ابواب السكوت

ياصمت حل بدنيتـي وش نيّتـك بعـد السكـات* ادري بأن العاصفه تطرق على ابواب السكـوت

ملّيـت تاخذنـي وحيـده ثـم ترمينـي شتـات* واجمع شتاتي من يدين القهر واصرخ دون صوت

اشتاقـت عيونـي لوسنهـا والمدامـع مُنهكـات* الاحزان صارت اوكسجيني والاسى والهم قـوت

لكن ايمانـي غـرس فينـي الجـلاده والثبـات* والصبر مفتاح الفرج..روح الامل بستـان تـوت

وش يمنعك ياقلب تصبر والصبر تـاج الصفـات* ماشفت وشلون النبي جاهد وهو في جوف حـوت

مهما يطول البحر فـي كـل الزوايـا والجهـات* لابد نلقى يابسـه ترسـي ع ضفتهـا اليخـوت

من قال ان الهم نقمه والاسى مـن المعضـلات !* لولا الحزن ماكانت اشعـاري وترانيـم البيـوت

هذي سبعطعشر سنه عمري ..واحسـه بالمئـات* وشلون ماحسه كـذا والدهـر بيـت العنكبـوت

لني عزيزة نفس واخلاقـي علـى القمـه تبـاب* وصّلتني حد الممـات وعيّـت انفاسـي تمـوت

ماغـرّت عيونـي القلايـد والليالـي المُترفـات* دام العمر ساعه وتعدي والشقـا لحظـه وتفـوت

مادام عمري والليالـي المقبلـه مـن المُبهمـات* ياقافي اتوكّل على الله والعـب بباقـي الكـروت

ســـلامتكم

صح لسانك ولسان شاعرها
لاهنتي ياروحي

شاكره مرورك العطر

من متابعيك وسآكون كذلك باذن الله
قد لا أوفيك حقك بالرد
فأتمنى قبوله


يعطيك العافيه

دووم هالتميز ماشاء الله عليك
ربي يحفظك

ملّيـت تاخذنـي وحيـده ثـم ترمينـي شتـات* واجمع شتاتي من يدين القهر واصرخ دون صوت

الله الله
سلمتي غلاتي

على روووعه ذووقك بالأنتقاء كلمات

يحفها الجمال من كل جانب

بانتظار الأجمل

ودي

بسمة ألــم

الف شكر لك وصوفي ولاهنتي

وصح لسانك ولسان شاعرها غلاتي

شاكره مروركم العطر

مشكور على هل الموضوع الرائع

شاكره مرورك العطر