ودعت روحي <<< بقلمي ..

السلام عليكم ورحمة الله وبركاتة
صباحكم / مسائكم حب وسعاده

اتركوها هي بنتي
لا تزعلونها هذي دلوعتي
خلوها باقي صغيره ماتعرف

حركاتها تجنن .. الضحكه ما تفارق شفاتها
قويه بس على النيه
محد يقولها شي .. كلامها على الكبار يمشي ..
طيبه ماتعرف تشيل على احد .. لانها تربية ابوها

حلوه حياتها .. بس باقي ما خلصت

هي نامت شوي بس وربي شوي .. بعدها ما حصلته ..
العالم الوردي تحول بدون لون
كل شي تغير .. محد تركها
كلهم ضايقوها جرحوها طعنو فيها
كبروها ...

صارت انطوائيه .. تشك في خطواتها ... ضاعت الضحكه
ضاع كل شي .. كل شي راح معاه

تكفين يا ثواني ارجعي وربي ما اخلي عيني تنام
تكفين بس بقوله وشلون اعيش بدونك ..

يبه العالم كله اختلف ... يبه من بكره اخاف
يبه شفتني صرت غير ... ما صرت اعرف نفسي
تغير كل شي .. مااعرف وين ابي اوصله ولا شنو ابي ...!

كنت انتظرك بحلمي يمكن اشوفك وارتاح
اسمع الكل شافك الا انا .. طيب انا اللي محتاجه لك حيل

وفي فاصل في حياة الشخص بين الصغر والكبر بين الطفوله والمراهقه
ويحتاج بشخص يكون معاه يكون اكبر منه
بس مافي احد .. حتى القريب صار بعيد
صار ياكل بلحمك ويألمك حيل

تقولي :
بعدين لما تجيبي بزارين بتفهمين الكلام اللي اقوله
بعدين لما تجيبي بزارين بتسوين اللي انا اسويه
بعدين لما تجيبي بزارين بتقولي امي معاها حق

بس انا اقولك : لا
انا غير عنك ياالغاليه
انا لما اجيب بزارين بكون صاحبتهم .. مافي اجمل واروع من الصداقه
بكون لهم وفيهم ... بكون كل عالمهم
بفرغ كل وقتي عشانهم لانهم كل شي بحياتي ومالهم غيري

[flash=http://www.m5zn.com/uploads/2011/6/18/embed/061811230614zqsqa5pc5l9wbbvsvo5q.swf]WIDTH=400 HEIGHT=200[/flash]

أعتذر على كلامي
بس هذا المكان الوحيد اللي اقدر اشكي فيه
يمكن ماراحت كل ضيقتي .. بس الاكيد جزء منه

مع احترامي ..
جنووو