مرثية خالد

السلام عليكم ورحمة الله وبركاته
هذي ابيات تعبر عن اسباب غيابي
عن منتداكم الشامخ ويعلم الله انها قصه واقعيه
وليس من نهج الخيال وتحياتي للجميع

[poem=font="simplified arabic,6,white,normal,normal" bkcolor="transparent" bkimage="http://www.gsaidlil.com/vb/images/toolbox/backgrounds/3.gif" border="none,6," type=3 line=0 align=center use=ex num="0,black"]
اسرعت بالفورد قصدي وصل خلاني=
قصدي اجي لين حده واخذ احواله=
اثاري الخل ناوي الوصل يلقاني=
ركب على موترن واقبل بترحاله=
وافي على ماخبرته مير ماجاني=
الحظ والا ظروف الوقت تعناله=
سلكت دربه ووسط الخط اعماني=
دمعن نثرته من الاشواق لو صاله=
في خط ينبع زحام الناس فاجاني=
والناس تصرخ وكلن جنت اهواله=
نزلت اناظر وش اللي صار يااخواني=
وشفت لي موترن مقلوب في جاله=
اشتبت النار في جوفه والاركاني=
واعز خلق الله اللي قايد امياله=
من هول ماشفت جنت كامل اجناني =
يوم قالو الناس ميت وشهد اقواله=
من بين كل البشر دمعي بهلاني=
اصرخ واناديه لكن هذي الحاله=
شالوه قدام عيني وسط الاكفاني =
ياليتني مت قبل اشوف من شاله=
وصلت لاهله ودمعي وسط الاعياني=
والكل يصرخ وجته اخبار ختاله=
صلو وجينا نشيله جمع واعواني=
احمل مع الناس والدمعات شلاله=
حطوه في حفرتن ضمته بحضاني=
وقامو يرشون فوقه دمع برماله=
قالو اهله نوى وصلي ولا جاني=
جايته الاقدار من فوق السما داله=
ياليتني مت قبل اعرفه يافلاني=
ولا تعنيت من ذا العمر واهواله=
ياجعل فاله من الفردوس رياني=
ياجعل الانهار من تحته على فاله=
ياجعل ربي يعين اهله والاخواني=
ويغفر ذنوبه ويمسح شرة اعماله=[/poem]


كلمات
ابو هاجر