ما هوب ضعفٍ .. ولكن حب يسكني

ما هوب ضعفٍ .. ولكن حب يسكني

للحين ساكت على ظلمك .. وزلاتك

واقول : يمكن يجي يومٍ .. وتفهمني

أرخيت لك حبل ودي .. رغم سيّاتك

ما هوب ضعفٍ .. ولكن حب يسكني

جيتك حبيبٍ عشق حزنك .. وآهاتك

حتى دموعك على الخدين تتعبني

جيتك أغيّر خطوط الهم بشفاتك

أبيك ترسم حياةٍ فيها تعشقني

لقيت طبعك غريب .. وموتي بسكاتك

تسج عني .. وانا اللي منك متعني

وانت الذي لو طلبت الروح ذي جاتك

ولو تطلب العمر .. قلت : العمر لك مني

ولو تسرق النوم ..قلت : اهناه بسباتك

ولو تسلب العقل .. قلت : الله جنني

ولو تقتل الفرْح .. يفدا بعض مرضاتك

مع إنك انت الذي دايم علي تجني

سيّرتني شرق .. وقلت : الغرب مشهاتك

طوّعتني لك .. وانا محدٍ يطوعني

يا سيدي .. والغلا هو شوف بسماتك

حرام أداوي جروحك .. وانت تطعني

يا سيدي .. الحب ما هو حرف صفحاتك

ولا الشوق .. وينك ؟ ضروري اليوم .. كلمني

يا سيدي .. شوف وجهي .. تلقى غلطاتك

شوف الألم .. كيف جيشه معك داهمني

ما هي مروة .. يعاند صوتي إخفاتك

ولا هيب شيمة .. أنا ابني وانت تهدمني

أقلّها لا لفيتك .. زيد ضحكاتك

أقلّها أرتوي .. لو كنت تخدعني

أبيك حيٍ .. ولو الموت هو ذاتك

أبيك لحظة .. ولو بالكذب مستني

جامل عزيزٍ طمع في بعض كلماتك

اجبر بقلبي دقيقة .. وبعدها اقتلني

لا شفتني قول لي : وش آخر أبياتك ؟

ما انت الذي فيك شعري ونثري وفني

حس بحضوري .. مثل ما اعد غيباتك

حسسني إنك تبيني .. وارتحل عني

إلحق زمانك .. قبل ما اقول لك : فاتك

قطار عمرك مضى .. والخافق يوني

توني عرفتك .. قهر .. وتبين نيّاتك

من لا رحم خافقي .. ما هوب راحمني

للحين ساكت على ظلمك .. وزلاتك

وإن ما فهمت الغلا .. ما ابيك تفهمني

آبيآت وذآئقه مميزه جدآ
سلمت وسلمت آنآملك لـ طرحك آلرآئع
لـ روحك آلفرح ..!~

&,,
تسلم يمينك ع تميز
لاحرمناك .

روعه يسلم إحساسك
العذب وانتي

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

حضوركم شرف لي

نورتم جميعا

أبيّآتْ فيَ قمّةة آلروُعه وَ آلجمَمَآلَّ ..
ذَآئِقه عذّبهَ وَ إختيَآرّ مُوفّق ..
صحَ لسَآنّ شآعرهَآ وَ لَآ هَآنّ نَآقلهَآ ..
بسَآتيِن توُليبْ لِروٌحـَك ,,~

عوافي

عوافي

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