كيف ابسْلى وانتي دموعي وعيني

إسمحي لي وابْسِطي راحة يمينك
.......... وان خذلْتك جِعْلَها تقْطَع يديني !

يَشْهَد اللي عَزِّني باحلى سنينك
.......... ما عطيتك من رخا .. لا تظْلميني !

نفْسي احْرِمْها ولا غيري يهينك
.......... فِدْوِتِك روحي وْما تمْلك يميني . !

مِدِّي كْفوفك أبي لمْسة يدينك
.......... من عطايا ربّك الخالق عطيني . !

واطْردي خوفك ورى صحْوة يقينك
.......... ليتها تبْطي على شانك سنيني . !

قلْت [ احبك ] وانْهمر مكنون عينك
.......... إرْتعش في داخلك قلب ٍ يبيني .. !

ذابت حْروفي على جمْرة حنينك
.......... كيف ابسْلى وانتي دْموعي وعيني ؟

كنّك الدنيا وانا كنّي سجينك
.......... كلّما يِطْلَق سراحي تسْجنيني . . !

إبْشري باللي مضى بيني وبينك
.......... إنّي ارْوي بالوفا تربة حنيني !

واسْعدك جعْل السعد يسْكن جبينك
.......... واكتب الزبده على صفحة جبيني !

إنّك اكبر واني بْكبْري رهينك
.......... وانْ نويت اشْره عليك تْسامحيني !

إذكري دامي على الذكرى عوينك
.......... يومك بنشْوة غرامي تجرحيني !

واسْمعي جرح ٍ برى ماقال وينك ؟
.......... وانتي جْروحك برَت من راحتيني !

غيرها كلمة ( حبيبي ) لو تدينك
.......... وش يدينك وانتي اصلا تعشقيني !

وان سألْتك أرْتجي عطْفك ولينك
.......... من على خطّ البدايات انتهيني !

طرح رااائع

وربي مايحرمنا من تواجدك وجديدك الراقي

ما اجمل الفكر عندما يكون بهذه الجوده في انتقاء المفيد
من ماده تُقدم للمتلقي

ذائقة على اعلى مستوى في
هذا الطرح

كل شي أنيق ومكتمل وجذاب

استهواني ما قمت بالمرور عليه من ابداع

لك مني كل تقدير واحترام

اخوك
محمد الحريري

يعطيك ربي ألف عافيه..بإنتظار جديدك بكل شوق.
لك مني جزيل الشكر والتقدير...
..}~ مودتي