تعال موعدنا على خط القمر لا تقول عيب

تـعال .. أحيابك حياتي ، وعيش فـيني ي الحبيب
وأتـنفـسـك .. لـين الـمشـاعر مايـكـفـيهـا هــوى


تـعال وأشرقني غـلا ، ولاتكترث وإنسى المغيب
وأطـرب سـكوتي ب الكـلام أرتـاح لاصـوتــك دوى


واحضن سماي وضمها مالك على الضمة رقيب
وادنـي مسـافاتك تـجـاهي بـحـب نمـشيـها ســوى


واعزف من اللحظة غرامن بات في مزنك رغيب
واروي ضماه اللي عشانك مات من شوقه انكوى


تعـال .. مـوعدنـا على خـط القـمر لاتـقـول عيب
خـل الـقـمر واللـيل يـشهـد مـالك ف قـلبي حـوى


واذا انعكـس نورك ع خـده وماقوى مثله يجيب
قلـه تـرى فـرق الأصـابع ليـن حينـك مـا اسـتوى


واعرف ترى ماكل شخصن انظره يصبح قريب
حــتى ولــو كــل الـجمـال اليـوسـفـي فيـه انطـوى


لكنـك انته غيـر واللـه .. نـآدرن طبعـك عجـيب
فـي طلتـك حـتـى البسـاطة تـكون بأعلى مستـوى


تعـال واهديـنـي الحـياة .. ولاتـغـيـب ولا أغيـب
واسكـن حنـاني والقصيـد اللي لجل عـينك ضـوى