفرق أصلا بسببها أنا هنا
دخلت الدكتوره:صباح الخير يا آنسه ...؟
راشد وهو يطالعها:ريم أسمها ريم
الدكتوره:آه اسمك حلو يا ريم حاسه بايه دلوقتي
ريم طنشتها سؤال سخيف يا دكتوره
الدكتوره:لا ما يصحش كدا انتي لازم تتكلمي بعد شوي حيدخل العسكري و تحقيق ما ينفعش كدا لازم تقولي كل حاجه عن الحادث صح الحمدالله مافيش اصابات كتير شوية رضوض وكسر باليد
ريم بملل:خلاص خليه يدخل
الدكتوره :حادر
ما كانت منتبه لوجود راشد و ناسيه انه معها بالغرفه ثبتت حجابها و طلقت تنهيده طويله
الضابط:السلام عليكم
ريم سكتت وهي تسمع راشد يرد السلام صوته خطيره
الضابط:أختي لو سمحتي أحنا بنسألك عن اللي صار
ريم بتعب واضح من طريقة كلامها:ما أذكر أي شي عن السياره و الغلط علي انا قطعت الشارع و ما انتبهت لها
الضابط:وش اللي يخليك تطلعي الساعه 1 الفجر هربانه من مكان او رايحه مكان
ريم بسرحان:كنت هربانه من مكان و مدري وين رايحه ضحكة بسخريه مدري وش كنت أبي؟
الضابط:عفوا ياأختي ممكن توضحي كلامك أكثر
ريم:لا مو ممكن و اللي عنده قلته قضاء وقدر الحادث و بعدين
الضابط:شكلك لسى تعبانه طلع المحقق من بعد ما عجز يفهم منها شي
راشد:تبين أجيب لك شي؟
ريم:لا مشكور
لفت راسها لجهة الباب كانت أمها و خالتها داخلين و وراهم سعد
ام سامي:أسم الله عليك ريم وش فيك؟
لفت وجهها للجدار على وجهها أبتسامة بارد خايفه علي ؟و الا تمثيل و الا عادتها ما
تجيني الا بعد ما أضيع
أم سعد:وش طلعك يا حظي بأخر الليل و هذا مين؟
ريم بأستهزاء:حبيبي و جاي يتطمن علي
أم سعد:مو من اللحين أنتي من زمان غاسله يدي منك أستغفر الله العظيم
راشد ماشال عينه من عليها كل حركها رسمها كانت ساند نفسه ع الجدار و يطالعها ابتسم يوم قالت حبيبي وظل مبتسم سعد كان يغلي و هو يشوفه يطالعها حجابها كان نازل شوي و نص شعرها طالع سعد بحده:مو أحسن تتغطي بدل طولة اللسان و انت ممكن تتفضل برا
راشد ببرود:لو بخاطري شي على بنتكم كان من أمس صار يوم انتم ماكنتم دارين و ترى كنت أقدر اطلعها و بعد ما تدرون
سعد بعصبيه:جد مو متربي و ليه ما سويتها اخلاق منك يمكن سبب اللي هي فيه انت
ريم بقهر:برآآآآآ أطلع برا مالك شغل
سعد وهو يقرب:ايه صرخي أكثر سمعيني يا بنت خالتي و طلعيني عشان الغريب ياخذ راحته
ريم:و انت يعني القريب مره سعد لا تنسى نفسك و حدودك انت مالك شغل و لا تصرخ علي و تجي تفرد عضلاتك علي
سعد:ريم أنكتمي أنتي شنو لو ابوك عايش بيرضاها سامي لو هنا بتسوي كذا
ريم وهي تاخذ نفس بصعوبه:لو أبوي موجود كنت عرفت حدودك زين و انت تعرف و لو سامي هنا ما كانت و قفت قدامي تصارخ و تشكك باخلاقي بس وش أقول تربية فطيم
خالتها وهي تشهق و تضرب على صدرها:سنعتي بنتك وش تقول سمعتيها
ام سامي: خلاص بس خلاص أثنينكم طلعوا برا خلاص سعد و انت
راشد بثقه:راشد العلي
أم سامي بأرتباك:هلا و الله تصدق أعرف أمك بس سنين فرقتنا
راشد ببرود:صدق اممم ترى تقدر تطلع و لاتشيلون هم الاوراق و الشغلات خلصتها
أم سامي:مشكور أجل تطلعين معاي اللحين
ريم:لا


brb

***
أم سامي و هي تضمها:ليه يمه في شي يعورك
ريم بهمس ما يسمعها غير امها :ايه في أشياء و اجد تعورني خدي يعورني من الكف اللي عطيتيني هو كلامك اللي زي السم اللي سمعتيني اياه أهل أبوي اللي منعتيني عنهم و انتي تضميني حيل تعوريني حيل ـاتعب من حضنك أرحميني و بعدي كانت مصدومه من كلامها بعدت و ببرود:على راحتك راح ارسلك شذى مع السواق و فيصل
سعد بقهر:شلون تتركيها هنا شلون
راشد ببرود:انا ترى بطلع يعني لا تعصب
سعد:انا راح انتظر لحد ما تجي شذى
ريم ببرود:انت راح تطلع قبلهم و الا و الله اقلب المكان عليك
احتقرها و طلع من بعدها طلعت خالتها و هي تسب فيها و تتحطم راشد ما فهم نظرات امها كانت غريبه بس ريم كانت عيونها مليانه دمع تراوى له لو رمشت بتنزل كل دموعها كانت مكسوره نظرتها ما فهم ليش؟
طلعت و ظل يطالعها ريم :عفوا؟
راشد شكلها عدوانيه هالبنت بعبط :ما قلت شي
ريم:أضحك مثلا؟
راشد و هو رافع حواجبه شكلها بتطردني
ريم:أطلع برا
راشد:هههههههههههههه زين راح أطلع طلع جوالها من جيبه:تفضلي جهازك ما استفدت منه شي مقفلته
ريم وهو تسحبه:وين باقي أغراضي
راشد:بسيارتي
ريم:ابيها
راشد:ما لي نفس أطلع و أنزل عشانك طلع و هو يضحك من بعد ما شاف نظرتها المصدومه
تنهدت و طالعت بالبانيو اللي امتلى ماي رمت ملابسها و دخلت داخله و بهمس:أطلع من حياتي أطلع
كانت تطالعه من أعلى الدرج وهي مبتسمه تحب رجولته عصبيته ضحكه مزحه كل شي فيه تحبه تمنت تكون بدل فيصل أخوها اللحين و تجي عينها بعينه يسولف لها مخصوص و ينكت لها هي يارب متى يكون لي متى يكون من نصيبي و الله أحبه حيل أحبه
طلعت من الحمام:حسبي عليك شذى على هالحوسه جد خايسه اووووووووف سحبت بنطلون وتي شرت لها و لبست بسرعه طالعت الساعه9 يعني فجر عند البحر ضبطت شعرها و أخذت عبايتها فتحت جوالها و شهقت:اوما كل هذا أروى داقته أكيد عندها مصيبه
نزلت بسرعه وهي تغني وتدنن وقفها صوت خالتها:على وين يا حظي سلمي
لفت شافت سعد منزل وجهه و كانه متوقع حركاتها لفت من دون ما ترد على خالتها وهي تشوف مكانها أمها فاضي طلعت وهي عارفه انها بتكون مادتهم الدسمه دقت على أروى مشغول ركبت مع سواقها اللي صار حافظ مشاويرها و نظامها
أروى:يالله أفتحه يلا بليز ما قدرت تنام من اللي هي فيه جلست بنفس السرير يا ربي تفرجها علي يا رب
حاتم كان يطالع بالتصاميم اللي راح يقدمها للشركه وهو خايف اتجه لغرفة المدير ودخل:السلام عليكم
وليد بهدوء:هلا وعليكم سلام تفضل مهندس حاتم؟
حاتم وهو يمد له يده:أيوا انا مهندس حاتم
وليد:تفضل طبعا تعرف ان المرحله الجايه مهمه لشركتنا و داخلين في تنافس مع شركات كثيره و أحنا مستلمين أهم المشاريع بالمنطقه
حاتم:انا عارف كل دا يا أستاذ وليد و لا تشيل هم انا دحين عملت لك تصاميم أوليه للمجمعات طبعا أقدر أغير على حسب متطلبات المشروع لاني عملتها بناء على طلب الاستاذ احمد اللي أعطاني شوي تفاصيل ادا حاب نغير ما في مشكله
وليد اللي يطالع التصاميم بأعجاب :باين أنك ممتاز بشغلك هذا غير عن فنيتك بالشغل الا انت ليش تركت شغلك اللي قبل
حاتم:اختلاف في وجهات النظر مو أكثر من كدا و بعدين ما أقدر أعمل شي يخالف مبادئ عشان كدا تركت الشغل هناك
وليد:مو مشكله الشغل يجي بداله بس الاخلاق ما يجي غيرها لو خسرتها انت خل تصاميم عندي بطلع عليها زين و لنا كلام بعدين
حاتم:أن شاء الله عن أذنك طلع وهو مرتاح كان شايل هم اللقاء هذا بس الحمدالله تييسر له
وصل لمكتبه و تذكر جواله اللي من أمس مقفله أكيد امه قلبت الدنيا عليه اللحين فتحه و انصدم من الموجود للرقم الغريب من يكون ؟ دقه من دون تردد بس ما جاه رد عالم فاضيه رجع يدق على أمه و تناسى الرقم أروى نامت من دون ما تحس على نفسها لانها طول الليل سهرانه و تفكر

