رواية صغيرات على الحياه البارت الرابع عشر

البااارت الرااابع عشر



•
•





وافي : دخلت على حنين لقيتها تبكي ..
.. قربت وجلست جنبها ومسكت يدها وبيدي الثانيه مسحت على ظهرها ..

.. لاتبكين ماعليه شر ..





*
جواد : قمت الظهر *..
.. أوووه تأخرت ..
.. رحت وضبطت نفسي ورجعت للبيت ..
.. خذت شور وتشيكت ..
.. وأنسدت نفسي عن الأكل الظاهر من الفرحه ..



بعد ماأنتهيت من اللبس ...
.. نزلت لأمي وخواتي استعجلهم
*
جواد : يمااااه تكفين تأخرنااا عجلو علي ..





نوره : الله يستر بس ضبطنا كل شي من دون مانقول لوسن ..
.. نبي نحطها أمام الأمر الواقع ..


.. الميك أب والتسريحه خلينا حنين تضبطه لها بما إنها فنانه فيه ..



والفستان لبسناها فستانها حق زواج خالة جواد ..
.. وفهمناها أن زميلتي من طبقه راقيه بتزورني وتشيكنا كلنا ،،




وسن : أوف منكم قلتلكم مانيب طالعه ..

.. ماحب الجلسه الرسميه ..
.. طالعت نفسي بالمرايه ورميت لنفسي بوسه .. ياااااختي علي أهبل بسم الله علي ..



هي النوررري لاتكون صديقتك حسووود تطسني بعين ..



نوره : بعد ماأنتهت وسن من كل شي ..
.. حمد دق لي يقول أهله جونااا فلازم نقولها الله يعيني ..



مسكتها وقلتلها السالفه بهدوء ..



وسن : يااااسلام والله وأنا أخر من يعلم ..
.. *نقلعووو عني بدق لفتووو نطلع وياهااا للملاهي ..
.. حرام تروح هالكشخه بلاش !




حنين : و من قال أنها بتروح بلاش !
بيشوفها جوادوه .. وإلاما يستاهل ..
وسن : طبعا مايستاهل وخذت جوالي بتصل لفتو ،.



نوره : دقيت لتركي وقلت له السالفه كلها ..

تركي :ي الله وسن انزلي للصاله جواد ينتظرك ..

وسن : ماهمتني نوره بطنشها بس ..
.. *شفت تركي وضاعت علومي كلها ..

.. ياربيه منه .. يخوف هيئته .. عيوونه الكبار .. حتى ترسيمته تخوف ..
.. بلعت ريقي .. ومغصني بطني ..
.. عرفت ان السالفه جد ..
.. قلت طيب ان شاءالله ..




حنين : كتمت ضحكتي لين طلع تركي بعدها انفجرت ههههههه ..
.. ناس ماتجي ألا بالعين الحمرا ..

وسن بعصبيه : اسكتي أنتي هالعين الحمرا ماتطلع إلا علي ..
.. وأنتي اللي مهيته رجلك وحارمته من عياله مخلينك على كيفك ..


حنين : حسيت بغصه بحلقي بس مابي أضيع فرحتي بوسن ..
.. خاصه أنها باقي لها اسبوع وشوي وتسافر وتتركنا ..


قلت بمرح : والله هالعين ماتطلع إلا ع البزارين أنزلي بس ..



جواد : من قالي تركي أدخل وأنا مضيع كل اللي بقوله لوسن ..

.. تنحنحت وسميت ودخلت ..
.. شفت آآآآه*ياقلبي .. ليتهم يخلوني آخذها اليوم ..

.. قربت وصافحتها .. وبلعانه بوست خدها وراسها ..

شربنا العصير .. وولبستها الشبكه ..
.. *لماجيت ألبسها العقد .. وبعد ماسكرته ماشلت يدي ..
.. قعدت أمرر يدي على رقبتها متعمد أحرجها ..
.. والكل يحسبني ماعرفت أسكره ..


*.. بغيت أصرخ من الألم لما الحيوااانه داست بكعبها اللي كنه مسمار على رجلي ..
.. وبسرعه بعدت يدي عنها ..
.. وأنا أحاول أضبط أعصابي ..
.. ووقفت وسحبتها بيدها ووقفتها معي ..

