نبذة عن الشاعر خليل الشبرمي

نبذة عن الشاعر خليل الشبرمي التميمي


الاسم : خليل ابراهيم الشبرمي التميمي
مواليد :مدينة سميرا - بمنطقة حائل 1391هـ
المؤهل:جامعي- مدرس لغة عربيه



بعض قصائده


ستار أكادمي


الـطـف بـنـا يـا لـطـيـف ويالله iiالـرحـمـه عـنـد اخـتـلاف الـمـبـادي والـمـفـاهيمي
عـشـنـا وشفنا عسى الله يحسن الختمه ويـقـسـم لـنا الخير من خير iiالمقاسيمي
وأنا اشهد ان الحظيظ اللي عن الزحمه يــم الــخــلا مــع حـلالـه دايـم مـقـيـمـي
والـعـشـب مـدّ الـنـظـر مـا داسته جزمه والـبـل تـرعـى الـحيا وضح iiومجاهيمي
يـرتـاح بـالـه ويـنـسـى الـهـم iiوالـكـتـمه لا شـاف مـزنٍ مـن الـوسـمـي iiمقاديمي
الـيـا شـعـق ضـوح برقه واشعل العتمه وارهـش وجـهّـى غـشـيـنـه له iiحناتيمي
وان راح لـلـقـنْـص ما يطلق ولا iiصتمه يــقـنـص بـحـرٍ عـفَـر نـادر iiصـواريـمـي
يــنــام بــدري ونــاره طـلـعـت الـنـجـمـه تـزْعـر ونـجـره يـصـوّت لـلـشـغـامـيـمي
مــا شـال بـيـجـر ولا جـوال أبـو iiنـغـمـه ولا شـاف (بِق برذر) و(ستار iiاكاديمي)


العيطموس


عاد عيد العنود العيطموس الفارع الفاتن iiالمملوحه
الهنوف العطوف ام العيون الخرّس الذبّل الذبّاحه


يوم عادت بيوم العيد عادت يا عرب للمعنى iiروحه
وفز قلبه مثل ما فز ببروق الوسم قلب راع iiفلاحه


واسْفَر الكون وانور في عيونه وارجهنّ وبرنّ iiجروحه
شاف في نجد ورد الطايف ومزن السراة وضباب الباحة


وانتشى الورد واغصانه تثنّت والندى دمعةٍ iiمسفوحه
وغرد الطير والقمري سجع كنّه على مسرح المفتاحه


انتظر وانتصر وادرك مرامه بالغرام ولحَق iiمصلوحه
كيف ما ينتصر؟ دام المحبه محزمه والعفاف iiسلاحه


وعاد عيد الحيا والسلهمة والبوح والنبرة المبحوحه
والقلوب النظيفة والنوايا البيض والخطّر iiالمنساحه


اتركيني ياعزيزة للشتات


اتــركــيــنــي يــاعــزيـزة iiلـلـشـتـات والــعـنـا والـبـعـد والـلـيـل الـطـويـل
وريـحـيـنـي مـن غموض iiالمفردات وكـبـريـاء الـكـذب والـعـذر الـهـزيل
وحـاصـريني صمت من كل iiالجهات واذبـحـيـنـي بـوح فـي نـبـرة iiعـلـيـل
واسـألـي غـدر الـيـديـن الـنـاعـمات عـن ثـلاث طـعـون فـي صدر iiالقتيل
وافــرحــي لاقــيـل فـارقـت iiالـحـيـاة وزغــردي لاشــيــعـوا جـثـة خـلـيـل
وكــل شــي بــيــنــيــا يــابـنـت iiمـات ولابـقـى بـعـد الـرحـيـل الا الـرحـيـل
وانـتـهـت رحـلـة ثـمـان iiالـطـايـرات وابـتـدت قـصـة لـقـانـا iiالـمـسـتـحيل
كـنـتـي أجـمـل مـن رأيت من البنات ومــالــك بــعـيـنـي مـثـيـل ولا iiبـديـل
وصرتي أشنع جرح وابشع ذكريات لــلانــانــيــة ونــكــران iiالــجــمــيـل
ولاتــبــقــى مـن غـلاك الا iiالـرفـات ولاتـلاشـى مـن عـنـاي الا iiالـقـلـيـل
ودعـيـنـي يـوم فـقـت مـن iiالـسـبـات ولاتــعــديــنـي سـوى عـابـر سـبـيـل
اقــتــرف فـي حـق نـفـسـه سـيـئـات ولا يـكـفـرهـا سـوى الـبـعـد iiالطويل