^^

ريم:ههههههه جد فجوره أنتي جبانه
فجر:لا مو كذا بس جد ما عاد فيه طفوله ما سك البنت و يهددها و يوم سالناه يقول لا بس اسوي جو
ريم:ههههههه جد يومك وناسه
فجر أبتسمت لها ورجعت تطالع للبحر:نفسي أشوفها
ريم:مدى؟
فجر:ايه
ريم:تبين أروح لعمك أروح ما عندي مشكله بس بطلي خوف أنتي
فجر:تتوقعي معاه؟
ريم:أكيد و ينها يعني؟
فجر بحزن:ما أستغرب يرميها باي ميتم ولا يبيعها ولا يشغلها خدامه ولا يقتلها
ريم:فجر شيلي هالاوهام من راسك و حاولي تفكري بشي حلو
فجر:وين أفكر بشي حلو ريم أنا تعبانه تعبانه
ريم:فديتك فجر و الله لو تبين عيوني أعطيك بعدين في شي حلو وين ما فيه و وليد؟
فجر باستغراب:مين وليد
ريم تقلده:ممكن أبيك تساعديني أختار ساعه انا اخوها و ين مارحتي و راك
فجر وهي تحاول تحفي توريد خدودها:رييم وش الكلام هذا صدفه
ريم:صدفه أقص يدي من هنا اذا مو من وقت الشاي وهو يحلم فيك و يدورك
فجر ببراه:ليه هو اصلا حلو و أكيد شاف احلى مني
ريم:ههههههههه ماما واللي يراهن لك ان كل يوم بيجي لك هنا وش تقولين
فجر:عادي يجي و الا يروح انا مالي
ريم:فجر ما ودك يجي تنحبي فيه؟ يكون لك عائله أهل اولاد
فجر:من يبيني ؟
ريم بقهر:فجر تاكدي بيجي يوم يبان الحق فيه
فجر:راح عمري و انا اسمع هالكلمه و هالوعد حتى فقد الامل انه راح يكون فيه بكره خالي وهو خالي رماني بالمستشفى سنين بحجة اني مجنونه ما صدقني و صدق ان اخته مثل اللي انحكى فيها وين يبان؟
ريم و هي تسحبها لحضنها وتضمها تشوف في فجر طفله ما كبرت ما عاشت تصرفاتها أفكارها نظرتها للحياه لسى طفله تخاف من عمها لانها تتوقع اذا شافها بيقتلها تتوقعه عايش طول عمره بيده سكين تخاف بشكل مو طبيعي :فجر لا يا عمري انتي لازم تنسين اللي صار لازم تبدين من اللحين فجر عشاني عشان مدى عشان امك و ابوك انسي كوني قويه
فجر غمضت عيونها و بداخلها سهل الكلام سهل
ريم أبتسمت وهي تشوف وليد و اقف عند سيارته بثوبه الابيض و الشماغ و يطالع فيهم نزل عيونه و بداخله يدعي عليها وجع أحسها كاشفتني هالبنت وش تبي بس حاسدها حاضنتها
ريم:فجوره عطشانه حدي روحي جيبي لي شي بارد و انا بمشي شوي
فجر بهدوء:اوكي
ما أنتبهت لوليد مشت صوب الكافتيريا
ريم وهي تشيل شنطتها رايحه لعند وليد:هلا
وليد نزل عيونها وجلس يحرك التراب برجوله
ريم:أنتي أكلمك
وليد:نعم
ريم:ليه لا حقنا من مكان لثاني
وليد:مو كأنك واثقه منو أنتي الحقك
ريم:شوف خل نتكلم صريح أنا مو غبيه وش تبي من فجر؟
وليد وهو يفسخ النظاره:لا مره ذكيه
ريم وش ذا لا جد أنت فتنه:واثقه
وليد:بعدي يا بنت الناس و مالك شغل
ريم:أسمع حركات ملاحقتكم و مغازلتكم حافظينها فجر لا تقرب منها و لاتفكر أنك تأذيها بيوم
وليد بأبتسامه:دامك معها من يقدر يقرب صوبها و بعدين ما بيني و بينها شي ولا أبي أغازل أنا اذا راح أقرب منها بالحلال
ريم غمضت عيونها و تنهدت براحه تعرف انه يلاحقها نظراته و تصرفاته مو صدفه تجربتها مع راشد خلتها تعرف اطباع الناس تفهمهم و كان تخصصها تحللهم :أتمنى هالشي و خليك واثق ان مع فجر وحده ما عندها شي تخاف عليه و الا تخسره و اشرت على نفسها انا:لو صار لها شي تندم صدقني
رجع نزل وجهه كلامها يربكه يحسسه ان بيقرب من شي نادر كل اللي حولها يخاف يخسرها
مشت خطوتين و قفها صوته :من بنته فجر؟
ريم وهي تبتسم :بنت حمد مشت بسرعه لفجر اللي جالسه تنتظرها بنفس المكان
فجر:وين رحتي؟
ريم:لا بس شوي أمشي بس بعدت لفت شافته اختفى :فجر شنو نظامك؟
فجر:أبي اروح أنام تعبانه موت
ريم:اها زين يلا أوصلك
كانت عينها على فجر اللي مغمضه و مستنده على المرتبه و الله أخاف عليك مدري ليه حاسه أني راح أفقدك مدري أنا اللي راح أغيب و الا أنتي ليش هالخوف عليك ليش مو على أروى ليه يوم قرب وليد منك حسيت أنك بنتي خفت عليك و ليه فرحت يوم سأل عن أبوك و كأنه بيخطبك دوم أدعي يعطيك على قد نيتك لان مافي اطهر من هالنيه ليت قلوب البشر أنتي يا فجر معقوله وليد ما يلعب مو مهم دامه بعيد مو مهم خيره من شره يلعب ما يلعب مو مهم المهم مو قريب منها
كان ماشي وراهم حتى الاجتماع نساه يفكر أسمها فجر حمد معقوله هي معقوله مو قادر أركز مو قادر شافهم وهم يدخلون حي قديم و دون المستوى المتوقع لخالها يمكن بيت صديقتها شافها و هي تنزل و تودع ريم قدم سيارته و ظل يطالعها وهي تسلم على حرمه كبيره و تحضنها
الخاله فاطمه:أمشي معاي لسى خالك واللي معاه ما طلعوا من البيت
فجر:أخاف منه خل أروح و أدخل غرفتي مثل كل مره
الخاله فاطمه:لا يمه لا تعورين قلبي تعالي و مالك شغل فيه لا تخافين تعالي معاي وبعد مشتاقه لك يمه
فجر:زين

