ياروح الدار

ياروح الدار وانفاس القصيد ونسمة الاشعار
ياحلمي الاول اللي عشت فيه وحلمي الآتي

حبيبة قلبي اللي تعزف بـ قلبي لحن وآوتار
على خطواتها وانفاسها تعزف كتاباتي

تعالي يابعد روح المدينه والبشر والدار
تعالي وأسكني في وسط صدري واسكني ذاتي

أحبك وأعشقك وأخترتك وقلبي هو المختار
يا طيب الحظ في قربك ويا طيب اختياراتي

احبك كثر ما رفرف جناح العشق فيك وطار
واحبك كثر ما مرت طيوفك في خيالاتي

واحبك كثر ما في طلتك حب ورضى وانوار
واحبك كثر ما وجهت لك كل اتجاهاتي

واحبك كثر ماهب الهوى الغربي على الاشجار
واحبك كثر ما سارت على لقياك خطواتي

لو أخسر كل هالدنيا و أهلها أنتي الأقدار
انا اللي منتصر في شوفتك يا اغلى انتصاراتي

غرامك يجري بـ دمي مثل ما تجري الانهار
ووجودك يحيي عروق الغلا ويلملم شتاتي

من اللي ماتغار ان شافتك ؟ حتى النجوم تغار
في عتم الليل يسطع نور وجهك فالدجى العاتي

يقولون العمر مشوار وأنتي غاية المشوار
لآخر يوم في عمري و قربك كل غاياتي

معك وآعاهدك ما اخون حبك والعهود كبار
هذا عهد الوفاء مني و هذي أعذب ابياتي

سلمت اناملك لروعة ذوقك
يسعدك ربي ويحقق أمانيك

لجهودك باقات من الشكر والتقدير

على روعة الطرح

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

يعطيك العافيه على الاختيار
ويعطيك العافيه على مجهودك
.
.
احترامي..

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

طرح جميل