حائل

التميمي تهيّض وابتدى القيفان بسم الله الرحماني
الحليم الرحيم الواحد اللي كلنا في رجا iiغفرانه
وبعد ذا مرحباً ما داعبت عود الحبق نسمة iiمسياني
وعدّ ما غرد القمري على حدب الجريد وسجع iiبالحانه
جيت اغني بحايل واتغزل في هواها وابث iiاشجاني
يا شخانيب اجا ناجاك قلب انسان والترجمان لسانه
وقبلي القاضي محمد وابن لعبون وبديوي iiالوقداني
كلٍ بديرته مفتون والشعار باوطانها هيمانه
فضفضي يا حروفي عن شعور الشاعر المغرم الولهاني
سفح اجا الليله معزب وانا والوزن والقافيه ضيفانه
همت في حب حايل مثل ما هام بهيا محسن iiالهزاني
اتوب عن حب حايل ؟ قلت: لا لا حبها راجح iiميزانه
وصيف حايل لحاله صيف كايف صيف ما له ولا له iiثاني
الله اللي وهبها الشاعريه والحلا والبها سبحانه
وجو حايل طبيعي والحراره حسْب نشرة حسن iiكراني
طقس حايل بديع ومعتدل وانسامها بالندى iiريانه
كل ما اقبلت يا حايل وشفتك شلت يالاح iiياليحاني
ساحره فاتنه بين النفود وبين ضلعان اجا iiكالدانه
انتي ام الكرم نشهد ويشهد لك بعيد العرب iiوالداني
وانتي ام الصخا وقت الشدايد والرخا من قديم iiازمانه


يا سعد

يـاسـعـد وش شاف مجنون ليلى iiبالغرام
أشـهـد انـه وان بِـلِـي بـلـوتـه iiيـاهـونـها
يـاسـعـد لـيـلاه وان مـات فـيـهـا مستهام
تـدري انـه بـالـهـوى يـاسـعـد iiمـجـنـونها
الـمـصـيـبـه مـن غـدى مـيـتٍ له كم iiعام
عـشـقـتـه مـاتـدري انـه قـتـيـل عـيـونـها
قـرهـدت نـفـسـه عـلـيـهـا ومرّ الكبد زام
ودوك قـلـبـه يـاسـعـد مـزّعـتـه iiطـعـونها
يـاسـعد والله يالولا الحيا واخشى iiالملام
والـقـرابـه والـحـيـا والـهـوى iiوجـفـونها
لاانـهـبه وانحاش واجلى جنوب ديار iiيام
مـا يـردن لـو وقـف جـيـش هـتـلر iiدونها
يـاسـعـد راع الهوى بالهوى لاضيم iiشام
مــايــرده طــول بــيــبـانـهـا وحـصـونـهـا
وان غوى راع الهوى في هواها مايلام
لااجـتـمـع غـبـن الـزمن ياسعد وغبونها
يـاسـعـد هـي مـنـوة الـلـي تمنى والمرام
لـعـن ابـو حـظٍ قـصـر يـاسـعـد من دونها
أســمـع الـرعـاد واخـيـل بـراق الـغـمـام
بـس مـادري يـاسـعـد ويـن وبـل iiمزونها
ويـاسـعـد والله فـلا اسلى هواها iiلاحرام
لـو يـلـوح الـشـيـب فـي لـحيتي iiوقرونها
وخـذ وصـاتي ياسعد وصلّه بنت iiالحشام
ذي وصـاتـي كـان غـيري غدى مظنونها
لا شرت ثوب الفرح تشتري لي باع iiخام
يــدفــنــونـي لـيـلـة الـعـرس ويـزفـونـهـا