وناديت للعنود ....




عنود : نوره جواد يبي يجلس مع وسن شوي ..
.. أخليه يدخل بمجلس الحريم ؟



جواد : دخلنا بمجلس الحريم وقفلت الباب ..

وسن : هي أنت وش تسوي أفتح الباب ..
جواد : قربت منها ومسكتها من عضودها وهزيتها ..
*
.. شحاده وطقاقه .. !
.. طقاقه ياالطقاقه ..
.. ياالشحاده .. *آخر عمرنا عايله التركي تجي بزر وتشوه سمعتنا !
تحبين أقول لتركي !



وسن : شهقت بلانذاله جوادوه ..
جواد : أنتي ماتستحين تسوين هالحركات من ورا أهلك ..


وسن : تكفى جواد لاتصير نذل آخر مره ..

.. توبه والله توووبه ..


جواد بخبث : انزين وش المقابل .. عشان ماقول لتركي .. وأنتي عارفه تركي عسر مدري وش بيسوي لادرا ؟



وسن تكتفت :
خلص والمطلوب ؟
جواد : قربت منها وشديت على خصرها ..
.. طالعتها ببراءه سلامتك أنتي كريمه وأنا أستاهل ..


وسن : دفيته عني ووجهي قالب إشارات مرور ..
ابعد عني وقل شتبي بالضبط ؟
جواد وهويقرب أكثر :
ياحلوك فاهمتني ..
.. أبد طلب صغير قد عين النمله ..
وسن : اللي هو ؟
جواد بقوات عين : أبي نطلع .. نتعشى برا .. ونسهر مع بعض ..


وسن : طيررر بس لو تلحس السما بلسانك ..

جواد : أوكي ..
.. وطلعت جوالي بدق لتركي يتفاهم معك ..
.. ويشوف وش سويتي بفلوس الشحاده والطق !


وسن : سحبت جواله الله ياخذه بيذلني يعني ..
.. طيب طيب أنا موافقه ..



جواد : أيوووه كذا تمام بصلي المغرب وأجي آخذك .. بااااي ..

وأنا عند الباب بطلع وهي وراي تمشي تنتظرني أطلع فاجأتها برجعتي ..
وقبل لاتستوعب ضميتها بقوه ..
.. وبوست شفايفها وخربطت لها شعرها بسرعه وطلعت ..
.. وأنا منزل راسي وغترتي وأمسح فمي وبسرعه طلعت ..




وسن : من الصدمه تنحت وماتكلمت ..
.. ولاحتى تحركت وش سوى هالزفت السخيف .. استغفر الله شكله متعود يسوي هالحركات برا وجع أن شاء الله ..







عساف :زطلعت سيده من المستشفى لبيت عمي وأنا طايرمن الفرحه ..
.. وصلت وفتح لي تركي ولد أخوي قلت وين خالتك وداد؟ .. نادها لي ..



تركي بن حمد : خالتي عندها حريم ..

عساف : كلمها بأذنها قل أبوي يبيك بالمجلس ..
.. وربع ساعه وجتني ودادي ..
.. لماشافتني رمت نفسها بحضني وبكت ..




عساف : ودادي دودو أنا جايب لك بشاره ..
.. الحمدلله الورم اللي براسي حميد موخبيث ..
.. *وعمليته أن شاء الله ناجحه ..




وداد : أحلف ...
عساف : برب البيت ماجاك الإ الصدق ..
.. *الله جيبي ريمي أشوفها ترا أشتقت للريم وأم الريم ..





جواد : بعد ما أستأذنت من عمي إني أطلع مع وسن ..
.. دقيت عليها وسفهتني ..
.. أرسلت لها ...

*- وسون بدق دقة والثانيه على تركي أن مارديتي ..
وإلاأقولك أن مانزلتي بعد عشر دقاايق -


.. وبعد سبع دقايق شفتها طالعه بعبايتها ..





‏> في سيارة جواد <





جواد : حي الله أم تركي ..
وسن : هه مأمل الأخ ..


جواد : أكيد بأذن الله ..
.. عاد أنا سعودي أصيل ..
..ابي درزن مشكل .. وإلا أقولك درزن ونص ..
.. انتي توك صغيره وتقدرين تجيبينهم خلال ثمان طعشر .. سنه يعني يكون عمرك تقريبا ثلاث وثلاثين سنه ..

