اختصرني ..في نفس .. ولا ّ إشارة ..

تقابلا بصدفة متعمده

فقالت وقال :
اختصرني ..
في نفس .. ولا ّ إشارة ..
بنظره اعمق من قصيدك فيّ .. ولا ّ بابتسامة !!
بأي شي يمر بالك ..
ما يوصّله الكلام !
وانت تدري ( مقبرة الاحساس ) .. بالغالب : عبارة !


اختصرني ..
ولا تسولف عن مديتنا .. بوضوح ..
هـ المدينه .. ما تعرف البوح ..
إلاّ إذا شمس السما ..
ماتت ..
ما تحب الصدق وتخاف الصراحه ..
وانت في داخلك عاشق ..
ادمن الحزن .. وتوّهق بالجروح ..
ونسمعك لا صرت :
ساكت !!
كنك تغني جراحه !!

ونبرة الصمت بحسب علمي حزينه ..

كنــّها .. شايب عجز يفهم عياله ..
كنــّها .. انثى تحب الحب لكنها تخافه ..
كنــّها .. نفس المسافه :
بين جيل وبين آخر ..
انهزام الجيل الاول كان للثاني تفاخر !!


اختصرني ..
واختصر لك ..
نبرة سكوتك .. بعيني ..كنّها :

شمس المدينة !!

يا حزينة ..


يا رقيقة ..

الحزن مثل (السهر) .. يعطيك ( لذة ) ..!!
رغم ما يملك من اجحاف وغرور ونوع راقي / نوع فاخر .. من اساليب التسلـّط .. فيه لذة ..

السهر دعوة كريمة للاماني ..
للتفاني ..
لموت ( أول ) من اجل نسيان ( ثاني ) !! ..

السهر مثل السوالف عن صديق نحبـّة ..
بس سافر ..
من قبل لايدري ويشعر بحبـّه!!

السهر اشبه بدعوة من فقير الحال
لانساه المجتمع هوّ وثلاث :
اطفال
وهمومه
و ربّه ..

السهر انسان مملي بالحياة ولا لقى فرصة يمارس شي يدعو للحياه !!

السهر مثل الحزن يا مخملية
والحزن مثل السهر يالمفعمه بالمرهف الحسّاس
السهر إيثار !!

والحزن إنكار :


للذااااااااااات الغبيّة !




للمبدع السهلي محمد