الديوان المكتوب للشاعر / خلف المشعان العنزي "المقروءهـ" المكتوبه

السلام عليكم ورحمة الله وبركاته

انقل لكم بعض القصائد اللتي جمعتها للشاعر / خلف المشعان العنزي

واللتي اتمنى ان تعجبكم



دايم مراضى القلب تحتاج تشخيص
دايم مراضى القلب تحتـاج تشخيـص
وأحيان ماتحتاج ,,,, لللـي iiفحصهـا

فحصتـهـم مبـطـي بـدقـة iiوتمحـيـص
شـابـر قصايـدهـم وخـابـر قصـصـهـا

من غير ماادخل في سباق القوانيص
أعرف متى ألقى فرصتـي iiواقتنصهـا

الـزو جايـع فــي يـديـن القواصـيـص
وكم اصبـعٍ مـن زود جوعـه هقصهـا

في موسـمٍ حولـه علامـات iiتنصيـص
حتـى الحصانـي فيـه كثـرت فرصـهـا

والنّيص عاد وعـوّدت عـادة iiالنيـص
وأهـل البـرص قـام يتفصـخ iiبرصـهـا

حاولت أعممها وجت دون iiتخصيص
من لا خبصهـا اليـوم متـى iiيخبصهـا

دام القنـص بغـراب وقـت iiالمقانيـص
واخيبـتـك يالـلـي تـرجـى قنصـهـا ii!!

ينبـح سلوقينـا ورى كبـري iiخـريـص
يـبـي يـكـمـل للـسـلـق مانقـصـهـا ii!!

قـل قيـص وان ماردهـم ردهـا iiقيـص
هـم نقـص خلقـه كيـف لـو iiننتقصهـا

لايخدعك شـوف الشـوارب iiمعاليـص
تـلـقـاه مـافــي رقــصــةٍ iiمـارقـصـهـا

الله ابــو هــاك الـعـيـون iiالمفـالـيـص
اللـي قفـص صــدام يصـلـح iiقفصـهـا

ماهم كفو حبلـه كفـو خيـط iiمصّيـص
يقـطـع مناسمـهـا ويقـطـع iiشفـصـهـا




مانيب من ياتي على شان يدرون
مانيـب مـن ياتـي علـى شـان iiيـدرون
أنــا الــذي يــدرون بــه قـبــل iiيـاتــي

نجمي سطع من غيـر بيـرق iiومليـون
قلـيـل فــي جـيـلـي يـســوي سـواتــي

ماجـيـت أهـايـط بــس لازم iiتـعـرفـون
مازعزعـت بـعـض السـوالـف iiثبـاتـي

لـو شلـت فـي قلبـي مثـل iiمايشيـلـون
ماكانـت الطيـبـة مــن ابــرز iiصفـاتـي

يامحمد ابن فطيس وش فيك مشحون
ماخطيـت يـوم انــي حسبـتـك iiلقـاتـي

اب اطفي الفتنه وابي انشدك وشلـون
اسلـم مـن الضيـعـه واجـمـع iiشتـاتـي

الناس معها عقل ، ولسان ، iiوعيـون
وقـدامـهـم كـزيــت يــمــك iiوصــاتــي

ماجيتـك ببـيـت مــع الشـعـر iiمـدفـون
جيـتـك عـلـى وضــح النـقـا ياغنـاتـي

ماني من اللي في قفا النـاس iiيحكـون
عيـب عـلـى الـحـق خـويـي iiحصـاتـي

الـلــي لـيــا قـفـيـت عـنـهـم iiيـهــدون
مـاهــم بـكـفـو لـرجـعـتـي والـتـفـاتـي

سكـرت اذانـي عــن وكـالـة iiيقـولـون
وذكــرت لــي بـيـت يـفـسـر iiسـكـاتـي

الله يجـيـبـك مـــن بـعـيــد الــيــا iiدون
والله يـحـطـك بـالـلـقـا مــــن تــلاتــي




مسجون

يالـلـي دفنـتـوا جثـتـه.. لـيـه iiتـبـكـون؟
لــولا الحيـا..لأقـول : مـعـكـم iiخـذونــي

منه انحرمت وكنـت انـا عنـه iiمسجـون
مـا أذكـر لمحتـه .. غيـر مـره بعيـونـي

شفتـه ..وكـانـت فرحـتـي مالـهـا iiلــون
عجزت لأوصف .. من لمحته iiشجونـي

ياليتنـي ..كـنـت الكـفـن يــوم iiتمـشـون
أبـقــى مـعــه بالـقـبـر ثــــم iiتـدفـنـونـي

أو ليتني .. من خلفكـم كنـت (مجنـون)
أتـبـع خطـاكـم والـعـذر هــو : iiجنـونـي

أبكي وراكم .. وأدعي ان كـان iiتدعـون
مـا يكفـي انـه عـاش عـمـره بـدونـي؟؟

تكفـون < هاكـم عمـري اليـوم iiتكـفـون
بـرخـص حيـاتـي دام خـابــت iiظـنـونـي

مـا فادنـي صبـري !! ولا فادنـي iiعــون
ولا فادني دمع(ن) .. حرق لي iiجفونـي

يـا مـا بكيـتـه والبـكـي يـحـرق iiعـيـون
ميـت أو انـه حـي .. دمعـي iiبعيـونـي!!

الـعـام كــان بفرحـتـه.. يـعـزف iiلـحـون
واليوم ؛ تحت الأرض .. ماهـو بكونـي

لكـن أنـا فــي فرحـتـه.. كـنـت iiمـدفـون
فـوق الثـرى .. واليـوم موتـه iiسجونـي

(سميـت قلـبـي عـقـب فـرقـاه iiملـعـون)
هـو و الليالـي .. عـن هـنـاه iiامنعـونـي

ياليتـنـي.. ماعـشـت لحـظـه iiبهالـكـون
و ياليت ربعي .. فـي سكـات iiاذبحونـي

وياليتكـم .. عـن همّـي الـيـوم iiتــدرون
منه انحرمت > ومن عزاه .. احرموني

حتى بوفاته !! يوم أنـا طحـت iiمطعـون
أخفيـت طعناتـي .. قبـل لا iiيفضحـونـي

بكـيـت!! لـكـن .. ماتظـاهـرت iiبالـهـون
أبكي وأقول : الموت هو سبـة iiطعونـي

و إن كان في حبّي أنا ..ماتحسّون ..؟!
دلوني لقبره .. وهنـاك .. اتركونـي ii..!



الشجاعه تغلب الكثره(في شاعر المليون)
الشعـر فـي شرعـي فكروالفكـر بالشعـر iiالاصيـل
نـهـج العـقـول النـاضـجـه والعاقـلـيـن iiادرابـهــا

مو شرط من يكتب شعر يدري عن بحور الخليل
الــــي يــــداوي عـلـتــك لا تـبـلـشـه بـسـبـابـهـا

احدٍ علـى الحنـدا حـدا واحـدٍ علـى الشلـه iiيشيـل
كـلـن عـلـى مايـكـرب بـيـوتـه يـمــس iiاطنـابـهـا

على سبيـل اهـل المثـل مانـي مثـل اهـل iiالسبيـل
اللـي معانـي حضورهـا تشـبـه معـانـي iiغيابـهـا

لا غبت جبت وعادتـي لاغبـت ماارجـع بالهزيـل
ان جبت اجيـب اللـي محـد بالشعـر قبلـي جابهـا

تعشقني الفكره ..بكر..واسبق لها الوزن iiالثقيـل
الـلـي بـنـات افكـارهـم مبـطـي رمـيـت iiحجابـهـا

اهيم في وادي الدهـاء واروي حديـث iiالسلسبيـل
يــوم ان غـيـري جـامـعٍ كـتـب الشـعـر iiيقرابـهـا

مـابـا القـرايـه رايــهٍ بيـضـاء ولا مـنـهـا iiذبـيــل
لا روحــت خـيـل الـطـرد تبـكـي عـلــى iiهـذابـهـا

بعض المعاني وقعها اشطر من السيف iiالصقيـل
يـوم السيـوف مـن الهلـع تثـقـل عـلـى iiقضابـهـا

ناس ٍعلى الشعر ادخلت والشعر بي منهم iiدخيل
يقـول انـا بوجهـك عــن الهـزلـه وعــن iiكتابـهـا

ومدام صـارت تشكـي العلـه مـن اسبـاب iiالعليـل
قــل للجمـاعـه تـرمـي اثـيـاب ٍ مـاهـي iiبثيـابـهـا

ماهي بلحيه طشطشه سيل مـن العـارض iiيسيـل
اسـقـى جـبـال المملـكـه وسهـولـهـا iiوهضـابـهـا

قنديـل ابـو ظبـي ابرقـت وعيـون اهليهـا iiتخـيـل
قولولـهـا عيـنـي لـهـا مـبـطـي تـــرف iiاهـدابـهـا

مساكـم الله بــالادب والــذوق والشـعـر iiالجـزيـل
مـن شاعـرٍ صـدره يـسـع مـكـه ومــن يسعابـهـا

شاعـر شمالـي وقفتـه عـن لابتـه تشفـي iiالغليـل
يـدرى زعلهـا ويحمـى عنهـا ويخـشـى اعتابـهـا

فـي ميـلـه عقـالـه ثـقـه وبفـطـره صـبـرٍ iiجمـيـل
يحـسـب مسـافـة صـيـدتـه وليـارمـاهـا iiصـابـهـا

انـا البديـل لعـمـر ابــن كلـثـوم لــو مـالـه iiبـديـل
لقـامـت فـحـول الشـعـر تفـخـر بطـيـب انسابـهـا

لا المستحيـل يـردنـي ولا ابــن عــم iiالمستحـيـل
ياماكـسـرت القـاعـده واخلـفـت وجــه اعـرابـهـا

صـدري ليـا عليـت عـلا وليااستطالـت iiيستطيـل
امــا اسـتـوت لــي كلـهـا والا بــلاش iiاشقـابـهـا

عـنـدي قنـاعـه ظلـهـا وافــر ولــي فيـهـا iiمقـيـل
مامشـي وراء قالـوا قبـل واعيـش فـي iiجلبابـهـا

مامن وراء زرع المثل في وقتنا الحاضر iiحصيل
مـن طبـق امثـال العـرب هـذا الـزمـن يـبـلا بـهـا

مــن ذل لــو قـالـوا سـلـم يبـقـى بنظـرتـم iiذلـيـل
ماتستـوي القمـه تحـت رجليـن مـن هـو iiهابـهـا

ايه الشجاعه تغلـب الكثـره وانـا اعطيـك iiالدليـل
الـذيــب يـــدرع بالـغـنـم ولا يـحـسـب حسـابـهـا

جيت بشموخ الوايلي ماجيت مـن تحـت iiالشليـل
ولا ردنــي عــن سـاحـه الشـعـار كـبـر iiالقـابـهـا

لو كل من اسمه جميل مـن العـرب يطلـع iiجميـل
كان أكثر اسماء العرب تحمـل صفـات اصحابهـا