لاااا شكلي بشكهم درزنين كل سنه حبه ..




وسن : أنطر ياحمار لين يجيك الربيع ..
جواد : مسكت فرامل بقوه وبغا يضرب راسها بالزجاج الأمامي .. مسكت يدها بقوه من هو الحمار ؟
وسن بعصبيه : ياغبي بغيت تموتنا ..



جواد : من هوالحماااار أنطقي ؟
وسن بخوف : الشيطان أوووف زين !

جواد : أرتخيت ع المرتبه ..
.. ورفعت رجلي ورفست بها رجلها ..
.. مره ثانيه حاسبي على أمثالك اللي كنها وجهك ..


وشغلت ومشيت ..
وسن : أوف يقهر !




من دخلنا المطعم وهو يقزني .. ومافك يدي ..
.. وبكل برود يقول ترا زواجنا الاسبوع الجاي .. وبسافر معه ..


هه تحلم .. زواج مابي لين أتخرج من الجامعه ..
.. يعني بعد سبع أوثمان أوعشر سنين عاد على حسب شطارتي ..



جواد : أذا على شطارتك عزالله عنستي وخستي ما تزوجنا ..
.. أنا باخذك عمره بعد زواجنا وبعدها نسافر ..



وسن : لا يعني لا ..
.. مستحيل وليش مابلغتوني قبل ؟
.. الظاهر هذا زواج بنت الجيران مو زواجي ؟



جواد : المهم وصلك الخبر وأنا حجزت لنا وجوازك عندي ترا ..


وسن : لا والله !
.. من سمح لك انقلع بس ماني رايحه معك ..

جواد : يعني تبين أعلم تركي ..
.. ساعتها بيسحبك بثيابك اللي على ظهرك ويرميك عندي ..
.. فخليها تجي بطيب خاطر بدل الغصايب ..



وسن بثقه : مايسويها إخوي ..

جواد رفع الجوال :
.. تحبين نجرب ؟
وسن سحبت منه الجوال:
.. بلا سخافه أنا موافقه ..




جواد : إيوه كذا أنتي تمام ..





حمد : رحت لوافي بمكتبه أبي أكلمه بعيد عن البيت ..

وافي : حياك أبوتركي وش تشرب ..

حمد : أنا ماجيت أشرب ..
.. أنا جاي أشوف حل لمهزلتك أنت ومرتك ..
.. كل واحد أعند من الثاني .. وكل واحد مو راضي يتنازل .. وسالين بحياتكم والضحيه عيالكم هالمساكين ..



وافي تنهد ونزل راسه :
.. أرجوك حمد لاتدخل ..



قاطعه حمد :إ لابتدخل ونص ..
.. أذا عمي صبر عليك هالفتره كلها وأنت ماحركت ساكن ..
.. فماراح يسكت أكثر ..
.. ولولا معزت أبوي عنده كان ماسكت ..
.. أي أبو مايرضى يكون حال بنته كذا معلقه .. لامتزوجه ولامطلقه ..



قاطعه وافي بعصبيه :
.. خير وش معلقه هي زوجتي ..

حمد : طيب ليش ماترجعها ..

وافي تنهد : مو راضيه ترجع ..
.. أو تعطيني فرصه أراضيها .. وبيتي حلفت ماتدخله عقب مازعلتها ..



حمد .. وبنظرك .. بتخليها كذا .. أنت بجهه وعيالك ومرتك بجهه ..



وافي : طيب شور علي ياخوي وش أسوي ..

حمد : البيت كانها حلفت عنه أشتري لك بيت ثاني أو أستاجر ..
.. وكانها مارضت تعطيك فرصه خذها لو بالقوه ..
.. بعدين لاجت عندك تقدر تكسبها ..
.. ترا المره تعشق بأذنها قبل عينها ..
.. يعني كلمتين حلوين على شويت دلع لها .. تلاقيها ذابت ورضت ..


وافي : تعتقد تسامحني وأنا من خذتها وأنا أهينها ..

حمد : شف ياخوك ..
.. محد ذل مرته كثري ..
.. وريتها الويل ببداية زواجنا ..
.. مع إني كنت أحبها بس كنت طايش وصغير ..
.. وهي بعد صغيره ..