brb

نزل من سيارته وهو يرفع ثوبه حاس بالقرف من المكان وش هذا مشى ناحية مجموعة اطفال يلعبون وسلم عليهم:حبايبي أبي أسال هذا بيت مين؟
كانت أصواتهم عاليه و يصارخون وكلهم يبيون يجابون:اششش واحد بس أنت قول
:هذا بيت فاطمه شيخة المسجد
وليد:أها ومين اللي معها
:بنتها فجر الحلوه
واحد من الاطفال:أنت تعرف فجر عيونها كبار شعرها طويل زي الاميرات و صوتها حلو ودوم تجيب لنا حلويات و العاب
أبتسم على أشكالهم ولانه أرتاح من جوابهم طلع بوكه ووزع عليهم كل اللي فيه وهو يبتسم على ضحكهم ومسابقتهم من يروح البقاله اول
مشى لسيارته وهو يطالع ببيت فاطمه اللي ببداية الحاره تنفس براحه مو هي مو عدوتي ركب سيارته هذي امها معها بعدين خالها مستواه كان حلو يعني مو عايشين هنا انا مدري ليه شكيت هالكثر افكر فيهم كل شي اربطه بهم حتى الصغار جننتيهم يا فجر مثل الاميرات ههههه بس شلون أكلمها ؟
شلون أقنع أمياني راح أخذ وحده مافي تكافؤ بأي شي غير اني تعلقت فيها وش راح يفهمها المهم أقدر أوصل لها دام تطمنت انها مو اللي في بالي طالع بالساعه و باسها
ريم:سلام عليكم خاله شلونك؟
ام خالد:هلا يمه حياك علي ليه ما قلت لي انها ريم
ريم:لا عادي وش دعوى خاله بس جيت عشان أروى
ام خالد:حياك يمه والله لسى نايمه تعرفين دوام ما عندها
ريم:أها زين عادي اطلع لها؟
أم خالد:خذي راحتك البيت كله مافي الا علي و أروى و علي شايفته طايح لعب بالبلا ستيشين
ريم:زين أنا بطلع لها خاله لا تكلفين على نفسك أنا راح أخذ منها شغله و أطلع
أم خالد:لا يمه راح تفطرين معها طلعي أنتي عنها
ريم وهي تطلع الدرج:خاله قصدك غداء اتغدى مو أفطر
ام خالد:ههه أن شاء الله يمه
دخلتي على أروى وهي مو حاسه الغرفه ظلام مو رافعه الستاره و شوي حاره لانها ما تعرف تنام و الجو بارد لازم الغرفه تكون حاره شوي
حطت شنطتها و فتحت الستاير بقوه علت المكيف
أروى:لالالالالالا فيصل مدري علي لا برا
ريم:انتي قومي و انتي الفرن اللي جالسه فيه قومي
أروى تبعد الغطاء:رييم متى جيتي ومن دخلك
ريم:مالت عليك هذا أستقبال جيتك عشان جوالي اللي حرقتيه قومي بدلي و غسلي
أروى أنقلب وجهها:ها
ريم:ماما لا تسطلي قومي أمك اللحين بتدخل قومي مالي خلق أسمع لوحدي محاضرات الزواج لوحدي لازم معاي
قامت من دون ما ترد عليه دخلت الحمام وهي تحس بدقات قلبها تزيد يمه ليش خايفه أنا ليش رشت ماي على وجهها سمعت صوت امها تسولف مع ريم لا ما راح اطلع خلها تروح
ام خالد:يمه تعالي اجلسي مع البنت راح انزل انا خلاص
أروي:طيب
طلعت و قفلت الباب ورى امها
ريم:وش فيك فيك شي مو طبيعيه ابدا
أروى:مصيبه مصيبه
ريم:شنو؟
اروى: جوالي أمس صدمت بواحد بالسوق و انا طالعه و طاح و تكسر
ريم وهي تجلس:مالت عليك طيب ينكسر صار ت مصيبه
أروى وهي تبكي:أنا رميته عليه رميته و فيه الذاكره فيها كل صوري و ما أنتبهت مدري معاه مدري رماه مدري بيد مين اللحين ريم راح اجن مو عارفه أتصرف خايفه و لا أدق عليه مقفل جواله بعد
ريم مصدومه:يعني تعرفين رقمه
أروى:دقيت من جواله على خالد بس ما رد علي مقفل ريم وش أسوي
ريم وهي تهز راسها:مدري أخاف يطلع حقير
أروى :يمه يعني أنفضحت
ريم:زين وين الرقم؟
أروى وهي تدور على جوالها :أيه هذا هو خل أشوف مين داق؟ حست الاكسجين يقل و بصوت يرجف:ريم هو داق علي مره ثانيه
ريم تسحب الجوال منها:هذا رقم و رجعت تعيد الا تصال
أروى:لالا أخاف
ريم وهي تأشرها :اششش دق
كان حاتم بتسبح و يسمع صوت الجوال و مطنش دامها مو أمه كمل حمامه برواق
ريم:ما يرد
أروى:يا ويلي وش أسوي
ريم:هدوء أروى خل نعرف نفكر يمكن هو رماه و ما أهتم يمكن مع غيره
أروى وهي تمسك على راسها:خلاص ريم اللي فيني يكفيني سكتي
ريم:زين أهدي بس يارب خير دق جوالها و كانت أمها طنشت رجع دق فوق 4 مرات ردت على آخر دقه:كان مارديتي
ريم:هلا
أم سامي:أسمعي أنا أنتظرك في البيت بسرعه لا تتاخري و قفلت في وجهها
ريم وهي تتنهد:أمي تبيني

&&

أروى:زين روحي لو صار شي أقولك
ريم:زين بيننا أتصال أروى أهدي شوفي وجهك وشلون مقلوب مو لازم تبيني
أروى:خايفه
ريم:ما ألومك بس لسى بدري على هالربكه هدي و خليك قويه عشان نعرف كيف نتصرف ؟ خليك منتبه لجوالك هو أكيد بيرجع يدق
أروى:طيب
طلع من الحمام و هو ينشف شعره طالع بالغرفه و تأفف فوضى ما في شي بمكانه جلس يقلب بالاكياس رفع حواجبه مستغرب و هو يشوف الجوال المكسر هدا جوال ديك البنت نسيت ما رميته و هي من جدها ما تبغى حاجه منه بس أخدت شريحتها طالع لمكان الذاكره معقوله ما عندها حاجه مهمه سحب المومري و دخله في جهازه و جلس يفتح مقاطع فيديو أغاني صور و سائط أبتسم وهو يقرا أسم الحافظه (( الدلع بأسمي أنكتب مغروره و أبوي السبب)) فتحها بس أختفت أبتسامته و هو يشوف صور أروى ما صدق اش الجمال دا معقوله هي نفس البنت اللي طيحتها سبحان الله شكل أسمها أروى الصور كلها مسجله بدا الاسم جلس يفتح و يطالع برواق معقوله ما فقدتها ؟ و الا عادي عندها لا يكون هي اللي دقت امبارح علي
فتح جواله على المكالمات ولقاه نفس الرقم رجع دقه من جديد حست نفسها يضيق يو يا ريم ليه رحتي على أخر دقه ردت بصوت مرتجف:هلا
حاتم:السلام عليكم
أروى:و عليكم السلام
حاتم:عفوا رقمك داق علي أكتر من مره في حاجه؟
أروى:ايه أنا دقيت كثير عليك
حاتم:ايوا أعرف بس انا ما اعرفك و لا أعرف وش جاب رقمي عندك وش تبغي أصلا
أروى وهي تمشي بالغرفه بتوتر و تمسك على رأسها:زين أول أبي أسألك كنت بمارينا مول أمبارح
حاتم وهو يغمض عيونه هي يا حاتم هي:أيوا
أروى وهي تحاول ترسم أبتسامه بالرغم من الدموع المتجمعه بعيونها:حلو
حاتم وهو يسند رأسه ع الكلمه و يبتسم :وش اللي حلو بعدين ليش؟صوتك يرجف ؟ وليه خايفه؟ ترى ما اخوف أنا على فكره قولي وش عندك و صدقيني لو أقدر أساعدك راح أساعدك سكت وهو ينتظر يسمع ردها
كانت تحاول تكتم بكيتها ما تبيه يسمعها بس كلامه و الطريقه اللي يكلمها فيها خلاها تبكي لانها أرتحت له و لانها خافت في نفس الوقت ما تكون عنده
بس غلبها خوفها بالاخير و أنفجرت تبكي
حاتم من سمع صوت بكاها أنصدم:يا أختي أشبك أهدي شوي مالوا داعي هالبكاء قلت لك انا حاساعدك باللي تبغيه
أروى وهي تحاول تأخذ نفس و تهدى:انا أمس صدمت فيك بالمول و طاح جوالي و أنكسر و انا رميته ما أدري هو معاك و الا رميته
حاتم بهدوء: لا معاي توي أشوفه من شوي بين أغراضي
أروى و هي تمسح دموعها:تكفى لك اللي تبي و الله اللي تطلبه راح أعطيك و لو تبي يجيك لعندك ما عندي مانع بس تكفى عطني الجهاز فيه المومري الخاص فيني فيه كل شي عني صوري و صور خواني و الله لو صار فيه شي انا اموت اموت ورجعت تبكي
حاتم:ياأختي أهدي بطلي تبكي
أروى:قلت لك اللي تبيه باعطيك و الله أعطيك
حاتم:أي حاجه أطلبها
أروى:ايه
حاتم:ما أبغى منك حاجه غير أنك تكلميني من دون هالدموع ممكن
أروى بعد ما هدات:ايه
حاتم:حلو كدا حلو يا أروى
أروى بصدمه:هاا
حاتم:ممممم معليش أعدريني أنا شفت الصور كلها لا ني مو عارف الجوال أعمل فيه ايه و كنت راح أرميه بس لفتت نظري قلت أفتحها لو مافيها شي مهم راح أرميها و لو فيها ع الاقل ارقام أقدر اوصل لا أصحابها
أروى بصدمه:وش شفت؟
حاتم وهو يطلع سيجاره ويدخن ببرود:الدلع بأسمي أنكتب
أروىوهي تشهق :من سمحلك أبي أفهم مين؟
حاتم:اشبك معصبه شوي شوي أنا قلت لك ليه فتحته و بعدين لو مهمه عندك ليه ترميها كدا
أروى سكتت ما قدرت ترد عليه
حاتم:انا ما راح اذيك و صورك و ذاكرتك خوديها ما تلزمني بشي ترى أنا طلعت و سافرت وشفت بنات أشكال و الوان و كل يوم هنا أشوف حتى اللي تجي هي بنفسها لو أبي أغلط أغلط من زمان مو أنتي الفتنه بحياتي يعني انا صح غلطان و مو من حقي أشوفك بس أنا قلت لك السبب و بعد في سبب تاني
أروى:شنو؟
حاتم:أنك حلوه و ما قدرت أشيل عيوني عنك
أروى بأرتباك:كيف؟
حاتم:طيب يا أروى كيف أديك صورك؟
أروى وهي تاخذ نفس:ودي اللحين أنت وينك؟
حاتم و هو يطالع بساعته 2 الظهر:لا مو من جدك يا شيخه انا ابغى أنام توي راجع من الدوام و على الجو القرف دا ما أحد يطلع خليها غير مره
أروى بعصبيه:أنا طالبتك كتاب و الا أكله من مطعم تقولي راجع من دوام أنا ابي صوري تفهم
حاتم اللي مبعد الجوال من اذنه عشان صوت صراخها:يو أشبك أكلتيني بقشوري لا مو فاهم ايش راح تعملي يعني و راح أنام دحين قفل في وجهها و رماه
أروى و هي تشهق لا يالحقير قفلت في وجهي ياربي و ش اسوي رجعت دقت طنش شوي فتح رسالتها وضحك::طيب نام بس اصحى الساعه 4 العصر أبي صوري))

