مرثية الحب.

يا أكبـر قلـوب خلـق الله فـي ظنّـي
واعز ..واغلى عبـاد الله فـي عينـي

قامت ظنوني علـى الهامـش توزعّنـي
ياليتهـا وزعتـنـي بيـنـك وبيـنـي

قامت على اشلاف هجرانـك تقسّمنـي
وانـا شجاعـه.. وخانتنـي ميـادنـي

قـم ودّع الحـب مـن قلبـك وشيّعنـي
وخـل المراثـي.. ولا تنـدم وترثينـي

اتبـع خطـاوي هـواك ولا تطالعنـي
لي عاد زالت مـن عيونـك عناوينـي

قد قالهـا البعـد : لا ترجـع تجاملنـي
نزّل نجومـي.. ورجّـع لـي نياشينـي

قد قلت لـك : لا تْجاهلنـي وتخسرنـي
يوم ان يمديـك فـي قلبـي ..ويمدينـي

واليـوم ماعـاد يمـديـك اتّلاحقـنـي
ياشينك بـدون حبـي لـك ..وياشينـي

لا اقفيـت عـن لا تنادينـي وتنعبنـي
اودعني الصبر واكّل بي علـى سنينـي

لا.. كيف عذرك ..ولا يمكن ..ولا يعني
خلّهـا علـى الله يداويـك ويداويـنـي

بالأمـس عيّـا فـوادي لا يطاوعـنـي
وعن درب هجـرك يظللنـي ويثنينـي

كم شلت همّه عن متونـك علـى متنـي
وكم له على اشواك هجرانـك يسرّينـي

وكـم قلـت لـه لا تشقّينـي وتالمنـي
وانا اشهـد انـه ..مألمنـي ومشقينـي

واليـوم عـوَّد وانـا مقفـي ويتبعنـي
ميّت ..وانا مَيـت ..أرثـاه ويعزّينـي

دنيـاك ياصاحبـي ماعـاد تاسعـنـي
اطلق سراحي وحـررّ لـي جناحينـي

قـم ودّع الحـب ..والأولى...تودّعنـي
ودعّنـي ايليـن تشفابـي ..وتشفينـي

وان قلـت ابغـي فراقـك لا تصدّقنـي
صدقني ان قلت لك ....(عن لا تخلّيني )



مما راق لي..

الـــــــف شكــــر لـــكـ ع هالنقــــــل
ويعطيــــــكـ الـــف عافيــــــهـ
لاعدمنــــــاكـ


مع ودي ...

رائعه اختي

الله لايحرمنا منك

ماراق لكي راق لنا يالغاليه لاعدمناااك والله ...

دنيـاك ياصاحبـي ماعـاد تاسعـنـي
اطلق سراحي وحـررّ لـي جناحينـي

قـم ودّع الحـب ..والأولى...تودّعنـي
ودعّنـي ايليـن تشفابـي ..وتشفينـي


روعة ياغالي ثمنها