ماعاد لي نفس

مدخل


صاحبي ..
و إن غيّب الحزن التهاني
زفّ لي غصّه .. أحسّ إنّا : ذبلنا !

و قوم : نرمينا من جسور المعاني
خلنا في نفسنا .. نقتل : مللنا !





عمق

وإستاحشت غرفتي مني وانا منّها
بقيت انا اللي اعاتب واسمع اعتابي ..!!



( إصفرت ) ألوانها بغبارها كنّها
لبست من العنكبوت ( ثياب الاعرابي )



يطول بوحي عليها واستمع ونّها
يطلع من اخشاب كرسيي ودولابي



مالومها لو رمتني للشقا لانّها
ماشافت اللي اشوفه من ورا بابي



( قبلت رفض ) الكثير ورحت من ظنّها
عشان ما اطيح منه واخسر اعجابي



ماطحت من ( جنة الفردوس ) لاكنّها
هي اللي طاحت من عيوني واهدابي ..!!



ياكبر كل امنياتي من صغر سنّها
ماكنها الا أنا في قاصر ثيابي



اقسا عليها فبعض احيان واحنّها
لاني تعبت اخذ ايديها من غيابي



والعبره اللي تمر الزور وامنّها
ماحطها الا الزمان ( بصفوة اصحابي )



( ماعاد لي نفس ) تقبل مني اعنّها
من يتكرم علي ويبذل اسبابي ..؟



كل الليال الجديده بعتذرعنّها ؟
لان الوجيه الجدد .. ماتشبه احبابي



مخرج


إلى متى و غياب حضرة جنابك
كل يوم .. يقتل فـ البساتين تينه

مو بس أنا اللي ذابلن في غيابك
شوف إذبلت بعدك : عيون المدينه ..


لاأرواحكم النقيه