رجع رد عليها::و مين أنتي عشان تحددي الوقت زوجتي متلا و قت ما أفضى راح أقولك و لا تزعجيني ممكن))
أروى رجعت تدق أكثر من مره كان يطالع ببرود بالجوال و يجهز غداه جلس يأكل وهي تدق رد عليها:نعم
أروى:ليه تقفل بوجهي ترى هذا مو أسلوب نهائيا و بعدين أنا أبي صوري و محتاسه و أنت مو حاس و لا على بالك
حاتم و هو ياكل :امممممممم
أروى: أنت جالس تاكل و انا محترقه يا
حاتم:أسمي حاتم و بعدين والله جوعان لازم أكلك و لو طلعت اللحين ممكن أقابلك و الا بس كدا مشوار ع الفاضي
أروى:حاتم حطه بأي مكتبه غلفه و حطه باي مكتبه و أنا بعدين أرسل واحدمن خواني ياخذه
حاتم وهو يشرب الماي:انا توي ما صار لي أسبوع هنا ما أعرف مكاتب و أماكن كتير هدا شي الشي التاني تعبان و ابغى أرتاح و تطمني مو عامل حاجه بصورك روحي تغدي و نامي و لا صحيت أنا راح أكلمك
أروى بخوف:أوعدني انك ماراح تاذيني أوعدني
حاتم:والله العظيم و الله العظيم و اللي يخلي لي امي و اختي اللي ما عندي أغلى منهم مو مفكره أعكل حاجه تضرك وش تبغي كمان يا ستي
أروى و هي تشهق :مشكور جد مشكور
حاتم:العفو ممكن طلب
أروى:اللي تأمر فيه
حاتم وهو مبتسم و كانها تشوفه:اضحكي بطلي بكاء و أضحكي
أروى بلمت
حاتم بهمس:أروى
أروى:ها
حاتم:يقولون نعم نعم وش دي هاا؟
أروى وهي تبتسم:نعم
حاتم:اضحكي ما راح أقفل لحد ما أتطمن انك اوكي
أروى:ليش؟
حاتم:لانك طيبه و على نياتك
أروى:أنا
حاتم وهو يأكل:ايه أنتي لو غيرك ما خاف هالخوف و بكاء و كأنه عمل حاجه ما احد يقدر يتقبلها و يغفرها
أروى و هي تتنهد:مو أنا اللي على نياتي شكلك أنت عايش بعالم مثالي لو المومري هذا جاء بيد غيرك تعرف و شلون راح يتصرف
حاتم :كيف؟
أروى:راح يهدد ينشر يحاول يبدأ علاقه حرام بحرام و أنا يمكن راح أقبل تعرف ليش؟ لان مستحيل يصدقوني أهلي لو قلت صوري ضاعت مستحيل و راح أتعامل على أني انا غلطت و ماراح يتحمل هو غلطه بالعكس راح أتحمل ثمن تخلفه وتربيته و جهلهم عرفت ليش خفت عرفت ليش أبكي و يمكن أجن عرفت
حاتم:أروى مستحيل أحد يفكر بتربيته بالطريقه دي صح يمكن ينفعل يضرب يعاقب بس مو لدرجة انو يحملك الخطا كله فين عايشين
أروى بملل:ببيت أهلي اللي مثل بسيط عن غير بيوت و بعدين انتم كذا كلام بس لا جاء الجد قلبتم و رجعتم مائة سنه لورى
حاتم:هههههههههه شكلك متعقده من الشي دا و لا مو كلام بس متلا صورك ما عملت بيها حاجه حت لو ما كلمتي ما كنت راح أعمل حاجه
أروى بأمتنان:مشكور صدقني جميلك هذا راح أظل شايلته على رأسي طول العمر و ماراح أقدر أطلع من جزاك
حاتم: لا ولو ما عملت الا الواجب هدا مو فضل مني هدا حقك الا أقولك
أروى:نعم
حاتم:تفضلي حياك تغدي معاي
أروى اللي أستوعبت أنها جالسه تاخذ و تعطي معاه و لا بعد عازمها تتغدى معاه:ههههههههههههههههههههههههههههه
حاتم وهو ينزل الملعقه و بداخله لا تضحكي اذا ضحكتك بتلخبط كياني دخيلك لا تضحكي
أروى :اسفه الظاهر نسيت نفسي
حاتم:لا عادي كنت امزح بالاصل
أروى:طيب راح أخليك اللحين و يكون بيننا أتصال
حاتم:ان شاء الله مع السلامه
أروى وهي تنط ع الكرسي من فرحتها مرتاحه بعد الخوف اللي عاشته امبارح الدموع الندم على تصرفها الغبي رمت نفسها على الكرسي وهي تذكر مكالمتها مع حاتم شلون كان راقي معها شلون يكلمها و يهديها ياربي في ناس كذا في ناس بالاسلوب هذا الرقي هذا ياربي طول عمري احلم بواحد نفسه نفس الهدوء الرواق الكلام التفكير لو أحد غيره وش كان عمل مثلا لو خالد كان قال هالبنت راميه نفسها علي با يعها نفسها مو متربيه و لو عرف كان ذبحني و لا قوم عزائي طبعا
ريم ببرود وهي تقلب بمجلات قدامها:أنسي الموضوع
أم سامي:شوفي ريم وصلت حدي منك خلاص مو متحمله أكثر كل ما جاء لك واحد رفضتيه بدون سبب قلت تعبانه من موت ابوها اللي صار له سنين و بتتغير بس لا مافي امل كل مره تزيدين البيت ما تجلسين فيه ابدا دراسه و ماكملتي ليش يمه ريم انا امك احكي لي وش فيك كل الناس اللي اعرفهم بسيرتك اللي تقول مجنونه و اللي مسحوره واللي مسويه بلا وخايفه منه
حست الكلمه مثل الكف على وجهها انقلب لونه يتهمونها بالجنون بالسحر عادي بس لا يفتحون جروحها هي ندمانه هي تابت هي كرهت كل جنس ادم كرهت نفسها تعمدت تموت نست انوثتها ما تبي احد يشوف فيها انثى ممكن تتزوج و تعيش ليه ما يبعدون عنها ليه:مالكم شغل
ام سامي:لا لي شغل أنا أمك و غصب عنك تسمعين كلامي و لازم أعرف كل شي عنك و سعد راح تتزوجيه و هو طلبك و أنا وافقت مجرد بس أخبرك
ريم ببكاء وهي تضحك:ههههههههههههههههههههههههههههههههههههههههه شو أنتي شو؟أم لا أسمحيلي يوم كنتي ترفضين تشيليني لاني بنت مو ولد مو كنتي أم يوم كنتي تحملين كل خطا بعلاقاتك مع أهل أبوي وتضربيني و تعاقبيني لاني بس بنت ما كنتي أم يوم تركتيني بيدين الخدم يربوني ما كنتي أم يوم كبرت على يد أبوي هو اللي يعلمني و يفهمني ما كنتي أم ما كنتي أم يوم كنتي طول التسعه شهور فرحانه لاني كنت بنظرك ولد ويوم جيت بنت كرهتيني ما كنتي أم اللحين أم بعد 23 سنه أم تكوني أم اللحين ما احتاجك ما ابيك وش أبي يعني حاولت تكتم شهقاتها اللي كل شوي تزيد
ام سامي بحزن:غصب عني كنت طايشه و مو فاهمه الدنيا ندمانه يا بنتي و أعرف غلطت
ريم وهي تبعد عنها ما تبيها تقرب:لا تقربي و سعد ما أبيه ما أبيه
أم سامي يقهر:مو بكيفك ماراح أخليك تضيعين نفسك فاهمه
أبتسمت ببرود و بداخلها انا ضعت ضعت وش باقي طلعت من غرفة أمها لغرفتها
كانت تطالع بطيف بنتها اللي أختفى وش معنى هالنظره اللي بعيونها وش معناتها؟ وش صار فيها؟ وش فيها؟ يا خوفي عليك يا بنتي يا خوفي
جلست بنص غرفتها وهي تشهق من البكاء دق جوالها و كانت أروى طنشت مالها نفس تحكي مع أحد اصلا كل الكلام اللي بتقوله متشابه ما في شي جديد بحياتها فتحت جوالها و راحت لصورته ظلت تطالعه بصوت مبحوح من البكاء:وينك؟ ليه ما سألت عني 3 سنين حتى رساله عزيتها علي يا ترى تعرف أخباري تدري أذا مت و حييت تعرف أنك دمرتني و رحت تعرف أني أنتهيت ضيعت أشياء بالسنين اللي راحت ما قدرت أعيش مثل هالناس عايشه بخوف رعب بس اللحين أنا أنتهيت همي اللي و سري اللي دفنته 3 سنين من عمري اللحين بينكشف و بيدفني أنا ذنبي أني حبيتك حسيت با لامان معاك كنت ضايعه و أنت حضنتني يا ترى اللحين و ش تسوي؟ حبيت؟تزوجت؟خلفت؟نسيتني؟ وش تسوي بس أعرف وش تسوي بس