ولاينعـم بظـل النخيـل اللـي تحـت جـذع iiالنحيـل
الشـمـس تصـقـع هامـتـه حـتـى يحـيـن iiغيابـهـا

ولا طولت عمر أدمي قولة عسـى عمـرك طويـل
طــول العـمـار وقـصـرهـا رب الـعـبـاد iiادرابـهــا

رح ردهــا عـنـي وانــا بأكـبـر عواقبـهـا iiكـفـيـل
كـانـهـا كـذبــه فــأنــا بــيــن الــعــرب iiكـذابـهــا

ان الشجاعـه تغـلـب الكـثـره وهــذا اكـبـر iiدلـيـل
الـذيــب يـــدرع بالـغـنـم ولا يـحـسـب حسـابـهـا




زمان المهزله
يقولون الخوي : رجلٍ تجيـه بساعـة iiالشـدات
وانا اقول الخوي : رجلٍ الى من ضـاق iiماجانـي

لانـه خابـرٍ عسـر القوافـي يجبـر الابـيـات
لذلك يحسـب حسـاب المعانـي يـوم iiينخانـي

خويٍ مادرى .. يسكت ويفهمها .. على iiماجـات
وخويٍ لو درى .. يمكـن بيلعـن جـد شيطانـي

وخويٍ شايف ويدري .. ولاهـو مـدور iiالـزلات
وخويٍ مايبـي يـدري .. ولاادري ليـه عادانـي

ويقولون الزمان اللي تغيـر .. ماهـي iiالعـادات
وانا اقول : الزمن هذا .. خـذا ربعـي وخلانـي

مـع اللـذات بالدنيـا .. تطبـع حبهـم iiللـذات
تغير كـل مفهـوم الحيـاة ... لجيـب iiمليانـي

زمن يرفع ثمن حتى الكفن من كثـرة iiالامـوات
قريباً ... نسمع بموضة ( كفن للموت افغانـي ii)

عشان ادم غلط يعني ؟؟ نتساهل باكثر iiالغلطـات
بـدى يخطـي البنـي آدم بحجـة آدم iiالجـانـي

محد يذكر أحد بالخير ... غصب الآدمي .. iiلامات
تشوف الخلق يطرونه ... مع انه مـات وحدانـي

بعض هالناس .. ماتسمع طلال .. وماتجي حفلات
وبعد مامات .. كلٍ قـال : ياخـي كـان iiفنانـي

اجل لو مات ( ابو لفه) ( عويد) راعي iiالكسـرات
تصير الناس تتسمع : ( عـلام الـواد جافانـي ii)

زمان المهزله .. قلـي : وشمخبيلنـا iiعاهـات
دخيلك بس لا يطلع .. بعد شارون : ( فدعانـي ii)




3 / 1 / 2002
واحد / ثلاثه / أربعـه / خمسـه / iiاثنيـن
غلط / غلـط ... تعـال رتـب معايـه ii!!!

واحد / ثلاثـه / اربعـه / واحـد / iiالفيـن
بعـد غلـط ارجـع معـي مـن iiالبـدايـه

طيب .. ثلاثـه / واحـد / الفيـن iiواثنيـن
أيـوه .. كـذا .. تـوك عرفـت iiالحكايـه

قلت : الحكايه .. ايش ؟ قال انـت iiمسكيـن
مالـك علـى بعـض السوالـف iiدرايــه

قلت : اتغلط ؟ قال العفو .. قلت : اجل مين ؟
قـال : احلـف انـك ماتسولـف iiورايــه

قلت : انت ناوي شين .. أو ناويٍ زيـن ii؟؟
قـال : الله اللـي عالـمٍ فــي iiخفـااايـه

قلت : انت عندك ( سر ) ( عقل المجانيـن )
الله يستـر منـك قــال : انــت iiتـايـه

تذكر هذاك .. اللي بنى السـور بالصيـن ؟؟
مثلـه تـراي .. ابنـي القصيـده iiبناااايـه

قلت : انت شاعر ؟؟ قال : من عشرة iiسنين
قلت : اثبت اللـي قلـت .. أو هـات iiآآيـه

قال : اسمع اسمع .. عين .. ياليل .. iiياعين
يبو عبايه .. أوووووووف .. يبـو iiعبايـه

يبو عباااايه ليـه ؟؟؟ ظنـك .. بنـا iiشيـن
يبو عبايه .. ليـه ؟؟؟ تكسـب iiخطاااااايـه

ليـن أنتهـى .. صفقتلـه .. قلـت iiبيتيـن
تسوالها .. ( ديوان ) وأطـول ( روااااايـه )




موت الحروف
عن آخر ماكتبت اسمع .. وهالمره .. ثمـان iiابيـات
إذا لك خلـق .. تتحمـل .. تأمـل .. فـي معانيهـا

تبي .. تستغرب المطلع .. أكيـد .. وتكثـر iiالهقـوات
ولكن .. ريّح اعصابك .. معـاي .. وشـوف iiتاليهـا

أظن . اللي حصل .. للزير سالـم .. بآخـر الحلقـات
نهايـه مؤسفـه .. طبعـاً .. ولكـن ببتـدي iiفيهـا

لأن . الزير . في . شرعي . طموحٍ . يعشق iiالثـارات
تمادى . بالحروب . اللي هوتـه .. وصـار iiهاويهـا

قتلت من القصيد .. احلى الحروووف .. وأعذب الأبيات
يقولو:.. خلها .. واضحك .. غصِب عني . iiواخليهـا

ومادام اللي حما .. فرخ القطا في عشها .. قد iiمـات
أجل من يمنع .. الصياد .. عنهـا .. عقـب iiحاميهـا

أو ضح لك نهايتهـا بـلاش وخلهـا .. بسكـات ii...
ثمان ابيات .. وان جازت .. ترى . ياخوك .. iiمابيهـا




صدق غاياتي
انا اللي يابعد عمري بقول ( آسف ) ولو مخطيت !
لأن اكبر خطـا منّـك صغيـر بجنـب iiغلطاتـي

ابد ماني بقايلك : ترفّـق ! ليـه ؟ وشسويـت !
قل اللـي ودك بقلبـك تقولـه واتـرك iiسكاتـي

عسـى الله لايعافينـي اذا مـن هرجـك انغثيـت
أشوف ان السكوت ارحـم لانـي خابـر iiسواتـي

ومدامه ( صح ) كل اللي تقوله ، فانـت مازليـت
واذا زليت هالمـره ! نسيـت ؟ شكثـر iiزلاتـي

نسيت انك تنسّينـي الزعـل كلـه الامـن iiجيـت
مجرد ضحكة عيونك بنظـره تجمـع iiشتااااااتـي

نسيت ؟ شكثر تغليني ؟ وكم لك ؟ وانت مامليـت
نسيـت ان الوفـا منّـك يذكّرنـي خيانـااتـي ii؟

نسيت ؟ الله يومنّك علـي مـن الزعـل iiغنيـت
" حسبت اشواقنا غابت " وخابـت فيـك iiهقواتـي

عجزت انطق ولاكلمـه بلحظتهـا سـوى iiياليـت
يجيلـك يـوم بـاذن الله وتقراهـا مـع iiابياتـي

هذاني جبتها شفني وازيد من ( الغلا ) لـك iiبيـت
مـادام ان القصايـد فيـك تـوي فـي iiبداياتـي

احبك ؟ ايه احبك .. ايـه احبـك ..آآه iiلوعديـت
مـن الآحـاد لـلآلاف تمـلا كــل خاانـااتـي

حبيبي لاتحاسبني وانـا يااامـا عليـك iiاخطيـت
ترى لو مـت بيدينـي غفرلـي صـدق iiغاياتـي




فرسية حرف
أنا يوم استوى حرفي على صهوة خيـال iiالقـاف
ترجّل شايلٍ سيـف المعانـي وحربـة افكـاري

جدع ليل السهر صبح وعسف بيت القصيد عساف
نشف ريق القلم خوف وتبعثـر دفتـر iiاشعـاري

نفث بين السطور آآآه وغدى صدر الورق iiشفاف
شرب دم السؤال اللـي طعنـي كيفهـا iiاخبـاري

الا ياناشـدِ عنـي بخيـر وماعـلـي iiخــلاف
جوابٍ يشـرق بحلقـي الامـن جالهـا طـاري

تلوج الدمعه بعيني .. تجي حـد البكـا تنشـاف
واحاول اكتم الواقع وانـا فـي حالتـي داري ii..

انا واللي خلق سبع الاراضي وانـزل iiالاعـراف
قوي ايمـان لكنـي عصيـت وحبهـا نـاري .

الا ياحرف لا تسكت اذا بعض الحكـي iiخـواااف
وابد لايشغلك نزف الجروح وصاحبـك iiظـاااري

الا ياحـرف لامنـك وصلـت لخااااانـة الالاف.
ترى ماينفع ( الواحد ) الامن ضاعـت iiاصفـاري




مساء الخير
مساء الخير هالمره بلاش آسـف علـى iiالتأخيـر
مـدام الـرد بعيونـك دمـوع فـكـل iiتأخـيـره

ثقل دم العذر ، والا كسـح وجـه الخطـا iiتبريـر
مدامك عارفـه طبعـي . أجـل وشولـه iiالحيـره

ترى ماجيت لجل اسمع سواليفـك عـن iiالتقصيـر
أعرف ان الخطا منـي (بـلاش نعيـد iiهالسيـره)

انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب iiهالغيـره

انا وانتي حكايتنا مثـل : صـدر السمـا iiوالطيـر
كثيـر اللـي يطالعهـا ،، ولحـدٍ طالهـا iiغيـره

انا وانتي حكايتنا .. مثل لعبـه ، وطفـل iiصغيـر
مع انـه دوم يهملهـا رفـض يسمحبهـا iiلغيـره

انا وانتي .. وشاوصفلك ؟ عجز عن وصفنا تعبير!
مثل ! مدري ! مثل وشو ! ولكن صعب iiتصويـره

انا وانتي بلاش انتـي أنـا لـو بفقـدك iiشيصيـر
ومجرد طـاري الفرقـا علـي ياصعـب iiتأثيـره

أحبك ؟ ايـه أحبـك .. ذي بعـد يبغالهـا iiتفكيـر
يخلـف الله علـى عقـلٍ ملكتـي كـل iiتفكـيـره

تعالي .. نحترم ( شيبة غلانا ) .. لعنبو iiالتصوير!!
تعالـي نغتنـم فرصـة لقانـا دامهـا قصيـيـره

ومساء اللي تبي ، حاضر ولاتزعل ( صباح الخير )
أنا كـل يـوم بتأخـر .. اذا فـي دمعتـك iiخيـره




الشطرنج
علمونـي ياجماعـه جيـت ابـسـأل واستشـيـر
( مبتدا ) والراي منكم .. يعتبـر عنـدي ( خبـر ii)

