 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-01-2020
|
||||||||||
|
||||||||||
رواية الملك لله صحيح لكن انتى من بين خلق الله ملكي البارت السادس عشر
البارت السادس عشر ...
كتبتُ إلى الحبيبِ بكسْرِ عيني كتاباً ليسَ يقرأُهُ سواهُ . فأخبرني تورُّدُ وجنتيهِ وكسرُ جفونهِ أنْ قد قراهُ اليوم عزيمة مايد عشا ع سلامته ... وتجهيزات في بيت قوم بو مايد واقفه ع قدم وساق وسووا بوفيه برى ركبوا مكيفات في الحوش ورتبوا طاولات ... في قسم مايد كان يكلم اخته خلود: فهمتي عليه خلود: افا عليك فديتك تامر بس لو دخلت امل عليكم مايد: لا ان شاء الله ما بتدخل علينا بس انتي رتبي الموضوع .. خلود بخبث: ناوي ع شو يا مايد مايد بضيقه: مب ناوي ع شي لين الحين يوم بقعد عندها بعرف شو بسوي .. تنهدت خلود وطلعت برى ...اما مايد تنهد واتصل لخالد عقب رابع رنه رد: هممممم مايد بقهر: قوم بسك رقاد شبلاك الفترة هذي اتصل بك وما ترد الا اوقات معينه. خالد ما قال لمايد عن موضوع ملجتهم قال: ياخي مشغول ويا شباب .. مايد : ما بتي عندنا اليوم... خالد: ليش ؟؟ مايد: مسوين عشا ع سلامتي خالد يعدل يلسته: عازمين حد ولا بس رواحكم مايد: لا امايه عازمه قوم عمتيه وخالاتي اهليه يعني خالد بضيقه قال: ايوووووا ... مايد قال : خالد تعرف عليا خالد دق قلبه وقال بهدوء تام مع ضيقه: اي عليا مايد: عليا طليقتي خالد تنهد بضجر وقال: هي اذكرها بلاها مايد: بتي اليوم بيتنا خالد تفاجأ وقال: قوووول والله في ذمتك مايد يضحك وقال: هههه ها تولهت على اللي بالي بالك خالد ف خاطره شو يقول هذا معقوله يفكر يسوي فيها شي تنهد وقال بضجر: مايد لا يكون تفكر بسواياك الحقيرة مايد تنهد وقال: لين الحين لا بس يمكن اخذ منها شي بسيط خالد قال بحقاره: يا حيوان انته ما تتوب ما تشوف اللي انته فيه بسبب دعاويها ... مايد تنهد بضيق: هي ادري كلامك صح بس انا ابا منها شي بسيط خالد بغيره وعصبيه: شوووو تقول انته مينون والله انك مب صاحي مايد: لا تسوي عمرك شريف انا بس ابا منها حضن .. خالد بحقاره قال: تفووووو عليك خاف الله فيها .. مايد: المهم تعال انته وشوف بعينك خالد : غصبن عنك بي يلا جلب يهك وسكروا الخط ... نش خالد يتسبح ويفكر في عليا كيف يحميها من مايد هو يخاف مايد يقول لعليا ان خالد كان بعد وياه مشترك فالجريمه ساعتها بتطلب الطلاق وتعال فجج عاد عقب شو يقنعها عليا ... عند مايد اتصل بعليا بس ماردت دخلت امل وهي شاله ولدها وقالت: ها حبيبي اخبارك طالعها مايد بنص عين وقال: شعندج امل: اطمن عليك قلبي مايد: عني فدا روحه الجميل هاتى عندى امل تحيس بوزها وقالت : وانا مالي ترحيب مايد طنشها وتم يبوس ولده ويحبببه انقهرت منه امل ودخلت تسبح ... اما عند قوم عليوه كان الكل مستعد وعليا ما بتسير قالت انها بتسير عند شيخه وخواتها ..ساروا الجميع ...