ثوب ووشاح !

السلام عليكم ورحمة الله .. بعد غياب
أشتقت للجميع هنا ، وآسف كثير على قلة دخولي لكن العزا إنكم بخير

بيتين عساها تليق بكم ، وعذراً على التقصير ..

..

لو سألني عنك قلبي وينه شعور الصباح ؟
ماعتقد إني بجاوب وأشغله بأول صباحه

لأني أصلاً لو كرهتك ، ماتغيّر هالجراح
ولأني مخاوي جروحي وماخذ البعد استراحه

أنت ياعذب الزلال ومنبعك كله قراح !!
ليه ماسنيت رمحك يومه أوجعني بصراحه

رحت ماخليت حتى ، لي طرف ثوب ووشاح
منها أشمّ ريحك ، وأذخر الثوب ووشاحه

رحت ممليء لي سهادي في مغبّات الرياح
وإن نويت أسجّ عنك ، شفتك بـ ذرة رياحه

كنّ ذكرانا ( بدويٍ ) ، حنّ لـ إقهوة الصباح
وشبّ ناره من ضلوعي وأدمع الضلع وصباحه

ليت تذكر فيني خصله عزمّت فيك المراح
مير مافي يدك حيله ، والصدر كثرت جراحه

دُمتم ،