ماكتبـت الشعـر والله .. لجـل اباقـف بالاخـيـر
من كتبت ( اول ) قصيده .. جيتكم ( بـاول ) سطـر

كل حرفٍ مـن قصيـدي .. يحتـوي معنـى iiكبيـر
كل ( بيتٍ ) فيه ( معنى ) .. وكل ( معنى ) في شطر

ماترجيـت المدايـح .. مـن كبيـر ومـن صغيـر
ويش ابي بمدحٍ يجيني .. مـن ورى اكتابـة iiشعـر

لعنبـو حـي القوافـي .. لابغـت تطلـع .. iiكثيـر
مير ابفهقها .. . واجيكم .. بالكـلام .. iiالمختصـر

علموني كيف أجامـل / واتعامـل / مـع ii…….!!
علموني . . كيف ابصبر ؟؟ دام انا .. مابـي iiصبـر

هو يصير الطير يمشـي بـس يمشـي مايطيـر ii؟
أو يصير ان كل ( طيرٍ ) بالسما.. يكفـخ ، صقـر ؟

هو يصير العبد يامـر .. علمونـي هـو يصيـر ii؟
أو يصير ان( شيخ ربعه ) .. ياجماعه .. ينومـر ii؟

هو يصير ان كل منهـو قـال راي يقـول خيـر ii؟؟
أو يصير ان كل ( مهدي ) ايكون ( مهدي ) iiالمنتظر

هو يصير ( الفيل ) يبـدا .. ويتعـدى ( هالوزيـر )
أو يصير ( الكنق ) يمشـي خطوتيـن .. ابلاخطـر

علموني كيف ياكـل ( قلعتـي ) ( جنـدي ) iiحقيـر
ولعبة الشطرنـج .. تقهـر مـن لعبهـا.. iiيابشـر

علموني .. قبل ماصـل .. لاخـر الشطـر iiالاخيـر
مبتدا .. والراي منكم .. يعتبـر عنـدي .. خـب ر

علمونـي ياجماعـه لجـل أعـاود .. واستخـيـر
علموني كان مخطي .. لجل أدنـق .. واع ت ذر !!!




نعم مغرور
تقول: الله يالدنيا ‍!! غدى شاعر ، وله iiجمهور
واقول : انتي قبل تطلـع جماهيـري iiتعرفينـي

أنا ماني مثل نايف ، ولاضيدان بـن iiمنصـور
صحيح اني علـى قـدي ، ولكنـك iiتخبرينـي

نسيتي يوم جبتيلي قصيـده كلبوهـا iiكسـور؟
نسيتي قبل اخليهـا ( قصيـده ) iiوشعطيتينـي

صدق من قال : هالدنيا تدور وتكشف iiالمستور
تـرى ماقلتهـا لـحّـد ولكـنـك جبرتيـنـي

انا ماسعى ورى الشهره . ولكني ! خطفت النور
كثير اللي عشق شعري مثل مانتي iiعشقتينـي

نعم مغرور ياهبله ! ( على مثلك ) نعم iiمغرور
واذا لـك حاجـة عنـدي خذيهـا لاتغثيـنـي

ومادامك تعرفين اني غديت الشاعر المشهـور
أجل لاتشرهين اني أعرفـك . لـو iiصدفتينـي




الغياب
قالت : وشاحلـى مايقـول المحبيـن ii؟
ساعـة لقاهـم بعـد غيبـه iiطويـلـه

قلت : اصبري ، قالت : انا اقولك زين ii؟
قلـت : اتمـنـى ماتكـونـي iiبخيـلـه

قالت : عسى موتي على يديك iiهالحيـن
ان كـان قيلـت بيـن خـل وخليـلـه

قلـت : احبكيهـا صـح ياقـرة iiالعيـن
قلبـي يبيهـا صـدق تشفـي iiغليـلـه

قامت تفكـر !! قلـت : يالله ، iiوبعديـن
كـن اصبعـك طـوّل بلـفّ iiالجديـلـه

! قالت : كليب !! وقلت : خير ! شتِقولين
قالت : رجع !! وشـو شعـور iiالجليلـه

قلت : اليمامه ! ماهي اقوى تحسيـن ؟؟
من يوم غـاب جبيـر صـارت iiهبيلـه

وشبـك سكتـي ؟ ليـه قمتـي iiتلفّيـن
قالت : اخـاف ان قلـت تطلـع iiثقيلـه

أخاف اقول وكلمتـي تجـرح الديـن ii!!
واشيـل ذنـبٍ مقـدر انــي iiاشيـلـه

استغفـر الله ويـن وصلتنـي ويــن ؟
وانـت تعرفنـي والاصيـلـه iiأصيـلـه

ضمت يدينـي .. قلـت: تـوك iiتحنيـن
قالـت يدينـك بـس ؟ هـذي قليـلـه

يوم احضنتني دمّعـت ، قلـت : تبكيـن
قالت : اظن الدمـع (أصـدق iiوسيلـه)

ردّت ، وقالـت : وشعـذاب iiالمحبـيـن
قلت : الغيـاب ! وفـي عيونـك iiدليلـه




فكرة قصيده

رآني ميتاً فبكى .. واستيقظ من المنام.. وتذكر رؤياه فبكى ...

ثـم حدثنـي عـن رؤيــاه وبـكـى ... ثــم حـكـى ii:

هــذه الـرؤيــا تـصـلـح فـكــرة قـصـيـده ii...

فـــــــــقـــــــــلــــــــــت ii:


إذاهـي . بـس علـى ( فكـرة قصيـده ) جبتهـا iiمزريـت
ولـكـن الـبـلا حلـمـك غـريـب وهـدلـي حـيـلـي

طبيعـي تبكـي عيونـك ، مدامـك شفتنـي بــه مـيـت
ولكـن وش ورى دمـعـة عيـونـك وانــت iiتحكيـلـي

اذاهـو خـوف .. لاتقلـق !! هذانـي عايـش ولـك iiجيـت
بـدل ماتفـرح بشوفـي .. أشـوفـك صــرت ترثيـلـي

تبـي منـي أفسرلـك !! وهــذا هــو هــدام iiالبـيـت
يويـلـك لــو بفسـرلـك .. وانـــا والله iiيـاويـلـي

أنـا مقـدر افسرلـك وانــا ادريـبـك عـلـي iiاخفـيـت
بقايـا احـداث مـن حلمـك ، واهـم اشـيـاء iiتعنيـلـي

انـا مقـرا علـى الظلمـا . ولاعنـدي سحـر iiعفـريـت
ومـدام انـك شربـت المـا .. وش اطبـخ فـي iiمعاميلـي

ألا ياعـز مـن شفـت ، وعرفـت ، بهالبشـر iiواغلـيـت
لنفـرض .. مـت انـا فعـلاً .. دموعـك وش iiتسويـلـي

سـواءً حلـم أو واقـع .. مصيـري يبـن ابويـه مـيـت
وصاتـي بـس لاتنسـى ... بـعـد مـامـوت iiتدعيـلـي




كابوس
هزنـي شـوق المعانـي .. ماعلـي مـن iiالمـلامـه
لهـف نفسـي .. للقوافـي .. لهـف خـيٍ جـاه iiخيـه

إن نسـى ياقـف بوجهـه .. قـال : عـز الله iiمقامـه
وإن وقفلـه .. حـب راسـه .. احـتـرام ومقـدريـه

ماقصدت يقـال .. شاعـر .. ويتفنـن .. فـي iiكلامـه
موهبـه مـن فضـل ربـي .. ساقهـا الرحمـن iiليـه

ماتفاخـر بالقصيـد .. ومدّعـي .. فـيـه iiالزعـامـه
ميـر جيـت مـن الأخـيـر الياالصـفـوف iiالأولـيـه

لي هيامي .. في الخيال .. وكل شاعـر .. لـه هيامـه
والشعـر مابـه كبيـر .. ولاصغـيـر .. ولااقدمـيـه

من بكم يحضـر قصيـده .. ياجماعـه .. فـي منامـه
ماتحـدى .. مـيـر والله يانـهـا صــارت iiعلـيـه

زارني شيخ .. بمنامي .. ( محـرم ) ولابـس iiعمامـه
دق صدري .. في ( عصـاه ) وقـال : جايبلـك iiهديـه

قلت : وشي ؟؟ قال : هذي !! قلت : وشي ؟؟ قال : خامه
فلـهـا واكـتـب عليـهـا .. قـلـت : iiمافيهـاأذيـه

قـال : أبـدا لا تخـاف .. وقلتلـه : مـع iiالسـلامـه
وقبل يمشي .. هز كتفي ... قال : عنـدي لـك iiوصيـه

اكتـب اللـي انـت شفتـه .. ماعليـك مـن iiالملامـه
راح تطلعـلـك .. قصـيـده .. تستـحـق iiالأفضلـيـه

وصد وجهه .. راح يمشي .. وقمت افكـر فـي كلامـه
كيـف اخلـي هالقصيـده .. فـي منـامـي واقعـيـه

يوم فليـت القماشـه .. فرفحـت .. منهـا .. حمامـه
وقمـت اصفـق مـن منامـي للحـلـوم iiالشاعـريـه




فنجال طيني
دايم .. أردد بين .. نفسـي وبينـي ii:
بيت ٍ لابن شعلان .. محكم .. وثاقه

( الشين شين .. وماكر الشين iiشيني
عدو جد .. ولا بقلبـك .. صداقـه )

شيه / التفت لي / حط عينك iiبعينـي
عمر المنافق ... مايخلـي .. iiنفاقـه

يومٍ .. تمدّحني .. ويوم .. iiتهجينـي
وهرجك .. على الوجهين مابه iiلباقه

مبطي / وانا اسمع بالرفيق iiالبطينـي
الين شفتك .. ماتحشـم .. الرفاقـة

إيه ادري انك بالكلام ... تعنيني ii...!!
لكني احمق ( لو ) بـداوي iiالحماقـه

سولف بكيفـك .. للمخاليـق iiفينـي
للطيب باب .. وللرديين ....... iiطاقه

اللي يبينـي / لا يخومـر / iiيجينـي
واللي يبي .. فرقا عيوني .. iiفراقـه


باقي .. معايه بيت .. بينـك وبينـي
راكب عليك / وهاك .. فكك وثاقـه :

( فنجال طيني / ماانت فنجال iiصينـي
تبرك مباريك الجمل ... وانت ناقـه )






التوقيع




04-17-2008, 04:00 AM رقم المشاركة : 2
معلومات العضو
الدبلوماسي
إدارة الساحـــات
إحصائية العضو








رد: الديوان المكتوب للشاعر / خلف المشعان العنزي


صريح العباره
( في ) : حرف جر .. ( وخاطري ) : إسم مجرور
( بالكسـره ) اللـي قدّرتـهـا .. ( عـبـاره ii)

جت .. من ( غشيم ) ، وقلت : عادي .. iiومعذور
وجت .. من ( حكيـم ) .. وقلـت : iiلاواخسـاره

حاولـت أصنّفهـا .. ضريبـه ،، علـى iiالنـور
لكـن .. بـدون اشعـار .. صـارت .. iiشـراره

هّبت رياح الظلـم .. واستلهـب الجـور .... !!
وجــارى دخَنْـهـا ... عاشقـيـن iiالاثــاره

فهمـت .. منهـا .. كيـف .. يتكـوّن iiالـزور
مـن نشأتـه .. حتـى .. حــدود iiانتـشـاره

وعرفت .. كيف اضحك .. وانا امووت .. iiمقهور
لامثّـل .. الـكـذاب .. " مشـهـد وقــاره ii"

يعنـي ( شطـاره ) قـال : أنـا فاهـم iiالـدور
مايـدري .. ان ( الـدور ) مـاهـو iiشـطـره

يجبر .. كسـر ( بيتـك ) إذا كـان .. iiمكسـور
لكـن ..( ضميـرك ).. كيـف جبـر iiانكسـاره

تدري ..!! ( بلاش ) ( تلف ) ( ونلـف ) ونـدور
تعال .. خذهـا ..! فـي (( صريـح العبـاره ))

ماني .. على هالشعر .. يالشيخ ..!! مجبور ii..!
عشان ( أدق حبـوب ) ( واشـرب زقـاره ) ii..!