انا يالحميدي عان وسمي على بلّي



ألا مرحباً واهلاً هلا عد ماهلي

وحي الرفيق اللي علومه يجوزٍ iiلّي

ولاوالله الا مرحباً بالرفيق iiاللّي

مديم حجاجه طلق ولسانه iiيهلّي

صديقٍ صدوقٍ صادق الود صافيٍ iiلّي

ومن بعد ذا يااحمد ابا ارسل iiوحوّلي

انا يالحميدي عان وسمي على iiبلّي

وش اللي جرى وايش السبب يافتى iiقلّي

لاصرت فوقي ماانت ملزوم تنزل iiلّي

وكانك تقول الناس قالت فعين iiلّي

ولاتبعد ابدن بس من ملّك وملّي

بلانا بلانا بيننا دوم iiينسلّي

وبالناس يابن الناس طامن ومتعلّي

وقلبي دليلي يالحميدي يدربل لّي

وانا احَمْد ربي ماخبرت القدم iiزلّي

ونفسي عزيزه بالردى iiماتسولّي

ولا اداني العيله ولا الميل لو iiملّي

وانا داري انك يافتى الجود وافيٍ iiلّي

وعلى كل حالٍ جيت كلي على حلّي

أبلبس على ماتشتهيه انت iiفصّلّي

وقل واهني اللي عن الناس iiمتسلّي

وصلوا على سيْد البشر عدّ iiماهلّي

سحابٍ على سلمى واجا دوم همالي

وحي الكتاب كتاب غالي ومن iiغالي

مضرا على كسب النواميس iiريبالي

به الطيب طبع معرب الجد iiوالخالي

نقيٍ تقيٍ ماله اجناس iiوامثالي

وشرواك ذيبٍ موجته تلقط iiارسالي

علام الوسوم اللي على بلّك iiاشكالي

علام العلوم علوم جزلات وهزالي

ولاصرت حدري ماانت مكلوف ترقى لي

من اللي سلم من راعي القيل iiوالقالي

تحسس ودوّر كم حقودٍ iiومحتالي

ومنا بنا واشين ورخوم iiوانذالي

وانا ما ارفع الطامن ولا اطمن iiالعالي

واميز هماجه قبل اذوقه من iiالحالي

ومشيي لك الله دوم دغري وطوالي

وسود النوايا ماتشوش على بالي

ولا اطفف لغيري ولا ازيد iiمكيالي

ولاهي غريبه منك ياطيب iiالفالي

وخذني شقيقٍ لك على كل ابو iiحالي

وضبّط عسى الله مايعريك تفصالي

دليخٍ فضيخٍ دالهٍ خاليٍ iiسالي

سحابٍ توالى نوض براقه يلالي







وش اللي صار ما ندري



وش اللي صار ما ندري ولا ندري وش اللي صار ولا نـدري وش الـلـي بـالـلـيـال الـمـقـبـلات يـصير
تـعـلّـمـنـا مـن اسـرار الـحـيـاة ان الـحـيـاة iiاسرار وتـفـسـيـر الـحـقـيـقـه بـالـحـقـيـقـه مـالـهـا تـفسير
ومــن غــدر الـزمـن كـلٍ يـقـول ان الـزمـن غـدار فـكـم مـمـسـي عـلـى قـمة جبل واصبح بقاعة iiبير
ومـن مـكـر الـبـشـر كـلٍ يـقـول ابـن الـبـشر iiمكار فـكـم بـالـنـاس حـامـل مسك وكم بالناس نافخ كير
صـحـيـح ان الصحيح اصبح خطا والعار ردّ iiالعار ولــكـن مـالـنـا حـيـلـه ولانـقـوى عـلـى iiالـتـغـيـيـر
نـشـوف الـلـي نـشوفه من مصايب واليدين قصار تـحـت رحـمـة رحـيـم وفـي رجـا الله والـي iiالتدبير
نـسـوق الـعِـيـر بـامـر الله ونمشي لآخر iiالمشوار وعـلـم الـغـيـب عـنـد الله وبـامـر الله تـسـير iiالعِير
نــعــايــش وقــتــنــا ونــســايـره ونـقـول iiيـاسـتـار عـلـيـنـا تـسـتـر بـسـتـرك وبـامـرك يالله iiالـتـيـسير
نــفــكــر بــالــلـيـالـي والـلـيـالـي تـفـخـت iiالافـكـار ولازلــنــا نـفـكـر كـيـف مـمـكـن نـتـرك iiالـتـفـكـيـر
وش الـلـي صار ماندري ولاندري وش اللي iiصار ولــكــن كــل شــيٍ مـمـكـن انـه بـالـحـيـاة iiيـصـيـر