يا فراقها ..
توني شعرت بقسوتك ، في داخلي !
يا فراقها ..
توني احسّ ، اني بديت آحنّ لآيامٍ مضت
واشتاقها .. !
بديت آحنّ لـ شوفها ، واشراقها ..
واشواقها .. !
رغم انها ، اللي روّحت ..
وبكلّ عمري .. طوّحت !
يا بُعدها ..
من لي انا ، من بَعدهآ .. ؟!
وش تسوَى كسرة خاطري ، ..
وعبرة جروحي عندها .. ؟!
وما ضلّ في قلبي غصن ،
ما ذاب .. من كثرَ الحزن .. !
ماهزّ قلبي ، واشتكى ..
ارجوووك ، ..
...... يكفي شقا ]..
........... يكفي جفآ]..
تعبَت ..
وأنآ آشتاقها ... !

brb

راشد كان جالس بالمطعم ينتظر يوسف وصديقه سامي اللي عازمهم ع الغداء عشانه كسب المناقصه الاخيره و عشان يتعرف على سامي كمان
لف من بعد ماحط يوسف يده على كتفه وباس راسه:شلونك يالغالي تأخرت عليك
راشد وهو يشرب العصير:لا بس قلت ماراح يجي وين صديقك؟
يوسف:شوفه توه جاي
سامي:السلام عليكم مد يده لراشد وسلم عليه
راشد :وعليكم السلام ظل يطالعه ملامحه مو قريبه عنه لون البشره الانف مثل حبيبتي حبيبتي :هلا انا راشد
سامي :أنا سامي الموسى صديق يوسف اللي تمنيت تتعرف عليه و مشكور ع الغداء
راشد بصدمه:هلا و الله و النعم ظل يطالعه أخوها هذا سامي اللي ياما حكت عنه هذا هو اللي تقول صديقي مو أخوي
يوسف بخجل :راشد الله يهديك فك يد الولد قالب اللقاء مشهد رومانس
راشد:هههههههه لا بس شبهت عليه حياكم وش تبون تتغدون أطلبوا
يوسف:أنا بروح التواليت أغسل و ارجع و أنتم طلبوا لي
سامي:و لايهمك
راشد ظل يطالعه و هو يقلب بجواله:شلون الدراسه هنا و الجو
سامي:الدراسه ماشي حالها و الجو حلو بس طول الغربه خربت حلاوته
راشد:يعني مشتاق لسعوديه
سامي:حيل مشتاق لها لناسها لأهلي
راشد:من الشرقيه؟
سامي:ايه
راشد:يلا هانت ما بقى شي و بعد أهلك أكيد أخوانك و أبوك مو مقصرين أنت لا تشيل هم كان يبي يتأكد هو سامي و الا لا؟
سامي:أبوي الله يرحمه من سنين و عندي أخ و احد بثالث ثانوي و ثنتين بنات و أنا الكبير

راشد:الله يرحمه و خواتك متزوجات؟

سامي:لا لسى

راشد:صغار؟

سامي:لا وحده بس أصغر مني بسنه و الثانيه يمكن 3 سنوات بيننا
راشد:الله يخليك لهم و ترجع لهم عن قريب
سامي:يارب أنت خلاص بترجع
راشد:ايه خلاص رجعت أمشي شغلي بالسعوديه و مشى الحال و هنا يوسف يدرس و ينتبه ع الشغل و من فتره لفتره أرجع
سامي:حلو
راشد:أنت بتظل هنا تشتغل هنا
سامي:لا راجع ع السعوديه بس أخلص
راشد:حلو أجل تطمن شغلك جاهز و لا يهمك
سامي:مشكور ما تقصر دق جواله و كانت ريم أبتسم:بعد أذنك هذي أختي راح أرد عليها
راشد حس دقات قلبه تزيد ما قدر يرد بس أغتصب الابتسامه و عينه ما شالها عن سامي
سامي اللي جالس على نفس الطاوله ما قام:هلا بالريم
ريم بصوت باكي:هلا بالغالي
شاف شلون تغيرت ملامح سامي:وش فيك تبكين؟فيكم شي؟
ريم:لا بس متضايقه شوي
سامي:وش فيك يا أهلي أنتي
ريم أكتفت بالبكاء
كان الصوت عالي و يقدر يسمعه سمعها وهي تبكي وده يسحب الجوال و يكلمها زي زمان و ده يقول لها أن دموعها غالييييييه حيل
سامي:ريم وش فيك؟
ريم:سامي قل لامي تتركني بحالي تخليني بروحي مالها شغل فيني
سامي:لا حول ولا قوة الا بالله هذي أمك وشلون مالها شغل
ريم بضعف:ما أبي أتزوج و الله ما أبي
سامي وهو يتنهد:بس ليش لا ليش؟
ريم:ما أبيه سعد ما أبيه سامي تكفى أمي و افقت
كان مصدوم وهو يسمع تتزوج لا مستحيل مستحيل
سامي بحده:ريم خلاص مو كل مره لا و من دون سبب و سعد ما ينرفض تعوذي من ابليس و بطلي عند
ريم بعصبيه و صراخ:يعني موافق؟عادي عندك ما تفهمون ما أبي أنا أكره أي أحد يلمسني أقرف منهم ما أبي ما أبي تعرف شي غلطانه كلمتك فكرت عندي سند أحد يوقف معاي طلعت غلطانه بس أنا راح أتصرف و أنت مالك شغل ما تدخل فاهم قفلت الجوال و رجعت تبكي
سامي :اووووووف كبريت ما أحد يحاكيها
راشد أخذ نفس عميق و ابتسم:وش فيك؟
سامي:لا أبد دلع بنات و بس
راشد:هههه أجل تحمل و خل بالك طويل ما يخلص دلعهم وش تبي تأكل مد له المنيو و رجع لا فكاره لعندها هي بس أبي أكلمك بس وش تقولي؟راح تسمعيني ريم لا توافقين أنا خلاص راح أرجع تحملي عشاني كمان أصبري شوي لا تضعفين لهم أعرف تعبتي أعرف بس تحملي لا توافقين ما أبي أخسرك على طول لو عرفوا راح أخسرك راح تضيعي من يدي جلس يوسف كان يشارك معاهم بكلمات بسيطه عقله عندها هي مو قادر يستوعب طالع بسامي اللي كان الموضوع عنده عادي يسولف و يضحك و لا كانها كلمته شكله تعود على هالشي و اضح أنه تعود على الموضوع يا بعد قلبي يا ريم زعلانه و تبكين و مقهوره بعد كنتي لا ضقتي جيتي عندي كلمتيني و أنا أسمعك غمض عيونه يبي يمنع دموعه ما أحد حاس فيه يوسف يعرف انه كان يحب بس بس ما يعرف وش هالحب اللي جمعهم وش صار بينهم؟وش سوا من مصيبه قتل و لده مدري بنته و هرب و ترك البنت اللي وثقت فيه بس لا أنا ما هربت أنا كنت ضايع أكثر منك يا ريم أسم أبوي أنهار من بعد ما مات ديون و رهونات كان لازم أسوي كذا ولا يوسف يضيع و أمي و أنتي بعد لو تركتك حامل كان اللحين وش بيكون حالك عايشه و الا تحت التراب بس اللحين أنا راجع و الله مو راجع الا عشانك مشتاق لك حيل مشتاق أسمعك و أسولف معاك أضحك لانك بس تضحكي أشتقت لسمارك لشعرك الطويل عيونك الوساع صوتك عصبيتك و قوتك دلعك وضعفك
يوسف:راشد وينك؟ صار لي ساعه أسولف معاك
راشد:لا بس تذكرت شغله أنتم خذوا راحتكم أنا رايح أخلص شغلي سامي لا تقطعنا ترى البيت بيتك تعال بأي وقت
سامي:مشكور ما تقصر و لايهمك دامك معطني الاذن كل شوي و أنا عندكم
راشد:حياك بأي وقت يوسف خذ مفتاح سيارتي انا راح أمشي و يقابلني السواق مع السلامه
سامي:وش فيه أخوك؟
يوسف:كل ما عليك هو كذا عايش بالماضي و الرومانسيه كل ما عليك
سامي أبتسم لانه ما فهم كلام يوسف ورجع كمل أكله و هو يفكر بريم ليه ما تبين وش صار لك؟معقول تحبين؟طيب ليه تكرهين كل الرجال ؟أنتي مو طبيعيه فيك شي معقوله لا وش فيني أشك في أختي بس اللي فيها مو طبيعي هي جالسه تموت نفسها جالسه تموت مو طبيعيه هالبنت راح تجنني أكيد

