مرثية الغالي

يوم الخميس اللي مضى يامداوين
اصعب هموم الكون عـندي لــقيته
ساعة ازور اللي له القلب والـعين
ودي اشـوف اسـباب صـده وجـيته
ماهـمني لـو قـالـوا الناس لا ويـن
ليته يـمـوت النـاس ويعـيـش لـيـته
جـيـته ودمـعات الـوله فـوق خـدين
اعـد خـطـوات الـوصــل لين بيـته
طرقت باب البـيت ولامــن مجيبـين
حتى طلع لـي جـار مــنـهـو عنـيته
قلي خليلك مات لـه حـول شهـرين
مـات الـذي حتـى فـوادي فــديـتـه
لمـا سمعتـه قـمت افـرك بالايـديـن
واقول انـهدم في عيـني كل مابنيته
يالـيت موتي زارنـي قـبل عـامـيـن
ليته شراني الـموت وخـلـي نسـيتـه
لا والـذي خالـق حياتي مـن الـطين
مـا انـساه لـين امـوت وانـا هـويـته

رفيق الأحزان

صح لسانك
مبدع
اشاعرك تروق لي

مبدع يالغلا
الله يسعد أيامك
أخوي ويحقق مرادك
قصيده روعه كروعتك
لاهنت .. وصح لسانك

صح لسانكـ يالغالي

انت حيرتني بصراحهـ

ياليت اعود للصفحه واعرف اسمكـ كشاعر

أخوكـ محمد الحريري

صح السانك..صراحه روعه وابداااااااع

ننتظر جديدك..!!

صح لسانكـ أخوي .....

جميلة تلك الكلمات التي تناثرت بين صفحتكـ ....

أشكركـ .....

تقبل مروري ......

لاهنتم على مروركم الغالي