أجمل بنات الأرض

أجمل بنات الأرض تمتازفي عيني=لورحت غرب الكون ولا لشرقيه
ماشاقني بالزين إمريكي ولاصيني=ولاهزقلبي بالوطا زين كوريه
شوقي وحبي بالموده مكيني=حب الهوى والشوق بنت خليجيه
اللي بها حشمه ولطف وزيني=زاهي قوامه بالعباه الحريريه
حسب العوايد والطبايع وديني=تكسب رضاالوالد وحب الشقاويه
للعولمه فيها ثبات رصيني=ماتنخدع بأقوال صحف دعائيه
بأيا مجال وشان ساقت حنيني=قالواوشنهي قلت بنت سعوديه
رادف حنيني بالضمايرونيني=لهزة الخافق فتاة كويتيه
واللي من البحرين باحت كنيني=وياويل قلبي من حبيبه عمانيه
ساحة قطرفيها جمال ثميني=ورغبة مرادي بالإمارت حوريه
لفيت كل الكون وأشعب هجيني=ولا شفت بأقطارالوطاملي عينيه
ألا الجمال اللي كمال وحسيني=بأرض الجزيره بالجنوب وشماليه
في شرقها والغرب نلقا ضنيني=ماهزني لمعة بياض الفرنسيه
ماسيل الدمعات بأعلا جبيني=غيرالهوى وأشواق بنت قبيليه
بأيا المشارب قطعنلي وتيني=سية غلاهن بالهوى مرحميه
في بحرهن نرفع إشراع السفيني=وأدفع قدم رجلي لوإنه حفيه
ألعي لهن لعي الصغيرالجنيني=أرجي من إخواني عليْ معذريه
بنت الخليج بكل حين وحيني=حبه بقلبي ياعرب مغرميه
لأشواقهن دقق خفوقي طحيني=وأقبل شقاهن لوعليْ مظلميه
باللي لهن أجسام غضه بليني=وإليا أقبلت في مشيها معنقيه
مثل الغزال إليا درج بالبطيني=ولارتع بي فيضة معشبيه
كنه جنيه غادي له دنيني=ومثل الغصون المايلات الطريه
كل الحياه ومامضى من إسنيني=حبي لهن صافي بنيه نقيه
حب النقا الناقي ولافيه شيني=قلبي بنا وده بذمه بريه
شفي وراداتي بداخل عريني=ماتلتفت لملامح الأجنبيه
أقرع لهن قلبي إقراعة شنيني=اللي إمعلق فوق ورك المطيه
صخرت بالقيفان سمن وسميني=مشتاق شاقتني فتاه إحضريه
وأعوذ بالله من إبليس اللعيني=عن كل منهي بالعموق إبدويه
حسب الطلب سويتها إلطابيني=كنه عذي البن بالشاذليه
وأنهيت قافي من معاني تجيني=مثل المطرمن مزنة عقربيه
لأجمل بنات الأرض نظرات عيني=بأرض الوطن في كل غربه وشرقيه

بنت الخليج بكل حين وحيني=حبه بقلبي ياعرب مغرميه
لأشواقهن دقق خفوقي طحيني=وأقبل شقاهن لوعليْ مظلميه



الحــــــــرف ياناصر بالحيل يحييـني

..............والروح تطلب مزيد في وصف ريميه

اكتب وخل الحرف يقصيني ويدنيني

............ اجمل حكـــــاية حب ماهي بوهميه



صح لسانك واعتلى شانك

حروف في غاية الجمال والروعة

استوقفتني كثيرا

تقبلي مروري هنا
.............

ماشاء الله قصيده رائعه اخوي

وهذ ماتعودناه من امثاااااااالك ولاتحرمنا جديدك

شكري وامتناني وتقديري لكل من جروح العمر ووصوف على المرورالكريم والإطراءالجميل مع التحيه والإحترام

اللي بها حشمه ولطف وزيني=زاهي قوامه بالعباه الحريريه
حسب العوايد والطبايع وديني=تكسب رضاالوالد وحب الشقاويه


صح لسانك ياخوي

قصيده جدا راائعه

وابيات جدا متميزه

لاهنت والله وفالك التوفيق يارب

[COLOR="rgb(255, 0, 255)"][COLOR="rgb(255, 0, 255)"]

[COLOR="rgb(255, 0, 255)"][COLOR="rgb(255, 0, 255)"]صح لساانك

بصراحه قصيده اكثر من رئعه
طرح مميز وكلمات مميزه
ننتظر جديدك

تقبل مروري اختك the angel

[/COLOR]

[/COLOR][/COLOR][/COLOR]

صح لسانك اخوي وعلا شأنك
لاهنت

لكل الأخوات جميعا كل بإسمها شكري وتقديري على مرورهن الكريم مع تحيتي واحترامي

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

جهد مميز
وطرح نال الاعجاب

اشكرك من الاعماق

واتمنى لك التألق الدائم
كما عهدناك