وعليا سارت عند العنود وخواتها ... كنت اظن ان للحب حدود ... فاكتشفت انه اعمى وليس له اي حدود ... في بيت العنود ... شيخه والعنود وحمدان يطالعون التلفزيون ويسولفون ويضحكون مع بعض انفج الباب ودخلت عليا وهي تسلم عليهن وانتبهت ان حمدان راح فوق من دون ما يسلم عليها .. شيخه : والله ي عليوه كبرتي واخيرا بتعرسين عليوه : فكيني بالله قسم بالله انه ضغط عليه انتى شو رايج انه من ملج عليه ماقد كلمته كله انقعه ف الانتظار العنود : ضغط عليج عشان توافقين عليوه وهي تروح فوق: نوعا ما ... بسير اشوف حمدان أبكي وتبكي معي حروف مخنوقة يمكن بسيطه لكن موجعه صدري ㅤ قلبي بـ حاجة كثير أشياء مفقوده المشكله ﻣﻥ سألني قِلتْ له مدري راحت فوق دقت الغرفة مارد عليها افتحت الباب وهي تشوفه منسدح ع الكرسي ويطالع تلفزيون سكرت الباب وقربت منه وقعدت مجابلتنه: شفيك ليش ما سلمت عليه حمدان طنشها وعليا قالت: ما تعودت منك الجفا ولا تعودت أشوف النظرة هاي في عيونك .. حمدان : مبروك سمعت انج صرتي لغيري عليا تنهدت : والله العظيم اني كيف وافقت ماعرف بس تقدر تقول ضاغط عليه نوعا ما ... حمدان نطر حوايبه وقال: هي اضحكي عليه بكمن كلمة عليوه راوته تلفونها وقالت : شوف المكالمات اغلبهن لم يتم الرد واغلب رسايله شو ردي ليش ماتردين ليش حاطتني انتظار صح سمعني لو في خاطري خليته جي يترجاني ولا لو انا اباه واحبه بخليه جي يذل عمره عليه ... تنهد حمدان وقال: عيل ليش وافقتي عليا : بصراحه كنت احبه حمدان عدل يلسته وبصدمه قال: تحبببييينه انتي من وين تعرفينه.. عليا بضيقه اضطرت تجذب عليه ما تبا تطيح من عينه اكثر يكفي سالفه ميود : من زمان كنت اعرف اخته وهو شافني وحبني وحبيته بس كان حب مراهقه وعقب رد وخطبني . حمدان ابتسم ابتسامه صفرا وقال: يدري انج مب بنت عليا: هيه يلا قوم يلس عندنا حمدان: مابا ضايق شوي عليا مسكت ايده وقالت : قوووم يلا والله اني احبك نفس ما احب اخواني عمري ما فكرت فيك نفس ما انته تفكر فيني تنهد بضيقه وقال: انزين عاد انا ما حبيتج حب اخوه وقال بطنازه حبيتج حب العشاق المتزوجين ... ضحكت عليا وقالت: حلاتك وانته معصب يلا قوم ... حمدان : عليا انا كل شي ممكن انساه الا الجذب والخيانه ... عليا تنهدت وقالت : والله احبببه مب بيدي ي حمدان بس مابا اجرحك .. لف ويهه عنها وطلع باكيت زقارة مسكت عليوه الباكيت وفرته وقالت بقهروعصبيه: ايوا انته هذا اللي فالح فيه بس تحرق صدرك بالسم هذا يوم انته ما تروم تواجهني تحرق صدرك بالسم هذا صح .. حمدان لف بعصبيه وشياطين الارض كلها ركبته ومسكها من جتوفها وقام يهزها بكل قوته وهو يقول: وانتي شو يخصجج فيننني عساني اموووت وارتاح من اللي انا فيه انتي شعليج ودفرها بقو ع شبريه .. وزفر بقووو وقعد الكرسي بتعب .. اما عليا تمت تبكي وقالت بقهر : انزين يعني اقسم عمري كم قسمه انته تباني وخالد يباني وعلي يباني كم نص اقسم نفسي ابدي منو ع منو حمدان بعصبيه اتجهه صوبها وقال وهو يهز كتوفها ويمسكها من