يــــمــه يــــقـــولــــون عــــــشــــــق الـــــبــــنـــــت مــــــوعــــــادي..

يُمَـــــه ذبحنـــــي بغـــلاه ... وطبعــه الهــادي
هو صاحب الفضل في هالعشـــق ... والمنـة

مدري انا الباديــة ... والا هــــــو البــادي
بس المهــم الهــوى فينا غــرز سِـــــــنه

والله يا حضنه حضـن ... وشفاهــه تنــادي
وجوارحـــي كلهــن يُمَـــه ينادنـــه

يُمَــــــــه وربي انا مالــوم حســـادي
ادري بهـــن حاولـــن بالكيــد يغونــه

وهو يتحمــل غثاي ... ويعشــق عنادي
يموت بي مـــوت وغيـري ما درى عنه

يُمَـه تمــاديت به والقــلب متمــادي
ومشاعـــري ضيعـن قلبـي ... وذلنه

من قبل اعـــرفه وقلبــي بالهوى غـــادي
وعقبه عــرفت النعيــم وريحــة الجـــنة

انفاس صــدره اذا فاحــت زهــر كـــادي
اقرُب من شفـــاهـه الحلـــوات وآكـــنه

ادري الهوى شيــن ... لكن ربي الهادي
يمكن يجي يوم وانســى ... بـس ما اضنه

شابت عيونه على فرقاي وبعــــــادي
وذابت حوايف خصر سلمى من الحنة

اقول خذني " من الوادي ... الى الوادي "
ويقول بس اركـــــــدي واجيك بالسنة

وركدت يُمَــــــــه ... ولكن طَوّل ركادي
متى البشايـــــــر يجن قلبـي يهزنه ...؟!

اقلق مزاجــي هــواه ... وعكر رقادي
وعروق قلبـــي من النشـــوة يحزنه

افز من عز نومي بحلمـــي انادي
اوِن بإسمـــه ... وترجع لإذني الونة

اللي عشــــق غير خلي ... بالهوى غادي
واللي عشق غير خصـــري ... بايـــخٍ فنه

يُمَـــــــه يقولـــون عشـــق البنـت "مو عـــادي"
والا الولـــــد لو عشق يمكـــن يجي منه ...؟!


مما راق لي..