.. فكنت أحاول أثبت شخصيتي بأهانتي لها ..
.. وأني قادر أتحكم فيها ..
.. ولماشفتها قشت قشاشها وراحت لاهلها ..
..بغيت أنجن وهي ماجلست إلا ثلاث أسابيع راضيتها .. وليومك هذا مازعلتها ..



وافي : شورك وهداية الله ..







‏- زواج وسن وجواد -





جواد : رفضت يزفون وسن قدام هالعالم ..
.. مع إني من مؤيدين الزفه .. خاصه لمحارمي ..
.. عشان أدخل مع العريس ..
.. بس أنا خايف يطسون وسون بعين ..
.. أكيد هي أحلى وحده بالحفل وانقهرت مني لأني مارضيت لها تنزل عند الناس ..



حسيت بارتباك لما ناداني تركي أدخل ..


وسن : الله ياخذه جوادوه .. فشلني عند زميلاتي ..
.. قايله لهم بنزف ..
.. وكنت أبغى أحرهم لاشافو جوادوه حلو ..
.. لأن فتو الحماره قالت لهم أن جواد دب ..
.. بعدها صارو يعلقون على بدبابته ..




عنود : ياالله بنات المعرس بيدخل ..




وسن : تمسكت بنوره أختي لاتروحين ..



تركي : دخلنا كلنا ..
.. أنا وأبوي وعبدالعزيز ومحمد ووليد ..
.. بأصرار من وسن ..
.. بعد ماأكدت على وافي وعساف وحمد يشوفون الرجال ..



كسرت خاطري وسون بعدها صغيره ع الزواج والمسؤليه ..
.. والسفر .. قربت منها وضميتها ..
.. وحبيت راسها عشان ماخرب ماكياجها ..






جواد: مع إني جرئ ..
.. بس صراحه كنت جدا مرتبك لماشفتها ..


قربت منها .. وسلمت بيدي .. وحبيت راسها ..
وجلسنا..

.. استغليت فرصه أن صوت الزفه عالي وقربت من وسن وكلمتها بصدق ..



واااو وسون تجننين ..
.. *لله يصبرني لين نوصل للفندق ..
.. نزلت راسها بخجل واحمر وجهها ..
ضحكت بشويش هههههه وسون أول مره أشوفك مستحيه لازم ناخذ لك صوره ..



وسن : وجع قليل أدب ..
.. بلاااا فشكله ..
.. وابتسمت لأني تذكرت أبلا تماضر هذي كلمتها دايم ..




عزيز : جواد وش أنت قايل لأختي ..
.. وجها صار طماطه ..

وليد : ولأول مره بحياتها وسون مستحيه ..
.. يارب لك الحمد أخيرا .. حقق امنيتي أشوفها مستحيه قبل ماموت ..




أب وتركي : بس أنت وياه ..
.. وإلاطلعتكم برا هذي الوسن غلاي كله ..



وسن : يابعد قلبي يابوي ..
.. ياناس هالأبو عسل ..
.. مافي أحد بغلاه عندي بالدنيا ..




طلعو اخوانها وبقى تركي .. عشان يصور مع عنود ..

بعدين شوتتهم المصوره .. عشان تاخذ لنا صور خاصه ..


جواد : أوف متى تقضى هالعجوز الشمطا من التصوير ..
.. ابي نصير لحالنا .. بس حركاتها حلوه ..
.. خلها تستاهل هالوسن ..





جت عنود ونوره ..
.. ولبسوها عبايتها ..
.. وطلعنا بعد توصيات من أمها وأبوها وأخوانها كني باكلها ..

وابتسمت : إني باكلها تحسبني بخليها ..

وصلنا الفندق وطلبت عشا ..
.. وعلقت بشتي ..






نوره : مسكت حنين على جنب ..
.. بعد ماانتهى زواج وسن تقريبا ..
.. الله يوفقها ..
.. *بعد ماأتفقت أنا وحمد إنا نصلح بينهم ..
.. بالطيب أو بالقوه ..
.. وكنت مجهزه لحنين شنطة فيها ملابس جديده ..
.. وقمصان نوم جديده ..
.. مسكين هالوافي كاسر خاطري .. أكثر من حنين ..

