النظرة

لبى العيون اللي ذبحني نظرها

يا معذب الارواح بعيونك السود

لا ركزت بالعين جابت خبرها

والمشكلة بالعين والحزن ماجود

شافت عيوني تنجرح من قهرها

سبت وليفٍ يطلب الزود بالزود

كنه كما ذيك المحاني عبرها

والزاد مني يلحق القلب منقود

ما كل بذره تنفع اللي بذرها

حنا بذرنا وقل ما كان محصود

بعض الضلوع الساكنه في مقرها

تبعثرت ما عاد لضلوعنا فود

ما نفعت الايام صافي قمرها

جتنا الليالي كلها بروق ورعود

لو ينفع البردان شبت سمرها

يقبل على النظرات يا دقيق العود

مثلك حشا ما شفت زاهي صورها

لو يرجع التاريخ للبيض والسود

مثلك حشا ما شفت خصلة شعرها

تلعب بها النسمات من دون مجهود

مثلك حشا ما شفت تالي بحرها

ما تجرح الاحساس وتغث الكبود

دق الغلا بالقلب دقت نجرها

هزت ضلوع القلب وبليس مقرود

خلت وليف الروح يتلى ظهرها

هدت على اللي كان بالعام مهدود

ما يذبحك يا كود لذة خمرها

تلعب على الاوتار مع دقت العود

تعرف من السكران تاخذ حذرها

عكس الذي بالمخمره بات مفقود

وانا الذي من دون حجه عذرها

لن الخيال بردة الفعل مسنود

شاعر بيوت الشعر لجله عمرها

كله سبايب نظرة عيونه السود

منقول

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

بيض الله وجهك على اختيارك
للطرح الراقي
لاحرمك الله رضاه

‏لك كل
تقديري واحترامي


مجنون قصآيد

‏

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

*،




آنتقاء مميز .. مَ ننحرم من جديدك

سلمت يمناك
طرح جميل جدا

الاروع هو حضوركم الباذخ
اسعدني تواجدكم ونثر حروفكم العطره
مودتي التي لا تفنى

طرح جميل يعطيك العافيه