مافي جديد
مافي جديد الا انها .. صارت مثل حـارة عبيـر
المومس اللي تبترم .. عصم الشـوارب iiحولهـا

ماحولها الا بيّها شايب ، ومشلـول ، iiوضريـر
من قلة الوالي .. إذن .. تفعل كما يحلـو iiلهـا

قَلّت حياها .. وارخصت حسنٍ وهبها الله iiمثيـر
. من ملعنتها لا مشت ( ترفع طرف مريولهـا ii)

من شافها يشهق نفس.. يرجع مع الزفره iiصفير
. ترمي الطيور من السما يـوم اتخايـل زولهـا

مثل المها .. لكنها عكس المهـا .. iiماتستذيـر
كل من يسره طولها .. سهله .. عليه iiيطولهـا

ماكنها الا مبخـرة وسـط المجالـس iiتستديـر
.. استغفر الله عن خطا كلمة .. بغيت اقولها ..!!

يبلغ عدد عشاقها جيشٍ مـن المرضـى iiغفيـر
... لفّت عليهم كلهم .. ماقصـروا .. iiغنولهـا

من مصطفى فهمي إلى أن ( صلّعت ) باحمد iiبدير
.... حَسبت نفسي بالحَرَم .. من كثر مالبو iiلهـا

لبيه يااحلى ( غندره ) لبيه .. ياالكـم iiالقصيـر
. احدٍ فدى شرّابها .. وأحـدٍ فـدى .. لنعولهـا

ول قبح الله من ردت نفسه على شروى ( غبير )
.. المومس اللي بينهم .. قامت تـدنّ iiحجولهـا

مافي جديـد بغيبتـي الا انهـا احسـن iiواخيْـر
.. من جيةٍ تبحث خفا الصاحين ، قبـل iiخبولهـا




الله يالدنيا
تقول: الله يالدنيا ‍!! غدى شاعر ، وله جمهـور=واقول : انتي قبل تطلع جماهيري تعرفيني
أنا ماني مثل نايف ، ولاضيدان بن منصـور =صحيح اني على قدي ، ولكنك تخبــريني
نسيتي يوم جبتيلي قصيده كلبوها كســور؟ =نسيتي قبل اخليها ( قصيده ) وشعطيتيني
صدق من قال : هالدنيا تدور وتكشف المستـور= ترى ماقلتها لحـّد ولكــنك جبرتيـــني
انا ماسعى ورى الشهره ولكني!خطفت النـور=كثير اللي عشق شعري مثل مانتي عشقـتيني
نعم مغرور ياهبله ! على مثلك نعـــم مغرور= واذا لك حاجة عندي خذيها لاتغثـــيـني
ومادامك تعرفين اني غديت الشاعر المشـهـور= أجل لاتشرهين اني أعرفك . لو صدفتيــني




درب المراجل
أنا فالملعبه يطري علي ان الحديث يقول :=دم المسلم على المسلم حرام وعرضه وماله
أنا فالملعبه هرجي يمر عقول دون عقول =عميلٍ مايجاريني يدورله من اشكـــاله
الامنه حشم نفسه عن الزله مهو مخـــذول= والامن ضاعت علـــومه تركته يشرب دلالــه
أنا ماقول من قدي ؟ ولاني من السما مرسول =ولكن من يبي يلعب .. يناظر منهو قبـاله
ولد من يعتزى فيه ويحل وينقض المفتــول= أنا منهو على درب المراجل يسحبه خـاله
أنا منهو عشق لعب القوافي داخل الزهمول= وانا من جبر كسور القصيد وقام يبراله
أنا من طوّح سيوف النشامى سيفه المصقول = الامن قال: ( خلوها ) سرى ياليل مواله
أنا ماحلحلو حيلي ولوهم حاولوني حول=أحلّ حيلّ من حاول معايه .. يبلش بحاله
وش المعقول ؟ لاقالو تقول اللي مهو معقول =كثر ماقيل ذا قولي ولا قبلي أحد قاله
قصيده لو عرضتوها على صياف وشبيقول....؟= اذاهي طافت حبيّب ولامرت على بـاله
وانا فالملعبه تطلع علومي والحديث يطول =ولكن من يبي لعب معايه يفهق عقاله




الشمالي ضاق صدره
الشمالي ضاق صدره .. لا تقول انه شمالي = وشبقى له من جهاته ..دام ضاقت من شمال ..؟
طعنةٍ جت من قريب .. وقلت عيب .....وما طرالي = يعلم الله ماتضايق .. لو ترك فيها مجال
مير اشوفه قام يطعن .. ناسي انه .. من خوالي = والولد لا من تردى ... ينسبونه للخوال
كنت احسبه .. لي يمين ... وهاقيٍ .. يرفى خمــالي = واثره يدوّر عليـّه ... بد خلق الله ...خمــال
ول ياكبر المصيبه .. لا انصدمت .. بشخص غالي = ما ورى ضحك الحريم .. ولا ورى ضيم الرجال
وشبقول اليا نشدوني قوم شامـِت كيف حالي ..!! = كيف ابقدر.. للاجابه .. دامها .. نفس الســؤال
ان سكت الناس تسأل ..ليه؟وش بي؟وش جرالي..؟ =وان حكيت اوجعت نفسي وقلت شيٍ مايقال
ادري اني لو ضربتك ...ما كسبت ...الهملالي ......؟ = وادري ..اني لو تركتك ..خابر ٍ ذبحك حلال
بس انا ماني غشيم .. ودام ... قدري بالعلالي ..!! = ليه أوطي راس حرفي .. ليه اطول بالجدال
لو يضيق الصدر الاقشر .. باقي ٍ طبعي شمالي = لو تضيق اربع .. جهات .. ولو تجيني من شمال




قصــيده / مالها داعــــي
هنا أوضاعي / هنا أوجاعي/ وهنا أطماعي فبعض أشياء =هنا ـ وكل ماهنا يعني :قصــيده مالها داعي ...!
يــَ سـِـيدي كل ماحاول أصححها تزيد أخطـــاء ..!! =ولا في بيت .. تستجري ... حــروفه .. تكـــسب اقناعي
وش اكتبلك ؟؟ وانا خــايف .. بعـد مكتب .. من الامضـــاء ......!! =تحت .. ( صدق ) اعترافات القصـــيد .. بمحضر ابداعي
وش اكتبلك ؟؟ وانا عــاجز أحس .. برغـــبة القراء =وش اكتبلك ؟؟ ( واشاعات الخليقة ) تلوي ذراعي
كرهت الشعر .. واتعبني المديح ... وغـــثني الاطــراء ....!! =وصلت .. أعلى الهـــرم .. يمكن ..!! ولكن .. وينها اتباعي ؟
فهــد ــ عايد ــ عـلي ــ زايد ........ كثير أسمــاء .......!! =هنا كانت .. مشاعرهـم .. تضــج .. وتطرب اسماعي
هنا .. شاف الولد نفسه .. ( وشــاعـ ) وعشمووه ( براء ) =وهنا .. ( ضاع ) وبدى يكــتب ... قصايد .. مالها داعي




الوايلي .. و الشمري .. و الظفيري
ماني معين خير تصـبح على خيـر=النـــوم بعيـــوني شرارن يطــيري
أشوف بعيوني غيوم التعــابير =غــطــــت سمانا بالحفـــر والصفيري
صبت وهبت بالمعاني أعاصـير = تبــرق وترعـــد من خفايا ضميــري
تسقي النداوي حشمتله ...وتقــدير= وتـرمي بـردها فـوق راسٍ كــبيري
ياهيه ..ويـنك ون عكف المناقــير لاصـرت ماتقدر تصـــيد القــــميري
ودك تصير ..ومـنت داري وش ايـصيــر=تــوك على درب المراجـل ..صـغيري
أهـل الشمال إن جوك ماتصبـح بخــير= من وايلي ..من شـمري ..من ظفــيري
يجيك جيش من القوافي طــوابـير=قبل تحـــك الراس .... راســـك يطـــيري
الكلمة اللي قلتها دون تفكـــــير =عشــان تفهم .. منزلقها .. خــطـــيري
ماثقلت على النخل .. وقـفة الطـــــير=لكــن يغث الغثـن كثــر الصفـــيري
وضحتلك هالحين والباقي اكـــــثـــير=ماهــو حـــــكيلاشك فعلن كثــيري

السلام عليكم ورحمة الله وبركاته



بما انه احسن شاعر عندي حبيت انكم تقروأن شعره 000



خلف المشعان 000









هذا جزايه 0000


ياخالد الشتفان .. قلي وش الراي = ماغيرك لياحترت .. دورت رايه
:
:
رايك سراجي .. في دهاليز ظلماي= قبل الشعر يبحث خفاك .. وخفايه
:
:
كنت اول اللي يقتنص لي خطاياي =بس آخر اللي .. يفرحون بخطايه
:
:
ياكثر مااشكي لك .. وتسمع لشكواي= وياكثر مااشقيتك ، بسبة شقايه
:
:
قلبك على قلبي .. وممشاك ممشاي= كم لي بقلبك ماتزحزح .. غلايه
:
:
بالرغم .. من كثر الرفاقه بدنياي = إلا أنك اصدق ، من يلبي .. ندايه
:
:
يامحزمي بالوقت الاقشر ويمناي = يااعز من يدفع.. رضاه لرضايه
:
:
ماجيت أغني لك لجل تسمع غناي = ولاجيت أبرهِن بالقصايد .. وفايه
:
:
جيتك لأنك عارف أقصاي ، وادناي= وابخص من عيوني بشوف اخويايه
:
:
تعبت ياخالد .. وجيتك من اقصاي = تايه .. ولاني عن نصايحك .. تايه
:
:
مرات أحس القاع .. تضحك على اخطاي = ومرات احس اخطاي .. تضحك ورايه
:
:
ماعدت اميز صف ربعي من اعداي = ياكم .. عدوٍ .. كان أعز اصدقايه
:
:
ماكان يحلم في حياته بلقيااااي = وأقصى طموحه يوم يمشي معايه
:
:
واليالتقابي .. واكتشف طيب ملقاي :=. رقى على متني .. وهذا .. جزايه
:
:
مافادني ظني وطيبة نواياي ..!!=صرت الوسيله .. بعد ماكنت غايه
:
:
ياخالد الشتفان .. قلي وش الراي =ماغيرك الياحترت .. دوّرت رايه