وركبت الشنطه بسياره حمد ..
.. عشان ياخذها وافي ..



نوره : حنين بصراحه وضعك مايسر..
.. لاتخربين بيتك بنفسك ..
.. خلاص ماصارت زعله حتى مو راضيه تعطينه فرصه يراضيك ..


حنين : نوره أنتي ماتدرين ..
.. *وافي أهاني وذلني ..


نوره : ياحنين مافيه أحد أنهان وأنذل مثلي بداية زواجي ..
.. أنا خذت حمد وعمري سبع طعش..
.. *هوعشرين كان شاب طايش ..
.. عذبني تعذيب وذلني ذل ..
.. محد ذاقه .. - نوره ودموعها تصب من ذكرى ذيك الأيام -


كان يهيني قدام أمه .. وأخوانه .. وخواته ..
.. ومايتجرأ يسويها عند أبوه ..



كان يقومني الصباح قبل لايروح للجامعه ..
.. تخيلي أحد يرجفك وأنتي نايمه برجله عشان تمسحين جزمته ..

- وتشاهق بالبكي -



وإذاشرب مويه .. كب باقي المويه بوجهي ..

ومصروفي مايعطيني إياه بيدي ..
.. كان يرميه عند رجله عشان آخذه ..


ولمايشوفني أتزين عند المرايه ..
.. يسحبني من شعري .. ويضرب براسي فيها ..

.. لمن نجي ناكل ياكل هو .. بعدها آكل أنا ..


ولماحملت بولدي قبل تركي ..
.. وأنا ماصار لنا ست شهور من زواجنا ..
.. طرت من الفرحه قلت يمكن يتغير ..


صحيح فرح بالخبر ..
.. *بشر الكل .. بس ماوقف عن إهانتي ..


.. ومره دخل علي .. وأنا جالسه بالحوش .. ومعطيته ظهري ..
.. وماحسيت به لمن دخل ..
.. رجفني من ظهري بجزمته لين طحت على وجهي ..
.. وماقدرت أقوم من الألم ..
.. شدني بشعري ووقفني ..
.. وسحبني وراه ..
.. وأنا بنص الدرج أغمى علي ..
.. وماصحيت إلا وأنا بالمستشفى ..
.. عرفت من خالتي إني جاني نزيف .. وسقطت ..


.. انصدمت .. وسكت ماتكلمت ..
.. طلعت لبيتنا وجلست اسبوعين ..
.. وكل مايجي يزورنا أرفض أطلع له ..
.. وأهلي مادرو بالسالفه يحسبوني متأثره ع الجنين اللي طاح ..



صحيح كنت متأثره ..
.. بس بعدين فكرت إنها خيره ..
.. عشان مايكون بينا عيال ..
.. وأرجع لأهلي مثل ماكنت وأكمل دراستي اللي حرمني منها .. - تنهدت ..




وبعد اسبوعين ..
.. جاني أبوي .. قالي أطلع لحمد ..
.. عشان نروح بيتنا ..



حمد : يالله البسي عباتك .. وجيبي شنطتك .. والحقيني بالسياره ..


نوره :هه وأثق بعد اللي صار برجع لك ..


حمد : خير ياطير ..
.. وش صار يعني ..
.. الولد بداله ولد .. أمشي بس بلادلع ..



نوره : جلست ع الكنب ..

.. وحطيت رجل على رجل .. وقلت :
.. هذا مكاني ..
.. ورجعه لبيتك ماني راجعه ..
.. وطلقني ..

.. عصب علي ..
.. وقام يهذي بسب .. وشتايم .. ويتوعد ..
.. بياخذني غصب عني ..
.. وبيتروج علي .. وطلع وصفق بالباب بقوووه ..



جلست بعد الاسبوعين اسبوعين ..
.. وأنا تجيني الوسايط ...
بينا مره أبوه .. ومره أمه .. وأحيان عمتي ..
.. بس مارضيت .. وأذا جانا أودق على بيتنا ماأطلع ولا أرد عليه ..




