قويه والله قويه

السلام عليكم ورحمة الله وبركاته
ابيات واتنى تنال اعجابكم وتحياتي للجميع
بقلم محبكم
رفيق الأحزان

يا أخي حرام تحشّ فيني وأنا أخــوك = والله حرام الشخص يحرج خــــــــويه
وتذبّ كلمه كنّها داخلي شــــــــــوك = تضحك بها العذال والله قــــــــــــويه
نسيت يوم أرمي المفاتيح والبــــــــوك = وأقول لك خذ شقتي في الحــــــــــويه
وأطلب رضى أمك بعد ما وافق أبـــوك= وأستعجلك وتقول نصبر شــــــــــــويه
خذتك معي في موتري بعد وصّــــــوك = إنك تصون الحاله التربــــــــــــــــويه
وجبتك معي من بعد الأصحاب خلوك = واقف على جال الطريق ضحـــــــــويه
ركّبتك الموتر ولا قلت مبــــــــــــروك= ولا تركت أفعالك الفوضـــــــــــــــويه
وصّلتك لبيتك وفي عينك شكــــــــوك = كأنك تهبط روحي المعنـــــــــــــــويه
واليوم أدق الرقم والخط مصكـــــــوك = ما كن جاء لي في حياتك هــــــــــويه
فإن كان بعض اللي حواليك غــــرّوك = أنا ترى كامل دروبي ســــــــــــــويه
حتى لو إن الوقت قد لاكني لــــــوك = أصبر ولا أطرد من يهمّش خـــــــــويه
والخاتمه لاني زميلك ولا خـــــــــوك = وأرجع لبيتك لا تقول لي قـــــــــــويه

صح لسانك

الابداع منك وفيك

صح لسانك عزيزي رفيق الاحزان
لله أنت من شاعر
نص منتهى الروعة
دام لنا تواجدك و نبضك

صح لسانك ملايين
واشتقت لطرحك من عزف القصيد
وياما ناخذ من محشات في الظهر وهذي سنة الدنيا

يالغالي

ابيك تراجع هالشطر

[

/color]

وأطلب رضى أمك بعد ما وافق أبوك

فيه ثقل في الوزن

راقي ياملك ولاتحرمني ابداعك

[COLOR="Blue"]صح لسانك[.../COLOR]

اسعدني تواجدكم الرائع
الف شكر على مروركم الطيب
تحياتي