يحليله .. دن حجيله 00



يحليله .. دن حجيله … / … دن حجيله .. يحليله = يحليله .. دن حجيله … / … مدري وشلون التالي
:
:
:


قبل البدو تقصدها … / … وطرت علي الليله = ماعرف وش تاليها … / … لكنها ..... في باااالي
:
:
:


( عارف ) هو اللي عارف ... / ... والا مطر ( بعديله ) =( يبو قظاظه بيضا ) ..../ ....ماعيبت شمالي

:
:


هالحزن ماهو دايم .../ ... لو جاب لي كل حيله = ربك يبي يفرجها …/... لكن ....!! .. بونّس حاااالي
:
:
:


وازعج لهم بالحنده … / .. صكولها يجهيله =مال الزمن ( ياحصه ) .. / .. مامال غير عقااالي
:
:
:


كيدِ لهم .. بغني ... / ... ياناقض الجديله = والله لعمّر سلّم ../ ..وارقى ع الضلع العالي
:
:
:


وارجع على موالي ... دِنْ دِنْ .. دَنّ حجيله = باكر تشيب عيوني.. / . وأقولها .. لعيالي







إعتك اف المق برة !!


أوّل عشقتك آنسه ... واليوم ، آسف .. يامدام = نخلة غرامك أضمرت .... صعبه تعوّد مثمره
:
:
:
صعب أتجاهل واقعي ،، وامشي معك دربٍ ظلام = ماكل غيمه بالسما .... تبرق وترعد ممطره
:
:
:
صعبه بعد ( حكم الزمن تستأنفي ذاك الغرام = من وين أبصنعلك ( غلا )واشواق قلبي مدبره
:
:
:
مافي سجود الا ( السهو ) ياغافله بعد السلام = ومافي شبيه لرجعتك الا (( اعتكاف المقبره ))
:
:
:
لاتزعجيني وازعجك .. جرحي على وجه التئااام = وكسري جبر ،، لوهو خطا .. ماودي ارجع واكسره
:
:
:
انسي معي ( ياآنسه ) عفواً انا قصدي مدام =شخصٍ عيونه انعمت ... ماله ومال المنظره





صدر الشمالي000

يقولون العرب صدر الشمالي .. مايضيق بساع = وانا اقول الصدور اليوم .. ماعادت شماليه





بدت في داخلي ضيقه عجزت القالها مطلاع = تغيب . وترجع .. وترجع تغيب ... ومالها نيه









عمتني كلمة ٍ جتني . وضقت .. وضاق صدر القاع = الا يالله لاتجزى غشيم ٍ .. قالها فيّه










لهو صفاع .. ياربي .. ولاهو للعرب نفاع =بلاني وابتلى حاله ... وبعض الناس مبليه






نهيته قبل هالمره .. يخلي سيرتي .. ماطاع = الا يالعنبو جد القصيد .. ولعنبو بيه









ضعيف النفس ( نسونجي ) يشوف بعينه الاطباع = يحسبني مثل ربعه .... يسوق بضاعته ليه









انا اشري .. لابغيت اشري .. ولاني مساوم البياع = الى من قاللي ميه .. عطيته فوقها ميه









انا اكتب .. لجل من يقرا .. ولاارجي من يقول ابداع =وابد لاتحسبن مثلك يشكلي أهميه






ترى ياهيه .. لامني نويتك .. بس اطق اصباع = يجيني الف شيطان ... ووراهم الف جنيه







أجرك من طرف حرفك .. وارد الصاع مية صاع = جنون القاف ... ارقصها ... على راسك .. هجائيه






يويلك لو توليتك .. وربي .. مالك الشفاع = يجيك من القصيد .. احسب ...... 300 ،،، 300





ولكن .. خلك بحالك .. مادام ان الصدور وساع = ترى للحين ماضاقت ولسعها .. شماليه






خلك شمالي .. والعن الشيطان 000





يقول المرتكي : خلك شمالي .. والعن الشيطان =تركد وامسك اعصابك وهد ونوّخ جنوونك






ويقول المرتهي بعض السوالف ياولد نقصاان =تراك تغالط العالم ... ولاظنيت يتلونك






ومدام الناس ماتدري وش اللي مضايق المشعان =ابنخى اللي ليامني نخيته .. قال : لعيونك





ابنخى الحرف يترجل ويربط جعبة القيفان =يهز القاع لامنه ضربها وصااح ماخونك





انا ياحرف ماخبرك تروغ بساحة الميدان =ابيك تزعزع قلوب الرجال وتظهر افنونك





ابيك الناهر/ القاهر / ابيك تطهر الادران =ابيك الباهر / الظاهر/ لخلق الله يشوفونك





ابيك الكافي / الوافي / ابيك الضافي / المليان =ابي لاعدو اهل الشعر .. بأولهم يعدووونك





ابيك تضحك ( الباكي ) وابيك تبكي ( الفرحان ) =ابي من لايهابونك .. يعرفون .. ويهابونك





ابيك اتعلم الغافل / أو السافل / أو ايا كان =وابيك تحشّم وجيه الرجال ومن يحبوونك





تفنن والعب بكيفك مادام ان عزوتك ويلان =الى من صارت ( الهيّه ) يفزون و يعزونك





اهل حكم وسيادتهم من اول لاخر الازمااان =يحق الك الفخر فيهم وهم للموت من دونك





يهيه .. افهم ترى مابي عليك اضحك العربان =وربي لو دخلت بكل ربعك مايفكونك





عمت عينك عن الدرب ودخلت بساحتي حفياان =تحمل عاد ماجاك / ويجيك / وحسّب ديونك





ترى الي يشري بماله لحاله علته خسران =وانا والله وراي اللي يبيعونك / ويشرونك





ترى بالما ( تماسيح ) و تحت هاك الشجر ( ديبان ) =نصحتك تفهم المعنى صحيح ولايغشونك





هنا .. من لا نتهى مما نهوه اهل الهوى ينهان =هنا.. منهم يحشمونك تراهم مايحشمونك





ترى ماعادني خبرك شمالي .. واسفه الغلطان =نسيت اطباع جداني وربعي .. بس لعيونك





قسم باللي خلق سبع الاراضي وانزل القرآن … =لخلي كل من يجهل عقب هذي يعرفونك
يتبع

ماهي بشارة للعرب .. طيحة الثور ..!!





ماهي بشاره .. لو زعل .. عارف سرور
. شوفة عزيز ٍ .. ذل .. بيدين .. كافر
:
:
معذور ابو طارق .. ولا هو .. بمعذور
حنا العرب ... مبطي نعيش .. بتنافر
:
:
مهما بلغ صدام .. من مبلغ الجوووور
ياناس .. لاتنسون .. للذنب .. غافر
:
:

صدام مسلم .. إيه مسلم .. ومكسور !!!
وجه الفضيحه .. ياهل العرف سافِر
:
:

والله .. مايدرى على منهو .. الدوور
اللي وقع .. في حفرته .. كان حافر
:
:

أكبر مصيبه .. للعرب طيحة الثوور
على الأقل ..ينطح .. ويقدر .. يعافر
:
:

وماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافر









{ ( .. المواقف .. الرمضانية .. ) }

الموقف الأول


البارحه رحت .. اتقضى من .. السوق
// .. هل رمضان ورحت اجيب المقاضي

لقيت لي واحد .. من الربع مطفوق
// .. اسمه اذا ماني بغلطان .. راضي

سلم علي .. وصار يطلبني .. حقوق
// .. تقول انا مذنب وهالأخ .. قاضي

جلس يسمعني .. من الشعر .. طاروق
// .. وانا ورايه شغل .. مانيب فاضي

يقول هذا البيت : .. ماهو بمسرووق :
// .. " يانوض قلبي نوض براق ناضي " ؟

حاولت اجيه بذوق .. مافاد به .. ذوق
// .. ولا فاد به .. تلميحتي واعتراضي

قلت العفو !! ياخوك انا الحين مزنوق
// .. والشعر كله .. صارلي فعل ماضي

صدري على وجه الشهر صار به ضوق
.. // .. رغم ان خلقي .. كان جداً رياضي

الا انه اجبرني .. اخلي له .. السوق
// .. جانا رمضان ولا شريت المقاضي






الموقف الثاني :

كم لي شهر.. ماشفت .. حامد .. وفرحان
// .. ربع ٍ .. لياغاب الخوي .. يفقدوونه

رغم انهم .. ماهم .. بعيدين .. جيران
// .. حامد ورى المسجد .. وفرحان دوونه

إلا انّ هالدنيا .. خذت .. عقل الانسان
. // .. ونابت أذانه .. عن مهمة عيووووونه

أصبح فلان .. اليوم .. يسمع عن فلان
// .. وكلٍ سعى في هالحياة .. بشؤووونه

دنيا المشاغل .. فرقت .. بين الاخوان
// .. يموت ابوهم .. والعزى .. مايجووونه

رحمااااك .. ياربي ونسألك .. الاحسان
// .. نطلبك .. عن هول الزمان .. المعوونه

اليوم ( صدفه ) شفت حامد .. وفرحان
// .. بالمسجد .. اللي توّهم .. يدخلوووونه

قبل رمضان .. تشوف به خمس شيبااان
// .. واليوم كل الحي .. صاروا يجووووونه



الموقف الثالث :


قبل الفطور بربع ساعه اتخبرون
// .. كلٍ .. ببيته .. للفطور .. يتولم

وانا تورطت بهديفه ,, ومجنوون
// .. تصادموا .. والكل قام .. يتظلم

هذا يقول أنت آعَمى مالك عيون
// .. وهذاك .. من هول الفجيعه تبلم

قدام بيتي .. قلت يالربع تدرووون
// .. تفضلوا بعد الفطور .. نتكلم

عيا الهديفه قلت له : طيب شلون
// .. نبقى هنا ؟؟ قال ايه ، قلت اتحلم

لو ننتظر لين الحكومة يمروووون
// .. كد للإمام من التراويح .. سلم

قلت اسمعوا .. وش رايكم لو تطسووووون
// .. مدري متى .. شعب الخليج يتعلم




الموقف الرابع

محدٍ بهالعالم من الذنب معصوووووم
// .. نسألك .. يارب العباد .. السلامه

بعض البشر بوزه على الصبح ملموم
// .. نفسه بخشمه .. لا اقعدوه .. لدوامه

تلقى " فرامل خلقه " الصبح معدوم
.. // .. وعاجز لسانه .. لا يربّط .. حزامه

وبعض البشر لا نام ماوده يقوووووم
// .. يقضي عبادات .. الصيام بمنامه ..!!