.. وبعدها باسبوع كان عند أهله عزيمه كبيره ..
.. لواحد من التجار ..
.. وأهلي كلهم راحو إلا أنا ..
.. أهلي ماكانو يدرون عن حياتي شي ..
.. وتركي كان توه ماخذ العنود ..
.. بعدنا بكم شهر ..

.. وكان مدلعها حيل ...
.. هذا اللي خلا مرت عمي تحرص على استمرار علاقتنا ...


.. وماتبي حمد يطلقني ..
.. لأنها خايفه ع العنود ..
.. طبعا جلست بالبيت لحالي ..
.. أنا وجدتي المريضه وشغالتها ..



ولما صارت الساعه عشر ..
.. حسيت بصوت حاجه تطيح ..
.. بعدها طق قوي *عالباب الداخلي للفله ..

..طاح قلبي ..
.. ماكان فيه جوالات .. وبيت عمي سماعته تعطي مشغول ..
.. والشغاله خايفه وتبكي ..
.. وجدتي ماتدري وين الله حاطها ..




قربت من الباب ومعي سكين ..
.. وقلت بخوف مين :




حمد : أفتحي أنا حمد ..


نوره : رميت السكين من يدي ..
.. وسحبت نفس .. وقلت ماني فاتحه ..



حمد بعصبيه : افتحي لا أكسر الباب ..

نوره : فتحت .. لاني تذكرت أن أبوه عنده عشا مهم ..
.. وماهو ب جاي للديره إلاكان أهلي فيهم شي ..


.. فتحت الباب وانصدددمت ...



.. كان مبهذل .. فاتح جيب ثوبه ..ومالبس شماغ *..
.. وطلع له دقن وعوارض ..
.. أرتعت من شكله ..
.. وصرخت أهلي فيهم شي ؟
.. جاهم حادث ؟ .. ماتو ؟






.. وقبل لا أكمل تحقيق ..
.. رمى نفسه علي .. وضمني .. وبكى .. بكى مثل الطفل .. وقال :


.. أنا اللي فيني ..
.. أبيك، ..
.. لاتخليني .. نوارتي لاتخليني ..



.. وكنت أول مره اسمعه يدلعني ..
.. حتى أسمي ماكان يناديني فيه ..
.. كان يقول يازفته .. *يالوح .. وكانه راضي ..
.. ياهيه .. *يابنت ...




..المهم عرفت من سمعت كلامه إنه منتهي ..
.. ومستوي ع الآخر ..
.. بعدت عنه وجلست ..
.. جا وجلس جنبي ودموعه تلمع بعيونه ..




حمد : نوره ارجعي معي ..
.. خلاص مقدر أجلس بمكان وأنتي مو فيه ..
.. تعالي معي ..




نوره : حمد .. *أنا شفت منك بالست الشهور ..
.. *للي ماشفته بها السبع طعش سنه اللي عشتها ..
.. وأنا طول عمري ماحد هاني .. وماعندي استعداد أرجع للذل مره ثانيه ...



حمد باس يديني وقال :
.. وبرب البيت ماحد يهينك ..
.. ويدن تنمد عليك ياجعلها للكسر ..

.. أنا أهملت كل شي بعدك ..
.. جامعتي .. وأكلي .. وأهلي .. وشكلي ..
.. أرجعي وأن شاء الله ما تشوفين مني إلاما يسرك ..
.. ونجيب تركي وإخوانه ..




*
ومن هاك اليوم لليوم وأنا وياه سمن على عسل ..

وألحين يموت بتراب رجليني ..



الرجال إذا أخطا الدرب .. يبي له قرصت أذن ..عشان يتعدل ..
.. بس ماتهدمين بيتك بيدك ..





حنين : ياقلبي كل ذا بقلبك يالنوري ..
.. وأحنا ماندري ..


بس وافي بدري عليه ..
.. خليه شوي يتأدب ..
.. بعدها برجع له ..



نوره : يابنت حرام عليك ..
.. كل ذا وما تأدب ..
.. صارله سنه عنك ..
.. ومافي أحد أصبر منه ..
.. ولولا حبك كان تزوج ..





حنين : إي واضح هالحب ..

فزينا على صوت أمي وهي تقول أطلعو سيارات العيال برا ..




وافي : حرصت نوره على العيال ..
.. وقلت لها تاخذهم معها .. هي والمربيه ..
.. اللي طلعت ومعها توتو ..
.. أشرت لها تركب مع حمد ووقفت على سيارتي أنتظرها ..