التـوجـد



وا وجـودي كـل مـاشـفـت زولـه مـن بعيد وجـد مَن مِن زود مابه غبن عاف iiالحياة
ووجد من صلى على امه وابوه بيوم عيد يـوم صـلـى الـعـيـد مـد الـجـنـايـز لـلصلاة
ووجـد عـودٍ قـيّـدوه الـعـسـاكـر iiبـالـحـديـد ذابـحٍ لـه نـفـس من دون عرضه iiوالبنات
واصـغـر الـقـصّـر بلغ ما عفا راسه عنيد أقــشـرٍ لاجـاه جـاه الـعـرب قـال الـصـفـاة
ووجـد مـجـدور الـعـرب بالخلا خلي iiوحيد بـعـنّـتـه مـا حـولـه الا الـذيـابـه iiعـاويـات
ووجد رجْل اعمال عقب المعزه iiوالرصيد فـلّـس وحـلـت عـلـيـه الـعـطـيـه iiوالـزكـاة
أتــوجّــد وادري ان الــتــوجّــد مــايــفــيـد وجـد مَـن مـانـال شـفـه ولا حـصـل iiنـجـاة




ماذا دهاك



يـامـن دهـتـنـي عـيـونـك واحـتـوتـنـي iiيـديك

مــاتــدري انــي مــتــيّــم بــك وكـلـي iiلـديـك

أمــوت كـلـي مـعـك وامـوت فـيـك iiوعـلـيـك

واحــنّ الــيــك وعـلـيـك احـنّ مـن iiوالـديـك

أشـتـاق لـك واشتكي لك منك واشكيك اليك

جـادلـك جـيـدك جـبـيـنـك خـنـجـرك iiحـاجبيك

جـوريْـك جـمـرك لـجـيـنـك عسجدك وجنتيك

وجـهـك وهـج مـبـسـمِـك بـسمَتْك iiغمّازتيك

سِــجِـنّـجِـلِـك جـلـنـارك نـرجـسِـك iiكـركـديـك

سـلـهـام عـيـنك نَعَس طرفك .. حَور مقلتيك

ما اعرف اداري ولا اهدّي ولا امسك بريك

أقــدّم الــروح كـاش وبـاقـي الـعـمـر iiشـيـك

يـامـن دهـتـنـي عـيـونـك واحـتـوتـنـي iiيـديك

الله يــســامــحْــك كـيـف تـقـول مـاذا iiدهـاك

مـمـلـوك مـأسـور مـسـبـي مـستهام iiبهواك

واغـلـيـك لـكـن عـسـى الله مـايـبـيّـن iiغلاك

ومـن لـهـفـتـي عـيـن قـدّامـك وعـينٍ iiوراك

كــلــك مـلـكـنـي وكـلـك فـي عـيـونـي مـلاك

اسـمـك سـمـاتـك سـمّوك سِسْتِمِك مستواك

ذرابــتِــك رقّــتِــك روعـة حـضـورك iiبـهـاك

بــراءتــك خـالـك الـلـي لاذ بـايـسـر iiشـفـاك

كـاديك مسكك نسيمك شمس صبحك iiمساك

بـوهَـتْـك مـلـحـك حـلاتـك خـف دمـك حـيـاك

لاجــيـت اجـي كـلـي وكـلـي عـسـانـي iiفـداك

بـاسـمـك مـصـدّق ولا يـصـرف لحيٍ iiسواك

الله يــســامِــحْــك كــانـك قـلـت مـاذا iiدهـاك