الشوارع صمت

مدخل

واللي خلق هجرك
....... عشان يكسرني !
حلمي .. أبي أخسرك
....... مابيك تكسبني ..
إلى متى بـ اسهرْك
....... أتخيّـلك جِفني !
شاعرْك لو مَ اشعرْك
...... إنــّـك تقـدّرني !
لو ما قدرت أترْك
...... ساعدني .. أتركني !!



عمق

غيره وزفرة آآآه وأشباه ووجيـه
وعيون فيها شي وعيـون لاشـي

وتيهٍ يولد حـزن واحيـان تنبيـه
بآن الزمن وجهين للعـدل والغـي

لعل جرحي مـا تناولنـي ايديـه
ويصير بي ميّت وانا اصير به حي

لا عادت الفرحه على خاطري ليـه
قربْ يابو جمره وكثر ْ بـي الكـي

يا غيرته سووي من الحرص ترفيه
وخلي كرمها من كرم حاتم الطـي

يا غيرته عـادي ولاعـاد تطريـه
صمتي على ماجاب بين الضما فيْ

على هواه ومـا يسـوْي يسويْـه
هو فيه غيره ما بكت جرحي النيْ

وابستمع له ليـن تهـدا طواريـه
على امل يطـوي معاليقنـا طـي

ان كان جرحي عن همومه يسليـه
عسى عروقي له ومن ذي قبل ذي

طافت حلولي من متاهة مساريـه
وأشعلت له قنديل يكفي عن الضي

والعين باتت دمع يا هيـه ياهييـه
كل الشوارع صمت والبوح للحـي

غيره بلا مضمون تبقـى مشاريـه
وحبٍ بليا عهد يا صاحبـي سـيْ

مخرج

حبيبك لا تحطه في عيونك لو تحبه موووت
عشان إن غاب ما تفقد بصرك وتكرهـ عيونك !
وتكرهـ عيونك !
وتكرهـ عيونك !


لارواحكم النقيه

لعل جرحي مـا تناولنـي ايديـه
ويصير بي ميّت وانا اصير به حي


صح لسانك ولسان شاعرها
ابيات جميله يالسمي ونالت الاعجاب
من القب اشكرك

غيره بلا مضمون تبقـى مشاريـه
وحبٍ بليا عهد يا صاحبـي سـيْ




ياروعة نقلك براق

كلمات عميقه وأنيقه تسلم يمينك

الله عليك ي إمبراطور الشعر
وش اقول بس
إبداع ×إبداع
صح لسانك وعلا شانك
اسمح لي انت والاداره الكريمه بنقل
قصائدك لمنتدى ثاني مع حفظ اسمك وحقوقك عليها
بعد اذنك

صح لسانك ولسان كاتبها

روعه براق
لاعدمتك

بيض الله وجهك وصح منطوقك ومن قالهااا
ومن قراها

ابيات انتقيتها ياصاحبي بتركيز

طرح رائع

تسلم أياديك على إختيارك الراقي
أبدعت وتألقت بإنتقاءك لهذا الطرح
تمنياتي لقلمك دوام التقدم و الإبداع المتواصل
بإنتظار جديدك القادم بكل الشوق

دمت بروعة طرحك
أكاليل الزهر أنثرها في متصفحك

ان كان جرحي عن همومه يسليـه
عسى عروقي له ومن ذي قبل ذي

/
مدري اي بيت اقول هذا ابداع , لكن هذا بيت اعجبني
حدّ التأمل وحدّ اغفاءه في عُمق الخيال !!

ابدعت وربك ومن أجمل أجمل أجمل ماقرأت
لله درّك

الف شكر
لمن مر هنا وترك بصمته الجميله