ديوان نور - الشاعره نور الوليدي

(سجن الحرامي)



ليت قلبي مايمرالا القلوب الشاعريه

خوفي انه يعتزل عقلي وتغريه الاسامي

ولويشابه في طموحه عاطفة بنت قويه

مايهم ان راح وضلوع السنافيه حوامي

كم تعثر كم تبعثر كم وكم صارت اذيه

والسبب ثروة امانه طاحت بسجن الحرامي

لاياحلوه لاياورده لايا احلى جاذبيه

لايغرونك دخيل اهلك وتضميك المرامي

لويصيح النبض كان لعاطفتناالاولويه

ومايصيح الا على غفلة مشاعرنا الضوامي

لاتهينك امنياتك لاينادونك غبيه

المحبه وجه نادر شاع في فلم غرامي

اصعب الوان التحدي والوجع والعبقريه

لحظة فراق العواطف والشعورالانفصامي

يوم فز القلب وتناثر على كف ا لصبيه

واعلنت معنى البراءه والمصيرالانتقامي

ياذياب الحب والاياخفافيش الخطيه

انتوصلصال تكون من صدى وجه هلامي

والتحيه للعذارى مالكات العاطفيه

حافظات الودلعيون المحاشيم الكرامي

واعزل اللي شوهو حواء بهفوات غبيه

ناقصات العقل والدين وحظيظات المقامي

وليت ياقلبي تعلم جاهلك بالشاعريه

والمحبه درس ماله عالم ولاله محامي