يجمع صلاته يوم يقعد من النوووووم
// .. ويطلب لقا ربّه .. بيوم القيامه ..!!

لاصار صومه نوم .. وشوله يصووم
. // .. ربه .. ترى ماهو .. بحاجة صيامه

وبعض البشر عن ماذكرناه محشووم
// .. يتعب على صوم رمضان .. وقيامه


الموقف الخامس


السالفه .. ماهي بحاجة .. لتصعيد
// .. موقفك .. جاهز .. منتهي .. ما يبيله

لااتجيب فينا العيد .. بدري على العيد
. // .. .. قدامنا .. سته وعشرين .... ليله ..!!

ياصاحبي سرْعَتْك كل مالها .. اتزيد
// .. خفف .. ترى كلٍ .. تحراه .. عيله


كانك تدور صيد .. ماعاد به صيد ..!!
// .. فرّطت .. في شهر ٍ فضيل .. بفضيله ..!!

من قالك ؟؟ تسهر .. وتعطي .. مواعيد ؟؟
// .. حتى لو انك .. ماانت راعي .. طويله

والله لو بيدنا .. عطيناك .. تم ديد ..
// .. لكنّه .. اذّن .. مالنا فيه .. حي له

بس ه دّ .. تكفى .. لا تحضّر بنا العيد
// .. .. قدامنا .. سته وعشرين .... ليله .. !!



الموقف السادس


...................



الموقف السابع :


الموقف .. السابع .. عن انسان مسكين
// .. رُبَى يتيم .. وكان .. رابع خواته

أبوه مات .. وماترك .. لامهم .. شين ..!!
// .. ماغير .. رحمة ربهم .. في وصاته

عاشوا على .. شغل امهم .. بالفساتين
// .. وياحسين ود الثوب .. ياحسين هاته

باول حياته .. جرب الشين .. والشين ..!!
// .. هو فيه .. زين يجربه .. في حياته !!

ان راح يلعب .. عيروووه الوراعين ..!!
// .. واذا .. رجع للبيت .. مو .. من .. حلاته

يسمع " كلام امه " .. عن الفقر والدين ..!!
// .. ويضيق فيه الكون .. باربع .. جهاته

يعني بنت مستقبله .. دمعة .. العين ...!!
// .. ماعاد .. تفرق .. عن حياته .. مماته .. !!

كُبر .. وصار .. اكبر حرامي .. دكاكين ..!!
// .. يسمع .. بفقر الذيب .. والا .. غناته ....!!

لين اكفشوه .. وصارله .. أربع سنين .....!!
// .. يدعي ... لرب البيت .. بآخر .. صلاته :

يارب .. تشملني .. (( بعفو .. المساجين .. .. ))
.. وتفرج عن اللي .. يرتجنّه .. خواته ..!!




الموقف الثامن :


في ليلة الثامن .. بدينا بالاهمال .......
// .. وصار الشهر .. عند الكثيرين عادي

مدري !! بدينا ننتظر شهر شواال ......!!
// .. والا شهر شوال بالفعل بادي .. ؟؟

يعني بدال نصير نخلص بالاعمال ........!!
.. نزداد عن رب العباد .. ابتعادي ..؟؟

عن التراويح .. نتعذر .. بالاشغال .......!!
// .. واشغالنا مابين ... سوق ونواادي

غزل .. اتمشي .. مشترى .. كذب .. تفصال
. // .. " حراء " طبعا غير .. " سوق البوااادي "

غزل .. ( على وِدنه ) .. وترقيم .. واهبال
// .. ومحاضرة .. للشيخ .. جوهر .. عبادي

استغفر الله .. وأسأله .. يرحم الحااال
// .. صرنا بوادي .. والعباده .. بوادي ..!!









الموقف التاسع :

دايم .. الياقالوا : (( شباب .. وعلى الدين )) ..!!
// .. أسكت .. على بالي .. فهمت العباره ..!!

أدري بها .. زينه .. !! .. ومفهومها .. زين .....!!
// .. واكيد .. واضح .. مايبيله .. شطاره .. !!

( واحد رقم )..( زايد ) .. ( رقم واحد ).... ( اثنين )
// .. لكن .. مهو كل .. الكلام .. استعاره .. !!

يعني .. مثل : لا قلت لك .../ ... صل .. هالحين ..!!
// .. هي نفسها .. لا قلت : .. ولع زقاره .. ؟؟

وش دخّل .. اهل الدين .. ب ( محمد .............. )
// .. اللي .. فقع .. في .. كبد ابوه .. المراره !!

" عزَب هتيم " .. ( ........................................ )
// .. لا دك .. في غزوه .. ولا فك .. غاره ...!!

مافيه شي .. اسمه / .. شبابٍ .. على .. الدين ..!!
// .. إلا .. شباب ٍ .. يستحق .. .. العباره ..!!

شفهم .. !! .. اليَ ذ ّن .. ينقلون .. الكراتين
// .. ويفطّرون .. الناس .. عند .. الإشاره ..!!

الموقف العاشر :



ثلث .. الشهر .. عدى .. وعدت .. لياليه
// .. مسكين .. يامن في معاصيه .. لاهي

كلْ م الشهر .. ينقص .. يزيدن .. معاصيه
.. ويزداد .. مع زود المعاصي .. تباهي

من لا هداه الله .. وسمح .. خطاويه ....!!
// .. مايردعه .. عن منكر الفعل .. ناهي

ليل الشهر .. بين البرامج .. يقضّيه ...!!
// .. متحطم .. ( بهيفا ) .. ومعجب ( بزاهي )

محتار .. مايدري وش اللي .. ينقيّه ..!!
// .. مثل .. اليتيم .. اليادخل .. بالملاهي

من " مهزلة طاش " .. " لسخافة .. دق دّ يه "
// .. لقريقعان .. وغانيات .. المقاهي ...!!

صارت .. تردد بينهم .. كلمة " أ و مبيه "
// .. يالله تحفظ .. عقولنا .. مثل ماهي ..!!

كن الشهر .. موسم .. برامج .. وترفيه ..!!
// .. من فاهية وجه ٍ .. إلى وجه .. فاهي

ويالله .. تثبتنا .. فباقي .. // .. لياليه ..!!
// .. وتذكّر اللي .. عن عبادتك .. ساهي





الموقف 11 :


ايوالله .. اذكر طلته .. ياحليله ..!!
// .. كان الشهر .. مع طلته .. متخاوي

يطلع على وقت اجتماع العيله ..!!
// .. يروي لنا .. والله .... ونعم الراوي ..!!

لا من طلع برنامجه .. نصغيله ..!!
// .. شيخٍ عن امراض القلوب يداوي !!

اذكر " بنان " الياحكى ,, تطريله ..!!
// .. واذكر .. بعد في وقتها .. شي ساوي

ينسى .. يحسب غتيرته .. منديله ..!!
// .. يمسح بها دمع العيون .. الهااااوي

اذكر .. كثير .. وجيتكم .. داعيله ..!!
الله يرحم .. شيخنا .. الطنطاوي .. !!



الموقف 12 :



خلو ملاك تصلي .. لا تحرموها الجنه ..!!
ياويلكم .. من ربي .. يااهل الحسد .. خلوها ..

حتى الصلاة لربي .. صارت بعد .. بالمنه
// .. مو زين يطلع منها ؟؟ .. بعض العرب نسيوها

تحجبت .. من بدري .. تبي مع اهل السنه
// .. تلحق صلاة المسجد .. واخوانها .. ردوووها

وهي عادةً .. لا قالت : تنه .. ف يعني .. تنه
// .. لامن .. بغتهم .. شغله .. تسابقوا .. جابووها

البارحه .. مانامت .. وبعذرها .. منجنه ......!!
// .. عيو عليها تصلي .. جت تشتكي .. ل بوها

يبه .. يبه .. !!

وش علمك ..؟؟

يبا .. احسدوني .. الجنه ..
.. منهم .. ؟؟ هذولا شفهم .. وجع .. وجع .. خلوها

ودو ملاك المسجد .. لا تحرموها منه ..!!
ياويلكم .. من ربي .. يااهل الحسد .. ودوها ..




الموقف 13 :

ماكنت ابكشف عن خفا عارف سرور
لكن هو اللي .. قام .. يبحث خفايه

يعني على كشْف الورق صرت مجبور
وهذا جزى اللي .. .. لف ذيله معايه

على الفطور البارحه .. جاني .. الدور
وبلغت ابو طارق .. وكل .. خويايه

سلطان يشهد .. ماحصل مني قصور
والحر .. كزه .. مايبيله .. وصايه

انا اشهد انه ماهو بشاهدٍ زوووور
افطر معاي .. وشاف كل .. الحكايه ..!!

مااحدٍ حظر غيره .. وسلطان مخبور
.. اما يجي .. أو يعتذر .. بالبدايه .. !!

بس البلا اللي .. داخل البيت .. محصور
ان مسمحت له .. عاد ماهو خطايه


الموقف 14 :



الناس .. من تصبح .. يقولون .. يارب ..
. // .. يارب .. تصلح حالنا .. واتهدينا

وانا اصطبحت ولا طرالي .. أبد .. سب
// .. الين شفت اليوم .. بنت اللذينا

قدام خلق الله تشرب .. ( سفن أب ) ..!!
// .. يدري بها الله .. عاد .. لو مادرينا

ما حقها تشتيم .. ذي حقها .. د َ ب
// .. حرام .. هالأشكال .. منا .. وفينا

هذي هي .. اللي بالشهر مالها .. طب
.. يالله .. انا طالبك .. لا تبتلينا





الموقف 15


خمسة عشر موقف .. كتبت بشظايا
// .. أولهن .. أول يوم .. وأتلاهن اليوم


من منطلق والهام .. حسن .. النوايا
// .. ماهمني .. شهره .. ولا همني .. لوم


كتبتها .. والله عليم .. بخف ايا
// .. ماني بها .. مجبر .. ولاني .. بملزوم


غير انها .. لله .. رب البراااايا .. /
.. مواقف ٍ .. يشهد بها .. أصغر القووم


كتبتها .. من باب .. طيب السجايا
يالله تقبلها .. وتقبل لنا الصووووم

ناس/ن ذليله



إن كنت تنشد يالمسيكي .. عن الحال
مالي على .. كتمانها عنك .. حيله


الصبر عن بوح الاحاسيس .. قتال
والبوح في بعض المواقف ، فشيله


لو كل مايطري على البال ينقال
ماكان شفت ان الثقيله .... ثقيله


ابطيت اكافح ضيقة البال بالبال
. وادفع بلا .. هاجوسها كل .. ليله


لين اقبلت مثل .. السحابه بهمال
تشفي غليل اللي .. تزايد غليله


طاحت ، ولاْوفق من حناياك منزال
وابطلبك .. يابدر ( تكمى ) المخيله


ان قيل ترعد .. قلهم : صوت زلزال
وان قيل تبرق .. شف لها ادناة حيله


مابي .. تناقلها هل القيل والقال
.. وتصير من بعد القصيره .. طويله



يابدر .. ماني عال .. لو صحتي عال
.. شفني من الصدمات نفسي عليله


اشيل حملٍ .. لو يشيلنه .. جبال
.. الله ، وامانه .. غير تصبح نثيله


أرمي .. من هموم الزمن .. واسحب أدبال
وانزل عن ( الجوكر ) وغيري يشيله


من كثر ماشفت بحياتي من انذال ....!!
.. بديت اشك ان النذاله ... فضيله


ماطاح من عيني رجل ..!! طاحوا .. رجال
ورجال ( يابن حنيف ) ماهي قليله


اقرب من اللي قالهم ضمن ماقال .. :
راكان بن حثلين .. راعي الجزيله


( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )


سبحان منهو يابد غيّر الحال ..!!
. .. وحط الجفا بين الخليل .. وخليله

هذا الزمن يبغاله .. لسان دلاّل .. !
من يستحي هالوقت .. واعزتي له


وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!


