|
|
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
01-03-2021
|
#1 |
|
رواية سحابة لو حملت جبال وحلوة لو شّربت المُر!/ البارت الثالث عشر
البارت 13❤❤. نوف : بكره زواج صاحبتي وناسيته وما أشتريت فستان ، توي تذكرت! ليلى : خذي من بنات عمك طيب نوف : لا مابي اخذ منهم ، يعني صدق هم طيبات مايقصرون لكن مابي احرجهم ليلى : لا احراج ولاشيء بتاخذين منهم نوف : ورد انتي عندك فساتين ؟ ورد استغربت سؤالها : تدرين ان ماعندي الا الفلس نوف : لا ماادري ، كنت احسب صدق عندك بس يالله بسحب على الزواج ماراح احضره ليلى : لا وش تسحبين يابنت الحلال عيب عليك ورد فكرت تعطيها فستانها الوحيد اللي اشتراه لها سند تذكرت نوف وكيف كانت تهينها باللي تملكه صح انها ماتستاهل اللي يعطيها ، وصحيح ورد تحب هالفستان وغالي عليها وتتمنى تلبسه ، لكنّها عارفه ماراح تلبسه ابد وقفت وهي ملزمه تهديه نوف بطيبة قلب وبكرم منها علشان توضح لها الفرق بينهم . ليلى : وين تبين ورد : تذكرت عندي فستان ، تعالي شوفيه نوف قامت نوف بدون تردد ودخلت وراها ، فتحت ورد خزانتها واخذت الفستان الأحمر الوحيد ، حسّت قلبها يوجعها وهي تمده لها : تفضلي ، ماعندي غيره ، وماادري اذا بيعجبك او لا لكن أقبليه هديه مني ، ترا جديد ما لبسته! نوف وضحت نظرات الإعجاب من جديد بعيونها وكأنها ماشافته قبل شوي ، مررت ايدها عليه وقالت بذهول : ورد ، يجنن ، جماله عجيب ، من وين شريتيه ؟ ورد سرحـت فيه وقالت بشبه إبتسامه : هديّه تبدلت نظرات نوف الهاديه لنظرات شـرّ وحقد ، لكن ورد مانتبهت وكانت سرحانه بالفستان وكأنها بتغيّر رايها وترجع تخبيه . نوف : بس الهديه اللي لك مايصير تهدينها لغيرك ،ماتعلمتي؟ ورد ناظرت فيها بنظـرات مافهمتها نوف لكنّها مليانه خبث وكأنها تقول لنوف ترا فاهمتك وادري عن كل اللي يدور براسك . ردّت ورد بهدوء : لا ماتعلمت بمدرسه ، ولا تعلمت بحياتي العاديّه لإن ماعمري انهديت ، هذي الهديه الوحيده نوف استجمعت نفسها وقالت بهدوء : طيب ، ماقصرتي ورد احرجتيني ، جد انا ما استاهل طيبتك معي ورد : عليك بالعافيـه نوف سكتت ثواني وقالت بتردد : ورد ، انا اسفه لكن .. ممكن تعطيني مجوهراتك بعد ؟ لإني ماتجهزت ورد سكتت بُرهه تحاول تستوعب وقاحتها لوين وصلت ماقدرت ترفض وتنهّدت بضيق وطلعته من مكانه ، ومدته لها وقالت بهدوء : عاد هذا ماقدر اهديك اياه ، البسيه ورجعيه لي نوف سحبتّه بقوه وشدت عليه بين يدينها ، وانصدمت ورد من تصرفاتها ومن نظراتها ، طلعت نوف من البيت كلّه بدون ماتقول شكراً حتى ، ورد ندمت لكن تذكرت لإنها عطتها لوجه الله .. ليلى وقفت قدامها وقالت بحنان : مشكوره حبيبتي ماقصرتي هذا العشم فيك ، وترا نوف قلبها ابيض لكن اللي مرت فيه اجبرها تكون كذا حتى معانا ! • الموضوع الأصلي : رواية سحابة لو حملت جبال وحلوة لو شّربت المُر!/ البارت الثالث عشر || الكاتب : ضامية الشوق || المصدر : منتديات قصايد ليل
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية سحابة لو حملت جبال وحلوة لو شّربت المُر!/ البارت الثاني عشر | ضامية الشوق | …»●[الرويات والقصص المنقوله]●«… | 12 | 01-28-2021 05:08 PM |
| رواية سحابة لو حملت جبال وحلوة لو شّربت المُر!/ البارت التاسع | ضامية الشوق | …»●[الرويات والقصص المنقوله]●«… | 14 | 01-28-2021 05:06 PM |
| رواية سحابة لو حملت جبال وحلوة لو شّربت المُر!/ البارت الحادي عشر | ضامية الشوق | …»●[الرويات والقصص المنقوله]●«… | 15 | 01-28-2021 05:04 PM |
| رواية سحابة لو حملت جبال وحلوة لو شّربت المُر!/ البارت العاشر | ضامية الشوق | …»●[الرويات والقصص المنقوله]●«… | 13 | 01-28-2021 05:04 PM |
| رواية سحابة لو حملت جبال وحلوة لو شّربت المُر!/ البارت الثالث والرابع | ضامية الشوق | …»●[الرويات والقصص المنقوله]●«… | 12 | 12-27-2020 05:53 AM |
 |
العرض الشجري