&&

جالسه تطالع برشا اللي تكتب الاغراض اللي ناقصتها عشان زواجها اليوم صارت زوجة مشاري كتبت العقد و الحفله يوم الخميس تعرف أنها مو مرتاحه بس أرحم من انها تعيش مع أبوها :رشونا أبوك بيذبحك أكيد
رشا:هههههههههههههههههههههههه ليش أني قلت للشيخ هو يستلم المهر و يودعه بالبنك بأسمي
مدى:يس تتوقعي أبوك بيعديها
رشا:طبعا لا بس كيفه انا راح اطلع من هنا للقصر لبيت ذاك
مدى:بس مو كأنه طيوب مشاري
رشا:ليش لانه راح يسوي الزواج بقصر مو بالدار و الا لانه وافق اني ما أشوفه و الا لانه شنو
مدى:مدري مجرد أحساس بس جد أنتي ليه ما تبين تشوفينه يعني صعبه بعد بكره تشوفينه
رشا:عادي وش تفرق يعني مو راح أقابله طول العمر و مو مستعجله ع الهم
مدى:ختيره و المبادئ
رشا تغتصب الابتسامه :ايه مره ختيره
مدى:رشونا لا تبدين بالاكتئاب أبيك مبسوطه ووعد مني لو مس شعره منك أنط من ع الصور و أسوي له بارتي صغيوور
رشا:هههههههههههههههه و ليه أنا ويني لا يا عمري زوجي و أنا أربيه
مدى:هههه أشك صراحه أنك راح تذكري أنه زوجك
لفوا على دقت الباب مدى:مين؟
دخلت أم محمد وسلمت
مدى منو هذي؟:هلا خاله بغيتي شي؟
أم محمد:أيه بغيتك أنتي
مدى :أنا وش بغيتي
طلعت أم محمد برشا بمعنى أطلعي
رشا و الله طرده مباشره و صريحه:أنا بطلع عند البنات
أم محمد:تسلمين و قفلي الباب بعدك
مدى كانت بتموت ضحك على شكل رشا و هي تتحطم بس سكتت و عدلت جلستها لانها كانت مميله ع الكرسي
أم محمد بأبتسامه:شلونك يمه؟
مدى:الحمدالله
أم محمد:أنا شفتك قبل كذا ما تذكري
مدى:يمكن
أم محمد:انا أم عاليه
مدى:اها هلا
أم محمد:يمه أنا جيتك بعد ما كلمت ادارتكم هنا
مدى بخوف:عن شنو؟
أم محمد:كل خير ولدي محمد طالبك زوجه له على سنة الله و رسوله
مدى كانت مصدومه وهي تسمعها تحكي عنه
ام محمد:تراه وحيدي و اول فرحتي طيب و حنون يشتغل باالشرطه راتبه زين و ترى يمه بيتكم بروحكم لكم شقه لوحدكم
مدى ماردت عليها
أم محمد:أخليك تفكري يمه و بعدين أرجع لك بعد كم يوم
مدى هزت راسها ببلاهه لها طلعت و تركتها وهي مو مستوعبه
رشا وهي تحرك يدها قدام وجه مدى اللي مو حاسه فيها:هيييييييييييييييي أنتي
مدى:نعم
رشا:من هذي وليه مفهيه كذا
مدى:ام عاليه
رشا:اوما عاد هذي امها شكلها طيبه مو مثلها
مدى :رشا تعرفي ليه جت
رشا:ليه؟
مدى:تخطبني لولدها
رشا وهي تشهق و تنط ع الكرسي و تجلس قدامها:أوما من جدك
مدى بصدمه:ايه هي تقولها
رشا وهي تطالع فيها:أنتي مدى اصحي من مرحلة الصدمه وش فيك؟
مدى وهي تهز راسها:مدري بس يعني هذا ان عاليه سوت اللي سوته عشان كذا و كلامها و تهديدها و ضربها لي
رشا:هذا اللي مشغل بالك
مدى وهي تبتسم :وش بيشغل بالي يعني يا رشا أمي و فرحتها و الا ابوي يسأل عليه وما يعجبه و الاأختي تتعب وهي تجهزني وش بيشغلنا يعني بس مجرد صدمه خفيفه أن أمه تجي بالرغم من ان عاليه رافضه
رشا :وش بتسوي
مدى هزت كتفها بالا مبالاه :عادي وش أسوي أنتظر عاليه وش تقول؟و بعدين أقول تعالي خل نكمل اللي ناقصك


