آخر رصاصة .. كنـت أهـدد بهـا .. الغـول

آخر رصاصة .. كنـت أهـدد بهـا .. الغـول
طاحت .. وأخذهـا الغـول .. وأخـرج لسانـه

وأصبحت .. لا محزم .. ولا سـلاح مصقـول
ولا ظـهـر يسـتـد ... ولامــن حصـانـة

أجسم خسـارة .. وأكسرتنـي .. علـى طـول
كسـرة قهـر ... ماهيـب كـسـرة جبـانـة

صـدمـة .. وهزّتـنـي .. وردّدت مـذهـول
أثـر النوايـا البيـض .. جــرم وإدانــة ؟

مـن كانـت الدنيـا ... فتيّـة .. وعطـبـول
وكل شي ..لـه أصـول .. ومقـام .. ومكانـة

حتى الخطا .. لا أخطيت .. تخطي على أصـول
وإلا إنوصفـت .. بـنقـص عقـل وديـانـة

يامن خطاك .. يطـول شرحـه .. ولا أطـول
عــذرِِ يـوقّـف .. مـكـرة الأسـطـوانـة

معقول !! جتني منك ؟ منك أنت ؟؟ .. معقول !!
يا صبـر الأرض .. وهالزمـن .. يـا هوانـه

وأنا أعتبرك .. أكبـر اخوانـي .. ومسـؤول
عنـي .. وأقـول إنـي مـن أصغـر اخوانـه

وأغض عـن زلّتـك .. مـن حـول لا حـول
وأقـول لـه .. عـذر الـغـلا .. والميـانـة

وأسمـح .. وأقـول إن الخطـا منـك مقبـول
إلا لـيـا وصـلــت حـــدود الإهـانــة

أنا خلاصة .. حـرب .. وسيـوف .. وخيـول
وفعل البطـل .. لا قـال .. أنـا أخـو فلانـة

ما أرضى .. ولو كان الثمـن ..فقـدي لـذول
والعذر ..شـان القبـح .. والقبـح .. شانـه

اسمـع وأنــا بناخـيـك .. للهرج مـدلـول
العـار .. عـار الصيـت .. والصـدق أمانـة

أنـا جبـل عـلـى الرفـاعـات .. مجـبـول
مـانـي بـشـقّـة جـيـب .. وإلا خيـانـة

أنا إبـن عـم السيـف .. لا صـار مسلـول
مـع صيحـة الفـارس .. وصهلـة حصانـه

وإن رحـت للمجهـول .. مانيـب مجـهـول
وأعـرف أسالـيـب الـدجـل .. والكهـانـة

وأصيـر بهلولـيـن .. لا شـفـت بهـلـول
وأخـطـر مفاهـيـم الـذكـاء .. اللـعـانـة

القـاع تتزلـزل .. ولا طـاح أبــا الـهـول
تباشـروا بالخيـر .. يــا أهــل الكنـانـة

لذا يـا ابـن عمـي .. تـرى البـاب مقفـول
والبـيـت ثـابـت مــا تـزعـزع كيـانـه

ماهـي كـذا .. يـا محزمـي .. لكـن أقـول
أقبـل شكـر مطـلـق .. وكـثـر امتنـانـه

إعـرف نتيجـة .. قسمـة الطـول بالـطـول
وتكسـب .. تجاريـب الزمـن .. وامتحـانـه

وأوصيك يـا بـن العـم .. لا جـاك مرسـول
رحّب .. تري الترحيـب .. مـا فـات أوانـه

والحيـن أبـا وادعـك .. والبـال مشـغـول
قبل الوداع .. إخـذ الشطـر .. مـع ضمانـه

شطـر لابـن رشيـد .. مـن بيـت منقـول
لـو كــان مـاهـذا الـزمـان بـزمـانـه

قالـه يوّصـي .. عبـده حسيـن .. ويقـول
تـرى الخـوي يـا حسيـن .. مثـل الأمانـة

م/ن

الاخوه امانه

صح لسانك ولسان شاعرها

سعدت كوني اطبع توقيعي على متصفحك
العطر

اتمنى قبول مروري
ولك احترامي

صح لسانك ولسان شاعرها

يسلمو عالطرح الراائع

وربي مايحرمنا منك ولامن طلتك

لاهنت على المرور اخوي عود الليل

لاهنتي على الطله جنووووووووووووو

لاهنتي على المرور نظوره

يسلمووووووووووووو على الطله متغليه