واتحرى ( الصبح يصحى ) ..... وأبتديه بركعتين

واتحرى ( الصبح يصحى ) ..... وأبتديه بركعتين
وامتطي صهوة سكوتي ........ وآتطأطأ لك ( هناك )
يصطفق هـ ( التيه )وجهي ، وإيتساقط لك أنين ...
ممتلي جوفي ( غيابك )...... جيتك أملاني / أناك !
/
لامتى ( والصبر شيخن ) .. ملتحف ( ثوب الحنين )؟
لامتى ( والشوق طفلن ) ..... محتضن ( همه )يباك ؟
جيتلك والقلب يصرخ .. لـ ( آخرك )ياهيييييه لِين !!
طالبك تضوي شموعن ...... ذابت / ( إبحروة لقاك )
/
ماتشوف ( الغيم ) ذايب .. في ( زهور الياسمين )..
يعشقه !يخشى ذبوله !!يفتديه إمن الهلاك !!!
ماتشوف ( الليل ) يسهر ... في لقا ( صبحه )سنين
ينطره !يلبس نجومه !!يحرسه كأنه( ملاك )!!!
/
ماتشوف الشمس ( ليلى ) ... ( قيسها )بدرٍ حزين ،
تشرقه !تعشق ضياءه !!تختشي هذا وذاك !!!
كنت اهز الغيم ( يغرق ) .... من هماليك // جبين !!!
كنت اغيض الشمس لانك .... بس تمنحني ( دفاك )،
/
كنت احب ( الصيف )لاجلك .... وآتمنى توت / تين !
كنت تسقيني ( وصالك ) .... يثمر بروحي ( غلاك )،
من سنه ( والغيم ) يسقي ( وحدتي )بالحزن / دين !
شوفني ( لازلت صحرا ) ( كيف ترضى لي اذاك )؟؟؟
/
يعني : هذا اللي ( بغيته ) .... تترك الحسره ( تبين )
شوفني بعدك ( اعاني ) .. وانتَ ( مهملني / وراك ) .
عاشقك ( حلمه )تضايق .. لاغرق بالدمع / عين ..!
مغرمك هـ ( الوقت شحه ) .. ( شآخ )ليله ماغفاك ،
/
عاشقك ( صدره بدونك ) .. صار ( للضيقه سجين )..
ينطرك والدهر عدى ...... وانت تلحقه / إبـ جفاك ..
دام ناوي في ( بعادك ) .... خلني أو (قووول) وين ..
.... راح تاخذني بدوني ../ ثم : ترحل بي (معاك ) ؟؟؟
/
وأتريق ( عشق ذابل ).. وابني الاحلام / طين ،
واتمنى ( الصبح )يغفى ... يمكن ... إيجيبك مساك !
ابتديت الدرب ( رحله ) ..... وانتهيت / إبـ خطوتين ..
وامتطيت الصمت ..وابقى ..( ريح تاهت في مداك )


أعجبتني فنقلتها

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

يعطيك العافية
ع الآنتقاء الجميل والمميز
ماننحرم

أبيّآتْ فيَ قمّةة آلروُعه وَ آلجمَمَآلَّ ..
ذَآئِقه عذّبهَ وَ إختيَآرّ مُوفّق ..
صحَ لسَآنّ شآعرهَآ وَ لَآ هَآنّ نَآقلهَآ ..
بسَآتيِن توُليبْ لِروٌحـَك ,,~

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏

سلمت الايادي
لطرحك
مودتي

ماأننحرُم منُ ذآئقتُك الجميلهُ والمميزهُ..
لآحرمنـــآآك...
ودي

أختيار جميل سلمتي

انتقاء مكلل ب اهاديِج الزهور
اشكرك عدد مداد الارض
لروحك الجوري

انتقاء رائع
كل باقات الجووري لروحك