brb

الجوري جالسه بغرفتها و الارضيه مليانه كتب و ملازم و هي بالها بعيد عنها ظلت تطالع بالكتب و الاوراق وهي تتأفف حسبي عليك عيسى لخبطتني حتى الجوال أكره امسكه بسبتك دق جوالها اللي حاطته هزاز سحبته بملل بس أبتسمت لانها شجون اختها:هلا بالغاليه هلا بشجوني
شجون ببكاء:جوري ليه ماما ما ترد علي و حمد و بابا
الجوري بخوف:وش فيك حمد مسافر و بابا بشغله زي العاده و ماما بالجمعيه وش فيك خوفتيني؟
شجون:لا بس سمر طاحت و انكسرت يدها و انا معها بالمستشفى
الجوري:اوك اوك جايتك أنا
سحبت عبايتها بسرعه و نزلت لعند السواق:مهران مهران تحرك يلا ع مستشفى::::
كان يمش بسرعه لانها موترته و تصارخ عليه وصلت و مشت بسرعه لعند اختها كان عيسى معطي شجون ظهره
سمع خطوات كعبها و هي جايه بسرعه عندهم:شجون وش فيك وش في سمر؟
شجون ببكاء:طاحت و أنكسرت يدها و تعور رأسها و ما لقيت أحد حتى السواق مو فيه
الجوري بقهر:و الا خ سعود وينه؟
شجون:مدري مقفل جواله يعني لو مو عيسى
الجوري:بس بس ما طريتي الا اشينهم ما أخص من هذا الا هذا مدري ليه طايحه أنتي و بابا على هالناس
شجون نزلت وجهها أحراج من عيسى اللي واقف جنبها
الجوري:قومي خل نشوف البنت وبعدين عيوس وين راح مو كافي أخوه
عيسى قبل ما يلف:كلك نظر ماأعتب عليك على عيونك و الا ذوقك أنا هنا
شهقت وهي توها تنتبه له ما جاء في بالها هو كان لا بس جينز و تي شرت أسود شعره لحد كتفه لف وهو مبتسم بس أختفت أبتسامته وهو يشوفها كاشفه وجهها لابسه نظارات و و الطرحه ملفوفه بأهمال على شعرها
عيسى من دون شعور سحبها لعنده وهو يشوف الكل يطالع لها:أنتي ليه فاتحه وجهك ليه؟
الجوري :بعد مو شغلك يدي
عيسى:تغطي
الجوري:مو بكيفك
عيسى:شوفي أدفنك هنا و لا أخلي أحد يشوفك تغطي
شجون:وش فيكم؟مو وقتكم فضحتونا
عيسى:شجون أنا ماراح أتركها الا تغطي وجهها وش مناسبة تفتحه
الجوري:مالك شغل فكني والا والله أصرخ و الم الناس عليك
عيسى:زين جوري شجون روحي شوفي بنتك و أنتي تعالي
الجوري بخوف:شجون خليه يبعد عني بعد
شجون بحده:عيسى بعد عنها مالك شغل فيها
عيسى ببرود وهو يرفع حواجبه وكانه يقول خفت ومو مهتم لجوري اللي تحاول تبعده عنها:أنتي روحي عند بنتك
سحبها عند الاصنصير اللي قريب منهم ودخلها وهي تصيح وتنادي شجون وسط أستغراب الناس جت بتلحقهم بس طلع الدكتور ما كانت منتبه لكلامه و كانت تبي تروح بس وقفها بكاء سمر ما قدرت تترك بنتها و ركضت لها بسرعه
الجوري :مجنون لا مجنون بعد
عيسى:شوفي بنظل نطلع و ننزل حتى تغطي وجهك
الجوري بعناد:مو مغطيته مالك شغل
عيسى:اوك تحملي
و ببرود :تعرفي أن أخر دور السطوح نطلعها وش رايك؟
كانت ميته خوف ترجف بس طنشته ولفت مو متعوده أحد يجبرها على شي بس هذا مجنون طالعت لها وهو يضغط ع الدور الاخير و مبتسم وهو يطالع بالارقام وهي تزيد
الجوري بخوف:وين؟
عيسى:ع السطح حبي
الجوري شهقت بخوف تعرف يسويها ما تشك بالشي هذا سحبت طرحتها و تلثمت بسرعه:خلاص رجعني
أبتسم بداخله ايه جوري شاطره تعرفين أسويها:ليه
الجوري طنشت يبي يقهرها يبي يقول لها أنتي تسوين اللي أبي دائما
عيسى بصوت عالي فرحان :وصلنا تعالي
الجوري وهي تبلع ريقها:رجعني لشجون
قرب منها وهو يشوفها ترجف ومغمضه عيونها صوتها يعلن عن حالة بكاء بصوت هادي وهو يمسح جبينها:حبيتي ليه نرجع؟
الجوري قوليها و أرحمي نفسك من قربه:خلاص غطيت وجهي
عيسى:ههههههههههههههههههه ايه بطلي عناد و احد من لازم يتنازل ضغط ع الدور الي كانوا فيه وقف الاصنصير وفتحت عيونها تبي تشوف وين هي دخلوا مجموعة شباب ور كبوا معاهم
كان يتفحصهم بنظراته و يشوف و شلون يطالعون الجوري بقرف وهو يتغامزون كانت حاسه بنظراتهم همساتهم نزلت عيونها تبي تصيح ليه ركبوا مو كافي هو ياربي و ش أسوي حقير عيسى حقير رفعت عينها ليده الممدوده لها عشان تجي عنده توقع ترفض تطنش تسب وقته بيقتلها أكيد مدت يدها بسرعه و مسكت بذراعه مو بكفه من الخوف و قربت منه سحبها لحضنه وهو يحس ان الجو حار كان يسمعها وهي تبكي ضمها زياده وهمس لها:والله أحبك أخاف عليك بدأت تهدى من كلمته
عيسى:يلا وصلنا مشى للغرفه اللي فيها سمر
سمر بدلع:حالتو انا يعورني هدا و هدا و هنا
أبتسمت وضمتها :سلامتك حبيبت خاله
شجون وهي تحتقر عيسى:يلا جوري بنروح سمر تعالي بالعربيه عشان نمشي
عيسى:ماله داعي انا اشيلها
شجون:لا شكرا
سمر:عمو أنت حدني معاك
عيسى بضحكه:يا روح عمك أنتي تعالي
و بصوت واثق:يلا أنتي وهي وش تنتظرون
لفوا شجون و جوري لبعض وملامحهم مصدومه
عيسى بداخله باقي يا جوري غرورك راح أنسيك هو بس أنتظري
مشوا هم ساكتات لحد السياره
عيسى:أنا أوصلكم
الجوري:شجون بروح مع سواقي تجين
شجون:ايه
عيسى وهو يطالع بالجوري:على راحتكم أنا و سمور بنمر البقاله و نشتري أشياء كثير ما اعطاهم فرصه يردون عليه ومشوا
الجوري مالها حيل تناقش ركبت شجونركبت وهي تسب وتلعن فيه وفي عناده
الجوري لفت ع الشباك وفي بالها والله أحبك اخاف عليك كلمة عيسى
سمر:عمو
عيسى:اممممم
سمر:هنا وهي تأشر ع صدره ريحة حالتو جوري
أبتسم بحب لها وهو يبوس يدها:فديتك وفديت حالتو بعد ايه هنا ريحتها وهنا مكانها و هنا حبها يالغاليه
سمر وهي ترمش بسرعه:ايس يعني
عيسى:يلا وصلنا السوبر ماركت هاتيك بحضن عمو حبيبتي
الجوري وهي تصارخ بالبيت:حقيييير درجه أولى
شجون:أنا بعد قهرتني حركته
الجوري:أسمعي قولي لزوجك يبعده عن طريقي ملييييت منه و من حقارته
شجون:يعني مو أول مره
الجوري:قولي له يبعد وخلاص طلعت لغرفتها وهي تحس أنها بركان :أكرههههههههههههههههههههههههههههك بس ليه أضعف قدامك ليه ما أقدر أتصرف ليه
اووووووووووووف ليه بكيت بحضنه ليه حضنته ليه خفت منه ليه ارتبكت و ضعت من كلمة أحبك ليه رمت نفسها ع الكرسي وهي تأخذ نفس لا ماراح أبكي ايه ما راح أبكي عشانك أصلا ما تهمني و مو أنت اللي أضيع قدامه أنا الجوري و احد مثله يعمل فيني كذا

brb

أروى اللي جالسه تدق على ريم و ما ترد:حسبي عليك من بنت ردي
ريم اللي بعالم بعيد عنهم وش أسوي و شلون أتصرف طيب شذى سحبت جوالها ودقت على أروى من بعد ما حرقت الجوال أتصالات ومسجات ما أمداها تدق الا ردت أروى:أخييييييييييييييييييرا
ريم:هلا حياتي ما أنتبهت و مو في الجو اليوم أعذريني
أروى:وش فيك؟
ريم:لا عمري أبد شكل صوتك رايق و أنتي بعد رايقه
أروى بفرح:الحمدالله يا ريم طلع ولد حلال ربي رحمني
ريم:منو اللي ولد حلال
أروى:حاتم
ريم بصدمه:نعم
أروى:أسمه حاتم كلمته و حلف لي يرجعها لي
ريم:وبعد
أروى وهي تتنهد:عليه أسلوب و كلام و ذوق بحياتي ما صار يا ريم
ريم بملل:متى تأخذي الصور؟
أروى باحباط:اوووووه ريم تفاعلي معاي بس يصحى يكلمني
ريم وهي تطالع بساعتها:داخلين ع المغرب متى يصحى و تفاعل بشنو يعني؟
أروى:ريم أذا أخلاقك قافله مشكلتك لا تكلميني كذا
ريم:أروى روحي خل يعطيك صورك اللي أكيد اللحين جالس يطالعها و خليك من خيالاتك و ذوق و ما أعرف ايه
أروى:وش عرفك أنو شافها
ريم بعصبيه:أروى تستهبلي أنتي وش تحسي فيه ؟ صورك عنده و يطالعها و احد ما تعرفين عنه الا أسم و رقم ممكن تتغير بلحظه و تقولي لي أتفاعل و انتظره يصحى أروى أصحي لنفسك وش البرود مو أنتي اللي من كم ساعه كانت بتنتحر من الخوف مو أنتي
أروى:لا تخوفيني أنا مصدقت هديت ريم وش فيك؟
ريم :خايفه عليك أروى الناس مظاهر و هاللي تحكي عليه ما تعرفيه ما تدري وش مخبي لك وشلون تثقي حتى لو حلف لك أروى اصحي شوي
أروى:مدري مدري ريم لا تخوفيني و بعدين كذا حسيت أرتحت ارتحت لكلامه ليه يكذب؟
ريم:أروى كلميه تصرفي أنسي مسألة ذوق و حلو اللي أنتي تحكي عنها و أصحي شوي تحركي
أروى:انا مو مجنونه يا ريم عشان أصحى و بعدين أنا واثقه ان احساسي ما يخيب
ريم:سوي اللي تبين
أروى:ريم لا تتكركيني
ريم: مو تاركتك بس كلميه باي قفلت من دون ما تهتم بردها و قفت عند المرايه تطالع بشكلها شعرها الاسود الطويل اللي يحبه ما تغير و عيونها الوساع اللي يترجاها ما تغمضها وهي معاه سمارها الهندي خصرها طولها كل شي فيها ما تغير مسكت على قلبها هنا اللي تغير فيني هذا ميت وشلون يطلبون مني أعيش و أنا ميته و أموت غيري طالعت بصورة شذى ألا أنتي يالغاليه ما أجرحك مهما سويتي و قهرتيني بس و الله ما خليك تشربين المر اللي شربتها
دقت على فجر حتى لو ما فادتها هدوء هالانسانه يريحها مالقت رد منها غمضت عيونها فجر محتاجتك ردي علي
علياء:يعني سويت اللي تبي
محمد:لا والله لسى ما وافقت
علياء :تبيها توافق
محمد:أي ابيها توافق
علياء:محمد هذي أنسانه مجنونه مريضه أبوها قتل أمها لا نها أستغفر الله عندها عقد من كل المجتمع من كل الناس مو طبيعيه
محمد ببرود:علياء أنا ابيها بعيوبها و راضي و ما يهمني كلامك أبي أقولك شي لو أفقت فأحترمها من أحترامي و لو رفضت لا تنسين نفسك و أنها يتيمه و لا تتعبي نفسك مو مغير اللي براسي طلع لمشاري اللي ينتظره بالسياره:مساء الخير
مشاري بهم:هلا
محمد:خير العريس ليه زعلان كلها يومين و خلاص
مشاري:متضايق
محمد:ليه؟
مشاري:مدري خايف من هالتجربه و منها هي تخيل رفضت تطلع لي و لاحتى تخلي أمي تشوفها و لا راحت مع أبوها و لا مهرها أصرت أنه يكون بحسابها بالبنك مو بيد أبوه
محمد:حقها وش طبيعي
مشاري:لا مو طبيعي
محمد:مشاري هي لازم تتصرف كذا كيف تبيها تثق فيكم و أنتم اللي خليتوها بالمكان هذا سنين
مشاري وهو يحرك السياره:الله يعين بس
محمد:انا خطبت وحده من نفس الدار
مشاري بصدمه:وشوووووو؟
محمد:اللي سمعته بس لسى ما وفقت
مشاري:يوم قلتها كذبتك قلت تمزح يعني ملزم على بنت حمد
محمد:يا رب توافق بس يا رب
مشاري:أنت أنسان غريب
محمد:لا أبدا و بعدين أبي اكون مثلك
مشاري:مالت عليك بس من قالك أني أنا أبي
محمد:بس ترى شبعت من علياء و كلامها لا تزيدني
مشاري:زين أسالها عن هذي اللي خذتها
محمد:لا شفتها أسالها مباشره منك لها
فجر وهي تغسل وجهها بسرعه تطالع بالساعه 8 أكيد خالها ينتظرها اللحين كانت خايفه هو يعرف أن دومها أكيد خلص لبست عبايتها و طلعت بسرعه اللحين خالتها بالمسجد الله يهديك ليه ما صحيتيني مشت بسرعه للبيت وقفت عند الباب وهي تدعي يكون نايم مو صاحي يارب يكون شارب ضحكت على نفسها يعني لا كان سكران بيصير أرحم فتحت الباب بيدين ترجف وهي تدعي ربها يكون معها تنفست براحه من شافت الحوش فاضي مشت بسرعه لغرفتها و قفلت عليها وهي تتنفس بقوه مدت يدها حق النور لان الغرفه ظلام بصوت مرتجف نطقت :خالي
خالها:أيه يا محترمه خالك وينك؟ لا تفكريني من أشرب اني ما أعرف فضايحك لا يا بنت عذاري أنتي نسخة أمك بس مع مين
فجر بصوت يرجف:ما أسمحلك تتكلم عن ماما كذا بعدين أنا كنت عند خاله فاطمه مو مصدق أسألها
خالها :لا وشلون اصدقك يومين عندها صح
فجر:أنا اليوم الظهر طلعت من الدوام
سعيد:كذابه
فجر:مو كذابه بعدين ليه أجي عشان أجلس خايفه هنا من ربعك السكرانيين
سعيد بحقاره:على أساس ما يبسطونك مو على كيفك؟
فجر بقهر:حقيييييييييييير متخلف
سعيد :انا بعلمك وش الحقاره و بعدها أربيك عدل
سحبها بقوه من شعرها و طاح فيها ضرب لحد ما طلع كل جنونه على جسمها :تفووووووووووووه عليك وعلى تربيتك و أمك رفسها برجله وطلع
فجر :آآآآآآآآه يالله ماما بابا وينكم ورجعت تبكي ما كانت قادره تحرك يدها و ما تدري على مكان تمسك كل جسمها يعورها و يألمها غمضت عيونها وهي تتحسب و تدعي هذي حيلتها بالدنيا تدعي سمعت جوالها يدق بس أستثقلت تمد يدها تعبانه
ريم:مو بالعاده لا مو بالعاده خير ان شاء الله

