ما عاد يغريني حديث المراجيح

الليـل محـراب الوجـع والتباريـح
وأنا بسكين الحكي .. بذبح الصمـت


ما عاد يغرينـي حديـث المراجيـح
ولا الهوى اللي عقب عرفه تندّمـت


ولا عاد تخدعني دمـوع التماسيـح
من كثـر خـذلان الخلايـق تعلّمـت

أكـون بـارد دمّ لـو قلبـي يصيـح
وأضحك بوجه جروحهـم لا تألمـت


واللـي تغانـم طعنتـي ربّـي يبيـح
منّه , ويجبر زلّتـي يـوم عشّمـت

محدٍ معاه لضيـق صـدري مفاتيـح
حتى الذي في صدق قلبـه توسّمـت


هذي ذنوبي بيـن دعـوة وتسبيـح
علّقتهـا فـي رحمـة الله وسلّمـت


ما عادت حروف القصايـد مصابيـح
ضويت لين إستنفذ الشعـر وأظلمـت


تجري بما لا تشتهي سفنـي الريـح
حتـى معاهـا ويـن هبّـت تيممـت


ما كان ودّي يبلـغ السيـل وأزيـح
وجه الرضى , عن طلّتي لا تكلمـت


ليته يكفّي عن غثى الحكـي تلميـح
أو ليت بعض الناس تستوعب الصمت

أحترت وش أقتبس ؟ أبيات جميلة جداً و ذائقه أجمل ..

طرح راائع قلبي

صح لسانك ولسان شاعرها

قصيده لها وقعها الجميل

منووووووووووووووورين

ماشاء الله

الله يعطيك العافية

على الطرح الراقي والجميل

تسلم الانامل على ماخطته لنا من الروائع

بانتظار جديدك القادم

تحياتي وتقديري

هماليل نجد