قصيدة لايزعلك

قصيدة لايزعلك / الشاعر محمد الفضلي البقمي

لايزعلك مره غيابي ولايراودك الزعل
لاوالله اني مانسيتك وان نسيتك انسني
لوغبت عنك لو شهر طيفك في بالي ماجفل
دايم وانا اسهر معه واعانقه ويضمني
وأسمعه اجمل قصايد فيه من بعض الغزل
اسامره لين الفجر والفجر عنه يحدني
خلاص مابه طوقتن وبعيرنا عاف الحمل
ماعاد انا اطيق الصبر والصبر مايطاقني
تدري خلاص انا نويت اجي على ذاك الجمل
شوقي لقلب (ن) قدعشقته من قبل لايحبني
حب على وضح النقى والحب مايعيب الرجل
لاصار حبه ماهو لدرب المهالك قادني
وياجعلني ماني من الي حط سمه بالعسل
الي عشان المصلحه يحب ذاك وحبني
وانا إذا جيتك بعد ماطول غيابي وطول
اجيك مشتاق وشوقي هو ماغيره جابني
واجيك وارد السلام تلدلي بنظره خجل
وتقول يأرحب هلا بالي غيابه شاقني
واجلس على جال الغدير الي خريره زد مهل
واعاتبك وانت على الشرهه عليه حستني
وارجع لبيتي في خطا تشبه خطا رجل ثمل
لامن ذكرتك في الغدير تقول شر صابني
واروح ماودي اجيه ولاأقطع حبال الوصل
هذي ترى حكمه في بالي وحكمه (ن) بتفيدني
ابعد بعيد يزيد حب الي يحبك مايمل
وانا بعد ماراح امل الي بحبه صادني
الله وهبني حبه وماغيره في قلبي وصل
ياجعلني فدوه عيونه يوم لد وشافني
وحبي في قلبه ماكن وعن حب غيري ماصمل
قد جو سادت سادته ومن بد ذولا اختارني