كندورتها : منووو خالد ومنوووو علي منو هذيلا منووووووو تكلمي منووووووووو ومسكها بكل قوته ودفرها ع اليدار وصرخت من الم ضربه وقال بقهر وهو يثبتها ع اليدار: رمسسسي عليا خارت كل قواها وقالت له بتعب: حمدان دخيلك بس من ترضيض رضيت ظهري ع اليدار لين قلت بسسس حرام عليك حراممم .. حمدان مسكها من فكهاااا بكل قوته وهو يرص ع ضروسه وقال: منووووو خالد ومنوووو علي بترمسين ولالا ... عليا تبكي من قسوته وقالت وهي تحط ايدها ع ايده : كنتتت اكلمه حمدان اعتمى من الغيض وقال بعصبيه : شووووو ... تكلمينننه انتي ي عليوه معقوله مسكها بقو ودزها ع اليدار وصرخت بالم يلست عليوه وقالت وهي تصيح: حراممممم عليك حراممم ي حمدان تعبت بسسسك ضرب مسكت ايديه نزل لمستواها وقال وهو يرفع راسها وانفاسه متسارعه ومختلطه بانفاسها ليشششش ليششششش سويتي جيه ليشششششششش ي عليا ليششششششش كنت اظن انج غير البنات كنت اظن ان مالج مثيل ولكن للاسف خاب ظنننني خاب ظنننننني فيجج ي عليا .. عليا تمسح دموعها وقالت: كان يهددني بكل شي يهددني بصور وانه بيفضحني . حمدان صفعها كفففف وقال: دواااااج تستاهلين لو فضحج احسن كيف تامنين ع واحد وانتى ما تعرفينه .. عليا بتعب وقهر: مايد اللي مطرش له صوريه وهو مسكها عليه وقام يهددني فيها ان لو خبرت حد محد بيصدقني لانه الموضوع استوى عقب الملجة ومايد قالهم اني مب بنت عشان جيه لو وفى بوعده خالد وفضحني كلهم بيصدقون مايد وانى فعلا مب بنت وان فعلا خالد هو اللي اعتدى عليه مب مايد فهمت ... تنهد حمدان ومسح ع راسه بيده وهو يسمع كلام عليا وقال بقهر: حسبي الله ونعم الوكيل فيهم المفروض ما تساومين نفسج ع واحد نفس هذا خايس رديء خام ... عليا مسحت دموعها وقالت: خلاص الحين اللي صار صار ونحن عيال اليوم والموضوع انتهى وصرت حليلته ... حمدان تنهد بغيض وقال: قومي طلعي برى عشان ما اجرم فيج لان خلاص بدخل في قمة العصبية وبكسررر كل شي ع راسج .. عليا قربت منه وحمدان صدها وقال : لا تقربين مني عليا تتنهد : انزين مثل ما تبا ولكن يلا قوم عشان ننزل تحت... حمدان دفرها صوب الباب وقال: اطلعي برى ما تشوفين الباب ... ظهرت عليا عقب ما مسحت دموعها وسارت تحت ... تحت كانن شيخه والعنود يسولفن ويضحكن ويوم شيخه شافت عليا كيف متبهدله وكيف ويهها غادي قالت بخوف : بسم الله بلاج تصيحين شو صار بينكم ... عقت عليا عمرها عليها وتمت تصيح شيخه بحب: فدييتت عينج خلاص عليوه شو صار بينكم عليا تشهق: قلت له عن خالد وعلي شهقت شيخه وقالت: ليش ي المينونه ليششش عليا : بسسس خليه يكرهني خليه يلتفت لحياته شوي خليه يشوف عمره اتعب وانا اشوف نظرات الحب ف عيونه اتعب وانا اشوفه يحرق صدره بالسم هذا اللي يشررربه عشان شو عشان ينسى ليشش لو صدق كان في واحد يستاهلني وانا استاهله فهو حمدان بس ما بيدي شي كلكم تعرفون خالد وضغوطاته عليه كلكم تعرفون اللي يستوي ويايه اول باول تعبت والله تعبت ... حضنتها شيخه وقالت: عليا الحين ما ينفع الكلام انتى ع ذمه ريال ثاني وسمعي الحين انا بسير لحمدان وانتي يلسي عند العنود ... أقول للعين يوم الفراق، وقد فاضت بدمع على الخدين مستبق . تزودي اليوم من تودعيهم نظراً ففي غد، تفرغي للدمع والأرق سارت شيخه فوق ودخلت قسمه ولقت كل شي مكسر المزهريه العطور كسر المرايه بطفاية وطفايه متناثرة ع الارض طالعته شافته واقف ع باب الحمام ويحاول ياخذ نفسه وينظم نفسسسسه المتسارع طالعها بطرف عينه وقربت منه وهي تمسك ايده توها بتتكلم عق عمره عليها وهو يقول: تعبتتت والله ما توقعت انها بتكسرني بها طريقة حضنته شيخه وقالت بحب: الله بيعوضك بالاجمل يارب حمدان يشد ع حضن شيخه وقال : محد يعوضني مكانها ... استغربت شيخه بل انصدمت من الحرارة اللي لامست خدها بعدت حمدان عنها وشافت دموعه لف عنها بسرررعه عشان يداري دموعه وشيخه بخوف قالت : لهدرجه انته متعذب حمدان وهو لاف عنها : واكثر من جي انا ما بجاملكم بقولكم صدق عليا متربعه وسط قلبي . شيخه لفت وييه صوبها وقالت : يا عيون اختك ان كان لها نصيب وياك ترا عيونك بتشوفه حمدان ابتسم بآلم وقال: ما عاد يمدي الوقت خلاص صارت له .. تنهدت شيخه بحيره وقالت : الله كريم اما تحت عقب ما هدت عليا استاذنت وراحت البيت ... طلعت العنود توصلها لين الدروازه وكملت عليا تمشي لين البيت اول ما وصلت البيت شافت سيارة خالد تنهدت اكيد يالس في الميلس دخلت من دروازه بس تفاجات بحضنه من ورى وهو يقول: وين الحلو اليوم بلاه مايرد عليه حست بقشعريرة في جسمها وقالت: وين يعني فالبيت لفها خالد صوبه وقال بحب: وانا بس اللي كله اتصل ردت عليا بتعب وملل وهي تقول: والله مالي خاطر ع العتاب . خالد انتبه ع عيونها وقال: بسم الله عليج بلاج كنتي تصيحين حد قالج شي عليا تنهدت بتعب: لا كنت بيت قوم بو حمدان وتذكرنا امهم وسوالفها وقعدنا نصيح .. خالد بحب حضنها وهو يمسح ع راسها وقال: الله يرحمها فديتج يلا عاد مابا دموع عقب اليوم .. بعدت عنه وقالت: مب قدام الساير وراد انته تحضن في شي اسمه بيت وستر عن الناس .. خالد لفها له وقال: والله لو جدام الملا كله محد يهمني ابتسمت ابتسامه باهته وسارت داخل البيت وخالد تبعها ودخل وياها .. قعد ع الكراسي وقال لعليا : تعالي عندي شوي عليا قربت منه ويلست عداله: هلا خالد لف جسمه عليها وحط ايده ورى ظهرها وايده ثانية ماسك ايدها ويطالع ويهها وقال: وغلاتج يا عليا ما اكون في يوم من الايام سبب لدموعج انها تذرف واكون انا لج كل شي قربها منه زود وقال: ودي ادخلج بين ضلوعي ودي والله ودي محد يشوفج كلهم يعتمون عنج الا انا اتم شمعة حياتج تنهدت بتعب عليا وهي تسمع كلامه رفعت عينها تتامل ملامحه الحاده عيونه رموشه خشمه شفايفة وخدوده اذنيه لحيته المحدده وقرب منها خالد وهو يقول: انا كلي لج يا نبض قلبي تامليني ع راحتج ابتسمت بهدوء ورفعت مره ثانيه عيونها وهي تقول : ودي اصدق ان