طرد السراب.

البارحـه ضــاق مــن كـبـر الـسـؤال الـجـواب

الـلــي مايـشـفـي غـلـيـل ولا يـريّــح ضـمـيــر

كـانـت همـومـي دوات وكــان حـزّنـي كـتـاب

وكانت سنيني رياح وصـوت وقتـي صفيـر

سـريـت مــع رحـلـة الـذكـرى ذهـــاب وايـــاب

مابـيـن غـفّـوة ظــلال وبـيـن صـحّـوة هجـيـر

ياما عشـان الخطـا اعميـت عيـن الصـواب

ويا كثر ما كنت اشوف وكان قلبي ضرير

انـا اكـثـر انـسـان اذّنــب فــي حيـاتـه وتــاب

وانا آخر انسان مايزّرع على الأرض خير

ماهـو غــرور وتبـاهـي كـثـر مـاهـو عـتـاب

ولا هــو حــلا بالتفـاخـر قــدّ مــا هــو مـريـر

آمـــنـــت بــــــإن الــبــنــادم آخــــــره فــالــتــراب

وكـفــرت بـلّــي يـقــول انّ الله ابــنــه عــزيــر

افــتـــح والايــــــام تــقــفّــل لـلـمـواعـيــد بــــــاب

ولـولا الأمـل حـيّ ذكّــره كــان مــات الفقـيـر

ماكـنـت اظــنّ الأمـانـي مـثـل طــرّد الـســراب

حتى عرفت التعـب مـن قبـل احـثّ المسيـر

يلّي شبيه السمـا لـو نـاض بـرق السحـاب

بيـنـي وبيـنـك شـهــق صـــدر وتـأنّــى زفـيــر

أتـعـبـتـنـي وانـــــت مــاظـــنّ تْـحــمّــل عـــــذاب

والمـشّـكـلـه انـــــت الاول بـالــغــلا والاخــيـــر

أخـذتـنـي مـــن عـقــر ذاتــــي بـلـيّــا خــطــاب

وتركـتـنـي بـيــن هـقـواتـي وســـوء الـمـصـيـر

خطاك ما تحسب لجـرح المشاعـر حسـاب

وخطـاي اسهبّـت فــي حـبّـك وقـلّـت الكثـيـر

يكفيك عن غيبة حضوري حضـور الغيـاب

مـا دمـت حلـم بْحياتـي استحالـه يصـيـر !!


م/ن