بيت خيــاط

.
.

مدخل :-
تباشروا بغيابها ..يــــــــــــا عواذيل
حبيبتي راحــــــــت.. ولا رحت معها
علمي بها تروي جفاف المناديل
بين الدروب اللي على الله سنعها

(( بيت خياط ))

بعض البشـر اربــع وعشرين قيراط
مــا ينـوزن... الا بميـزان الالمـاس
والبعض الاخــر انتهــازي وخـــراط
مـا يتعــدل .....الا بالاقــدام ينـداس
وبعض البشر اسلوبه اسلوب ضباط
مغــرور بالرتبه وهي قطعة نحاس
والبعض لا سولف تقل صوت خلاط
ما فيـــه لا ذمـه ولا عنـده احساس
والبعض متمدد تقــل طيـر وطــواط
لا نافــع(ن) نفسه ولا نافــع الناس
والبعض تقـل نسمـه بأخــر شبـــاط
يحسسك لازم علـــى الراس ينباس
والبعض مثل غــراب بالمشي نطاط
ان كلمـك... تحسـه معبـي الطــاس
والبعض متلولس مثـل حبـــل مطاط
مره على رجليك ومره على الراس
حيـاة البشـر حيـره تقـل بيت خيــاط
قمـاش متنــاثـر وكـل قطعـه لنـاس

بقلمي / عيسى العنزي

مخرج :-

بغيابها كـــــــــــــن الاوادم تماثيل

عيني تشوف وشوفها مـــــانفعها

من يوم غابت شمسها ليلهــا ليل

الغيبه اللي خاطري مـــــا وسعها

ماشاء الله تبارك الله اخوي عيسى
كلمات فاتنه ومتقنه

الله يعطيك العافية وب انتظار جديدك

اعجابي وتقييمي و5ستارز

خطير ياعيسى
والله يااني اقرأ واضحك من التشبيهااات
خخخخخخخخخ
فناااان

صح لسااااانك ملياااااار

صح لسانك اخوي
والله انك صادق في كل شي كتبته
البعض مدرب وش يبغى في الحياة

صح منطوقك
واصابع اليدين ماهي بسوى
بعضهم ذهب وبعضهم فالصو

قصيده طيبه في محتواها ومعناها
بيض الله وجهك

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـًم العآفية ..ولـآحرَمنآ منَكـًم
بإنتظَآرَجَديِدكًـم بشغفَ

صح لسانك

بين هذا وهذاك مجدت في هذا
وجلدت هذاك باسلوبك القوي

بردت كبدي في بعض البشر
على طريقتك

صح لسانك
قصيده جميله جدا ونالت الاعجاب

قصيده قميله صح لسانك

سلمت الأنااامل

وسعدت بمشاااركتك صفحتك

الله يسعدك ويوفقك لجماال ما شاهدنااه

يعطيك العااافيه

شاكره لك

صح منطقوقككك


ودي