معاناة الجروح.

ماهو بيدي لاصارت أنفاسي تعاندني وتفـوح



زفرات هم ونفسها ترجع على صدري شهيـق




الكون مظلم والخفوق من العنـا مافيـه روح



وكل الحكايه غيبتك ياصاحب الحـب العتيـق




الله ياكبر الشقـا فـي داخلـي لاجيـت أروح



نفس المكان اللي جمعنا ونفس خطوات الطريق




تثقل خطاي وتبتدي فينـي معانـاة الجـروح



وأحس وسع الكون كله دون أنفاسـك يضيـق




انا العشيق اللي رماه بدربك الحـظ المـزوح



وانا الصديق اللي تمنى بهالزمن يلقى صديـق




الحزن لجم لي فمي وأزريت من بعده أبـوح



والهم خاشرني بعمري وصرت له أغلى رفيق




ياحظ وشلون أكسبك وانته معي دايم شحـوح



أمشي على شط البحر وأصيح غيثوني غريق




مليت من جور الهوى والشوق والدمع الفضوح



مليت من نفسي وانا عنوان للحـزن العميـق


منقول