ومن كان ساسه للردى مضرب امثال
اليوم .. يحسب من كبار القبيله ..!!


المال .. يابن حنيف ملعون .. ابو المال
// .. ذل العزيز .. وعز .. ناسٍ ذليله ...!!






يازول ابو يه





;يازول ابو يه .. شفتها من هالايام
وعز الله اني قلت ماهي .. خليه


وحق الله اني قلتها من اول شمام
تبت يدا عارف .... وتبت يديه



لومالظروف اركت علينا بالاحكام
ماكان ثارت بندق اللوم فيه


محشوم عن فعل الردى يابن الاكرام
أردى فعولك يوم تذبح .. شليه


مابك ردى حيشاك ... ياطير غنام
.. صيدك سمين ولا تصيد ... الرديه


رمت المراجل من صغر سنك ريام
حاشا قدم رجلك .. تدوس الخطيه

بك نخوة عتيبه وفزعة بني يام
وبك من طنا شمر وطيب السميه

وايل من ورى دور الاسلام
ماخاب منهو عزوته ، وايليه


ربعي لياصار اللقا .. درع وحزام
للضيف ريف وللمعادين .. سيه


يالدهمشي .. ماهي تماثيل وافلام
طيبك فخر مابين الاجناب ليه


عزالله اني .. قلتها من اول شمام
اردى فعولك يوم تذبح .. شليه




ياآوادم .. مايقارن مع .. طلال ..!!








كل مقال .. له مقام ../ .. وكل مقامٍ .. له مقال
والمقال اللي قريته .. شيئ ماهو .. منطقي

:
:

كنت باسوأ حال.. لكن ..!! صرت أكثر سوء حال
من قريت العلم الاقشر .. مات حبري .. بورقي

:
:
من نثر دمع الطنايا .. من حرق .. دم الخوال
عبرة الحزن المؤكد .. لو سمحتي .. انطقي
:
:


موت ذكرى .. ياآوادم .. مايقارن مع .. طلال
وش يجيب .. الدمبكيه .. جنب .. رجالٍ تقي


:
:
وش يجيب اردى العذارى لا طلق وجيه الرجال
.. بعدها مليون يطلع .. مير بعده .. وش بقي

:
:

موتها واستغفر الله عن بعض كلمه .. حلال
الحرام يموت فارس .. موت .. ماهو .. منطقي

ياااااااااااااااخفّ .. جرحك ..!!



الشعر .. بوح .. وهاجسي .. يكره البوح
وشلون .. يلقى .. كاره البوح .. راحه ؟؟



الطعنه .. اللي .. حاولت .. تاخذ الروح
...... ماخلت .. بصدر .. الشمالي .. مساحه .!!



ياضيقةٍ .. صارت معي وين .. ماروووح
....... بعض الصراحه .. منك ... توجع .. صراحه



لكن حبيبك ماتعود .. على .. النوح
..... ياخفّ جرحك .. بين .. باقي .. جرااااحه


بعض الجروح نحبها ... لوهي جروح
...... يسعد مسا جرحك ... ويسعد صباحه


مسموح لو توجع .. خطاياك مسموح
حكم الخطايا .. منك .. فيني .. مباحه


حتى .. ولو قلبي .. بيدّيك .. مذبووووح
.... يضحك .. وكنه .. جالس .. باسترااااااحه





ويسهر الخلق جراها ويختصم ُ ..!!


ماودي أسأل .. ليش تبكي .. قصايدك
..... ماهو جديد .. ان كان هذا .. جديدك

/
\

ياما بكى شعرك .. وهذي .. عوايدك
...... الحزن .. دايم .. ما يفارق .. قصيدك
/
\

كلن خذلك .. وناقصن فيه .. زايدك
........ انت المراجل .. عن بعضهم .. تزيدك
/
\

ياللي المعاني .. جوهرة في قلايدك
........... قم .. قلد القيفان .. جوهر .. فريدك
/
\

الناس تسهر .. تختصم في شرايدك
واينام جفنك .. ما سأل عن .. شريدك
/
\

عيد الحزن .. ما بيه دايم .. يعايدك
...... من كل قلبي قلت : لا ع اد عيدك







ماهي بشارة للعرب .. طيحة الثور ..!!



ماهي بشاره .. لو زعل .. عارف سرور
........ شوفة عزيز ٍ .. ذل .. بيدين .. كافر
:
:

معذور ابو طارق .. ولا هو .. بمعذور
حنا العرب ... مبطي نعيش .. بتنافر
:
:

مهما بلغ صدام .. من مبلغ الجوووور
......... ياناس .. لاتنسون .. للذنب .. غافر
:
:

صدام مسلم .. إيه مسلم .. ومكسور !!!
......... وجه الفضيحه .. ياهل العرف سافِر
:
:

والله .. مايدرى على منهو .. الدوور
......... اللي وقع .. في حفرته .. كان حافر
:
:

أكبر مصيبه .. للعرب طيحة الثوور
على الأقل ..ينطح .. ويقدر .. يعافر
:
:

وماهي بشاره .. لو زعل .. عارف سرور
...... شوفة عزيز ٍ .. ذل .. بيدين .. كافر














أوفى من قلوب .. البنات الأرامل ..!!


صوت حزين :

تعاملي احسن تعامل / قلبي اوفى قلب / نواياي اصدق نوايا / شعوري انبل شعور / وان كان غلطت او قسيت عليك / انت السبب لانك تستحق


:
:
:

صدااااااااااااااااااااااااااااااه :




اما أنا .. ماشوف حسْن بتعاملك
........./ .. عمر الجفا ماكان أحسن تعامل ...!!

/
\

قلبك وفي .. فعلا ولاني مجاملك
.... / .. أوفى من قلوب البنات الأرامل ...!!


/
\

اما النوايا .. صادقه في تحاملك
...../ .. عاقر خطايه من تجنيك حامل ... !!


/
\

هذا الشعور .. اللي كتبته باناملك
../ .. أنبل شعور اقدر أسميه خامل ..!!


/
\

أما الغلط .. هذا هو اللي مزاملك
...../ .. لولا الغلط .. ياسيدي كنت كامل .!!

/
\


انا السبب .. في مملكة مابها ملك
../ .. لنّ الملك ماهو على الحب صامل



\
/


ايه استحق .. اللي ذكرت بتعاملك
... / .. دام الجفا .. مقياس حسن التعامل ..!!

المعرضة : بين القوايم .. والاطراف ..!!


بقول يامانع واذا قلتها حاف =....... هذا لأنك .. يعلم الله غالي

:
:


لوماالقلوب نظاف .. وعقولنا نظاف =....... ماكان صدرك يالشمالي .. شمالي


:
:


ناظر قدَم عينك .. ولا تنظر خلاف =......... لاتعتجل يالذيب مثل اعتجالي



:
:

لو صرّح حبيّب بحبه لصياف =....... ماكان يحلا لعبهم .. ياحلالي


:
:


والمعرضه بين " القوايم والاطراف " =.... صعب التواضع في حضور التعالي



:
:


ماهي بطعنة كتف واردها ارعاف =....... هرجٍ وراي .. وكلمتين ٍ اقبالي


:
:


ماخفت غير يقال : يمكن خلف خاف=........ وانا من اللي حاميين التوالي


:
:



مالي هدف لو قيل حققت الاهداف =........... جيتك على نية ومن طيب فالي



:
:

اجمع غلا ( ساير ) وحبي ( لنواف ) =...... لجل تعرف .. ( ياواااااال ) ؟ وش كثر .. غالي ؟؟







{ هلو .. سه ..!! }

تسأليني من أنا ؟ مدري انا منهو أكووون !! =....... تعقّدت هالمسأله ،، وازريت الاقي حلها



جايز تقولي : ( هلوسه ) والا تسميها جنون !! =.... أو تعجبي !! لو قلتلك : نخله تشح بظلها


أعمى . ويطلب منظره ! أخرس يبيهم يفهمووون !! =.. واطرش ! حسبها اغنيه . يقول : مسمع علها


سمرا ودايم تكتحل .! تبغى الحمايل يخطبون !! =..... شينه ، ولاينفعبها ، فيها القباحه كلها ..



هذي حكاية قريتي ، رغم التعاسه يضحكووون !! =جيلٍ تبع جيل وبقى حبل السنين يتلها


ولاتسأليني ليمتى ؟؟ تبقى اجاباتي ظنوووون !! =لاجيت احلحل عقدتي يصرخ زماني : خلها




{ نعم مغرور }

.
.
.
تقول: الله يالدنيا ‍!! غدى شاعر ، وله جمهور =.... واقول : انتي قبل تطلع جماهيري تعرفيني


أنا ماني مثل نايف ، ولاضيدان بن منصور =..... صحيح اني على قدي ، ولكنك تخبريني


نسيتي يوم جبتيلي قصيده كلبوها كسور؟ =نسيتي قبل اخليها ( قصيده ) وشعطيتيني


صدق من قال : هالدنيا تدور وتكشف المستور =.... ترى ماقلتها لحّد ولكنك جبرتيني


انا ماسعى ورى الشهره . ولكني ! خطفت النور =... كثير اللي عشق شعري مثل مانتي عشقتيني


نعم مغرور ياهبله ! ( على مثلك ) نعم مغرور =....... واذا لك حاجة عندي خذيها لاتغثيني


ومادامك تعرفين اني غديت الشاعر المشهور =... أجل لاتشرهين اني أعرفك . لو صدفتيني







{ نعم .. مجنووووون }

:
:
:

أخاف انك ===> تخاف اني <=== ( أخاف ) من البشر ماجيك !! =وانا ( خايف ) عليك .. وحكيهم .. ماكان خافيني

:
:
:

إذا كان ( الكلام ) ............. اللي يقولونه ( علي )...... يرضيك ! => فنا مرضى ( عليك ) .. وكيف ؟ حكيٍ فيك .. يرضيني

:
:
:

انا .. مقدر .. على فرااااقك ... ولاودي .. ( معاي ) ابليك .. =وانا ( بلياك ) ... من ربي .. كلام الناس .. باليني

:
:
:

أعرف انك ===> تعرف اني <=== ( أحبك ) .. مابها تشكيك .. =ولكنك .. ( بنفس الوقت ) تنسَ انك ( نظر عيني )

:
:
:

انا .. مسمح .. بهالدنيا ( لأمّك ) ... نفسها .. تأذيك .. =>> عشان .. أسمح .. لمن وده .. يفرق .. بينك وبيني

:
:
:
نعم .. مجنون .. مابيهم .. يقولوا : ( ربنا .. يشفيك ) => مادام .. ان حبك جنووووني ... ( عسى الله لايشافيني )

:
:
:

ولكني !!! .. ( ومع هذا ) .. ابقطع ,, جيتي ،، ماجيك ... => عشان .. ان قيل لك ... ( قاااااطع ) ... تعذر .. قووول : يغليني






من هيك عم يبكي الصبي ..!!



