خفايا الروح

ما علي من الاقاويل الكثيـره لا خلـت مـن وزنهـا والاتـزان

ولا علي من الهجوس اللي تطيرها العواصـف لا سيـاج ولا ذرا

راحة الاحساس لا عد الحقيقه وانبرالـه ليـن يوصلهـا الامـان

والحقيقـه والخديعـه بينهـم وجـه التشابـه للثريّـا والثـرا

زارعين الزعفران وهيل يجنون الثمر محصول هيـل وزعفـران

وزارعين الشك ,في ,ياهل ترا يجنون شك وحدهـم ياهـل تـرا

والزمان يمر فيه المر والحالي وحنـا فـي تصاريـف الزمـان

والعلوم الطيبه تبقى ولو عدّا الزمـن والعمـر مـا يرجـع ورا

يا خفايا الروح روحي للضمير وحركيه وحركـي معـه اللسـان

لجل ما اغش الحروف بشي ما هو من كياني يخدع اللي له قـرا

كم خذيت وكم عطيت وكم لقيت وراح فكري من مكان ليـا مكـان

وكم حملت بخاطري شي ودرا فيـه المقابـل والمقفّـي مـا درا

وكم لقيت من البشر يعطون الاربع بينما بقلوبهم عشـر وثمـان

وكم لقيت اللابسين الثوب الابيض والبياض الداخلي منهـم بـرا

وكم لقيت اللي قساهم هو حلاهم من رضاهم با القساوه والليـان

وكم لقيت اللي ليا دارت رحاهـم مـا تـزج الا طحيـن الافتـرا

وكم لقيت اللي ليا جيته ضحك والقلب فيه اوصاف من كوفي عنان

وكم لقيت اللي ليا قفيت دمعه من على خـده علـى شانـي جـرا

وكم لقيت اللي على بث الاثير يثير حس الغير من سحر البيـان

وكم لقيت اللي يخوض الحوض ويعكّر ويبدي ما يمر ومـا طـرا

يا ظنوني وصليني وامنعيني عن خطا عينـي وقلبـي والكيـان

ولا توديني متاهات الظنون اللي ينـوش الحـظ منهـا الاقشـرا

مرزوق الرمالي

( أتمنى إنها ماتكون مكرره)

والزمان يمر فيه المر والحالي وحنـا فـي تصاريـف الزمـان




والعلوم الطيبه تبقى ولو عدّا الزمـن والعمـر مـا يرجـع ورا

تنفســــــــــــــــــــــت خيمة الشعــــــــــر من جمال ذائقتك ,,

روعه

صح لسانك ولسان الشاعر القدير
مرزوق الرمالي

وماهي بمكرره

الف شكر

يسلمو عالطرح الرائع

وربي مايحرمني منك

يسلـم لنـآ قلمك آلمبدعَ ..
انتقـــــــاء قمه في الروووووعه كـ روعة حضورك ..
كمـآ عهدنـآك رآئعة بكل مآفيـكَ ..
دآم لنـآ آبدآعك ..
لاهنتي

اشكرك على رقي طرحك
قمه في الذوق ..
يعطيك العافيه