وماظنتي من يضرب البنت رجال.......

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

وما ظنتي من يضرب البنت رجال

لا والله انه ما يعرف الفحوله
وبالمهزله يضرب به أمثال وأمثال


وبعض البشر يقهرك باللي يقوله
جاهل يدرس له ملايين جهال


أكبر طموحه يعمل أصغر بطوله
عنوانها دم المره ما بعد سّال


الضرب للحرمه هو افضل عموله
ويا كثر ما جابوا من أقوال وأقوال


كم جاهل ٍ فيهم تردت فعوله
وكم عالم ٍ ما يتقي شر الأعمال


يلعب ويضرب في بنات الحموله
أحلى االتفاهم عنده بسوط وعقال


لا عاش رجل ٍ كل هذا ميوله
ولا عاش من يتبع حكايات الأنذال


ناس ٍ لهم بالجهل صوله وجوله
اكبر طموحه عيشة البنت في أذلال


عايش وبالقوه يدبر حلوله
يسمع نصايح ناس مجموعة حثال


الشرع قال أدب وطبقت قوله
ما قال عذب واضرب بحقد وخبال


لكن بعض الناس حرف نزوله
والمسأله صارت بطولات وابطال


والعلم ما كل ٍ يطبق أصوله
عشنا وشفنا من مصيبات واهوال


ناس ٍ بنو للمجد مليون دوله
وناس تموت وما بنت نصف تمثال


ودرب العلا ما كل واحد يطوله
ما طاله إلا شخص واعي وخيال


ولا هنت يلي كم بيت ٍ تعوله
يلي لكم بالعز رايه ومنزال


ناس ٍ لفعل الشر ما هي عجوله
تعطف على الحرمه ولا تحقر أطفال


الله يعز اللي يعيش ابسهوله
والله يبدل للبشر بعض الأحوال


والله يرزقني ببنت ٍ خجوله
أطرب لها قيفان وأبدع لها أمثال


واغيض منهو مر حولي وحوله
واشفي غليلي من حقودين عذال


واقهر عديم المرجله والفحوله
واقول يا جعلك من الكون تنشال


وان قال ضرب البنت أكبر رجوله
قولوا له انه ورع ما هوب رجال

راقت لي كثيرا .......

[/ALIGN][/CELL][/TABLE1][/ALIGN]

صح لسان قايلها بـ الفعل مافيه ذرة رجولــه من يضع كل قوتــه في الأنثــى
شكراً لطرحك الرائع
لقلبك السعاده

صح لسانك ولسان شاعرها
لاهنتي ،،،

البرق النجدي

اختيااار راائع وبقمة الروعه
ابيات جميله تحمل الكثير من المعاني المميزة
رااق لي كثيرا اختيارك يا مبدعه
ما ننحرم من جديدك ابدا
احتراامي لك

بسمة ألــم

لاهنتي على الطله جوجو

لاهنتي على الطله جنوووووووو

لاهنتي على الطله بسومه

يسلمو قلبي عالطرح الرائع

وربي مايحرمنا منك ولامن تواجدك

وجديدك الراقي

من متابعيك وسآكون كذلك باذن الله
قد لا أوفيك حقك بالرد
فأتمنى قبوله


يعطيك العافيه

دووم هالتميز ماشاء الله عليك
ربي يحفظك

لاهنتي على الطله وصوف