غياب الضي

من غياب الضي.. لأطلال المدينه
خطوة الفرقى .. ترى كانت حزينه

من يسلفني يدينه لاجل أوادع..؟
عيت ايديني ابد تلمس يدينه ..!

أبتسم .. والجرح بغيابه تجدد
كل ما عطره علي ..سير حنينه

الشعور اللي فقدته من .. فقدته
كني اللي منحرم .. من والدينه ..!

وينه اللي عن وصالي له تصدد
كنه اللي ناسيٍ لايسد دينه ..؟

الظروف اللي جنت والله علينا
لين صرنا نعيش حرمان وغبينه

وادعيني ..دام مالك فيني حاجه ..!
بس قلبي .. طالبك ..لا تتركينه ..!

وش أبي به دام ما ينبض مشاعر
ومعك أمانه في فراقي تحفظينه

هذا هو اللي رجف نبضه لعينك
يا عسى المولى بما صابه يعينه

انا راحل عن حبيبٍ مانسيته
جعلها في غيبتي تبطي سنينه ..!

تذكرينه؟ .. لو يمّر وما يسّلم..؟
اللي غيره ساكنٍ بك .. تذكرينه؟

ساريٍ والليل سراق الحبايب..
يستر اللي يفضحونه دمعتينه

شاعرك.. وافي ترى حتى بغيابك..
مانساك.. ولو نسى؟ تبت يدينه..

شاعرك غنى بعد غيبّتك .. حرفه؛
"خطوة الفرقى.. ترى كانت حزينه"

قلائد أمتنان لهذة
الذائقة العذبة في الانتقاء
لروحك الجوري

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت يدآك على روعة الطرح

يسلمو على المرور

تسلم يمينك
ودام عطائك العذب
پآقة ورد

سلمت أناملك على الجلب المميز
اعذب التحايا لك

يسلمو على المرور

بيض الله وجهك على الاختيار
نقل في غاية الفائدة

احترامي

قيمه جيده لمحتها من خلال هذا
الجلب المميز في
محتواه
ونال الاستحسان
والاعجاب التام والرضى

وكل هذا دليل ذائقه راقيه جدا أدت
لظهور هذا الطرح بهذا الشكل

اتمنى تقديم المزيد والاستمرار عل
نفس المنوال


ولك كل احترامي وتقديري
واسعدك المولى