اعظم قصيدة بالحب لا صرت

اعظم قصيدة بالحب لا صرت



أعظم (وجع) بالحب لا صرت تشتاق

للي تحب ولا أنت قادر تشوفه!

يكويك "جمر" داخل القلب حرّاق

زود على ناره تهدّك طيوفه!

لا مرّ بعيونك كما نوض برّاق

مالك مجال إلاّ تساير ظروفه

ياصاحبي لو بيني وبينك آفاق

نفسي معك في كل حالة شغوفة

ما كنت "قبلك" خلف الإحساس أنساق

وإن شفت درب الحب أسكت وأطوفه

يلين جاني منعطف سيل الأشواق

بأمر الغرام اللي سطت بي سيوفه

قاومت لكن! خافي الحب ماطاق

صابه صمود زلزل أجزاء خوفه

بغيت أردّه بس حسيت بإخفاق!

في لحظة "مد" ل كفوفك كفوفه

جا لك ولا كنت أحسب الحب دفاق

لين أغرق الخافق وسال ب نزوفه

أثر المحبة نبضها دوم سرّاق

دمي وهو دمي بجسمي تحوفه!!
حاولت أداري حب قلبي بالأوراق

وأثر الورق ماهي أمينة حروفه

سلّ المشاعر من متاهات الأعماق

وأصبح يفسرّ كل وضع بوصوفه

يكتب تقارير الغلا وقت الإشراق

وعند المسا يعطيك باقي كشوفه

يا"جامع" حنيّة الكون بأخلاق

معذور قلبي لو يضمك بجوفه

...

واتمنى انها تنال اعجابكم

حنو الحلوة
منقول

صح لسانك حنو وصح لسان الشاعر

نقل موفق دوووووم ننتظرك

حنووووو الحلوهـ

صح لسانك ولسان شاعرها ..

يعطيك العااااااااافيه

صـــح لسانك ولسان شاعـــرهــا

تحيـــاتي

الف شكر على الطرح الجميل

وصح لسانك ولسان شاعرها

من تميز في تميز

احترامي

حاولت أداري حب قلبي بالأوراق

وأثر الورق ماهي أمينة حروفه
* * * * * * * * * * * * * * *
إنتقاء جيد
تقبلي مروري
دمت بود

انتقاء رائع تسلم يمينك يالغلا

اليتيمة شاكره مرورك العطر

●• ρяιиcєss •●
يسلموو على المرور العذب

قمراي شاكره مرورك الرااااائع