أكذب عليك ان قلت لك : ياصاحبي مافي جديد =........... لا والله .. الا ضيّقت كثر القصايد مكتبي
:
:

تبغى فخر / والا حكم.......والا غزل .. يابو يزيد ..=... كل القصيد اللي تبي موجود قلي وشتبي ؟
:
/ :

الأوله : قلت : ( عنزه ) ماهي بحاجة للقصيد=..... صبيها من غيرها .. يسوى 900 صبي
:
:

قبيلة ٍ .. من مجدها .. حتى المؤرخ .. يستفيد =قل للبليد وذكره .. بأحداث فلم المصربي
:
:

كل قوم قيل الاْ عنزه .. قومٌ أولي بأسٍ .. شديد=..... صلوا على ذكر النبي / كافي لنا ذكر النبي
:
:

الثانيه : قلت الزمن هذا .. زمن حرب الصعيد =......... أنا واخويه دون ابن عمي / وضد الاجنبي
:
:

والجاهليه عوّدت .. يمكن .. ولكن الأكيد =...... اني ارتفعت .. ولا بتي حولي .. وهذا ملعبي
:
:

من له رصيد من الأدب والذوق ما يبغى رصيد =..... والا الغبي مهما بلغ .. يبقى يبن عمي ، غبي
:
:

الثالثه : قلت اتركي عنْك أغنيه عبد المجيد =..... عندي لك أحلا منّها .. ياغاليه بس .. اقربي
:
:

تقول قربك ياخلف .. ماهو مثل قرب البليد =.. وتطلبني اقرب ياخلف ؟؟ .. أبك انت كلك مطلبي
:
:

معذور احبك ياغلا .. واعطي غلا غيرك جحيد=واقول تأبرنى أنا.. من هيك .. عم يبكي الصبي



{ موقف .. حيادي ..!! }
:
:

سرقت بيت / وقلت / عادي .. ومشيت =.................. / وراحت قصيده كامله قلت عادي

:
:

كرمال عينك ، يارفيقي تغاضيت ..!! =............ / فيما حصل .. وقفت موقف حيادي

:
:

ماهي على فكرة قصيده وكم بيت ..!! =............ / بعيوني الصاحب على الروح بادي
:
:


بدّيتك بحفل المشاعر .. وغنيت =.........../ وصوتك بوادي ، والمشاعر بوادي
:
:


المشكله انك عن حدودك تماديت =............./ يبه .. حبيبي .. هيه .. وين انت غادي

:
:

حتى لو اني عن جوادي تخليت ..!! =..... / لا تحسب انه .. ينعسف لك .. جوادي
:
:


صابك عمى والا انكشفت وتعاميت =......./ هذا أسودٍ واضح .. وهذا .. رمادي ...!!
:
:


يعني .. تراني عاقلٍ .. مااستخفيت ..! =...../ ماجبت لك ( رمزه ) و ( وشرعب ) و ( حادي )
:
:


لا قلت .. وين عيال ( جرجس ) وناديت =.... / جوني يشيلون المعاني ... / ... هوادي ..!!
:
:


الراس هذا .. به قبيلة عفاريت ....!! =........ / جوعا لك الله .. يحترون الهدادي !!
:
:


مير العن ابليسك ..مدامي تناسيت ..!! =/ آول جمادي .. مات .. بآخر جمادي ..!!

(( الــمــبــخــره ))


مافي جديد الا انها .. صارت مثل حارة عبير
المومس اللي تبترم .. عصم الشوارب حولها


ماحولها الا بيّها شايب ، ومشلول ، وضرير
من قلة الوالي .. إذن .. تفعل كما يحلو لها


قَلّت حياها .. وارخصت حسنٍ وهبها الله مثير
من ملعنتها لا مشت ( ترفع طرف مريولها )


من شافها يشهق نفس.. يرجع مع الزفره صفير
ترمي الطيور من السما يوم اتخايل زولها


مثل المها .. لكنها عكس المها .. ماتستذير
كل من يسره طولها .. سهله .. عليه يطولها


ماكنها الا مبخرة وسط المجالس تستدير
استغفر الله عن خطا كلمة .. بغيت اقولها ..!!


يبلغ عدد عشاقها جيشٍ من المرضى غفير
لفّت عليهم كلهم .. ماقصروا .. غنولها


من مصطفى فهمي إلى أن ( صلّعت ) باحمد بدير
حَسبت نفسي بالحَرَم .. من كثر مالبو لها


لبيه يااحلى ( غندره ) لبيه .. ياالكم القصير
احدٍ فدى شرّابها .. وأحدٍ فدى .. لنعولها


ول قبح الله من ردت نفسه على شروى (غبير)
المومس اللي بينهم .. قامت تدنّ حجولها


مافي جديد بغيبتي الا انها احسن واخيْر
من جيةٍ تبحث خفا الصاحين قبل



يامحمد ابن فطيس


ماني بمن ياتي على شان يدرون
انا الذي يدرون به قبل ياتي

نجمي سطع من غير بيرق ومليون
قليل في جيلي يسوي سواتي

ماجيت اهايط بس لازم تعرفون
مازعزعت بعض السوالف ثباتي

لو شلت في قلبي مثل مايشيلون
ماكانت الطيبة من ابرز صفاتي

يامحمد ابن فطيس وش فيك مشحون
مااخطيت يوم اني حسبتك لقاتي

ابي اطفي الفتنه وابي انشدك وشلون
اسلم من الضيعه واجمع شتاتي

الناس معها عقل ولسان وعيون
وقدامهم كزيت .. يمك .. .. وصاتي

ماجيتك ببيت مع الشعر مدفون
جيتك على وضح النقا .. .. ياغناتي

ماني من اللي في قفا الناس يحكون
عيب على ألحق خويي حصاتي

اللي ليا قفيت عنهم.. .. يهدون
ماهم بكفو لرجعتي والتفاتي

سكرت اذاني عن وكالة يقولون
وذكرت لي بيت يفسر سكاتي

الله يجيبك من بعيدن اليا دون
والله يحطك باللقا من تلاتي


مساء الخير هالمره

مساء الخير هالمره بلاش آسف على التأخير

مدام الرد بعيونك دموع فكل تأخيره

ثقل دم العذر ، والا كسح وجه الخطا تبرير

مدامك عارفه طبعي . أجل وشوله الحيره

ترى ماجيت لجل اسمع سواليفك عن التقصير

أعرف ان الخطا مني (بلاش نعيد هالسيره)

انا وانتي بهالدنيا تحملنا بعضنا كثير

تعوّدتي على عنادي ، وصرت آحب هالغيره

انا وانتي حكايتنا مثل : صدر السما والطير

كثير اللي يطالعها ،، ولحدٍ طالها غيره

انا وانتي حكايتنا .. مثل لعبه ، وطفل صغير

مع انه دوم يهملها رفض يسمحبها لغيره

انا وانتي .. وش اوصفلك ؟ عجز عن وصفنا تعبير!

مثل ! مدري ! مثل وشو ! ولكن صعب تصويره

انا وانتي بلاش انتي أنا لو بفقدك شيصير

ومجرد طاري الفرقا علي ياصعب تأثيره

أحبك ؟ ايه أحبك .. ذي بعد يبغالها تفكير

يخلف الله على عقلٍ ملكتي كل تفكيره

تعالي .. نحترم ( شيبة غلانا ) .. لعنبو التصوير!!

تعالي نغتنم فرصة لقانا دامها قصييره

ومساء اللي تبي ، حاضر ولاتزعل ( صباح الخير )

أنا كل يوم بتأخر .. اذا في دمعتك خيره

عرفة وجيه

ياكثرهم لا قلت لك عرفة وجيه
وياقلهم لا قلت قدر ومعزه

رجلٍ تعزه بعد ماتلتقي فيه
ورجلٍ قبل ماتلتقي به تعزه

ورجلٍ ترزه بالمجالس مباديه
ورجلٍ فلوسه بالمجالس ترزه

ورجلٍ يموت ولا يجيبون طاريه
ورجل ٍ يجي طاريه في كل حزه

ورجلٍ يهزه بعض موقف ويشقيه
ورجلٍ مهوب أيّات موقف يهزه

ورجلٍ ضعيف ويستفزه معاديه
ورجلٍ كلام اعداه مايستفزه

ورجلٍ تلزه يعترف لك بخافيه
ورجلٍ على خافيه .. محدٍ يلزه

ورجلٍ يوزونه ويزعل بني خيه
ورجلٍ يزعّل من يحاول ، يوزه

ورجلٍ تكزه لا زم انك توصيه
ورجلٍ بليّا ما توصيه كزه

من لا فرش للمرجله ماتغطيه
ومن لايخز الناس محدٍ يخزه

ان كنت تعرفني فهي عرفة وجيه
مو شرط لك بالقلب قدر ومعزه

لــــــــمــــــــيــــــــس ..

الجديد .. إهداء لابها .. والخميس
اسمحوا لي .. يالوجيه .. الطاهره

:

واقع الأمه .. مثل ماهو .. تعيس
حرب سريه .. وحرب مجاهره

:

زوّدو ا سعر ( المدمس ) ( والتميس )
وطاح سوق الشام .. قبل القاهره

:

وارتفع سهم أنقره .. سبة ( لميس )
أبهرتهم .. بالوصوف .. الباهره

:

عنز قومٍ .. طيحوها بالمريس
كم عيون ... لهالمسلسل .. ساهره

:

( الضياع سنين ) حمّل يالتبيس
والمسلسل .. باطنه .. في ظاهره

:

الخسيسه عاشقه يحي الخسيس
واصبحت قصة هواهم ... ظاهره

:

البني .. تضرس على يحيى ضريس
وطيرت عقل الشباب .. العاهره

:

شف .. بدل مانخشع لصوت السديس
ننقهر .. لظروف ( نور ) القاهره

:

واقع الأمه .. مثل ماهو تعيس
(.....؟......) .. صارت .. علن ومجاهره