اللي قدامي انته وان صدق ما عدت ... حط صبعه على شفايفها وقرب منها اكثر وهمس في اذنننها اشششش مب وقت الماضي وتقليب المواجع الماضي لا صار رماد ما يرجع يمر (جمر) ومرر ايده على ويهها وأبتسم يوم حس ان انفاسها بدت تتسارع وفج شيله عنها ونثر شعرها وبدى يحسس على رقبتها وباسسسس رقبتها ببطء ورفع شوي وعض شحمة اذنها بخفيف وحس ان تنفسها بدا يتسارع ولعب بيده بشعرها القصير اللي يوصل لين تحت كتوفها بشوي وهمس بدفء صوته ممزوج بحنية وحب: فديتتتج قرب منها زود وهو يمص رقبتها ببطء بعد عنها وهو يقول باحراج : ابد مافي مقاومه عيبج الوضع ها ... حطت ايديها على ويهها ودفنت راسها بحضنه باحراج اصلا هي كانت في عالم ثاني عالمها هي وخالد بسسس ما توقعت انه بيحرجها .. ضحك خالد وقال: فديييييت اللي يستحون حط ايده ورى ظهرها وقربها منه زود وقال وهو يشوف الويه الوان قوس قزح : كلي لج انا واحساسي وكل شي .. ابتسمت بهدوء وهي تقول: فديت روحك حضنها خالد وشد ع حضنها وغمض عيونه يبا يطرد اذكار ذاك اليوم اللي سمع فيه كلام مايد وخلود يبا يطرد كل هالذكريات لان هو عارف عليا لو درت بتزعل عليه وبتسوي سالفه وبتطلب طلاق خصوصا انه تعاون ويا مايد وسلب منها اعز ما تملك شد اكثر ع حضنها وهو يقول: الله لا يغير علينا الا للاحسن ... بادلته الحضن عليا كانت محتاجه حضن محتاجه صدر مفتوح لها حاوطته بيديها وقالت بهمس ضيع مشاعر خالد كلها: اعشقك عشق ماله حدود وحبك حب ما يعلم فيه الا الله شدت اكثر ع حضنه وهي تكمل كلامها: ليتهم يعرفون بحبك وغيرتك عليه وليتهم يشوفون الخوف في عيونك عليه محد بيلومني انى حبيتك واخترتك بينهم كلهم .. على كثر ما استانس بكلامها ع كثر ماحس بضيقه من اللي سواه فيها ويا مايد لين اليوم تانيب ضمير يانبه خايف يخسرها فكرة انه يخسرها من يديد تتعبه وايد وتعب قلبه وياه بعد عن حضنها وقال وهو يرفع راسها وعيونه تعانق عيونها : احبج واموووت فيييج ما ودي اخسرج . نزلت عيونها بحيا واكتفت بمسكة ايده وشدت عليها كانها تقول له انا بعد مابا اخسرك واحبك .. تنهد خالد وقال: ما ودي اروح بس لازم الوقت تاخر الحين بياذن العشا بروح قبل لا يوون هلج. هزت راسها بهيه وحمد ربه ان عليا ما راحت بس لف وسالها: انتي بتروحين عندهم .. عليا تهز راسها بمعنى لا.. تطمن خالد وطلع عنها ... انتهى البارت مخرج : رجعيني حيييل كانك تقدرين ! أنا بصير أوّل بلا إحساس و حياة . 
 
|
|
10-03-2020
|
#8 | ||
|
اقتباس:
اسعدني تواجدك الرائع بمتصفحي لا حرمني الله روعة وصالك كل الود وباقة ورد’ |
||
|
|
|
10-03-2020
|
#9 | ||
|
اقتباس:
اسعدني تواجدك الرائع بمتصفحي لا حرمني الله روعة وصالك كل الود وباقة ورد’ |
||
|
|
|
10-03-2020
|
#10 | ||
|
اقتباس:
اسعدني تواجدك الرائع بمتصفحي لا حرمني الله روعة وصالك كل الود وباقة ورد’ |
||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
العرض العادي
