صحيح ضعت وضاع حلـم ٍ حلمتـه

صحيح ضعت .. وضاع حلـم ٍ حلمتـه

مدخـــــل

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

في غيابك يعزف الما داخل إعيوني أغاني
مايبي مِنِّك حنينك بس يبغى تسمعينه

يا كبر همّ الغياب إن جيت أدوِّرك بمكاني
ما اشوف إلا رحيل(ن) طال وأنتي تتبعينه

من رحلتي هالمدينة كل ما فيها [ مباني ]
ينكسر فيها غروب و تنجبر فيها ضغينة

إن شكيتك للطريق إتضيق ارصفت المواني
وإن شكيتك للمدينة . . ضاقت أنفاس المدينة

لا الفضا بعدك فضاي و لا الزمن هذا زماني
إنتهى بي كل شي و لا بقى للحلم عينه

علميني .. يا عظيمة كيف أكون بإتزاني
كيف أعيش بخير و أنتي هالتلاقي تبعدينه

ما جمعني في غيابك غير حزني و إهذياني
وما نثرني يا وجودي غير فرقانا اللعينة

إن تذكرتك تحير الكلمة بأطرف لساني
وإن سهيتك إشتياقي تعبث بصدري يدينه

ابحري بي يا بعيدة .. لآخر إحدود الأماني
يمكن إنلاقي بعضنا ( حلم ) أقفت به سنينه

في غيابك : شيّ ٍأعظم من أخاف و من اعاني
في غيابك : حتى وجهي لو عرض لك تجهلينه

اتلحف بالشتات : وداخلي إنسان ثاني
حاير(ن) مثل أجوديّ(ن) نابت إبوجهه حنينه

إرجعي ما عاد فيني حيل لسيوف الثواني
يا ثقل دم إنتظاري لا عقد لي حاجبينه

و إن سألتي كيف حالي لا تعانقنا ثواني
قلت لك من يوم غبتي : اغلب الأيام [ طييييينة ]

مخرج

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه
ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه