وفي غاليني – سلمان بن خالد .

وفي غاليني ترى لو يرجعوا غالين
يمُر الخوف لامٓر الكلام بخوف
أنا خايف على النسيان والناسين
يطوف الوقت بالأسف وعندي ظروف
تكبدت العزل من صفوه الصافين
عيوني تشوف لكن ما كأن تشوف
حفظت وجيه تتشابه بنفس العين
كتاب وينقرا من العين دون رفوف
انا مُرهق جسد يارب انا من طين
أنا كعبه حزن فيها الحزين يطوف
لبست من البياض الأبيض المسكين
وغيري مالبس غير السواد بصوف
مرضت من الحقيقة كنّي إللي مين
تخيّل بأني أصارع مرض بوقوف
غرقت وكن ماحولي يدين تعين
واذا صارت يدين تعين؟ دون كفوف
بكيت دموع كانت خالدة من سنين
يكم انسان طَيِّحة الحزن مذروف
كرهت الداخلي مني كرهته لين
بديت احس كل اللي سكنوه ضيوف
متى صرت اتعودهم مع الروتين
هنا كانت بدايات الحزين بأووف
انا واجد عليهم واجد بحزنين
حزن يعطي فرح والآخر المألوف
ي كم محتاج من يمسك يدي لبعدين
انا لبعدين محتاج اللي هم وانوف
وعلى دمع الزعل واللي زعل تدرين
ماتدرين بأني للـ زعل ملهوف
وصلت لاخر دموعي إلين الحين
ولابي شي ردي للـ أنا معروف
وأنا وش قهوتي ؟ مُره إذا تحبين !
مثل طعم الحياة اللي ملتني خوف