عيسى وهو حاط راسه بحض امه :أبيها
ام سعود:مين؟
عيسى:جوري خطبوها لي أبيها
أم سعود:و سوسن
عيسى:يمه انا لو أتزوج جدار ما أتزوجها عندي الجدار أرحم من أني ألمسها
ام سعود وهي تضربه على راسه:وش الالفاظ هذي تأدب
عيسى:يمه فكينا من هذي أبي جوري خطبيها لي
أم سعود ببرود:طيب بكلم أبوك
عيسى:يمه وش البرود هذا سمعي أنا أبيها و لا تفكرين أني لو متزوجتها بنسى راح أجننكم و هي معكم و تعرفيني لا حطيت برأسي شي سويته
قام من عندها و هو معصب لحد غرفته مستحيل أنحرم منك يا الجوري حتى لو كنتي تكرهيني مو مهم المهم أبييييييييك سحب التي شرت من ع الكرسي وشم عطرها و بتحدي والله مو لغيري والله مو لغيري يا الجوري
شجون جالسه و عينها بسمر اللي بحضن أمها و متجاهله سعود اللي تعب وهو يكلمها و يحاول فيها ترجع معاه
سعود:زين يا عم نستأذن احنا
شجون:أحنا مين؟
سعود:مين يعني في غيري وغيرك و غير سمر
شجون بثقه:من قال بروح معاك
سعود:ما فهمت
شجون وهي تأشر للخدامه تشيل سمر:أنا تعبانه و بطلع أنام عن أذنك يبه
سعود بقهر:يرضيك يا عمي أعتذرت لها مو مصدقه أني كنت معاك بالمحكمه
ابو حمد:و لايهمك انا اللحين بكلمها
سعود:لا يا عم خلها تهدى شوي و انا ارجع لها بعدين
ابو حمد:على راحتك يا ولدي
أروى اللي راح تنجن ما دق و لا رد على أتصالاتها الساعه 10
شوي و حاتم يدق عليها من جديد
:لا كان خليتك لبكره ليييييييييه داق ليه؟
حاتم:يو أشبك يا بنت روقي ايش هدا
أروى:أسمع انا مو فاضيه لكلامك هدا و هديك أنا
حاتم:يا بنت الناس توي صحيت
أروى وهي تطالع بالساعه :بدري
حاتم بضحكه :تتريقي
أروى بأرتباك:ها لا بس
حاتم:حروف متقاطعه
أروى وهي تتخصر:ما تضحك
حاتم بعبط:طيب نزلي يدك لا تتخصري
أروى:يمه وش عرفك
حاتم:ههههههههههههههههههههههههههههههههههههههههههههه ههههه يا بنت أنتي تحفه تجنني طلعت كدا معاي أجل متخصره أروى
أروى بأرتباك:أسمع
حاتم:أقولك مو لا يق عليك الجديه ترى طبيعتك حلوه خليك عليها
أروى سكتت وجلست ع طرف الكرسي
حاتم:متى تطلعي؟
أروى:كيف؟
حاتم:متى تطلعي اللحين راح أقابلك و أديك صورك؟
أروى:من قال راح أقابلك
حاتم وهو يحوس بالمطبخ:اقولك جوعان مره و كمان مشتهي قهوه كيف أعملها
أروى أبتسمت غصب عنها:ما أعرف
حاتم:من جدك؟
أروى:أي والله ما أعرف امممممم فيك تقول دلوعه
حاتم:أه الدلع بأسمك أنكتب بس لا يق عليك يا أروى
أروى بخجل:حاتم
سمعت صوت الكأس اللي تكسر من طاح من يد حاتم
ـأروى بخوف:أشبك؟
حاتم بجديه خلت اروى تضحك:يا بت اخر مره تدلعي علي قلبتي موازيني
أروى:هههههههههههههههههههههههههههه
حاتم وهو يعض ع شفايفه:أروى
أروى وهي تأخذ نفس:أسفه بس ما قدر أطلع راح أقول لصديقي تقابلك مافي الا كذا
حاتم:أروى تعالي معها
أروى:لو سمحت ايش الحركات هذي
حاتم:من أحكي اضمن أنك أنتي نفس البنت و بعدين مو قلت خلي عنك الجديه
أروى:أنا
حاتم:بكره ع الساعه 7 بمارينا أشوفك أديك و أروح دحين عن أدنك و راي شغل قفل و هو يتذكر ضحكتها أسمه على لسانها فتح صورتها اللي بالجوال عنده و أبتسم غصب عنه أخدها ظل يتأملها و يدعي ما تعند و تجي ع الموعد
أروى دقت على ريم على طول:هلا أروى
أروى:ريم يبي يشوفني عشان يعطيني الصور
ريم :نعم؟
أروى:مو نفس اللي فهمتيه يعني يقول يتأكد اني أنا نفس البنت
ريم:أممممممم اوكي قولي اوكي نشوف نهايته
أروى:من جدك؟
ريم:ايه أروى مافي الا كذا متى قال لك
أروى:الساعه 7 بنفس المول
ريم:حلو روقي وكل شي بيكون اوكي
أروى :أن شاء الله

)))


لهون و خلص البارت