قربت مني العنود تضحك وتغمزلي .. قالت أخاويك ؟



قلت : أنقلعي عندك رجل ..
.. أنا مسؤل عن أهلي ابس ..
.. وعدلت وقفتي لما شفتها شايله جوجو ..



قربت منها .. وخذته بيد .. وباليد الثانيه سحبتها لسيارتي ..
.. بعد مامديت جوجو لحمد أخوي ..




ركبتها وسكرت بابها بالقفل ...



حنين : طيب استنى آخذ العيال والمربيه ..
.. ضيقو على أخوك وعياله ..




وافي *:بابتسامه .. وانا أشبك يدي بيدها اللي مقدر أقاوم سحرها ..

عيالك بتشوفينهم عقب أسبوعين أنا شاء الله ..




حنين : وافي وين ماخذني رجعني للبيت ..
وافي : بصراحه جواد اليوم هيضني ..
.. أكون عريس عشان كذا بننام اليوم بالفندق ..
.. وبعديومين بنسافر أسبوعين عسل مع إني أتمنى إنها شهر ..



حنين : من سمح لك تخطط كل شي من راسك ماكن لي رأي ؟
وافي : ماقصرت فيك ..
.. سنه وأنا محروم وصابر ..
.. بس لحد هنا وبس صبري نفذ ..



وقطع كلامنا وصولنا للفندق ..




حنين : لما دخلت فعلا حسيت كأني عروس .:
.. الشموع والتورته فيها صور عيالنا والعصاير وبجنبها هديه مغلفه ..



دخلني ونزل ..

*
دخلت الغرفه وعلقت عبايتي ..
.. وعدلت الميك أب وسبحت بالعطر ..

طالعت نفسي بالمرايه وابتسمت باعجاب لنفسي كأني فعلا عروسه ..
.. فستاني سكري .. ممسوك بخيوط كرستال فضيه وقصة تحت الصدر ..ويتوسع شوي كل مانزل وطويل بذيل من ورا وتحت الصدر شك فضي ونفسه من ورا ..


.. الفستان جدا ناعم ومخليني أميره ..
.. ومحليه طولي وجسمي وبياض بشرتي ..
.. وزدت على شفايفي من روجي المشمشي ..
.. وعدلت ربطت شعري السكريه ونفضت شعري الكيرلي ..

وابتعدت عن المرايه لماسمعت صوت الباب ..





وافي : كنت بنادي عليها ..
.. بس لماسمعت صوت طق كعبها زادت معه دقات قلبي ..


.. وسحبت نفس ..
.. وتو بدخل طلعت بوجهي ..

.. ابتسمت لي بخجل ونزلت راسها ..
شرقت بريقي كح كح كح


حنين : أشفيك ....
وافي : غنيت لها وأنا أضمها :

ليله لو باقي ليله *.. *بعمري أبيها الليله
وأسهر في ليل عيونك *.. في ليله عمرفي ليله عمر



حنين : ضميته أكثر ..
.. ودفنت وجهي بصدره أجبه ياناس أحبه وأموت فيه ..

وافي : ضغطت عليها وأنا أقولها والله لأطلع دلعك علي ..
.. وحرتي منك ..*




حنين بدلع : ومن قال برجع معك بكره برجع لأهلي ،،

وافي : إيه هين ..
.. والله ماعاد تمسين ببيت أهلك سنه كامله عقابا لك ..




وكانت ليلة عمر فعلااااا

مجنون قصايد ,مياسه ,جنــــون و 2 آخرون معجبون بهذا

نجم الجدي ,إرتواء نبض

قلائد أمتنان لهذة
الذائقة العذبة في الانتقاء
لروحك الجوري

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

سلمت أناملك على الجلب المميز
اعذب التحايا لك

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

انتقـآءْ رآئــع, وطرح جميــل كجمآل روحك

بـآآقـة..مـن..أرق..ع ـبـآآرآت..الششكر
لهـذآآ..الع ـطـآآء..المتميـز..والأنتقـآآء..الرآآقي
أنتـظر..ج ـديـدكـ
لقلبكـ..طـوـوق..يـآآآسميـــن

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد