ألآ يآآآآآآقلب لا تشره

ألا ياقلــب لاتشــره عليه ولي متـى غــيره؟
يغـــيب براحـــته خلـه يـروح بعــالم النسيـــان
كفــاك تــدوّر اعـذار لغيابه فـضها سيـــره
تمـاديت بــغلاه ومـن تمـــادى بالغلا خـــسران
أبـد مافيـه بالدنـيا بـشر يستاهلـك غــــيره؟
يغيب ولا رجـع ماكــنك إلا العاشــق الــولــهان
أنـا ماقول لا ماقول ما أنـت بشــايفٍ خيـره
وأنـا مـانـي بـقايــل صاحبــك وافـي ولا خــوّان
يقولون القمرلاغاب يضوي له على ديــــره
وأنا أقول الحبيب إن غاب يضوي له على خلان
أجل شأسباب هالغيبة وأبي شأسباب تأخيره
وأبـي ليـه الجفا يـاقلــب؟وأنت بغـيـبته حـــيران
شهر وأكثر ولا طرش عن غيابه معاذيــره
يالــيته لــو تــعذر بالــظروف ولايمــه غلطـــان
تعبت ولا طرى له يتصل قل علها خـــيره
وش أنت متعبٍ حالك على واحد قليل إحســـــان
يجي ميت ولــه لامـن شكـــا وقتــه وتعزيـزه
وإذا قفى على وجهـه حبــيبك((نـاقة عريـــمان))
أقـــول أنـه مــوالف له بــشر خلاك تــقزيــــره؟
وأقول إنك على هامش حياته مابــقى لك شــــأن
مع اللي ماله سبوق اتركه شف واحدٍِ غيره
وأنا شــوري عليــك تلحّقه في سبعة الشـيطــان
ذبحــك الطـيب ياقلبٍ تـعذب من مـقاديــــره
يعن كنّك خفوقي خــابــرك ماتــعرف النكــــران
تقاضـي لعـنبو جــد الغــلا ماتنــفع الذيــره
تــرى من لاتقــاضـى ياخـفوقـي هالزمن ينهــان
حبيبٍ ماصفى لك طيع شوري بّدل بغـيره
وأنا شــوري عليك تلحّقه في سبعة الشيطــــان

صح لسانك ولسان شاعرها
قصيدة فى غاية الروعه والتميز
ابيات مميزة وجميلة
وتستحقي الشكر والتقدير والثناء منا ..
باقه من الورود لهذا الجمال
دمتي بود

يسلمو يا قلبي عالطرح

الرائع ربي يرعااااااااااااااااااااك

كل الورود ,,, وفيح العود تستقبلك بين صفحاتي
فاهلا وسهلا بكم في صفحتي
كل الشكر والتقدير لك
شاكر لك عطر مروركم الذي افتخر به
لا عدمت تواجدك وروعة حضورك
اطيب واعذب الامنيات ،،،