انا يا بحر ما جيتك فضى ولمشاهدك شفقان

أنا يابحر ماجيتك فضى ولمشاهـدك شفقـان
أنا جيتك أبنسى الياس و بعض الهـم يبارينـي



على بالك أنا جالس أسامر موجك الغضبـان
أسولف له عن أوجاعي و عني و غربة سنينـي



علامك يابحر غاضب علامك تصرخ بكتمـان
أنا جيتـك أبشكي لـك وأبـي منـك تواسينـي



أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي



أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي



أنا مليت من حزني و تعبت أبحث عن السلوان
ولاظنيت بـه شـي عـن أحزانـي يسلينـي



أحس إن الحزن عالم بحوره وصحوه وديـان
تخيل يا بحر حجمه إذا حجمـه سكـن فينـي



تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي



ترى كل الحزن لو غاب وراح لآخرالأوطـان
يغيب ويرتحل لحظات ويرجع يستقـر فينـي




أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي



أنا و الليل و الغربـة تعانقنـا مثـل الأخـوان
ليلـي كـله آهاتـي و الغـربـة عناويـنـي




تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت و جفت بساتينـي


ألايا بحر جاوبني وش آخـر هـذي الأحـزان
وش آخر رحلة أوجاعي و عناي و غربة سنيني






منقول

ألايا بحر جاوبني وش آخـر هـذي الأحـزان
وش آخر رحلة أوجاعي و عناي و غربة سنيني

مبدعة اميرتي
تحياتي لك

أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي


صح لسانك على هذا الانتقاء الراقي

بصراحه اذا طرحتي امتعتي

تسلمين

أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي

رووووووووعهـ الكلماات
ربي يعطيكـ العافيه ع الطرح الراائع
لاعدمناكـ يالغلا

تسلمون على المرور

وين الردود