ولا واحد أظـن يسلَمْ؟!!

منايا وليل فد أظلمْ
وحال بحال ما يعلمْ
كلها تصب حقد عالناس
ولا واحد أظـن يسلَمْ

:/:/:/

الكراسي مو مُلِك تأجير
ودين انباع للتطبير
بايع والتريده ايصير

سمسم گول لا تلهَمْ
ولا واحد أظـن يسلَمْ

:/:/:/

منايا وذيب حشّم ذيب
خافو من جرحنه ايطيب
ابتلينه بدولة التنصيب

وين الكلشي مايرهَمْ
ولا واحد أظـن يسلَمْ

:/:/:/

نبني گبور فوگ گبور
تابوت الشهم مكسور
الدمع مايوصل العاشور

وشايف حالنه اليعلَمْ
ولا واحد أظـن يسلَمْ